For Quick Alerts
ALLOW NOTIFICATIONS  
For Daily Alerts

ಈ ರೀತಿಯೆಲ್ಲಾ ನಿಮಗೆ ಅನಿಸುತ್ತಿದ್ದರೆ ನಿಮ್ಮಿಂದ ದಾಂಪತ್ಯ ಹಾಳಾಗಬಹುದು ಹುಷಾರ್ ಕಣ್ರೀ!

By Shreeraksha
|

ತಪ್ಪು ಮಾಡುವುದು ಸಹಜ ಅದನ್ನು ತಿದ್ದಿಕೊಳ್ಳುವುದು ಮನುಜ ಎಂಬ ಮಾತಿದೆ. ದಾಂಪತ್ಯದಲ್ಲಿ ಕೆಲವೊಮ್ಮೆ ಅಂಥ ಸಣ್ಣ-ಪುಟ್ಟ ತಪ್ಪುಗಳು ಆಗುವುದುಂಟು, ಮನಸ್ಸು ಒಂದು ಕ್ಷಣ ಜಾರಬಹುದು ಆದರೆ ತಕ್ಷಣವೇ ಅದನ್ನು ಅರಿತುಕೊಂಡು ತಿದ್ದಿಕೊಳ್ಳಲು ಪ್ರಯತ್ನಿಸಿದರೆ ಏನೂ ತೊಂದರೆಯಾಗಲ್ಲ. ಇಲ್ಲದಿದ್ದರೆ ಮುಂದೆ ವಿಚ್ಛೇದನ ಹಂತಕ್ಕೆ ಬರಬಹುದು. ಮದುವೆಯಾಗಿ ವರ್ಷಗಳು ಕಳೆಯುತ್ತಿದ್ದಂತೆ ಗಂಡ-ಹೆಂಡತಿ ತಮ್ಮ-ತಮ್ಮ ಕೆಲಸದಲ್ಲಿ ಮಗ್ನರಾಗಬಹುದು. ಗಂಡ-ಹೆಂಡತಿ ಪಪರಸ್ಪರ ಸಮಯ ಕೊಡುವುದು ಕಡಿಮೆಯಾಗುವುದು, ರೊಮ್ಯಾನ್ಸ್ ಕೂಡ ಕಡಿಮೆಯಾಗುವುದು. ಆದರೆ ಆ ಸಮಯದಲ್ಲಿ ಕೆಲವರ ಮನಸ್ಸು ಇತರ ವ್ಯಕ್ತಿ ಕಡೆ ಆಕರ್ಷಣೆಗೆ ಒಳಗಾಗುವ ಸಾಧ್ಯತೆ ಹೆಚ್ಚು.

ಜೊತೆಗೆ ಕೆಲಸ ಮಾಡುವವರ ಜೊತೆ ಅಥವಾ ಸ್ನೇಹಿತ/ಸ್ನೇಹಿತೆ ಅಥವಾ ಹೊಸದಾಗಿ ಪರಿಚಯವಾದ ವ್ಯಕ್ತಿ ಕಡೆಗೆ ಹೊಸ ಆಕರ್ಷಣೆ ಮೂಡಬಹುದು, ಆದರೆ ಅದಕ್ಕೆ ಪ್ರಾರಂಭದಲ್ಲಿಯೇ ಕಡಿವಾಣ ಹಾಕಿದರೆ ನಾವು ತಪ್ಪು ಹಾದಿಗೆ ಜಾರುವುದನ್ನು ತಪ್ಪಿಸಬಹುದು, ನಮ್ಮ ದಾಂಪತ್ಯವನ್ನು ಗಟ್ಟಿಯಾಗಿಸಬಹುದು.

ನಿಮ್ಮ ಮನಸ್ಸಿನಲ್ಲಿ ಈ ರೀತಿಯ ತಳಮಳ ಇದ್ದರೆ ಸಂಸಾರಕ್ಕೆ ಅಪಾಯ ತಪ್ಪಿದ್ದಲ್ಲ......

# ನಿಮ್ಮ ಮನಸ್ಸು ಯಾವಾಗಲೂ ಬೇರೆ ವ್ಯಕ್ತಿಯ ಬಗ್ಗೆ ಯೋಚಿಸುವುದು

# ನಿಮ್ಮ ಮನಸ್ಸು ಯಾವಾಗಲೂ ಬೇರೆ ವ್ಯಕ್ತಿಯ ಬಗ್ಗೆ ಯೋಚಿಸುವುದು

ನೀವು ನಿರಂತರವಾಗಿ ಯಾವುದೋ ವ್ಯಕ್ತಿಯ ಬಗ್ಗೆ ಯೋಚನೆ ಮಾಡುತ್ತಿದ್ದರೆ ಒಂದು ಬಾರಿ ಸ್ವಯಂ ಕೇಳಿಕೊಳ್ಳಿ, ಯಾರು ಆ ವ್ಯಕ್ತಿ ಎಂದು?.. ಕೇವಲ ಸ್ನೇಹಿತರಾಗಿದ್ದರೆ, ಅವರ ಬಗ್ಗೆ ನಿರಂತರವಾಗಿ ಯೋಚಿಸುವುದಿಲ್ಲ. ಯಾವಾಗ ಸ್ನೇಹಿತರಿಗಿಂತ ಹೆಚ್ಚಿನ ಸಂಪರ್ಕವನ್ನು ಹೊಂದಲು ಬಯಸುತ್ತೇವೋ ಆಗ ಅವರ ಬಗ್ಗೆ ನಿರಂತರವಾಗಿ ಯೋಚನೆ ಮಾಡುತ್ತಲೇ ಇರುತ್ತೇವೆ. ಇದು ನಿಮ್ಮ ಸಂಬಂಧಕ್ಕೆ ಅಪಾಯಕಾರಿಯಾಗಿದೆ.

# ನಿಮ್ಮ ಸಂಗಾತಿಯೊಂದಿಗೆ ನಿಮ್ಮ

# ನಿಮ್ಮ ಸಂಗಾತಿಯೊಂದಿಗೆ ನಿಮ್ಮ "ಸ್ನೇಹಿತ"ನನ್ನು ಹೋಲಿಸುವುದು:

ನಿಮ್ಮ ಜೀವನದಲ್ಲಿ ಇಬ್ಬರು ವ್ಯಕ್ತಿಗಳನ್ನು ಹೋಲಿಕೆ ಮಾಡಿದರೆ, ಸಮಸ್ಯೆಗಳಾಗುತ್ತವೆ. ನಿಮ್ಮ ಸಂಗಾತಿಯು ನಿಮ್ಮ ಸ್ನೇಹಿತರು, ಕುಟುಂಬ ಮತ್ತು ಸಹೋದ್ಯೋಗಿಗಳಿಗಿಂತ ಪ್ರತ್ಯೇಕವಾಗಿರುತ್ತದೆ. ಆದ್ದರಿಂದ ಹೋಲಿಕೆ ಮಾಡಬಾರದು. ಹೀಗೆ ಮಾಡುತ್ತಿದ್ದರೆ, ಇದು ಅಪಾಯಕಾರಿ ಲಕ್ಷಣವಾಗಿದೆ.

 # ನೀವು ಹೆಚ್ಚು ಹೆಚ್ಚು ಸಮಯವನ್ನು ಒಟ್ಟಿಗೆ ಕಳೆಯುವುದು:

# ನೀವು ಹೆಚ್ಚು ಹೆಚ್ಚು ಸಮಯವನ್ನು ಒಟ್ಟಿಗೆ ಕಳೆಯುವುದು:

ಸಾಮಾನ್ಯವಾಗಿ ನೀವು ಹತ್ತಿರವಿರುವ ಜನರೊಂದಿಗೆ ಸಮಯ ಕಳೆಯುತ್ತೀರಿ, ಆದರೆ ನೀವು ಈ ವ್ಯಕ್ತಿಯೊಂದಿಗೆ ಕಳೆಯುವ ಸಮಯವು ಹೆಚ್ಚಾಗುತ್ತಿದೆ ಎಂದು ನಿಮಗನಿಸಿದರೆ, ಅದು ಏಕೆ ಎಂದು ಪ್ರಶ್ನಿಸಿ. ನಿಮ್ಮ ಸಂಬಂಧದ ಆಧಾರವು ಬದಲಾಗುತ್ತಿದೆಯೇ ಎಂಬುದನ್ನು ಗಮನಿಸಿ, ಅದಕ್ಕೆ ಕಡಿವಾಣ ಹಾಕಿ.

# ನಿಮ್ಮ ರಹಸ್ಯಗಳನ್ನು ಆ ವ್ಯಕ್ತಿಗೆ ತಿಳಿಸುವುದು:

# ನಿಮ್ಮ ರಹಸ್ಯಗಳನ್ನು ಆ ವ್ಯಕ್ತಿಗೆ ತಿಳಿಸುವುದು:

ನಿಮ್ಮ ಸಂಗಾತಿಯನ್ನು ಹೊರತುಪಡಿಸಿ ಬೇರೆ ಯಾರೊಂದಿಗೂ ಹಂಚಿಕೊಳ್ಳಬಾರದ ಕೆಲವು ವಿಷಯಗಳಿವೆ. ಆದರೆ ಅಂಥ ವಿಷಯವನ್ನೂ ನೀವು ಆ ವ್ಯಕ್ತಿಯೊಂದಿಗೆ ಹಂಚಿಕೊಳ್ಳುತ್ತಿದ್ದರೆ ದಾಂಪತ್ಯಕ್ಕೆ ದ್ರೋಹ ಮಾಡುತ್ತಿದ್ದೀರಿ ಎಂದರ್ಥ.

# ಆ ವ್ಯಕ್ತಿಯ ಬಗ್ಗೆ ನಿಮ್ಮ ಸಂಗಾತಿಗೆ ಹೆಚ್ಚು ಹೇಳದೇ ಇರುವುದು:

# ಆ ವ್ಯಕ್ತಿಯ ಬಗ್ಗೆ ನಿಮ್ಮ ಸಂಗಾತಿಗೆ ಹೆಚ್ಚು ಹೇಳದೇ ಇರುವುದು:

ನೀವು ಸ್ನೇಹಿತನನ್ನು ನೋಡಲು ಹೋಗುತ್ತಿದ್ದರೆ, ಅದನ್ನು ನೇರವಾಗಿ ನಿಮ್ಮ ಸಂಗಾತಿಗೆ ಹೇಳಬಹುದು, ಒಂದು ವೇಳೆ ಹೇಳದೇ ಭೇಟಿಯಾದರೆ ಅಥವಾ ಆ ವ್ಯಕ್ತಿಯ ಹೆಸರನ್ನೇ ಮರೆಮಾಚಿದರೆ, ನೀವು ದಾಂಪತ್ಯಕ್ಕೆ ಮಾಡುವ ಮೋಸ ಎನ್ನಬಹುದು.

# ನಿಮ್ಮ ಸಂಗಾತಿಯೊಂದಿಗೆ ಕಡಿಮೆ ಸಂಪರ್ಕದಲ್ಲಿರುವಿರಿ:

# ನಿಮ್ಮ ಸಂಗಾತಿಯೊಂದಿಗೆ ಕಡಿಮೆ ಸಂಪರ್ಕದಲ್ಲಿರುವಿರಿ:

ನಿಮ್ಮ ಸಂಗಾತಿಯೊಂದಿಗಿನ ಲೈಂಗಿಕ ಜೀವನವು ತೃಪ್ತಿದಾಯಕವಾಗಿರುವುದಿಲ್ಲ ಹಾಗೂ ಅವರ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ನಿಮ್ಮ ಮನಸ್ಸು ಇನ್ನೊಬ್ಬ ವ್ಯಕ್ತಿಯ ಮೇಲೆ ಇದ್ದಾಗ ನೀವು ಸಂಗಾತಿಯೊಂದಿಗೆ ಸಹಕರಿಸುವುದು ಕಡಿಮೆಯಾಗಬಹುದು.

# ಆ ವ್ಯಕ್ತಿಯ ಮುಂದೆ ನೀವು ಅತ್ಯುತ್ತಮವಾಗಿ ಕಾಣಲು ಪ್ರಯತ್ನಿಸುತ್ತೀರಿ:

# ಆ ವ್ಯಕ್ತಿಯ ಮುಂದೆ ನೀವು ಅತ್ಯುತ್ತಮವಾಗಿ ಕಾಣಲು ಪ್ರಯತ್ನಿಸುತ್ತೀರಿ:

ಆ ವ್ಯಕ್ತಿಯ ಮುಂದೆ ನೀವು ಚೆನ್ನಾಗಿ ಕಾಣಬೇಕು ಎಂದು ಬಯಸುತ್ತೀರಿ, ಅವರನ್ನು ಮೆಚ್ಚಿಸಲು ಪ್ರಯತ್ನಿಸುವುದು ಇವೆಲ್ಲಾ ನಿಮ್ಮ ದಾಂಪತ್ಯ ಜೀವನಕ್ಕೆ ನಿಮ್ಮಿಂದ ಮೋಸವಾಗುವ ಲಕ್ಷಣಗಳಾಗಿವೆ.

# ನೀವು ಹೊಂದಿರುವ ಸಂಪರ್ಕವನ್ನು ನಿರಾಕರಿಸಲು ಸಾಧ್ಯವಾಗದಿರುವುದು:

# ನೀವು ಹೊಂದಿರುವ ಸಂಪರ್ಕವನ್ನು ನಿರಾಕರಿಸಲು ಸಾಧ್ಯವಾಗದಿರುವುದು:

ಆ ವ್ಯಕ್ತಿ ಜೊತೆ ಮಾತನಾಡದೆ ಇರಲು ಸಾಧ್ಯವಾಗುತ್ತಿಲ್ಲ, ಅವರು ಬೇಕೇಬೇಕು ಎಂದು ಅನಿಸಲಾರಂಭಿಸಿದರೆ ಆ ಬಗ್ಗೆ ಎಚ್ಚೆತ್ತುಕೊಳ್ಳಿ. ಅದರಿಂದ ನಿಮ್ಮ ಸಂಬಂಧಕ್ಕೆ ಹಾನಿಯಾಗಬಹುದು ಎಂದು ಅನಿಸಿದರೆ ನಿಮ್ಮ ಮನಸ್ಸನ್ನು ನಿಯಂತ್ರಿಸಲೇಬೇಕು.

# ಅವರಿಗೆ ಮೆಸೇಜ್‌ ಕಳುಹಿಸುವುದು:

# ಅವರಿಗೆ ಮೆಸೇಜ್‌ ಕಳುಹಿಸುವುದು:

ನಿಮ್ಮ ಸಂಗಾತಿಯೊಂದಿಗೆ ನೀವು ಮನೆಯಲ್ಲಿದ್ದಾಗ ಕೂಡ ನೀವು ಆ ಇನ್ನೊಬ್ಬ ವ್ಯಕ್ತಿಗೆ ಮೆಸೇಜ್ ಕಳುಹಿಸಿಸುವುದು, ಅವರ ಬಗ್ಗೆ ಆಸಕ್ತಿ ವಹಿಸುತ್ತಿದ್ದೀರಿ ಎಂದಾದರೆ ಅದು ದಾಂಪತ್ಯ ದ್ರೋಹದ ಸಂಕೇತವಾಗಿದೆ.

# ಅವರು ನಿಮ್ಮ ಕನಸಲ್ಲಿ ಬರಲಾರಂಭಿಸುತ್ತಾರೆ:

# ಅವರು ನಿಮ್ಮ ಕನಸಲ್ಲಿ ಬರಲಾರಂಭಿಸುತ್ತಾರೆ:

ನಿಮ್ಮ ಕನಸುಗಳ ಮೇಲೆ ನಿಮಗೆ ಸಂಪೂರ್ಣ ನಿಯಂತ್ರಣವಿಲ್ಲ ಆದರೆ ನೀವು ಒಬ್ಬ ವ್ಯಕ್ತಿಯ ಬಗ್ಗೆ ಹೆಚ್ಚು ಯೋಚಿಸುತ್ತಿದ್ದರೆ, ವಿಶೇಷವಾಗಿ ಮಲಗುವ ಮೊದಲು, ಅವರು ನಿಮ್ಮ ಕನಸಿನಲ್ಲಿ ಬರುವ ಸಾಧ್ಯತೆಗಳಿವೆ. ಇದು ಕೂಡ ನಿಮ್ಮ ಮನಸ್ಸು ಹಾದಿ ತಪ್ಪಿದೆ ಎಂದು ಸುಚಿಸುತ್ತೆ.

# ಅವರನ್ನು ನೋಡಿದಾಗ ನಿಮ್ಮ ಪ್ರತಿಕ್ರಿಯೆ ಬದಲಾಗುವುದು:

# ಅವರನ್ನು ನೋಡಿದಾಗ ನಿಮ್ಮ ಪ್ರತಿಕ್ರಿಯೆ ಬದಲಾಗುವುದು:

ಆ ವ್ಯಕ್ತಿಯನ್ನು ನೋಡಲು ಏನೋ ಕಾತರ, ಅವರ ಮಾತು ಕೇಳಿದಾಗ ಹೊಟ್ಟೆಯಲ್ಲಿ ಚಿಟ್ಟೆ ಬಿಟ್ಟಂತಾಗುವುದು ಈ ರೀತಿಯೆಲ್ಲಾ ಅನಿಸುತ್ತಿದ್ದರೆ ನೀವು ಎಚ್ಚೆತ್ತುಕೊಮಡರೆ ಒಳ್ಳೆಯದು.

# ನಿಮ್ಮ ಸ್ಥಾನ ಬೇರೊಬ್ಬರಿಗೆ ನೀಡಿದ್ದಾರೆ ಎಂದೆನಿಸುವುದು:

ನೀವು ಮಾಡುತ್ತಿರುವಂತೆಯೇ ನಿಮ್ಮ ಸಂಗಾತಿಯೂ ಮಾಡುತ್ತಿದ್ದರೆ, ನೀವು ಅದರ ಬಗ್ಗೆ ಸಂತೋಷಪಡುತ್ತೀರಾ? ಅಥವಾ ದ್ರೋಹವೆಂದು ಭಾವಿಸುವಿರಾ? ಉತ್ತರವು 'ಹೌದು' ಆಗಿದ್ದರೆ, ನೀವೇನು ಮಾಡುತ್ತಿದ್ದೀರಿ ಎಂಬುದನ್ನು ಒಮ್ಮೆ ಯೋಚಿಸಿ. ಆಗ ನೀವೇನು ಮಾಡಬೇಕು ಎಂಬ ಉತ್ತರ ಸಿಗುತ್ತೆ.

English summary

Signs Of Emotional Infidelity That Cross The Red Line in Kannada

Here we talking about Signs Of Emotional Infidelity That Cross The Red Line in Kannada
X
Desktop Bottom Promotion