Just In
- 12 min ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 9 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 9 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 10 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- News karnataka Rain: ಬೆಂಗಳೂರಿನಲ್ಲಿ ಏ.23ರವರೆಗೆ ಮಳೆ- ಬೆಳಗಾವಿ ಮಂದಿಗೆ ಕುಂದಾ ಕೊಟ್ಟ ವರುಣ ಧಾರವಾಡ ಮಂದಿಗಿಂದು ಪೇಡಾ ಕೊಡ್ತಾನಾ?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Movies Neha Murder Case: ನೇಹಾ ಹತ್ಯೆ ಅಪರಾಧಿಗೆ ಅತ್ಯುಗ್ರ ಶಿಕ್ಷೆ ನೀಡಬೇಕು ಎಂದು ಸಿನಿಮಾ ತಾರೆಯರ ಆಗ್ರಹ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರೀತಿಯ ವಿಚಾರದಲ್ಲಿ ಆಕೆಯನ್ನು ಅರ್ಥ ಮಾಡಿಕೊಳ್ಳುವುದು ಹೇಗೆ?
ಎರಡು ಜೀವಗಳು ಪರಸ್ಪರ ಮಾತನಾಡುತ್ತಾ, ಭಾವನೆಗಳನ್ನು ಹಂಚಿಕೊಳ್ಳುತ್ತಾ, ಸುಖ ದುಃಖದಲ್ಲಿ ಭಾಗಿಯಾಗುತ್ತಿರುವುದೇ ಪ್ರೀತಿ ಎನ್ನುತ್ತೇವೆ. ಆದರೆ ಹುಡುಗನಿಗೆ ತನ್ನ ಹುಡುಗಿ ಎಷ್ಟರ ಮಟ್ಟಿಗೆ ಈ ಸಂಬಂಧಕ್ಕೆ ಬದ್ಧಳಾಗಿದ್ದಾಳೆ ಎಂದು ನೋಡುವಂತಹ ತವಕ. ಇದು ಸಾಮಾನ್ಯವಾಗಿ ಪ್ರತಿಯೊಬ್ಬ ಹುಡುಗರಲ್ಲೂ ಇರುತ್ತದೆ. ಈ ಸಂಬಂಧದ ಬಗ್ಗೆ ಹುಡುಗಿ ಎಷ್ಟು ಗಂಭೀರವಾಗಿದ್ದಾಳೆ ಎಂದು ಆತ ಅರಿಯಲು ಪ್ರಯತ್ನಿಸುತ್ತಾನೆ.
ಆದರೆ ಕೆಲವೊಂದು ಸಂಜ್ಞೆಗಳು ಆಕೆಯು ಈ ಸಂಬಂಧದಲ್ಲಿ ಎಷ್ಟು ಗಂಭೀರವಾಗಿದ್ದಾಳೆ ಎನ್ನುವುದನ್ನು ತೋರಿಸಿಕೊಡುತ್ತದೆ. ಹುಡುಗಿಯರು ಆರಂಭಧಲ್ಲಿ ಆಕರ್ಷಣೆ ಬಳಿಕ ಸಂಬಂಧದಲ್ಲಿ ತುಂಬಾ ಗಂಭೀರವಾಗುವರು. ಹೆಚ್ಚಿನ ಪುರುಷರು ಕೂಡ ಇದನ್ನೇ ಬಯಸುತ್ತಾರೆ. ಇಬ್ಬರು ಕೂಡ ಸಂಬಂಧದಲ್ಲಿ ತುಂಬಾ ಗಂಭೀರವಾಗಿದ್ದರೆ ಆಗ ಬದ್ಧತೆ ಇರುವುದು. ಹುಡುಗಿ ನಿಮ್ಮ ಬಗ್ಗೆ ಗಂಭೀರವಾಗಿದ್ದಾಳೆಯಾ? ಆಕೆಗೆ ನಿಮ್ಮಲ್ಲಿ ಆಸಕ್ತಿಯಿದೆಯಾ ಎಂದು ತಿಳಿಯಲು ಕೆಲವೊಂದು ಸಂಜ್ಞೆಗಳನ್ನು ಅರಿತುಕೊಳ್ಳಬೇಕು. ಇದು ಯಾವುದೆಂದು ನೀವು ಈ ಲೇಖನದ ಮೂಲಕ ತಿಳಿಯಿರಿ...
ಎಲ್ಲಾ ಏಳುಬೀಳುಗಳಲ್ಲಿ ನಿಮ್ಮ ಜತೆಗಿರುವಳು
ನೀವು ಸಮಸ್ಯೆಗಳನ್ನು ಎದುರಿಸುವಾಗ ಆಕೆ ನಿಮ್ಮನ್ನು ಏಕಾಂಗಿಯಾಗಿಸುವುದಿಲ್ಲ. ತುಂಬಾ ಕಠಿಣ ಪರಿಸ್ಥಿತಿಯಲ್ಲೂ ಆಕೆ ನಿಮ್ಮೊಂದಿಗೆ ಇರುವಳು. ಗಂಭೀರ ಸಮಸ್ಯೆಗಳಿರುವಾಗ ಆಕೆ ನಿಮಗೆ ಬೆಂಬಲವಾಗಿ ನಿಲ್ಲುವಳು. ನಿಮ್ಮ ಏಳಿಗೆಯಲ್ಲಿ ಆಕೆಗೆ ಆಸಕ್ತಿಯಿರುವುದು ಮತ್ತು ಕಠಿಣ ಪರಿಸ್ಥಿತಿ ಎದುರಿಸುವಾಗ ಹೆಗಲಿಗೆ ಹೆಗಲು ಕೊಟ್ಟು ನಿಲ್ಲುವಳು. ಸಂಬಂಧದ ಬಗ್ಗೆ ಗಂಭೀರವಾಗಿದ್ದಾಳೆ ಎನ್ನುವುದರ ಸೂಚನೆಯಿದು.
ನಿಮ್ಮ ಸಮಸ್ಯೆಗಳ ಬಗ್ಗೆ ಆಕೆಗೆ ಚಿಂತೆಯಿದೆ
ನೀವು ತುಂಬಾ ಕಠಿಣ ಪರಿಸ್ಥಿತಿಯಲ್ಲಿರುವಾಗ ಆಕೆಗೆ ತುಂಬಾ ಚಿಂತೆಯಾಗುವುದು. ಎಲ್ಲಾ ಪರಿಸ್ಥಿತಿ ಬಗ್ಗೆ ತಿಳಿದುಕೊಳ್ಳಲು ಆಕೆ ನಿಮ್ಮ ಜೀವನದ ಪ್ರತಿಯೊಂದು ಆಗು ಹೋಗುಗಳ ಬಗ್ಗೆ ಗಮನಹರಿಸವಳು. ಜೀವನದಲ್ಲಿ ನೀವು ತುಂಬಾ ಒತ್ತಡಕ್ಕೆ ಒಳಗಾಗಿದ್ದರೆ ಆಕೆಗೂ ನಿದ್ರೆ ಬಾರದು. ನಿಜವಾಗಿಯೂ ಕಾಳಜಿ ತೋರಿಸುವಂತಹ ಮಹಿಳೆಯು ತನ್ನ ಹೃದಯದಾಳದಿಂದ ಇದನ್ನು ಮಾಡುತ್ತಾಳೆ. ನಿಮ್ಮ ಪ್ರಿಯತಮೆ ಗಂಭೀರವಾಗಬೇಕೆಂದರೆ ನೀವು ಆಕೆಗೆ ನಿಜವಾದ ಪ್ರೀತಿ ನೀಡಬೇಕು.
ಆಕೆ ರೋಮ್ಯಾಂಟಿಕ್ ಆಗುವಳು
ನಿಮ್ಮ ಬಗ್ಗೆ ಹುಡುಗಿ ಗಂಭೀರವಾಗಿದ್ದಾಳೆಯಾ ಎನ್ನುವುದನ್ನು ನೋಡುವ ಅತೀ ಸುಲಭವ ವಿಧಾನವೆಂದರೆ ಇದು. ಆಕೆ ರೋಮ್ಯಾಂಟಿಕ್ ಆಗುವುದು ನಿಮ್ಮ ಬಗ್ಗೆ ಆಕೆ ಗಂಭೀರವಾಗಿದ್ದಾಳೆ ಎನ್ನುವುದರ ಸುಳಿವಾಗಿದೆ. ತನ್ನ ಹೃದಯವನ್ನು ಕದ್ದ ಹುಡುಗನ ಜತೆಗೆ ಮಾತ್ರ ಮಹಿಳೆಯೊಬ್ಬಳು ರೋಮ್ಯಾಂಟಿಕ್ ಆಗುವಳು. ಹುಡುಗಿಯು ನಿಮ್ಮೊಂದಿಗೆ ರೋಮ್ಯಾಂಟಿಕ್ ಆಗಿದ್ದರೆ ಆಗ ಸಂಬಂಧವು ಹೊಸ ಹಂತ ತಲುಪಿದೆ ಎಂದು ಹೇಳಬಹುದು.
ನಿಮ್ಮ ಕೆಟ್ಟ ಹವ್ಯಾಸಗಳನ್ನು ಸ್ವೀಕರಿಸುವಳು
ನಿಮ್ಮಲ್ಲಿರುವ ಕೆಲವೊಂದು ಕೆಟ್ಟ ಹವ್ಯಾಸಗಳು ಹಾಗೂ ಗುಣಗಳನ್ನು ಆಕೆ ಟೀಕೆಸದೆ ಒಪ್ಪಿಕೊಳ್ಳಲು ಪ್ರಯತ್ನಿಸಿದರೆ ಆಗ ಇದು ಸಂಬಂಧದ ಬಗ್ಗೆ ಇರುವ ಗಂಭೀರತೆಯ ಸುಳಿವಾಗಿದೆ. ಧೂಮಪಾನ ಮಾಡುವುದನ್ನು ಆಕೆ ದ್ವೇಷಿಸಬಹುದು. ಇದೇ ಕಾರಣದಿಂದ ಆಕೆ ನಿಮಗೆ ಅದರಿಂದ ಆಗುವಂತಹ ಹಾನಿಯನ್ನು ತಿಳಿಹೇಳಿ ಇದನ್ನು ಬಿಡುವಂತೆ ಸೂಚಿಸಬಹುದು. ನೀವು ಧೂಮಪಾನ ಮಾಡುತ್ತಲಿದ್ದರೂ ಆಕೆ ಅದನ್ನೇ ದೊಡ್ಡ ವಿಷಯವನ್ನಾಗಿ ಮಾಡಿ ಜಗಳವಾಡುವುದಿಲ್ಲ. ನಿಮ್ಮನ್ನು ಆಕೆ ನಿಯಂತ್ರಣ ಮಾಡಲು ಪ್ರಯತ್ನಿಸುವುದಿಲ್ಲ.
ಬೇರೆ ಮಹಿಳೆಯರಿಗೆ ಹತ್ತಿರವಾದಾಗ ಆಕೆಗೆ ಅಸೂಯೆಯಾಗುವುದು
ಆಕೆ ನಿಮ್ಮನ್ನು ತನ್ನ ಸ್ವಂತ ಸ್ವತ್ತು ಎಂದು ಭಾವಿಸಿರುತ್ತಾಳೆ ಮತ್ತು ಇದರಿಂದ ಬೇರೆ ಹುಡುಗಿಯರು ನಿಮಗೆ ತುಂಬಾ ಹತ್ತಿರವಾದಾಗ ಆಕೆಗೆ ಅಸೂಯೆಯಾದರೆ ಆಕೆ ಖಂಡಿತವಾಗಿಯೂ ನಿಮ್ಮೊಂದಿಗಿನ ಸಂಬಂಧದಲ್ಲಿ ಗಂಭೀರವಾಗಿದ್ದಾಳೆ ಎಂದರ್ಥ.