Just In
- 52 min ago ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- 1 hr ago ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- 3 hrs ago ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- 3 hrs ago ಗಂಡು ಎಂದು ಸಾಕಿದ್ದ ನೀರು ಕುದುರೆ 7 ವರ್ಷದ ಬಳಿಕ ಹೆಣ್ಣಾಗಿತ್ತು..! ಝೂನಲ್ಲಿ ಅಚ್ಚರಿ..!
Don't Miss
- News Nandi Hills: ನಂದಿಬೆಟ್ಟದ ಕಡೆ ಹೊರಡುವ ಪ್ರವಾಸಿಗರೇ ಇಲ್ಲಿ ಗಮನಿಸಿ
- Automobiles Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Movies ತಮನ್ನಾ ಪಾಲಿಗೆ 'ದುಬಾರಿ' ಆಯಿತು 'ಪ್ರಚಾರ' ; ಮಿಲ್ಕಿ ಬ್ಯೂಟಿಯನ್ನ ವಿಚಾರಣೆಗೆ ಕರೆದ ಸೈಬರ್ ಇಲಾಖೆ..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿನಿಮಾ ಪ್ರೀತಿಯೇ ಬೇರೆ, ನಿಜ ಜೀವನವೇ ಬೇರೆ!
ಸಿನಿಮಾವು ಭಾರೀ ಪ್ರಭಾವಶಾಲಿ ಮಾಧ್ಯಮ. ಸಿನಿಮಾ ನೋಡಿಯೇ ಹಲವಾರು ಬದಲಾವಣೆಗಳು ಆಗಿರುವುದನ್ನು ನಾವು ನೋಡಿದ್ದೇವೆ. ಒಂದು ಸಿನಿಮಾವು ಎಷ್ಟು ಪ್ರಭಾವ ಬೀರುತ್ತದೆ ಎನ್ನುವುದು ಬಂಗಾರದ ಮನುಷ್ಯ ಚಿತ್ರದ ಬಳಿಕ ಆಗಿರುವ ಕೆಲವೊಂದು ಬದಲಾವಣೆಗಳಿಂದ ತಿಳಿಯಬಹುದು. ಕೆಲವೊಂದು ಸಿನಿಮಾಗಳು ಸ್ಫೂರ್ತಿಯಾಗುವುದಿದೆ.
ಕೆಲವರು ವಯಸ್ಸು ಮೂವತ್ತು ದಾಟಿದರೂ ಮದುವೆ ಬೇಡ ಹೇಳುತ್ತಾರೆ! ಯಾಕೆ?
ಸಿನಿಮಾಗಳನ್ನೇ ಪ್ರೇರಣೆಯನ್ನಾಗಿ ಮಾಡಿಕೊಂಡು ಹೊಸ ಉದ್ಯಮವನ್ನು ಸ್ಥಾಪಿಸಿದವರು ಇದ್ದಾರೆ. ಮಕ್ಕಳಿಂದ ಹಿಡಿದು ವಯೋವೃದ್ಧರ ತನಕ ಪ್ರತಿಯೊಬ್ಬರಿಗೂ ಇಷ್ಟವಾಗುವಂತಹ ಸಿನಿಮಾಗಳು ಇಂದಿನ ದಿನಗಳಲ್ಲಿ ಬರುವುದು ತುಂಬಾ ಕಡಿಮೆ. ಆದರೆ ರೋಮ್ಯಾಂಟಿಕ್ ಚಿತ್ರಗಳು ಜನರಿಗೆ ಇಷ್ಟವಾಗುತ್ತಾ ಇವೆ.
ಮದುವೆಯ ನಂತರ ಇದೆಲ್ಲಾ ಬೇಕಾ? ಹಿಂದಿನ ಕಥೆಯೆಲ್ಲಾ ಮರೆತುಬಿಡಿ!
ಸಿನಿಮಾಗಳಲ್ಲಿ ನಾಯಕ ಹಾಗೂ ನಾಯಕಿ ಪ್ರೀತಿಸುವುದನ್ನು ನೋಡಿ ಖುಷಿಪಡುತ್ತೇವೆ ಮತ್ತು ನಾವು ಕೂಡ ಹೀಗೆ ಪ್ರೀತಿಸಬಹುದಲ್ಲವೇ ಎಂದು ಯೋಚಿಸುತ್ತೇವೆ. ಆದರೆ ಏನೇ ಆದರೂ ಸಿನಿಮಾ ಸಿನಿಮಾವೇ. ಅದು ನಿಜಜೀವನವಾಗಲು ಸಾಧ್ಯವಿಲ್ಲ. ಸಿನಿಮಾದಲ್ಲಿ ತೋರಿಸಿದಂತೆ ಯಾವುದೂ ನಿಜಜೀವನದಲ್ಲಿ ನಡೆಯುವುದಿಲ್ಲ ಎನ್ನುವುದನ್ನು ಬೋಲ್ಡ್ ಸ್ಕೈ ನಿಮಗೆ ತಿಳಿಸಿಕೊಡಲಿದೆ....
ಮೊದಲ ನೋಟದಲ್ಲೇ ಪ್ರೀತಿ ಮೂಡಲ್ಲ!
ನಾಯಕ ಕಾರಿನಿಂದ ಇಳಿಯುತ್ತಿರುವಾಗ ರಸ್ತೆಯ ಬದಿಯಲ್ಲಿ ನಾಯಕಿ ಅನಾಥ ಮಕ್ಕಳಿಗೆ ತಿಂಡಿ ನೀಡುವುದು ಕಾಣಿಸುತ್ತದೆ. ತಕ್ಷಣ ನಾಯಕಿಯ ಮೇಲೆ ನಾಯಕನಿಗೆ ಪ್ರೀತಿ ಮೂಡುತ್ತದೆ. ಇದು ಕೇವಲ ಸಿನಿಮಾದಲ್ಲಿ ಮಾತ್ರ. ನೈಜ ಜೀವನದಲ್ಲಿ ಪ್ರೀತಿ ಎನ್ನುವುದು ಮೊದಲ ನೋಟದಲ್ಲೇ ಮೂಡಿದರೆ ಅದು ಕೇವಲ ಆಕರ್ಷಣೆ. ಸಂಪೂರ್ಣವಾಗಿ ವ್ಯಕ್ತಿಯನ್ನು ತಿಳಿಯುವ ತನಕ ಸಂಬಂಧವು ಸರಿಯಾಗಿ ಸಾಗಲು ಸಾಧ್ಯವಿಲ್ಲ.
ಆಕರ್ಷಣೆ ಕಾಣಿಸದು
ಎಷ್ಟೋ ಮಂದಿ ಸುಂದರ ಹುಡುಗಿಯರನ್ನು ನಾಯಕ ನೋಡುತ್ತಾ ಇರುತ್ತಾನೆ. ಆದರೆ ನಾಯಕಿಯನ್ನು ಮೊದಲ ಸಲ ನೋಡಿದಾಗ ಅವನಿಗೆ ಸೆಳೆತ ಉಂಟಾಗುತ್ತದೆ. ಹೃದಯದಲ್ಲಿ ಏನೇನೋ ಭಾವನೆಗಳು ಮೂಡುವುದು. ಯಾವುದೇ ಕಾರಣವಿಲ್ಲದೆ ಆತ ಪ್ರೀತಿಯಲ್ಲಿ ಬೀಳುತ್ತಾನೆ. ಮೊದಲ ಸಲ ಭೇಟಿಯಾದ ವ್ಯಕ್ತಿಯೊಂದಿಗೆ ಡೇಟಿಂಗ್ ಮಾಡುವ ಬಗ್ಗೆ ನೈಜ ಜೀವನದಲ್ಲಿ ಊಹಿಸಲೂ ಸಾಧ್ಯವಿಲ್ಲ.
ಎಲ್ಲಾ ಹುಡುಗರಿಗೂ ಸಿಕ್ಸ್ ಪ್ಯಾಕ್ ಇರಲ್ಲ
ಸಿನಿಮಾಗಳಲ್ಲಿ ಹೀರೋ ಯಾವಾಗಲೂ ಕಟ್ಟುಮಸ್ತಾದ ದೇಹ ಹೊಂದಿರುತ್ತಾನೆ. ಆತನಿಗೆ ಸಿಕ್ಸ್ ಪ್ಯಾಕ್ ಅಬ್ಸ್ ಕೂಡ ಇರುವುದು. ನಾಯಕಿಯನ್ನು ಸುಂದರ ಕೂದಲು ಹಾಗೂ ಸೌಂದರ್ಯಕ್ಕೆ ತಕ್ಕ ದೇಹವಿರುವಂತೆ ತೋರಿಸಲಾಗುವುದು. ನಿಜ ಜೀವನದಲ್ಲಿ ದೈಹಿಕವಾಗಿ ಸುಂದರವಾಗಿಲ್ಲದಿದ್ದರೂ ಪ್ರೀತಿ ಮೂಡಬಹುದು.
ಎಲ್ಲಾ ಹುಡುಗರು ನಾಯಕರಲ್ಲ
ಸಿನಿಮಾಗಳಲ್ಲಿ ನಾಯಕನು ಹೇಳುವಂತಹ ಮಾತನ್ನು ಪ್ರತಿಯೊಬ್ಬರು ಹೇಳುತ್ತಾರೆ. ಆತ ಪ್ರೇರಣೆ ಹಾಗೂ ಸಮಾಜದಲ್ಲಿ ಬದಲಾವಣೆ ತರುತ್ತಾನೆ. ಆದರೆ ಇಂತವುಗಳು ನಿಜ ಜೀವನದಲ್ಲಿ ನಡೆಯುವುದಿಲ್ಲ. ನಿಜ ಜೀವನದಲ್ಲಿ ಇಂತಹ ಪುರುಷರು ಹಾಗೂ ಮಹಿಳೆಯರ ಸಂಖ್ಯೆ ತುಂಬಾ ಕಡಿಮೆ ಇರಬಹುದು. ಆದರೆ ನಿಮ್ಮ ಪ್ರೇಮಿ ನಿಜವಾಗಿಯೂ ನಿಮ್ಮನ್ನು ಪ್ರೀತಿಸುತ್ತಾ ಇರುತ್ತಾನೆ.
ಎಲ್ಲರು ಶ್ರೀಮಂತರಾಗಿರಲ್ಲ
ಸಿನಿಮಾಗಳಲ್ಲಿ ನಾಯಕ ಶ್ರೀಮಂತನಾಗಿದ್ದು, ವಿದೇಶದಲ್ಲಿ ವಿದ್ಯಾಭ್ಯಾಸ ಮುಗಿಸಿರುತ್ತಾನೆ. ಆದರೆ ನಿಜ ಜೀವನದಲ್ಲಿ ಪ್ರತಿಯೊಬ್ಬರು ಹೀಗೆ ಇರುವುದಿಲ್ಲ. ಇಂತಹ ನಿರೀಕ್ಷೆಗಳನ್ನು ಕಡಿಮೆ ಮಾಡಿಕೊಳ್ಳುವುದು ಒಳ್ಳೆಯದು.
ಎಲ್ಲಾ ಹುಡುಗರು ಹಾಸಿಗೆಯಲ್ಲಿ ಉತ್ತಮವಾಗಿರಲ್ಲ
ನೀವು ಯಾವುದೇ ಕೆಲಸ ಮಾಡುತ್ತಿದ್ದರೂ ಕಾಲಕ್ಕೆ ತಕ್ಕಂತೆ ಅದರ ಪ್ರದರ್ಶನ ಕಡಿಮೆಯಾಗುತ್ತಾ ಬರುತ್ತದೆ. ಅದೇ ರೀತಿ ಹಾಸಿಗೆಯಲ್ಲೂ ಆಗುವುದು. ಪ್ರತೀ ಸಲ ಒಂದೇ ರೀತಿಯ ಪ್ರದರ್ಶನ ನೀಡಲು ಸಾಧ್ಯವಿಲ್ಲ. ಇದರಲ್ಲೂ ಏರಿಳಿತಗಳು ಇರುವುದು. ನಿಜ ಜೀವನದಲ್ಲಿ ನಿಮ್ಮ ನಾಯಕ ಹಾಸಿಗೆಯಲ್ಲಿ ಕೆಲವೊಮ್ಮೆ ನಿಮಗೆ ಬೇಸರ ಮೂಡಿಸಬಹುದು.
ಎಲ್ಲಾ ಹುಡುಗರು ತುಂಬಾ ರೋಮ್ಯಾಂಟಿಕ್ ಆಗಿ ಪ್ರೀತಿ ನಿವೇದಿಸಲ್ಲ!
ಪ್ಯಾರೀಸ್ ನ ದುಬಾರಿ ಹೋಟೆಲ್ ನಲ್ಲಿ ಶಾಪಿಂಗ್ ಮುಗಿಸಿಕೊಂಡು ಬಂದು ಕುಳಿತಿರುವಂತಹ ನಾಯಕಿಗೆ ನಾಯಕರು ಗುಲಾಬಿಯ ಗುಚ್ಛವನ್ನು ನೀಡುತ್ತಾನೆ ಮತ್ತು ಮೊಣಕಾಲೂರಿ ತನ್ನ ಪ್ರೀತಿಯ ನಿವೇದನೆ ಮಾಡುತ್ತಾನೆ. ಆದರೆ ನಿಜಜೀವನದಲ್ಲಿ ಹುಡುಗರು ತಮ್ಮ ಹೃದಯ ಹೇಳಿದಾಗ ಪ್ರೀತಿ ನಿವೇದಿಸುತ್ತಾರೆ.ಕಾಲೇಜಿನ ಮೆಟ್ಟಿಲು, ಕಚೇರಿಯ ಕ್ಯಾಂಟೀನ್, ನಡುರಸ್ತೆ ಹೀಗೆ ಯಾವುದೇ ಸ್ಥಳದಲ್ಲಾದರೂ ಪ್ರೀತಿಯ ನಿವೇದನೆ ಮಾಡಬಹುದು.
ಎಲ್ಲವೂ ಮದುವೆಯಾಗಲ್ಲ
ಹೆಚ್ಚಿನ ರೋಮ್ಯಾಂಟಿಕ್ ಸಿನಿಮಾಗಳಲ್ಲಿ ಅಂತಿಮವಾಗಿ ನಾಯಕ ಮತ್ತು ನಾಯಕಿ ಮದುವೆಯಾಗುವುದರೊಂದಿಗೆ ಸಿನಿಮಾ ಕೊನೆಯಾಗುವುದು. ಎಲ್ಲವೂ ಸುಖಾಂತ್ಯವಾಗುವುದು ಎಂದು ನಾವು ಭಾವಿಸುತ್ತೇವೆ. ಆದರೆ ನಿಜ ಜೀವನದಲ್ಲಿ ಮದುವೆ ಬಳಿಕವೇ ಸಮಸ್ಯೆಗಳು ಆರಂಭವಾಗುತ್ತದೆ. ಇದರಿಂದ ಪ್ರೀತಿಸುವಾಗ ಸಿನಿಮಾದ ಬಗ್ಗೆ ಕಲ್ಪನೆ ಮಾಡಿಕೊಂಡು ಪ್ರೀತಿಸಬೇಡಿ. ನಿಜ ಜೀವನವೇ ಬೇರೆ. ಸಿನಿಮಾವೇ ಬೇರೆ ಎನ್ನುವುದು ತಿಳಿದಿರಲಿ.