Just In
Don't Miss
- Movies 'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು?
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Finance ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹುಡುಗ-ಹುಡುಗಿ ಪ್ರಾಣ ಮಿತ್ರರಾಗಿ ಇರಬಹುದೇ?
ಒಂದು ಹುಡುಗಿ ಒಬ್ಬ ಹುಡುಗನನ್ನು ತೋರಿಸಿ 'ಇವನು ನನ್ನ ಬೆಸ್ಟ್ ಫ್ರೆಂಡ್' ಅಂದರೆ ಸಮಾಜ ಅದನ್ನು ಒಪ್ಪಿಕೊಳ್ಳಲು ಸಿದ್ಧವಿರುವುದಿಲ್ಲ. ಅವರಿಬ್ಬರು 'ನಮ್ಮಿಬ್ಬರ ಮಧ್ಯೆ ಫ್ರೆಂಡ್ ಶಿಪ್ ಬಿಟ್ಟರೆ ಬೇರೇನು ಇಲ್ಲ' ಎಂದು ಹೇಳಿದರೂ ಅದನ್ನು ಒಪ್ಪಿಕೊಳ್ಳಲು ಸಮಾಜ ಹಿಂದೆ-ಮುಂದೆ ನೋಡುತ್ತದೆ. ಅವರಿಬ್ಬರ ಬಗ್ಗೆ ಅನೇಕ ಕಟ್ಟು ಕತೆಗಳು ಕೇಳಲಾರಂಭಿಸುತ್ತವೆ. ಹಾಗಾದರೆ ಒಂದು ಹೆಣ್ಣು ಮತ್ತು ಗಂಡು ಬರೀ ಫ್ರೆಂಡ್ಸ್ ಆಗಿ ಇರಲು ಸಾಧ್ಯವಿಲ್ಲವೇ? ಖಂಡಿತ ಸಾಧ್ಯ ಇದೆ, ಆದರೆ ಸಮಾಜದ ಸಂಶಯ ದೃಷ್ಟಿ ಅವರ ಮೇಲೆ ಬೀಳದೆ ಬದುಕಲು ಮಾತ್ರ ಖಂಡಿತ ಸಾಧ್ಯವಿಲ್ಲ!
ಹೆಚ್ಚಿನ ಹೆಣ್ಣು ಮಕ್ಕಳು ಹುಡುಗನನ್ನು ತಮ್ಮ ಬೆಸ್ಟ್ ಫ್ರೆಂಡ್ ಆಗಿ ಮಾಡಿಕೊಳ್ಳುತ್ತಾರೆ. ಈ ರೀತಿಯ ಗೆಳೆತನಕ್ಕೆ ವಿರುದ್ಧ ಲಿಂಗದ ಆಕರ್ಷಕಣೆ ಅನ್ನುವ ಬದಲು ಸಮಾನ ಲಿಂಗದ ಕಡೆಗೆ ಇರುವ ಅಪನಂಬಿಕೆ ಎಂದು ಹೇಳಬಹುದು. ಹುಡುಗನನ್ನು ಬೆಸ್ಟ್ ಫ್ರೆಂಡ್ ಎಂದು ಹೇಳುವ ಪ್ರತಿಯೊಂದು ಹೆಣ್ಣಿಗೂ ತನ್ನ ಜೀವದ ಗೆಳತಿಯಿಂದ ಯಾವುದೋ ಒಂದು ಕಹಿ ಅನುಭವಾಗಿರುತ್ತದೆ.
ಫ್ರೆಂಡ್ ಎಂದು ಅಂದುಕೊಂಡವಳು ಯಾವುದೋ ಕಾರಣಕ್ಕೆ ಮೋಸ ಮಾಡಿದರೆ ಅಥವಾ ನಮ್ಮ ಬಗ್ಗೆ ಹೊಟ್ಟೆ ಕಿಚ್ಚು ಪಡುವುದು ಮಾಡಿದರೆ ಇನ್ನು ಮುಂದೆ ಈ ರೀತಿಯ ಸ್ನೇಹಿತೆ ನನಗೆ ಬೇಡ ಎಂದು ಅನಿಸಿ ಬಿಡುತ್ತದೆ. ಈ ರೀತಿ ಅನಿಸಿದರೆ ಮುಂದೆ ಎಲ್ಲಾ ಹುಡುಗಿಯರು ಇದೇ ರೀತಿ ಇರುತ್ತಾರೆ ಎಂಬ ತೀರ್ಮಾನಕ್ಕೆ ಬಂದು ಬಿಡುತ್ತಾರೆ. ಅದೇ ಹುಡುಗನ ಜೊತೆ ಸ್ನೇಹ ಬೆಳೆಸಿದರೆ ಅವನಲ್ಲಿ ಗೆಳೆತನಕ್ಕಾಗಿ ಏನು ಬೇಕಾದರೂ ತ್ಯಾಗ ಮಾಡುವ ಗುಣ ಅವನ್ನಲ್ಲಿರುತ್ತದೆ. ಈ ಗುಣದಿಂದಾಗಿ ಹುಡುಗಿಗೆ ಹುಡುಗನ ಗೆಳೆತನ ತುಂಬಾ ಇಷ್ಟವಾಗುತ್ತದೆ.
ಆದರೆ ಅವರಿಬ್ಬರ ಗೆಳೆತನ ಹುಡುಗಿಗೆ ಬೇರೆ ಹುಡುಗನೊಂದಿಗೆ ಮದುವೆಯಾದ ನಂತರ ಕೂಡ ಅದೇ ರೀತಿ ಉಳಿದುಕೊಳ್ಳುವುದು ಕಡಿಮೆ. ಏಕೆಂದರೆ ಇವರಿಬ್ಬರ ಗೆಳೆತನ ಅವಳ ಗಂಡನಿಗೆ ಇಷ್ಟವಾಗದೇ ಇರಬಹುದು, ಇವರು ತುಂಬಾ ಆತ್ಮೀಯ ಸ್ನೇಹಿತರು ಅಂತ ಅವಳ ಗಂಡನಿಗೆ ಸಹಿಸಿಕೊಳ್ಳದೇ ಹೋಗಬಹುದು. ಈ ರೀತಿಯಾದರೆ ಅನಿವಾರ್ಯವಾಗಿ ಗೆಳೆಯನಿಂದ ದೂರವಾಗಬೇಕಾಗುತ್ತದೆ.
ಮತ್ತೆ ಕೆಲವರಿಗೆ 'ನನ್ನನ್ನು ಇಷ್ಟೆಲ್ಲಾ ಅರ್ಥ ಮಾಡಿಕೊಡಿರುವ ಈ ಫ್ರೆಂಡೇ ನನ್ನ ಬಾಳಸಂಗಾತಿಯಾದರೆ ಚೆನ್ನಾಗಿರುತ್ತದೆ' ಎಂಬ ಭಾವನೆ ಬಂದು ಮದುವೆಯಾಗಿ ಬಿಡುತ್ತಾರೆ.
ಆದ್ದರಿಂದಲೇ ಏನೋ ಹೆಣ್ಣು-ಗಂಡು ಬೆಸ್ಟ್ ಫ್ರೆಂಡ್ ಕೊನೆಯವರೆಗೆ ಇರಲು ಸಾಧ್ಯವಿಲ್ಲ ಅನ್ನುವುದು, ಅಂದ್ಹಾಗೆ ಗಂಡು-ಹೆಣ್ಣಿನ ನಡುವಿನ ಸ್ನೇಹದ ಬಗ್ಗೆ ನಿಮ್ಮ ಅಭಿಪ್ರಾಯವೇನು?