For Quick Alerts
ALLOW NOTIFICATIONS  
For Daily Alerts

ಮುಂದಿನ ಜನ್ಮದಲ್ಲಾದರೂ ನೀನು ನನ್ನವಳೆ

By * ವಿಜಯ್ ಕುಮಾರ್ ಎಂ. ಬೆಂಗಳೂರು
|
Kannada poem by Vijay Kumar
ನಾ ಹ್ಯಾಂಗ ಮರೆಯಲೇ ಗೆಳತಿ ನಿನ್ನ ಜನುಮ ದಿನದಂದು

ಮರೆತಷ್ಟು ಮರುಕಳಿಸುವವು ಆ ಸವಿನೆನಪುಗಳು ಮರೆಯಾದಾದೆನು ನಾ ಎಂದೆಂದೂ.

ಗಣಪಂಗೆ ಕೈ ಮುಗಿದು ವರವ ಬೇಡುವ ದಿನವಂದು

ನೀನೊಲಿದು ಬಂದೆ ನನ್ನೀ ಕತ್ತಲಾ ಬಾಳಿಗೆ ಜ್ಯೋತಿ ಕಿರಣವೆಂದು.

ಈ ಜೀವನ ಮುದುಡಿತೆಂದು ತಲೆ ಮೇಲೆ ಕೈಹೊತ್ತು ಕುಳಿತಾಗ ನೀ ಬಂದೆ

ಕದಡಿದಾ ಮನಕೆ ಆನಂದಾ ನೀತಂದೆ.

ನೀನಿತ್ತ ವಚನಗಳು ತುಂಬಿದವು ಮನಸನ್ನ

ನಿನ್ನ ಹೊರತು ಇನ್ನಾರು ತುಂಬಲಾರರು ಆ ನಿಸ್ವಾರ್ಥ ಪ್ರೇಮವನ್ನ.

ಕೈ ಹಿಡಿದು ನಡೆವಾಗ ಕಂಡೆ ಬಾಳಿನ ಕನಸೊಂದು

ನಡೆಯಲಾರದೆ ಹೋದೆ ನಿನ್ನ ಸೇರದೆ ಹೋದೆ ಇನ್ನೆಂದೂ.

ಮನದಲ್ಲೆ ಕೆತ್ತಿಸಿದ ಆ ನಿನ್ನ ಭಾವಚಿತ್ರವಿಹುದು

ಕಣ್ತುಂಬಿ ಬಂದಾಗ ನೆನೆಯುವ ಚಿತ್ತವಿಹುದು.

ನೀನಂದು ಬಿಗಿದಪ್ಪಿ ನೀಡಿದ ಸಿಹಿ ಮುತ್ತು

ಮರೆಸಿತ್ತು ಜಗವನ್ನೇ ಆ ಹೊತ್ತು.

ಕಡಲ ಅಂಚಿಂದ ಕಳಿಸಿದ ಮೇಘ ಸಂದೇಶಗಳೇನು

ಆ ನಿನ್ನ ಸವಿ ನುಡಿಗಳು ನೀಡಿದ ಮನಶಾಂತಿಗೆ ಸರಿಸಾಟಿಯೇನು.

ಕ್ಷಮೆಯಿರಲಿ ಗೆಳತಿ ನಾನಿನ್ನ ನೋಯಿಸಿದ್ದೇ ಆದರೆ

ಈ ಜೀವನ ಸಾರ್ಥಕ ಇಂದಿಗೂ ನೀನನ್ನ ನೆನೆಯುವೆಯಾದರೆ.

ನೆನೆದಷ್ಟು ಮನಕಲಕುವುದು

ಇನ್ನಾರಿಗೇಳಲಿ ನೋವೆಲ್ಲ ನನ್ನಲ್ಲೇ ಹುದುಗಿಹುದು.

ಎಂದೆಂದಿಗೂ ನಾನಿನ್ನ ಮರೆಯಲಾರೆ

ಈ ಪುಟ್ಟ ಮನಸ್ಸಿನಿಂದಾಚೆಗೆ ನೀದೂರ ಹೋಗಲಾರೆ.

ನೂರ್ ಕಾಲ ಬಾಳು ಓ ನನ್ನ ನಲ್ಲೆ

ಈ ನಿನ್ನ ಸವಿನೆನಪುಗಳು ಇರಲಿರಲಿ ನನ್ನಲ್ಲೆ.

ಪ್ರೀತಿ ಕುರುಡಂತೆ ಪ್ರೀತಿಸಿದ್ದು ಕಾಣಲಿಲ್ಲವೇ

ಪ್ರೀತಿಸಿದವಳೆ ಅರಿಯದಾದರೆ ಆ ಪ್ರೀತಿಯೆ ನಿಸ್ವಾರ್ಥವೇ.

ಭಗ್ನ ಪ್ರೇಮಿಯಗಲಾರೆ ಗೆಳತಿ ಈ ನನ್ನ ಪ್ರೇಮ ಅಚಲ, ನವ ನವೀನ, ನಿತ್ಯ ನೂತನ.

ನುಡಿದಂತೆ ನಡೆಯುವೆ ಸದಾ ನಿನ್ನ ನೆನೆಯುವೆ

ಕೊನೆಯ ಉಸಿರಿರುವರೆಗೂ ನಿನಗಾಗಿ ಕಾಯುವೆ.

ಪ್ರೇಮಿಗಳ ದಿನದಂದು ನನ್ನ ಶುಭ ಹಾರೈಕೆಯೊಂದೆ ಮುಂದಿನ ಜನ್ಮದಲ್ಲಾದರು ನೀನು ನನ್ನವಳೆ.

English summary

Valentine's day poem | Kannada poem by Vijay Kumar | ನಾ ಹ್ಯಾಂಗ ಮರೆಯಲೇ ಗೆಳತಿ ನಿನ್ನ | ವಿಜಯ್ ಕುಮಾರ್ ಪ್ರೇಮ ಕವನ

Love poem by Vijay Kumar M from Bangalore.
Story first published: Tuesday, February 14, 2012, 12:08 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more