ರವಿ ಬರೆದ ಸಾಲಿಗೆ ಸವಿಯ ಮರು ಸವಾಲು

Relationship

oi-Prasad P

By * ರವಿ ಮತ್ತು ಸವಿತಾ, ಉತ್ತರ ಕೆರೋಲಿನಾ, ಅಮೆರ�

| Published: Tuesday, February 14, 2012, 12:47 [IST]

ಕೆಂಪು ಗುಲಾಬಿಯ ರಂಗಿನ ಬೆಡಗಿಗೆ
ಇಬ್ಬನಿ ಹನಿಯ ಜೇನಿನ ಸಿಂಚನ
ಹನಿ ಹನಿ ಜೇನಲಿ ಮೀಯುತ ಮಿಡಿದು
ಹೃದಯದ ಭಾವತರಂಗವು ಮೊರೆದು
ಉಕ್ಕಲು ಚಿಮ್ಮಿ ಮುತ್ತಿನ ತೊರೆಯು
ಝಲ್ಲನೆ ತಾಗಿ ಪ್ರೇಮದ ನಶೆಯು
ಮುತ್ತಿನ ಮತ್ತಿಗೆ ಸ್ಪಂದಿಸಿ ಒಲವು
ಗುಯ್ಯ್ಂಗರೆತಕ್ಕೂ ಮೂಡಿತು ಲಯವು
ದುಂಬಿಯು ಹೂವನು ಬರಸೆಳೆದಾಗ
ಕಣ್ಣಿನ ಅಂಚಲಿ ಬಯಕೆಯ ರಾಗ
ಮಧುವನು ಹೀರುತ ಮೈಮರೆತಾಗ
ಕಾಮನು ಬಿಲ್ಲನು ಹೂಡಿರುವಾಗ
ಸೃಷ್ಟಿಯ ಮೋಡಿಯ ಲೀಲೆಯಿದು
ಪ್ರೇಮದ ಹಬ್ಬಕೆ ನಾಂದಿಯಿದು

ರವಿ ಬರೆದ ಸಾಲಿಗೆ ಸವಿಯ ಮರು ಸವಾಲು, ಸವಿಯ ಸವಾಲಿಗೆ ರವಿಯ ಮತ್ತೊಂದು ಸಾಲು ಹೀಗೆ ನಡೆದ ಸಾಲು ಸವಾಲಿನ ಪ್ರೀತಿಯ ಸಂವಾದದಲ್ಲಿ ಮೂಡಿಬಂದದ್ದು "ಪ್ರೇಮದ ಹಬ್ಬ".

ಅಮೆರಿಕಾದ ಸಂಪಿಗೆ ಕನ್ನಡ ಕೂಟ ಕಳೆದ ವರ್ಷ ಪ್ರೇಮಿಗಳ ದಿನದಂದು 'ರೋಮ್ಯಾಂಟಿಕ್ ಜೋಡಿ' ಸ್ಪರ್ಧೆ ನಡೆಸಿತ್ತು. ದಂಪತಿಗಳು ವ್ಯಾಲಂಟೈನ್ಸ್ ಡೇ ಹೇಗೆ ಆಚರಿಸುತ್ತಾರೆ ಎಂಬುದನ್ನು ಅತ್ಯಂತ ಸೃಜನಶೀಲವಾಗಿ ಬರೆಯಬೇಕಾಗಿತ್ತು. ಆ ಸ್ಪರ್ಧೆಯಲ್ಲಿ ರವಿಶಂಕರ್ ಮತ್ತು ಸವಿತಾ ರವಿಶಂಕರ್ ಜೋಡಿ ಮೊದಲ ಬಹುಮಾನ ಗೆದ್ದಿತ್ತು.

ರವಿ ಮತ್ತು ಸವಿತಾ ದಂಪತಿಗಳು 'ಹಣದಿಂದ ಕೊಳ್ಳಲಾಗದ ವಸ್ತುಗಳು' ವಿಷಯವನ್ನು ಆಯ್ದುಕೊಂಡು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು ಮತ್ತು ಜಯಶಾಲಿಯಾಗಿದ್ದರು. ಆ ಸಂದರ್ಭದಲ್ಲಿ ದಂಪತಿಗಳಿಬ್ಬರು ಜೋಡಿಯಾಗಿಯೇ ಬರೆದ ಕವನ, ಪ್ರೇಮಿಗಳಿಗಾಗಿಯೇ ಇಲ್ಲಿ ಅರ್ಪಿಸಲಾಗಿದೆ. ಪ್ರೇಮಿಗಳಿಗೆ ಪ್ರೇಮದ ಶುಭಾಶಯಗಳು.