For Quick Alerts
ALLOW NOTIFICATIONS  
For Daily Alerts

ಬಾಯಿಗೆ ರುಚಿ, ಹೊಟ್ಟೆಗೆ ಹಿತ ಪಾಲಾಕ್ ತಂಬುಳಿ

|
palak-moongdal recipe
ಹೆಸರು ಬೇಳೆ ಮತ್ತು ಪಾಲಾಕ್ ಸೊಪ್ಪಿನ ಕಾಂಬಿನೇಶನ್ ಅಂದರೆ ಡಿಫರೆಂಟ್ ಆಗಿರುತ್ತೆ. ಈ ಎರಡರಲ್ಲೂ ಪೋಷಕಾಂಶಗಳು ತುಂಬಿರುವುದರಿಂದ ಇದರ ಸೇವನೆ ಆರೋಗ್ಯಕ್ಕೆ ಹಿತ. ಸುಲಭವಾಗಿ ಸಿಗುವ ವಸ್ತುಗಳನ್ನು ಉಪಯೋಗಿಸಿಕೊಂಡು ಸಖತ್ ಟೇಸ್ಟಿ ಆಗಿರೊ ಅಡುಗೆಯನ್ನ ಮಾಡಬಹುದು. ಬೆಳಗಿನ ತಿಂಡಿ ಚಪಾತಿಯ ಜೊತೆಗೋ, ದೋಸೆಗೋ ಬರೀ ಚಟ್ನಿಗಳನ್ನ ತಿಂದು ಬೇಜಾರಾಗಿದ್ದವರು ಇದನ್ನ ಮಾಡಿದರೆ ತಿನ್ನೋದಕ್ಕೆ ರುಚಿ.

ಬೇಕಾಗುವ ಪದಾರ್ಥಗಳು:

* ಒಂದು ಕಪ್ ಹೆಸರುಬೇಳೆ

* ಚೆನ್ನಾಗಿ ತೊಳೆದು ಕತ್ತರಿಸಿದ ಫ್ರೆಶ್ ಪಾಲಾಕ್ ಸೊಪ್ಪು ಒಂದು ಕಟ್ಟು

* ಒಂದು ಚಮಚ ಬೆಳ್ಳುಳ್ಳಿ ಪೇಸ್ಟ್

* ಒಂದು ಚಮಚ ಶುಂಠಿ ಪೇಸ್ಟ್

* ಅರ್ಧ ಕಪ್ ಕತ್ತರಿಸಿದ ಈರುಳ್ಳಿ

* ಮುಕ್ಕಾಲು ಕಪ್ ಕತ್ತರಿಸಿಟ್ಟ ಟೊಮೊಟೊ

* ಒಂದು ಚಮಚ ಕಡಲೆಹಿಟ್ಟು

* ಎರಡು ಚಮಚ ಮೊಸರು

* ಇಂಗು, ಕೊತ್ತಂಬರಿ, ಗರಂ ಮಸಾಲ, ಕೆಂಪು ಮೆಣಸಿನ ಪುಡಿ

ಮಾಡುವ ವಿಧಾನ: ಮೊದಲು ಹೆಸರು ಬೇಳೆ ಮತ್ತು ಪಾಲಾಕನ್ನು ಸ್ವಲ್ಪ ನೀರಿನಲ್ಲಿ ಒಟ್ಟಿಗೆ ಹಾಕಿ, ಅದಕ್ಕೆ ಕೊತ್ತಂಬರಿ, ಇಂಗು ಮತ್ತು ಉಪ್ಪನ್ನು ಬೆರೆಸಿ 10 ನಿಮಿಷ ಕುಕ್ಕರಿನಲ್ಲಿ ಇಡಬೇಕು. ಆ ನಂತರ ಕಡಲೆ ಹಿಟ್ಟು, ಮೊಸರನ್ನು ಕಲೆಸಿಕೊಂಡು ಬೇಯಿಸಿದ ಹೆಸರುಬೇಳೆಗೆ ಸೇರಿಸಬೇಕು. ಎರಡು ನಿಮಿಷಗಳ ಕಾಲ ಸಣ್ಣ ಉರಿಯಲ್ಲಿ ಬೇಯಿಸಿದ ನಂತರ ಕುಕ್ಕರಿನಲ್ಲಿ ಒಂದು ಕೂಗು ಕೂಗಿಸಬೇಕು. ಬಾಣಲೆಯಲ್ಲಿ ಎಣ್ಣೆ ಹಾಕಿ ಈರುಳ್ಳಿಯನ್ನು ಹುರಿಯಬೇಕು.

ಅದು ಕೆಂಪಗಾದ ನಂತರ ಕತ್ತರಿಸಿದ್ದ ಟೊಮೊಟೊ ಹಾಕಬೇಕು. ಅದಕ್ಕೆ ಗರಂ ಮಸಾಲ, ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಮತ್ತು ಕೆಂಪುಮೆಣಸಿನ ಕಾಯಿ ಪುಡಿ ಸೇರಿಸಬೇಕು. 2 ನಿಮಿಷ ಚೆನ್ನಾಗಿ ಉರಿದ ನಂತರ ಕುಕ್ಕರಿನಲ್ಲಿದ್ದ ಮಿಶ್ರಣವನ್ನು ಬಾಣಲೆಗೆ ಸುರಿದುಕೊಳ್ಳಬೇಕು. ಈ ಎಲ್ಲ ಮಿಶ್ರಣವನ್ನು ಸಣ್ಣ ಕುದಿಯಲ್ಲಿ ಚೆನ್ನಾಗಿ ಬೇಯಿಸಬೇಕು.

ಹೆಸರುಬೇಳೆ ಮತ್ತು ಪಾಲಾಕ್ ತಂಬಳಿ ಈಗ ತಿನ್ನಲು ರೆಡಿ. ಚಪಾತಿಗೋ ದೋಸೆಗೋ ಅಥವಾ ಪುಲಾವ್ ನೊಂದಿಗೆ ಕಾಂಬಿನೇಶನ್ ನಲ್ಲಿ ತಿಂದರೆ ಇನ್ನೂ ರುಚಿ. ಬೇಕಾದರೆ ಅನ್ನಕ್ಕೂ ಇದನ್ನು ಬೆರೆಸಿ ತಿನ್ನಬಹುದು.

English summary

Spinach leaves recipe | Moongdal recipe | Protein foods | ಪಾಲಾಕ್ ಸೊಪ್ಪಿನ ಖಾದ್ಯಗಳು | ಹೆಸರುಬೇಳೆ ತಂಬಳಿ | ಪೌಷ್ಟಿಕಯುಕ್ತ ಆಹಾರ

Moong dal and palak (spinach) is a nutritious food. This combination creat a good taste with chapathi,dosa or fried rice. So check out the healthy and easy to make moong dal and palak recipe.
Story first published: Tuesday, July 26, 2011, 10:41 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more