Just In
Don't Miss
- News ಬೆಂಗಳೂರಲ್ಲಿ ನಿತ್ಯ 10 mld ಸಂಸ್ಕರಿಸಿದ ನೀರು ಪೂರೈಕೆ: BWSSB
- Sports Rishabh Pant: ಟಿ20 ವಿಶ್ವಕಪ್ಗೆ ರಿಷಭ್ ಪಂತ್ ಭಾರತ ತಂಡದಲ್ಲಿರಬೇಕು
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Automobiles ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಗೋಡಂಬಿ ಅಣಬೆ ಸಾರು ಮತ್ತು ಬಿಸಿ ಆಮ್ಲೆಟ್!
ಗೋಡಂಬಿ - ಅಣಬೆ ಸಾರು
ಬೇಕಾಗುವ ಸಾಮಗ್ರಿ:
100 ಗ್ರಾಂ ಅಣಬೆ, ಗೋಡಂಬಿ 75 ಗ್ರಾಂ. 2 ಈರುಳ್ಳಿ, 3 ಒಣಮೆಣಸಿನ ಕಾಯಿ, 2 ಹಸಿ ಮೆಣಸಿನ ಕಾಯಿ, ಒಂದು ಚಿಟಿಕೆ ಅರಿಸಿನ, 1 ಟೀ ಚಮಚ ಕೊತ್ತಂಬರಿ ಬೀಜ, ಅರ್ಧ ಟೀ ಚಮಚ ಜೀರಿಗೆ, 4 ಎಸಳು ಬೆಳ್ಳುಳ್ಳಿ, 1 ಇಂಚು ಹಸಿ ಶುಂಠಿ, ಅರ್ಧ ಬಟ್ಟಲು ಹಸಿ ತೆಂಗಿನ ಕಾಯಿ ತುರಿ, 3 ಎಸಳು ಕರಿಬೇವಿನ ಎಲೆ, ಎಣ್ಣೆ, ರುಚಿಗೆ ಬೇಕಾಗುವಷ್ಟು ಉಪ್ಪು .
ವಿಧಾನ :
ತೆಂಗಿನ ತುರಿಯಿಂದ ಹಾಲನ್ನು ಬೇರ್ಪಡಿಸಬೇಕು. ಸ್ವಲ್ಪ ತೆಂಗಿನ ಹಾಲನ್ನು ತೆಗೆದುಕೊಂಡು ಅದಕ್ಕೆ ಸ್ವಚ್ಛ ಮಾಡಿ ಹೆಚ್ಚಿದ ಅಣಬೆ ಮತ್ತು ಬಿಸಿ ನೀರಿನಲ್ಲಿ ನೆನೆಸಿದ ಗೋಡಂಬಿಯನ್ನು ಹಾಕಿ ಬೇಯಿಸಬೇಕು.
ನಂತರ ಒಣ ಮೆಣಸಿನ ಕಾಯಿ, ಕೊತ್ತಂಬರಿ ಬೀಜ, ಜೀರಿಗೆ ಅರಿಶಿನ, ಸ್ವಲ್ಪ ತೆಂಗಿನ ತುರಿ ಇವೆಲ್ಲವುಗಳನ್ನು ಸೇರಿಸಿ ನುಣ್ಣಗೆ ರುಬ್ಬಿಟ್ಟುಕೊಳ್ಳಿ. ಎಣ್ಣೆ ಕಾಯಿಸಿ, ಅದರಲ್ಲಿ ಹೆಚ್ಚಿದ ಹಸಿ ಮೆಣಸಿನ ಕಾಯಿ, ಈರುಳ್ಳಿ, ಕರಿಬೇವು, ಅರೆದಿಟ್ಟ ಮಸಾಲೆ ಸೇರಿಸಿ. ಈರುಳ್ಳಿ ಮೃದುವಾಗುವ ತನಕ ಬೇಯಬೇಕು. ಈಗ ಅದರಲ್ಲಿ ಬೇಯಿಸಿಟ್ಟ ಗೋಡಂಬಿ, ಅಣಬೆ, ಹಾಗೂ ನಿಂಬೆ ರಸ, ಉಪ್ಪನ್ನು ಸೇರಿಸಿ.
ಇದನ್ನು ಕುದಿ ಬರುವ ತನಕ ಕುದಿಸಿ ಉಳಿದ ತೆಂಗಿನ ಕಾಯಿ ಹಾಲನ್ನು ಸೇರಿಸಿ ಮತ್ತೆ 5 ನಿಮಿಷಗಳ ಕಾಲ ಬೇಯಿಸಿ ಕೆಳಗಿಳಿಸಿ. ಗೋಡಂಬಿ-ಅಣಬೆ ಸಾರು ರೆಡಿ.
*
ಅಣಬೆ ಆಮ್ಲೆಟ್
ಬೇಕಾಗುವ ಸಾಮಗ್ರಿ:
3-4 ಅಣಬೆ. (ಸಣ್ಣಗೆ ಹೆಚ್ಚಿದ್ದು), 1 ಮೊಟ್ಟೆ, 1 ಟೀ ಸ್ಪೂನ್ ಹಾಲು, 1 ಸಣ್ಣ ಈರುಳ್ಳಿ ಸಣ್ಣಗೆ ಹೆಚ್ಚಿದ್ದು. ಸಣ್ಣಗೆ ಹೆಚ್ಚಿದ 2 ಹಸಿ ಮೆಣಸಿನ ಕಾಯಿ, 1 ಚಿಟಿಕೆ ಕರಿಮೆಣಸಿನ ಪುಡಿ, 1 ಟಿ ಚಮಚ ನಿಂಬೆ ರಸ. ಸ್ವಲ್ಪ ಎಣ್ಣೆ, ರುಚಿಗೆ ಬೇಕಾಗುವಷ್ಟು ಉಪ್ಪು.
ವಿಧಾನ :
ಮೊಟ್ಟೆಯನ್ನು ಹಾಲಿನೊಂದಿಗೆ ಒಡೆಯಬೇಕು. ಅಣಬೆಯನ್ನು ಈರುಳ್ಳಿ ಹಾಗೂ ಹಸಿ ಮೆಣಸಿನ ಕಾಯಿಯಾಂದಿಗೆ ಹುರಿಯಬೇಕು. ಅದಕ್ಕೆ ಮೊಟ್ಟೆಯ ಮಿಶ್ರಣ, ಮೆಣಸಿನ ಪುಡಿ, ನಿಂಬೆ ರಸ, ಉಪ್ಪು ಸೇರಿಸಿ. ನಂತರ ತವೆಯಲ್ಲಿ ಎಣ್ಣೆ ಹಚ್ಚಿ ಮಿಶ್ರಣ ಹಾಕಿ ಆಮ್ಲೆಟ್ ತಯಾರಿಸಿ.