For Quick Alerts
ALLOW NOTIFICATIONS  
For Daily Alerts

ರುಚಿ ರುಚಿಯಾದ ಈರುಳ್ಳಿ ಟೊಮೇಟೊ ಪಲ್ಯ

|

ಹುಳಿಯಾದ ಟೊಮೇಟೊ ಹಾಗೂ ಗರಿಯಾದ ಈರುಳ್ಳಿ ಊಟಕ್ಕೆ ಉತ್ತಮ ಕಾಂಬಿನೇಶನ್. ಇದು ನಾಲಗೆಗೆ ಕೊಡುವ ರುಚಿಯೇ ಬೇರೆ. ಭಾರತದಲ್ಲಂತೂ ಇವೆರಡನ್ನೂ ಬಳಸಿ ನಾನಾ ಬಗೆಯ ಖಾದ್ಯಗಳನ್ನು ತಯಾರಿಸುತ್ತಾರೆ.

ಮಿಶ್ರ ವೆಜ್ ಪಲ್ಯದ ರೆಸಿಪಿ

ಸ್ಯಾಂಡ್‌ವಿಚ್ ಹಾಗೂ ರೋಟಿಗೂ ಕೂಡ ಇದೊಂದು ಒಳ್ಳೆಯ ಕಾಂಬಿನೇಶನ್ ಆಗಿದೆ. ಇಂದಿನ ಲೇಖನದಲ್ಲಿ ಇವೆರಡನ್ನು ಬಳಸಿ ತಯಾರಿಸುವ ಒಂದು ರೆಸಿಪಿಯನ್ನು ನಾವಿಲ್ಲಿ ನೀಡಿದ್ದು ಇದರಿಂದ ನಿಮ್ಮ ದೇಹಕ್ಕೆ ಉತ್ತಮ ಆರೋಗ್ಯ ದೊರೆಯುತ್ತದೆ.

ಈ ರೆಸಿಪಿ ಮಾಡಲು ತುಂಬಾ ಸರಳವಾಗಿದ್ದು ನಿಮ್ಮ ಕಚೇರಿಗೆ ಹೋಗುವ ಧಾವಂತದಲ್ಲಿ ಸುಲಭವಾಗಿ ತಯಾರಿಸಬಹುದು. ಹಾಗಿದ್ದರೆ ಈ ಟೊಮೇಟೊ ಈರುಳ್ಳಿ ಪಲ್ಯವನ್ನು ತಯಾರಿಸಲು ಈ ವಿಧಾನವನ್ನು ಅನುಸರಿಸಿ.

Lip-smacking Tomato Onion Sabji Recipe

ಪ್ರಮಾಣ:3-4
*ಸಿದ್ಧತಾ ಸಮಯ: 5 ನಿಮಿಷಗಳು
*ಅಡುಗೆಗೆ ಬೇಕಾದ ಸಮಯ: 10 ನಿಮಿಷಗಳು

ಸಾಮಾಗ್ರಿಗಳು:
1. ಈರುಳ್ಳಿ - 2 (ಕತ್ತರಿಸಿದ್ದು)
2. ಟೊಮೇಟೊ - 3 (ಕತ್ತರಿಸಿದ್ದು)
3. ಹಸಿಮೆಣಸು - 2 (ಕತ್ತರಿಸಿದ್ದು)
4. ಅರಶಿ ಹುಡಿ - 1 ಸ್ಪೂನ್
5. ಮೆಣಸಿನ ಹುಡಿ - 1 ಸ್ಪೂನ್
6. ಕೊತ್ತಂಬರಿ ಹುಡಿ - 1/2 ಸ್ಪೂನ್
7. ಜೀರಿಗೆ - ಸ್ವಲ್ಪ
8. ಉಪ್ಪು - ರುಚಿಗೆ ತಕ್ಕಷ್ಟು
9. ಎಣ್ಣೆ - 1 ಸ್ಪೂನ್

ನಾಲಿಗೆಯ ರುಚಿ ತಣಿಸುವ ಪಾಲಕ್ ರೆಸಿಪಿ!

ಮಾಡುವ ವಿಧಾನ:
1. ಪ್ಯಾನ್‌ನಲ್ಲಿ ಎಣ್ಣೆ ಬಿಸಿ ಮಾಡಿ. ಎಣ್ಣೆ ಬಿಸಿಯಾದಾಗ ಜೀರಿಗೆಯ ಒಗ್ಗರಣೆಯನ್ನು ಅದಕ್ಕೆ ಹಾಕಿ.

2. ಜೀರಿಗೆ ಕಂದು ಬಣ್ಣಕ್ಕೆ ತಿರುಗುತ್ತಿದ್ದಂತೆ, ಈರುಳ್ಳಿಯನ್ನು ಹಾಕಿ. 3-4 ನಿಮಿಷಗಳ ಕಾಲ ಅದನ್ನು ಹುರಿಯಿರಿ.

3. ಅರಶಿನವನ್ನು ಹಾಕಿ ಮಿಶ್ರ ಮಾಡಿ. ಈರುಳ್ಳಿ ಬೇಯುತ್ತಿದ್ದಂತೆ ಟೊಮೇಟೊ ಹಾಗೂ ಹಸಿಮೆಣಸನ್ನು ಇದಕ್ಕೆ ಹಾಕಿ.

4. ಚೆನ್ನಾಗಿ ಮಿಶ್ರ ಮಾಡಿ ಮತ್ತು ಟೊಮೇಟೋ ಬೇಯುತ್ತಿದ್ದಂತೆ ಪ್ಯಾನ್‌ನಲ್ಲಿ ಚೆನ್ನಾಗಿ ಮ್ಯಾಶ್ ಆಗುವಂತೆ ಮಾಡಿ.

5. ಮೆಣಸಿನ ಹುಡಿ ಹಾಗೂ ಕೊತ್ತಂಬರಿ ಹುಡಿಯನ್ನು ಸೇರಿಸಿ ಸ್ವಲ್ಪ ನಿಮಿಷ ಮಿಶ್ರ ಮಾಡಿ.

6. ಇನ್ನು ಗ್ಯಾಸ್ ಸ್ಟವ್ ಆಫ್ ಮಾಡಿ, ರುಚಿ ರುಚಿಯಾದ ಈರುಳ್ಳಿ ಟೊಮೇಟೊ ಪಲ್ಯ ರೆಡಿ!

ಇದನ್ನು ರೋಟಿ ಹಾಗೂ ಬಿಸಿ ಅನ್ನದೊಂದಿಗೆ ಸವಿಯಲು ನೀಡಿರಿ.

English summary

Lip-smacking Tomato Onion Sabji Recipe

The blend of tomatoes and crunchy onions is always a treat for the meal. There are many ways to mix the two foods together and prepare a lip-smacking and delicious side dish.
Story first published: Wednesday, May 14, 2014, 10:23 [IST]
X
Desktop Bottom Promotion