For Quick Alerts
ALLOW NOTIFICATIONS  
For Daily Alerts

ಸ್ವಾದದ ಘಮಲನ್ನು ಹೆಚ್ಚಿಸುವ ಕ್ಯಾಪ್ಸಿಕಂ ಚಿಲ್ಲಿ ರೆಸಿಪಿ!

|

ಕ್ಯಾಪ್ಸಿಕಂ ಜೊತೆಗೆ ಚಿಲ್ಲಿ ಎಗ್ ರೆಸಿಪಿ, ಹೆಸರೆ ಸೂಚಿಸುತ್ತದೆ ಇದು ಯಾವ ಆಹಾರವೆಂದು!!. ಇಂದು ಬೋಲ್ಡ್‌ಸ್ಕೈ ನಿಮ್ಮೊಂದಿಗೆ ಕೇವಲ 20 ನಿಮಿಷಗಳಲ್ಲಿ ಮಾಡಬಹುದಾದ ರುಚಿಕರವಾದ ಖಾದ್ಯವನ್ನು ತಯಾರಿಸುವ ಬಗೆಯನ್ನು ಹಂಚಿಕೊಳ್ಳುತ್ತಿದೆ. ನಿಮ್ಮ ಮನೆಯಲ್ಲಿ ಬಿಳಿಯನ್ನ ಮತ್ತು ಸಾರು ತಯಾರಾಗಿದ್ದಲ್ಲಿ, ಬಾಯಿಯಲ್ಲಿ ನೀರೂರಿಸುವಂತಹ ಈ ಖಾದ್ಯವು ನಿಮ್ಮ ಇಂದಿನ ಊಟದ ರುಚಿಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ಮೊಟ್ಟೆಯನ್ನು ಕ್ಯಾಪ್ಸಿಕಂ ಜೊತೆಗೆ ಏಕೆ ಆರಿಸಿಕೊಳ್ಳಲಾಯಿತು ಎಂದರೆ, ಇವೆರಡರಲ್ಲೂ ಪೋಷಕಾಂಶಗಳು ಸಮೃದ್ಧವಾಗಿ ಇರುತ್ತವೆ. ಇವೆರಡು ಪದಾರ್ಥಗಳು ಪ್ರತ್ಯೇಕವಾಗಿ ನಿಮ್ಮ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ ಮತ್ತು ನಿಮ್ಮನ್ನು ಸದೃಢವಾಗಿ ಇರಿಸುತ್ತವೆ. ಬರೀ ಮೊಟ್ಟೆ ತಿನ್ನುವವರಿಗೆ ಕ್ಯಾಪ್ಸಿಕಂ ಮತ್ತಷ್ಟು ರುಚಿಯನ್ನು ನೀಡುತ್ತದೆ. ಹಾಗಾಗಿ ಈ ಮಧ್ಯಾಹ್ನ ಈ ಖಾದ್ಯವನ್ನು ತಯಾರಿಸಿಕೊಳ್ಳಲು ಹಿಂದೆ ಮುಂದೆ ಆಲೋಚಿಸಬೇಡಿ. ಸ್ವಾದದ ರುಚಿಯನ್ನು ದ್ವಿಗುಣಗೊಳಿಸುವ ಕೆಂಪಕ್ಕಿ ಮಶ್ರೂಮ್ ಖಾದ್ಯ

Chilly Egg With Capsicum Recipe

ಈ ಖಾದ್ಯದ ಹೆಚ್ಚುಗಾರಿಕೆ ಎಂದರೆ ಇದಕ್ಕೆ ಹಾಕುವ ಮಸಾಲೆಯು ನಿಮ್ಮ ರುಚಿಗ್ರಂಥಿಗಳಿಗೆ ಹಬ್ಬವನ್ನು ನೀಡುತ್ತದೆ. ಮಸಾಲೆ ಮತ್ತು ಕ್ಯಾಪ್ಸಿಕಂ ಬೆಂದಾಗ ಹೊರಬರುವ ರಸ ಇವೆರಡು ಸೇರಿ ಈ ಖಾದ್ಯದ ರುಚಿಯನ್ನು ಅಮೋಘವನ್ನಾಗಿಸುತ್ತವೆ. ಹಾಗಾದರೆ ಏಕೆ ತಡ? ತಡ ಮಾಡದೆ ರುಚಿಕರವಾದ ಕ್ಯಾಪ್ಸಿಕಂ ಎಗ್ ರೆಸಿಪಿಯನ್ನು ತಯಾರಿಸುವ ಬಗೆಯನ್ನು ತಿಳಿದುಕೊಂಡು ಬರೋಣ ಬನ್ನಿ

Chilly Egg With Capsicum Recipe

ಮೂವರಿಗೆ ಬಡಿಸಬಹುದು

*ತಯಾರಿಕೆಗೆ ತಗುಲುವ ಸಮಯ: 15 ನಿಮಿಷಗಳು

*ಅಡುಗೆಗೆ ತಗುಲುವ ಸಮಯ : 18 ನಿಮಿಷಗಳು

Chilly Egg With Capsicum Recipe

ಅಗತ್ಯವಾಗಿರುವ ಪದಾರ್ಥಗಳು

*ಮೊಟ್ಟೆಗಳು - 4

*ಎಣ್ಣೆ - 2 ಟೀ.ಚಮಚ

*ಬೆಳ್ಳುಳ್ಳಿ - 1 ಟೀ.ಚಮಚ

*ಈರುಳ್ಳಿ - 3 (ಕತ್ತರಿಸಿದಂತಹುದು)

*ಹಸಿ ಮೆಣಸಿನಕಾಯಿ- 2 (ಕತ್ತರಿಸಿದಂತಹುದು)

*ಚಿಲ್ಲಿ ಸಾಸ್ - 1 ಟೀ.ಚಮಚ

Chilly Egg With Capsicum Recipe

*ಟೊಮೇಟೊ ಸಾಸ್ - 1 ಟೀ.ಚಮಚ

*ಮೆಣಸು - 1 ಟೀ.ಚಮಚ

*ಕ್ಯಾಪ್ಸಿಕಂ - 1 (ಕತ್ತರಿಸಿದಂತಹುದು)

*ಅಜಿನೊಮೊಟೊ - 1 ಚಿಟಿಕೆ

*ಉಪ್ಪು - ಒಂದು ಚಿಟಿಕೆ

Chilly Egg With Capsicum Recipe

ಫಟಾಫಟ್ ತಯಾರಿಸಿ ಗರಿಗರಿಯಾದ ಮೊಟ್ಟೆಯ ರೆಸಿಪಿ!

*ಈ ರುಚಿಕರವಾದ ಖಾದ್ಯವನ್ನು ನಾಲ್ಕು ಮೊಟ್ಟೆಗಳನ್ನು ಒಡೆದು ಕಲೆಸಿಕೊಳ್ಳೂವ ಮೂಲಕ ಆರಂಭಿಸಿ. ಈ ಮೊಟ್ಟೆಯ ಮಿಶ್ರಣಕ್ಕೆ ಒಂದು ಚಿಟಿಕೆ ಉಪ್ಪು ಹಾಕಿ. ಇದು ಸಿದ್ಧವಾದ ಮೇಲೆ ಇದನ್ನು ತಳ ಆಳವಿರುವ ಬಾಣಲೆಯ ಮೇಲೆ ಹಾಕಿಕೊಂಡು ಹುರಿದುಕೊಳ್ಳಿ.

*ಇದು ಮುಗಿದ ಮೇಲೆ ಹುರಿದ ಮೊಟ್ಟೆಯನ್ನು ಪಕ್ಕದಲ್ಲಿ ಹಾಕಿ ಇಟ್ಟುಕೊಳ್ಳಿ. ಅದೇ ಬಾಣಲೆಯಲ್ಲಿ ಅಥವಾ ಮತ್ತೊಂದರಲ್ಲಿ, ಸ್ವಲ್ಪ ಎಣ್ಣೆಯನ್ನು ಹಾಕಿಕೊಳ್ಳಿ. ಎಣ್ಣೆ ಕಾಯುವವರೆಗೆ ಕಾಯಿರಿ. ಅದಕ್ಕೆ ಕತ್ತರಿಸಿದ ಬೆಳ್ಳುಳ್ಳಿಯನ್ನು ಹಾಕಿ. ಬೆಳ್ಳುಳ್ಳಿಯು ಹೊಂಬಣ್ಣಕ್ಕೆ ಬರುವವರೆಗೆ ಎಣ್ಣೆಯಲ್ಲಿ ಹುರಿಯಿರಿ.

*ಈಗ ಇದಕ್ಕೆ ಹಸಿಮೆಣಸಿನ ಕಾಯಿಯನ್ನು ಹಾಕಿ. ಇದೇ ಬಾಣಲೆಗೆ ಕತ್ತರಿಸಿದ ಈರುಳ್ಳಿ ಮತ್ತು ಮೆಣಸಿನಕಾಯಿ ಹಾಗು ಬೆಳ್ಳುಳ್ಳಿಯನ್ನು ಹಾಕಿ. ಈರುಳ್ಳಿಗಳು ಹೊಂಬಣ್ಣಕ್ಕೆ ಬರುವವರೆಗೆ ಕಾಯಿರಿ ನಂತರ ಅದಕ್ಕೆ ಕ್ಯಾಪ್ಸಿಕಂ ಹಾಕಿ. ಚೆನ್ನಾಗಿ ಕಲೆಸಿ ಕೊಡಿ.

* ಇನ್ನು ಇದರ ಮೇಲೆ ಹುರಿದ ಮೊಟ್ಟೆಯನ್ನು ಬಾಣಲೆಗೆ ಹಾಕಿ. ಚಮಚದ ಸಹಾಯದಿಂದ ಇವನ್ನೆಲ್ಲ ಚೆನ್ನಾಗಿ ಕಲೆಸಿಕೊಡಿ. ನಂತರ ಇದಕ್ಕೆ ಚಿಲ್ಲಿ ಸಾಸ್ ಮತ್ತು ಟೊಮೇಟೊ ಸಾಸ್ ಹಾಕಿ. ಚೆನ್ನಾಗಿ ಮಿಶ್ರಣ ಮಾಡಿ. *ತದನಂತರ ಇದಕ್ಕೆ ಮೆಣಸನ್ನು ಹಾಕಿ ಚೆನ್ನಾಗಿ ಕಲೆಸಿಕೊಡಿ. ಜೊತೆಗೆ ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ. ಆನಂತರ ಇದರ ಮೇಲೆ ಅಜಿನೊಮೊಟೊವನ್ನು ಚಿಮುಕಿಸಿ ಈ ಖಾದ್ಯವನ್ನು ಬಡಿಸಿ.

Chilly Egg With Capsicum Recipe

ಪೋಷಕಾಂಶದ ಸಲಹೆ:

ಕ್ಯಾಪ್ಸಿಕಂ ಒಂದು ಒಳ್ಳೆಯ ತರಕಾರಿ. ತೂಕವನ್ನು ಇಳಿಸಿಕೊಳ್ಳಲು ಬಯಸುವವರಿಗೆ ಇದು ಹೇಳಿ ಮಾಡಿಸಿದ ಆಹಾರವಾಗಿರುತ್ತದೆ. ಏಕೆಂದರೆ ಇದು ನಮ್ಮ ದೇಹದಲ್ಲಿರುವ ಕೊಬ್ಬನ್ನು ಕರಗಿಸುತ್ತದೆ.

English summary

Chilly Egg With Capsicum Recipe

Chilly Egg With Capsicum...... The name itself sounds yum!! Today, Boldsky shares with you this delicious recipe which you can prepare in less than 20 minutes. If you have dal and your white rice ready, then this yummy side dish will be a sensational treat to your plate. hav a look
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more