For Quick Alerts
ALLOW NOTIFICATIONS  
For Daily Alerts

ರೆಸಿಪಿ: ಮೀನು, ಚಿಕನ್ ಸಾರಿಗೆ ಬೊಂಬಾಟ್ ಆಗಿರುತ್ತೆ ಈ ಮರಗೆಣಸಿನ ಉಪ್ಪಿಟ್ಟು

Posted By:
|

ಹೆಚ್ಚಿನವರಿಗೆ ಮರಗೆಣಸಿನಿಂದ ಉಪ್ಪಿಟ್ಟು ಮಾಡಬಹುದು ಎಂಬುವುದೇ ಗೊತ್ತೇ ಇರಲ್ಲ, ಆದರೆ ಇದರಿಂದ ರುಚಿಕರವಾದ ಉಪ್ಪಿಟ್ಟು ತಯಾರಿಸಬಹುದಾಗಿದ್ದು, ರೆಸಿಪಿ ಕೂಡ ಅಷ್ಟೇ ಸರಳವಾಗಿದೆ. ಇದನ್ನು ಬ್ರೇಕ್‌ಫಾಸ್ಟ್‌ ಆಗಿ ಬಳಸಬಹುದು, ಇಲ್ಲಾ ಸಂಜೆ ಸ್ನ್ಯಾಕ್ಸ್ ಆಗಿ ಬಳಸಬಹುದು.

Maragenasu Uppitu

ಮರಗೆಣಸಿನ ಉಪ್ಪಿಟ್ಟು ಅನ್ನು ಕೇರಳ ಕಡೆ ಕಪ್ಪಪುಯಿಕ್ ಎಂದು ಕರೆಯುತ್ತಾರೆ. ಕೇರಳದ ಪ್ರಸಿದ್ಧ ರೆಸಿಪಿಗಳಲ್ಲಿ ಇದೂ ಒಂದು. ಅಲ್ಲಿಯ ಹೋಟೆಲ್‌ಗಳಲ್ಲಿ ನಿಮಗೆ ಕಪ್ಪಪುಯಿಕ್ ಸಿಗುತ್ತದೆ.

ಆದರೆ ಕರ್ನಾಟಕದ ಹೋಟೆಲ್‌ಗಳಲ್ಲಿ ಸಿಗುವುದು ಬಲು ಅಪರೂಪ, ಏನಿದ್ದರೂ ನೀವು ಮನೆಯಲ್ಲಿಯೇ ಮಾಡಿ ರುಚಿ ನೋಡಬೇಕಷ್ಟೆ. ಬನ್ನಿ ಮರಗೆಣಸಿನ ಉಪ್ಪಿಟ್ಟು ಮಾಡುವುದು ಹೇಗೆ ಎಂದು ನೋಡೋಣ.....

Kappa Puzhukku recipe, ಮರಗೆಣಸಿನ ಉಪ್ಪಿಟ್ಟು ರೆಸಿಪಿ
Kappa Puzhukku recipe, ಮರಗೆಣಸಿನ ಉಪ್ಪಿಟ್ಟು ರೆಸಿಪಿ
Prep Time
15 Mins
Cook Time
10M
Total Time
25 Mins

Recipe By: Reena TK

Recipe Type: Breakfast

Serves: 4

Ingredients
  • ಬೇಕಾಗುವ ಸಾಮಗ್ರಿ

    ಮರಗೆಣಸು 1 ಕೆಜಿ

    ಹಸಿ ಮೆಣಸು 3

    ತೆಂಗಿನಕಾಯಿ ತುರಿ 1 ಕಪ್

    ಅರಿಶಿಣ ಪುಡಿ ಅರ್ಧ ಕಪ್

    ಈರುಳ್ಳಿ 2

    ರುಚಿಗೆ ತಕ್ಕ ಉಪ್ಪು

    ಸಾಸಿವೆ 1 ಚಮಚ

    ಎಣ್ಣೆ 2 ಚಮಚ

    ಸ್ವಲ್ಪ ಕರಿಬೇವಿನ ಎಲೆ

Red Rice Kanda Poha
How to Prepare
  • ಮಾಡುವ ವಿಧಾನ

    * ಮೊದಲಿಗೆ ಮರಗೆಣಸಿನ ಸಿಪ್ಪೆ ಸುಲಿದು ಅದನ್ನು ಚಿಕ್ಕ-ಚಿಕ್ಕ ತುಂಡುಗಳಾಗಿ ಕತ್ತರಿಸಿ, ಚೆನ್ನಾಗಿ ನೀರಿನಲ್ಲಿ ತೊಳೆದು

    ಒಂದು ಮಡಿಕೆಯಲ್ಲಿ ಹಾಕಿ, ಬೇಯಲು ತಕ್ಕ ನೀರು ಹಾಕಿ ಸ್ವಲ್ಪ ಉಪ್ಪು ಹಾಕಿ ಬೇಯಿಸಿ ಕೊಳ್ಳಬೇಕು.

    * ಇದೇ ಸಮಯಕ್ಕೆ ತೆಂಗಿನಕಾಯಿಗೆ ಹಸಿ ಮೆಣಸು, ಅರಿಶಿಣ ಹಾಕಿ ರುಬ್ಬಿಟ್ಟುಕೊಳ್ಳಬೇಕು (ಜೀರಿಗೆ ಮೆಣಸು ಹಾಕಿದರೆ ಅಧಿಕ ರುಚಿ).

    * ಚೆನ್ನಾಗಿ ಬೇಯುವ ಗೆಣಸಾದರೆ 15 ನಿಮಿಷಕ್ಕೆ ಬೇಯುತ್ತದೆ, ಅದರ ನೀರು ಸೋಸಿ ಗೆಣಸನ್ನು ಸೌಟ್‌ನಿಂದ ಚುಚ್ಚಿ ಪುಡಿ-ಪುಡಿ ಮಾಡಿಡಿ.

    * ಈಗ ದಪ್ಪ ತಳ ಇರುವ ಪ್ಯಾನ್‌ಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಅದಕ್ಕೆ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್ ಶಬ್ದ ಮಾಡುವಾಗ ಈರುಳ್ಳಿ, ಕರಿಬೇವು ಹಾಕಿ ಎರಡು ನಿಮಿಷ ಫ್ರೈ ಮಾಡಿ.

    * ಈಗ ಉರಿ ಕಡಿಮೆ ಮಾಡಿ ಪುಡಿ -ಪುಡಿ ಮಾಡಿದ ಗೆಣಸು ಹಾಕಿ.

    *ರುಬ್ಬಿದ ತೆಂಗಿನಕಾಯಿ ಹಾಕಿ ಮಿಕ್ಸ್ ಮಾಡಿ, ಬೇಯಿಸುವಾಗ ಉಪ್ಪು ಸರಿಯಾಗಿದ್ದರೆ ಮತ್ತೆ ಉಪ್ಪು ಸೇರಿಸಬೇಕಾಗಿ, ಇಲ್ಲದಿದ್ದರೆ ಸ್ವಲ್ಪ ಉಪ್ಪು ಸೇರಿಸಿ ಮಿಕ್ಸ್ ಮಾಡಿದರೆ ಮರಗೆಣಸು ಉಪ್ಪಿಟ್ಟು ರೆಡಿ.

Instructions
  • * ಇದನ್ನು ಬೆಳಗ್ಗಿನ ಬ್ರೇಕ್‌ಫಾಸ್ಟ್‌ಗೆ ಸವಿಯುವುದಾದರೆ ಈರುಳ್ಳಿ, ಹಸಿ ಮೆಣಸಿನಕಾಯಿ, ಉಪ್ಪು ಹಾಕಿ ರುಬ್ಬಿ, ಅದಕ್ಕೆ ಸ್ವಲ್ಪ ತೆಂಗಿನೆಣ್ಣೆ ಹಾಗೂ ನಿಂಬೆ ರಸ ಸೇರಿಸಿ ಖಾರ ಚಟ್ನಿ ರೆಡಿ, ಅದರ ಜೊತೆ ತಿನ್ನಲು ಸೂಪರ್ ಆಗಿರುತ್ತೆ. * ಇನ್ನು ಈ ರೀತಿಯ ಮರಗೆಣಸು ಉಪ್ಪಿಟ್ಟಿಗೆ ಚಿಕನ್ ಅಥವಾ ಮೀನು ಸಾರ್ ಕೂಡ ಬೊಂಬಾಟ್ ಕಾಂಬಿನೇಷನ್.
Nutritional Information
  • ಸರ್ವ್ - 1 ಕೆಜಿ
  • ಕ್ಯಾಲೋರಿ - 390ಕ್ಯಾ
  • ಪ್ರೊಟೀನ್ - 2 ಗ್ರಾಂ
  • ಕಾರ್ಬ್ಸ್ - 94ಗ್ರಾಂ
[ 4 of 5 - 94 Users]
X
Desktop Bottom Promotion