Just In
Don't Miss
- News ಸಿಯಾಚಿನ್ ಬಳಿ ಚೀನಾ ಆಕ್ರಮಿತ ಕಾಶ್ಮೀರದಲ್ಲಿ ಹೊಸ ರಸ್ತೆ ನಿರ್ಮಾಣ; ಖಚಿತಪಡಿಸಿದ ಉಪಗ್ರಹ ಚಿತ್ರಗಳು
- Movies Shravani subramanya: ತಂದೆ ಮಾತಿಗೆ ಕಾಯುತ್ತಿದ್ದ ಶ್ರಾವಣಿಗೆ, ಸುಬ್ಬು ಆಕ್ಸಿಡೆಂಟ್ ವರದಾನವಾಗಿದೆ!
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೆಸಿಪಿ: ರುಚಿಯಾದ ದಾಲ್ ಫ್ರೈ ಮಾಡುವುದು ಬಲು ಸುಲಭ
ದಾಲ್ ಫ್ರೈ ಉತ್ತರ ಭಾರತದ ಶೈಲಿಯ ಅಡುಗೆಯಾಗಿದ್ದು, ರೊಟ್ಟಿ, ನಾನ್ಗೆ ಇದನ್ನು ಮಾಡಿ ಸವಿಯಲಾಗುವುದು. ಆದರೆ ಈ ದಾಲ್ ಫ್ರೈ ನಮ್ಮ ಬಿಸಿ-ಬಿಸಿ ಅನ್ನದ ಜೊತೆಯೂ ಚೆನ್ನಾಗಿ ಸೂಟ್ ಆಗುವುದು. ಇನ್ನು ಚಪಾತಿಗೂ ಒಳ್ಳೆಯ ಕಾಂಬಿನೇಷನ್.
ಬೇಳೆ ಸಾರು ಅನೇಕ ಬಗೆಯಲ್ಲಿ ಮಾಡಬಹುದು. ನೀವು ಈ ದಾಲ್ ಫ್ರೈ ಟ್ರೈ ಮಾಡಿ, ಮಾಡಲು ತುಂಬಾ ಸುಲಭ ಹಾಗೂ ರುಚಿಯೂ ಸೂಪರ್ ಆಗಿರುತ್ತೆ. ಹೊಸದಾಗಿ ಅಡುಗೆ ಕಲಿಯುತ್ತಿರುವವರು ಕೂಡ ಟ್ರೈ ಮಾಡಿದರೆ ರುಚಿಯಾದ ದಾಲ್ ಫ್ರೈ ತಯಾರಿಸಬಹುದು. ಅಷ್ಟು ಸುಲಭವಾಗಿದೆ ಈ ರೆಸಿಪಿ. ಹಾಗಾದರೆ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣವೇ?
Recipe By: Reena TK
Recipe Type: curry
Serves: 5
-
ಬೇಕಾಗುವ ಸಾಮಗ್ರಿ
1/2 ಕಪ್ ತೊಗರಿ ಬೇಳೆ
1/2 ಕಪ್ ಮಸುರ್ ದಾಲ್ (ಕೆಂಪು ಬೇಳೆ)
ಒಂದೂವರೆ ಕಪ್ ನೀರು
1 ಚಿಕ್ಕ ಚಮಚ ಉಪ್ಪು (ರುಚಿಗೆ ತಕ್ಕಷ್ಟು)
1/2 ಚಮಚ ಅರಿಶಿಣ ಪುಡಿ
ದಾಲ್ ಫ್ರೈ ಮಾಡಲು ಬೇಕಾಗುವ ಸಾಮಗ್ರಿಗಳು
2 ಸಾಧಾರಣ ಗಾತ್ರದ ಈರುಳ್ಳಿ (ಚಿಕ್ಕದಾಗಿ ಕತ್ತರಿಸಿದ್ದು)
2-3 ಒಣ ಮೆಣಸು
ಹಸಿ ಮೆಣಸು 2 (ಎರಡು ಹೋಳಾಗಿ ಕತ್ತರಿಸಿ)
ಸ್ವಲ್ಪ ಕರಿಬೇವು
1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್
1 ಚಮಚ ಜೀರಿಗೆ
ಸ್ವಲ್ಪ ಇಂಗು
1 ಚಮಚ ಕಸೂರಿ ಮೇತಿ
1/2 ಚಮಚ ಸಾಸಿವೆ
1/2 ಚಮಚ ಖಾರದ ಪುಡಿ
1/2 ಚಮಚ ಗರಂ ಮಸಾಲ ಪುಡಿ
3 ಚಮಚ ತುಪ್ಪ ಅಥವಾ ಎಣ್ಣೆ
1/2 ಚಮಚ ನಿಂಬೆರಸ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ನೀರು
-
ತಯಾರಿಸುವುದು ಹೇಗೆ?
* ಮೊದಲಿಗೆ ಬೇಳೆಗಳನ್ನು ಕುಕ್ಕರ್ನಲ್ಲಿ ಬೇಯಿಸುವುದಾದರೆ 2 ವಿಶಲ್ ಬರುವವರೆಗೆ ಬೇಯಿಸಿ. ಬೇಳೆ ಚೆನ್ನಾಗಿ ಬೆಂದಿರಬೇಕು, ಇಲ್ಲವಾದರೆ ಮ್ಯಾಶ್ ಮಾಡಿ.
* ಈಗ ಸಾರು ಪಾತ್ರೆ ಬಿಸಿ ಮಾಡಿ ಅದಕ್ಕೆ ತುಪ್ಪ ಅಥವಾ ಎಣ್ಣೆ ಹಾಕಿ ಬಿಸಿ ಮಾಡಿ.
* ಈಗ ಸಾಸಿವೆ ಹಾಕಿ, ಸಾಸಿವೆ ಚಟ್ಪಟ್ ಶಬ್ದ ಮಾಡುವಾಗ ಜೀರಿಗೆ ಹಾಕಿ, ಜೀರಿಗೆ ಚಟ್ಪಟ್ ಶಬ್ದ ಮಾಡುವಾಗ ಸ್ವಲ್ಪ ಇಂಗು ಹಾಕಿ, ನಂತರ ಒಣ ಮೆನಸು ಹಾಕಿ, ನಂತರ ಕರಿಬೇವು ಹಾಕಿ, ಈಗ ಈರುಳ್ಳಿ, ಹಸಿ ಮೆಣಸು ಹಾಕಿ, ಈರುಳ್ಳಿ,ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಸ್ವಲ್ಪ ಕಂದು ಬಣ್ಣಕ್ಕೆ ಬರುವವರೆಗೆ ಬೇಯಿಸಿ.
* ಕಸೂರಿ ಮೇತಿ ಸೇರಿಸಿ.
* ನಂತರ ಬೇಯಿಸಿದ ಬೇಳೆ ಹಾಕಿ ಅದಕ್ಕೆ ಖಾರದ ಪುಡಿ, ಗರಂ ಮಸಾಲ ಪುಡಿ ಸೇರಿಸಿ ಕುದಿಸಿ. ನಂತರ ಕೊತ್ತಂಬರಿ ಸೊಪ್ಪು ಹಾಕಿ ಉರಿಯಿಂದ ಇಳಿಸಿ.
* ಉರಿಯಿಂದ ಇಳಿಸಿದ ಮೇಲೆ 1/2 ಚಮಚ ನಿಂಬೆರಸ ಹಾಕಿ ಮಿಕ್ಸ್ ಮಾಡಿ ರುಚಿಯಾದ ದಾಲ್ ಫ್ರೈ ರೆಡಿ.
- ಸಲಹೆ: ದಾಲ್ ಫ್ರೈ ಸ್ವಲ್ಪ ಗಟ್ಟಿಯಾಗಿದ್ದರೆ ರುಚಿ, ಆದ್ದರಿಂದ ಬೇಳೆ ಬೇಯಿಸುವಾಗ ತುಂಬಾ ನೀರು ಹಾಕಬೇಡಿ. ಅದು ಬೇಯಲು ತಕ್ಕ ನೀರು ಹಾಕಿದರೆ ಸಾಕು.
- ಸರ್ವ್ - 5
- ಕ್ಯಾಲೋರಿ - 224ಕ್ಯಾ
- ಕೊಬ್ಬು - 7ಗ್ರಾಂ
- ಪ್ರೊಟೀನ್ - 13ಗ್ರಾಂ
- ಕಾರ್ಬ್ಸ್ - 32ಗ್ರಾಂ