Just In
Don't Miss
- News ಈ ವರ್ಷ ಜಗತ್ತಿನಲ್ಲಿ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಕೇಳೋದು ಬಹಳ ಐತಿ; ಮಳೆ,ಬೆಳೆಯ ಕುರಿತು ಬಸವೇಶ್ವರ ಕಾರ್ಣಿಕ ಹೇಳಿದ್ದೇನು?
- Movies ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..!
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಚಾರಿ ಗೋಶ್ಟ್ ರೆಸಿಪಿ: ಮಟನ್ ಪ್ರಿಯರಿಗೆ ತುಂಬಾ ಇಷ್ಟವಾಗುವ ಖಾದ್ಯ
ನೀವು ಮಟನ್ ಪ್ರಿಯರಾಗಿದ್ದರೆ ನೀವು ಸಾಧಾರಣವಾಗಿ ಮಾಡುವ ವಿಧಾನಕ್ಕಿಂತ ಸ್ವಲ್ಪ ಭಿನ್ನವಾಗಿ ಏಕೆ ಮಾಡಲು ಪ್ರಯತ್ನಿಸಬಾರದು. ಅಯ್ಯೋ ಹೊಸ ವಿಧಾನ ಹೇಗೆ ಬರುತ್ತೋ ಎಂಬ ಆತಂಕವಿಲ್ಲದೆ ಮಾಡಬಹುದಾದ ರೆಸಿಪಿಯೊಂದನ್ನು ನಾವಿಲ್ಲ ನೀಡಿದ್ದೇವೆ.
ನೀವು ಇತರ ಮಟನ್ ಸಾರು ಮಾಡುವಷ್ಟೇ ಸುಲಭವಾದ ರೆಸಿಪಿಯಾಗಿದ್ದು ನಿಮಗೆ ಖಂಡಿತ ಈ ಟೇಸ್ಟ್ ಇಷ್ಟವಾಗುವುದು. ಇಲ್ಲಿ 1 ಕೆಜಿ ಮಟನ್ ಮಾಡುವ ರೆಸಿಪಿ ನೀಡಲಾಗಿದೆ. ನೀವು ಬೇಕಿದ್ದರೆ ಅರ್ಧ ಕೆಜಿ ಮಟನ್ ಬಳಸಿ ತಯಾರಿಸಬಹುದು.
ಈ ಆಚಾರಿ ಗೋಶ್ಟ್ ಖಾರವಾದ ಖಾದ್ಯವಾಗಿದ್ದು, ನೀವು ಬೇಕಿದ್ದರೆ ನಿಮ್ಮ ಖಾರಕ್ಕೆ ತಕ್ಕಂತೆ ತಯಾರಿಸಬಹುದು.
Recipe By: Kannada Boldsky
Recipe Type: Non veg
Serves: 4
-
ಬೇಕಾಗುವ ಸಾಮಗ್ರಿ
ಮಟನ್ 1 ಕೆಜಿ
ಒಣ ಮೆಣಸು 8
ಮೆಂತೆಕಾಳು ಅರ್ಧ ಚಮಚ
ಜೀರಿಗೆ 1 ಚಮಚ
ಸೋಂಪು 1 ಚಮಚ
ಈರುಳ್ಳಿ 1 ಚಮಚ
ಲವಂಗ 5
ಸಾಸಿವೆಯೆಣ್ಣೆ 4 ಚಮಚ
ಈರುಳ್ಳಿ 4
ಶುಂಠಿ 2 ಪೇಸ್ಟ್ ಚಮಚ
ಬೆಳ್ಳುಳ್ಳಿ 3 ಪೇಸ್ಟ್ ಚಮಚ
ಅರಿಶಿಣ ಪುಡಿ 1 ಚಮಚ
ಖಾರದ ಪುಡಿ 1 ಚಮಚ
ಟೊಮೆಟೊ 4
ನಿಂಬೆರಸ 1 ಚಮಚ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಎರಡೂವರೆ ಕಪ್ ನೀರು
-
ಮಾಡುವ ವಿಧಾನ
* ಒಣ ಮೆಣಸು, ಜೀರಿಗೆ, ಮೆಂತೆ, ಸಾಸಿವೆ, ಸೋಂಪು, ಲವಂಗ ಇವುಗಳನ್ನು 2-3 ನಿಮಿಷ ಹುರಿಯಿರಿ. ಬೇಕಿದ್ದರೆ ಈರುಳ್ಳಿ ಬೀಜ ಕೂಡ ಸೇರಿಸಬಹುದು. ಮೆಣಸು ಹಾಗೂ ಇತರ ಮಸಾಲೆ ಸಾಮಗ್ರಿ ರೋಸ್ಡ್ ಆದ ಮೇಲೆ ಉರಿಯಿಂದ ಇಳಿಸಿ ತಣ್ಣಗಾಗಲು ಬಿಡಿ.
ನಂತರ ಮಿಕ್ಸಿಯಲ್ಲಿ ಹಾಕಿ ತರಿತರಿಯಾಹಿ ರುಬ್ಬಿಕೊಳ್ಳಿ.
* ಮಟನ್ ತೊಳೆದು ಸ್ವಚ್ಛವಾಗಿಸಿ.
* ಪ್ಯಾನ್ಗೆ ಸಾಸಿವೆ ಎಣ್ಣೆ ಹಾಕಿ (ನಿಮಗಿಷ್ಟವಾದ ಎಣ್ಣೆ ಬಳಸಬಹುದು), ಎಣ್ಣೆ ಬಿಸಿಯಾದಾಗ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ಈಗ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಚೆನ್ನಾಗಿ ಫ್ರೈ ಮಾಡಿ.
* ಈಗ ರುಬ್ಬಿಟ್ಟ ಮಸಾಲೆಹಾಕಿ, ನಂತರ ಮಟನ್ ಹಾಕಿ ಮಿಕ್ಸ್ ಮಾಡಿ 10 ನಿಮಿಷ ಬೇಯಿಸಿ.
* ನಂತರ ಅರಿಶಿಣ ಪುಡಿ, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಶ್ರ ಮಾಡಿ.
* ಮತ್ತೆ ಸಾಧಾರಣ ಉರಿಯಲ್ಲಿ 5 ನಿಮಿಷ ಬೇಯಿಸಿ ಈಗ ಮಟನ್ ಬೇಯಲು ತಕ್ಕ ನೀರು ಹಾಕಿ ಬೇಯಿಸಿ. ಕುಕ್ಕರ್ನಲ್ಲಿ ಬೇಯಿಸುವುದಾದರೆ 8-10 ವಿಶಲ್ ಬರುವವರೆಗೆ ಬೇಯಿಸಿ.
* ನಂತರ ಸಾರು ಸ್ವಲ್ಪ ಗಟ್ಟಿಯಾಗ ಬೇಕಾದರೆ ಮುಚ್ಚಳ ತೆಗೆದು, ಅದರ ನೀರಿನಂಶ ಆವಿಯಾಗಿ ಗ್ರೇವಿ ಗಟ್ಟಿಯಾಗುವವರೆಗೆ ಬೇಯಿಸಿ. ನಂತರ ನಿಂಬೆ ರಸ ಹಿಂಡಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿ-ರುಚಿಯಾದ ಮಟನ್ ಗೋಶ್ಟ್ ರೆಡಿ.
- ಮಟನ್ ಮಸಾಲ ತರಿ -ತರಿಯಾಗಿರಬೇಕು, ನೀವು ಬೇಕಿದ್ದರೆ ಖಾರದ ಪುಡಿ ಬದಲಿಗೆ 1 ಚಮಚ ಮಟನ್ ಮಸಾಲ ಬಳಸಬಹುದು