Just In
- 1 hr ago ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- 2 hrs ago ವಿಶ್ವದಲ್ಲೇ ಅತೀ ಹೆಚ್ಚು ಬಾರಿ ಚುನಾವಣೆ ಸೋತ ವ್ಯಕ್ತಿ..! ಯಾರು ಈ ಸೋಲುವ ಸರದಾರ ಗೊತ್ತಾ?
- 4 hrs ago ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- 5 hrs ago ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
Don't Miss
- News DK Shivakumar: ಕಾಂಗ್ರೆಸ್ ಭವಿಷ್ಯದಲ್ಲಿ ನನ್ನನ್ನು ಸಿಎಂ ಮಾಡಲಿದೆ
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Movies STD ಬೂತ್ನಲ್ಲಿ ಕೆಲಸ ಮಾಡುವಾಗ 500 ರೂ. ಸಂಬಳ; ಶೋ ಆರಂಭಿಸಿದ ಮೇಲೆ ಗಳಿಸಿದ್ದೆಷ್ಟು ಕೋಟಿ?
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಾಯಿಯ ಈ ಅಭ್ಯಾಸವು ಮಗುವಿನ ರೂಪದ ಮೇಲೆ ಪರಿಣಾಮ ಬೀರುತ್ತದೆ
ಹುಟ್ಟಲಿರುವ ಮಗುವಿನ ಬಗ್ಗೆ ಗರ್ಭಿಣಿ ತಾಯಿ ಹಲವಾರು ಕನಸುಗಳನ್ನು ಕಾಣುತ್ತಾಳೆ. ಜೊತೆಗೆ ಮಗು ತನ್ನಂತೆ ಇರುತ್ತಾ, ಮಗುವಿನ ಅಪ್ಪನಂತೆ ಇರುತ್ತಾ ಎನ್ನುವ ಕುತೂಹಲಗಳೊಂದಿಗೆ ಮಗುವಿನ ಮುಖ, ರೂಪದ ಬಗ್ಗೆ ಕಲ್ಪನೆ ಮಾಡಿಕೊಳ್ಳಲು ಆರಂಭಿಸುತ್ತಾಳೆ.
ಮಗು ಜನಿಸಿದ ನಂತರ ಮಗುವಿನ ಹಣೆ ಅಮ್ಮನಂತಿದೆ, ಮೂಗು ಅಪ್ಪನಂತಿದೆ ಎಲ್ಲರೂ ಅನ್ನುವುದನ್ನು ಕೇಳಬಹುದು. ಕೆಲವರಂತೂ ಮಗು ಥೇಟ್ ಅಪ್ಪನಂತೆಯೇ ಎಂದಾಗ, ನವಮಾಸ ಮಗುವನ್ನು ಗರ್ಭದಲ್ಲಿ ಹೊತ್ತ ತಾಯಿಗೆ ಸ್ವಲ್ಪ ಬೇಜಾರಾಗುವುದೂ ಇದೆ.
ಕೆಲವೊಮ್ಮೆ ಮಗುವು ನೀವು ನಿರೀಕ್ಷಿಸದ ರೀತಿಯಲ್ಲಿಯೂ ಇರಬಹುದು. ಅಮ್ಮ-ಅಪ್ಪನ ರೂಪಗಳು ಬಾರದೆಯೂ ಇರಬಹುದು. ಹುಟ್ಟಲಿರುವ ಮಗುವಿನ ರೂಪದ ಮೇಲೆ ಪ್ರಭಾವ ಬೀರುವ ಅನೇಕ ಅಂಶಗಳಿವೆ. ಅವು ಯಾವುವು ಎನ್ನುವುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.
ಡಿಎನ್ಎ
ಡಿಎನ್ಎ ನಿಮ್ಮ ಮಗುವಿನ ರೂಪವನ್ನು ನಿರ್ಧರಿಸುತ್ತದೆ ಎನ್ನುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಡಿಎನ್ಎ ಬಹಳ ಸಂಕೀರ್ಣವಾದ ವಿಷಯ. ಕೂದಲಿನ ಬಣ್ಣ, ಕಣ್ಣಿನ ಬಣ್ಣ, ಎತ್ತರ ಮತ್ತು ತೂಕದಿಂದ ಹಿಡಿದು, ಗುಳಿ ಕೆನ್ನೆ ಅಥವಾ ನಸುಕಂದು ಮಚ್ಚೆಗಳ ಸ್ಥಾನದವರೆಗೆ ಎಲ್ಲವನ್ನೂ ನಿಮ್ಮ ಹಾಗೂ ನಿಮ್ಮ ಸಂಗಾತಿಯ ಡಿಎನ್ಎ ನಿರ್ದೇಶಿಸಬಹುದು. ಹೆಚ್ಚಿನ ಸಂದರ್ಭಗಳಲ್ಲಿ ಕೆಲವು ಜೀನ್ಗಳು ಡಿಎನ್ಎಗಿಂತ ಪ್ರಬಲವಾಗಿದ್ದಾಗ, ಕೆಲವೊಮ್ಮೆ ಮಗುವು ಯಾರನ್ನೂ ಹೋಲದೆಯೂ ಇರಬಹುದು.
ಮದ್ಯ ಸೇವನೆ
ಕೆಲವು ಅಧ್ಯಯನಗಳ ಪ್ರಕಾರ ಗರ್ಭಾವಸ್ಥೆಯಲ್ಲಿ ಕೆಲವು ಮಹಿಳೆಯರು ಮದ್ಯಪಾನ ಮಾಡುತ್ತಾರೆ. ಇದೂ ಕೂಡಾ ಮಗುವಿನ ರೂಪದ ಮೇಲೆ ಪರಿಣಾಮ ಬೀರುತ್ತೆ ಗೊತ್ತಾ..ಯಾವುದೇ ರೀತಿಯ ಆಲ್ಕೊಹಾಲ್ ಸೇವನೆಯು ಭ್ರೂಣದ ಆಲ್ಕೋಹಾಲ್ ಸಿಂಡ್ರೋಮ್ಗೆ ಕಾರಣವಾಗಬಹುದು. ಈ ರೋಗಲಕ್ಷಣವು ಅಭಿವೃದ್ಧಿ ಹೊಂದುತ್ತಿರುವ ಭ್ರೂಣವು ಅತ್ಯಂತ ಚಿಕ್ಕ ಕಣ್ಣುಗಳು ಅಥವಾ ತೆಳ್ಳಗಿನ ತುಟಿಗಳಂತಹ ವಿಶಿಷ್ಟ ಮುಖದ ನೋಟಗಳೊಂದಿಗೆ ಜನಿಸಲು ಕಾರಣವಾಗಬಹುದು. ಅಲ್ಲದೇ ಇದು ಮಗುವಿನ ಅರಿವಿನ ಮತ್ತು ಬೆಳವಣಿಗೆಯ ಸಾಮರ್ಥ್ಯಗಳ ಮೇಲೂ ಪರಿಣಾಮ ಬೀರಬಹುದು.
ಆರೋಗ್ಯಕರ ಅಭ್ಯಾಸಗಳು
ಗರ್ಭಿಣಿಯಾಗಿದ್ದಾಗ ದೈಹಿಕ ಚಟುವಟಿಕೆ, ವ್ಯಾಯಾಮ ಮಾಡದೇ ಇರುವುದು ಮತ್ತು ಆಹಾರ ಸೇವನೆಯೂ ಮಗುವಿನ ಆರೋಗ್ಯಕರ ತೂಕದ ಮೇಲೆ ಪರಿಣಾಮ ಬೀರುತ್ತದೆ. ಅನಾರೋಗ್ಯಕರ ಆಹಾರ ಸೇವನೆಯೂ ಕೂಡ ಸ್ಥೂಲಕಾಯದ ಶಿಶುವಿನ ಜನನಕ್ಕೆ ಕಾರಣವಾಗಬಹುದು. ನಂತರದಲ್ಲಿ ಮಗು ಬೆಳವಣಿಗೆಯಾಗುತ್ತಿದ್ದಂತೆ ಬೊಜ್ಜಿನ ಸಮಸ್ಯೆಯೂ ಉಂಟಾಗಬಹುದು. ಗರ್ಭಿಣಿಯಾಗುವ ಮೊದಲೂ, ಗರ್ಭ ಧರಿಸಿದ ನಂತರವೂ ಆರೋಗ್ಯಕರ, ಪೌಷ್ಟಿಕ ಆಹಾರ ಸೇವನೆ ಮಾಡಿ. ವ್ಯಾಯಾಮ, ಯೋಗ, ವಾಕಿಂಗ್ ಇತರ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಿ.
ಜೀವಸತ್ವಗಳು
ಗರ್ಭಿಣಿಯಾಗಿರುವಾಗಲೂ ಜೀವಸತ್ವಗಳು ಕೂಡಾ ಅನೇಕ ಕಾರಣಗಳಿಗಾಗಿ ಮುಖ್ಯವಾಗುತ್ತದೆ. ನಿರ್ದಿಷ್ಟವಾಗಿ ಈ ಜೀವಸತ್ವಗಳು ಮಗುವಿನ ನೋಟದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತವೆ. ನಿಮ್ಮ ಮಗುವಿನ ಬೆನ್ನುಮೂಳೆಯನ್ನು ರೂಪಿಸಲು ಫೋಲೆಟ್ ಅಂಶ ಅತ್ಯಗತ್ಯ. ಆದರೆ ಫೋಲೇಟ್ ಕೊರತೆಯು ಸ್ಪೈನಾ ಬೈಫಿಡಾ ಸಮಸ್ಯೆ ಅಂದರೆ ಬೆನ್ನುಹುರಿಗೆ ಸಂಬಂಧಿಸಿದ ಆನುವಂಶಿಕ ರೂಪಾಂತರಕ್ಕೆ ಕಾರಣವಾಗಬಹುದು.
ಕೆಫೀನ್
ಅತಿಯಾದ ಕೆಫೀನ್ ಸೇವನೆಯು ಮಗುವಿನ ಜನನ ತೂಕದ ಮೇಲೆ ಪರಿಣಾಮ ಬೀರಬಹುದು ಎಂದು ಅಧ್ಯಯನಗಳು ಹೇಳಿವೆ, ಇದು ನವಜಾತ ಶಿಶುವಿನ ರೂಪದ ಮೇಲೆ ಪ್ರಭಾವ ಬೀರುತ್ತದೆ. ಕೆಫಿನ್ಯುಕ್ತ ಪಾನೀಯಗಳ ಹೆಚ್ಚಿನ ಸೇವನೆಯಿಂದ ಮಗುವಿನ ಜನನದ ಸಮಯದಲ್ಲಿ ಸಾಮಾನ್ಯಕ್ಕಿಂತ ಚಿಕ್ಕದಾಗಿರಬಹುದು ಮತ್ತು ತೆಳ್ಳಗಿರಬಹುದು. ನಿಮ್ಮ ಕೆಫೀನ್ ಸೇವನೆಯನ್ನು ದಿನಕ್ಕೆ ಒಂದು ಕಪ್ ಕಾಫಿಗೆ ಅಥವಾ ಅದಕ್ಕಿಂತ ಕಡಿಮೆ ಪ್ರಮಾಣಕ್ಕೆ ಸೀಮಿತಗೊಳಿಸುವುದು ಉತ್ತಮ.
ಪ್ರಯಾಣ
ಹೆಚ್ಚು ವಿಮಾನಯಾನ ಪ್ರಯಾಣವು ಗರ್ಭಿಣಿ ತಾಯಿಯನ್ನು ಅನಾರೋಗ್ಯಕರ ಮಟ್ಟದ ವಿಕಿರಣಕ್ಕೆ ಒಡ್ಡಬಹುದು. ನಿಮಗೆ ತಿಳಿದಿರುವಂತೆ ಗರ್ಭಿಣಿ ತಾಯನ್ನು ವಿಕಿರಣಕ್ಕೆ ಒಳಪಡಿಸುವುದಿಲ್ಲ. ಗರ್ಭಧಾರಣೆಯ ಸಮಯದಲ್ಲಿ ಹೆಚ್ಚು ವಿಮಾನ ಪ್ರಯಾಣವು ನಿಮ್ಮ ಮಗುವಿನ ನೋಟದ ಮೇಲೆ ಸಂಭಾವ್ಯವಾಗಿ ಪರಿಣಾಮ ಬೀರಬಹುದು. ಗರ್ಭಾವಸ್ಥೆಯಲ್ಲಿ ಕಡಿಮೆ ಪ್ರಯಾಣವು ಹೆಚ್ಚಿನ ಮಹಿಳೆಯರಿಗೆ ಸುರಕ್ಷಿತವೆಂದು ಪರಿಗಣಿಸಲಾಗಿದೆ.
ಕುಟುಂಬದ ಇತಿಹಾಸ
ನಿಮ್ಮ ಮಗು ಹೇಗೆ ಕಾಣುತ್ತದೆ ಎಂಬುದರಲ್ಲಿ ನಿಮ್ಮ ಕುಟುಂಬದ ಇತಿಹಾಸವು ಒಂದು ಪಾತ್ರವನ್ನು ವಹಿಸುತ್ತದೆ. ಹಿಂಜರಿತದ ಜೀನ್ಗಳಂತೆ, ಕೆಲವು ಆನುವಂಶಿಕ ಜೀನ್ಗಳು "ಸುಪ್ತ" ಅಥವಾ "'ಸ್ಕಿಪ್" ತಲೆಮಾರುಗಳನ್ನು ಹೊಂದಬಹುದು ಮತ್ತು ಕುಟುಂಬಗಳು ಕನಿಷ್ಠ ನಿರೀಕ್ಷಿಸಿದಕ್ಕಿಂತ ಹೆಚ್ಚು ಮಗುವಿನ ಚರ್ಯೆಯಲ್ಲಿ ಬದಲಾವಣೆ ಕಾಣಬಹುದು. ಅದು ನಿಮ್ಮ ಕುಟುಂಬದ ಇತರ ಸದಸ್ಯರಂತೆಯೂ ಕಾಣಬಹುದು.
ಯಾರೇ ಆಗಲಿ ಮಗು ಹುಟ್ಟುವ ಮುಂಚೆಯೇ ಹೀಗಿರುತ್ತದೆ, ಹಾಗಿರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಮಗುವಿನಲ್ಲಿ ಅಪ್ಪ ಅಮ್ಮ ಇಬ್ಬರ ಗುಣಗಳೂ ಇರಬಹುದು. ಅಥವಾ ಇಲ್ಲದೆಯೂ ಇರಬಹುದು. ಮಗುವಿನಲ್ಲಿ ನಿಮ್ಮ ಗುಣಗಳಾಗಲಿ, ಕುಟುಂಬದ ಇತರರ ಗುಣಗಳಾಗಲಿ ಹುಡುಕುವುದು ತಪ್ಪು. ಮಕ್ಕಳು ಪ್ರತಿದಿನ ಹೊಸದನ್ನು ಕಲಿಯುತ್ತಾರೆ, ಜೊತೆಗೆ ಪ್ರತಿದಿನವೂ ಬದಲಾಗುತ್ತಾರೆ. ಆದ್ದರಿಂದ ಮಗುವಿನೊಂದಿಗಿನ ಅತ್ಯಮೂಲ್ಯ ಕ್ಷಣಗಳನ್ನು ಆನಂದಿಸಲು ಮರೆಯದಿರಿ.