For Quick Alerts
ALLOW NOTIFICATIONS  
For Daily Alerts

ನೀವು ಗರ್ಭಿಣಿಯಾಗುವ ಸಾಧ್ಯತೆಯು ಸಂಗಾತಿಯ ನಿದ್ರಾವಧಿಯನ್ನು ಅವಲಂಬಿಸಿದೆ !

|

ಮಹಿಳೆಯೊಬ್ಬಳು ಗರ್ಭಿಣಿಯಾಗಲು ಬಯಸುವ ಸಂದರ್ಭದಲ್ಲಿ ತಾನು ಫಲಿತವಾಗಲು ಸಾಧ್ಯವಿರುವ ಪ್ರಯತ್ನಗಳನ್ನೆಲ್ಲ ಆ ಮಹಿಳೆ ಮಾಡಲಾರಂಭಿಸುತ್ತಾಳೆ. ವಿವಿಧ ರೀತಿಯ ಪೌಷ್ಟಿಕ ಆಹಾರಗಳನ್ನು ಸೇವಿಸುವುದರಿಂದ ಹಿಡಿದು ಹಲವಾರು ಬಗೆಯ ವ್ಯಾಯಾಮಗಳು ಹೀಗೆ ಸಾಧ್ಯವಿರುವ ಪ್ರಯತ್ನಗಳೆಲ್ಲ ಸಾಗುತ್ತವೆ. ಆದರೆ ಮಹಿಳೆಯ ಪುರುಷ ಸಂಗಾತಿಯು ರಾತ್ರಿ ಮಲಗುವ ಅವಧಿಗೂ ಆಕೆ ಗರ್ಭ ಧರಿಸುವ ಸಾಧ್ಯಾಸಾದ್ಯತೆಗಳಿಗೂ ಸಂಬಂಧವಿದೆ ಎಂದರೆ ನೀವು ನಂಬಲೇಬೇಕು. ಇತ್ತೀಚೆಗಿನ ವೈಜ್ಞಾನಿಕ ಅಧ್ಯಯನವೊಂದರ ಪ್ರಕಾರ ಪತ್ನಿ/ಮಹಿಳೆಯು ಗರ್ಭ ಧರಿಸುವ ಸಾಧ್ಯತೆಗಳು ಆಕೆಯ ಪತಿಯ/ ಸಂಗಾತಿಯ ಮಲಗುವ ಅಭ್ಯಾಸಗಳನ್ನು ಬಹಳಷ್ಟು ಅವಲಂಬಿಸಿದೆ ಎಂಬುದು ಕಂಡು ಬಂದಿದೆ.

pregnancy

ಅಧ್ಯಯನದಲ್ಲಿ ತಿಳಿದು ಬಂದ ಮಾಹಿತಿಗಳು ಹೀಗಿವೆ

ಬೋಸ್ಟನ್ ಯುನಿವರ್ಸಿಟಿಯ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್‌ನ ಲಾರೆನ್ ವೈಸ್ ಹಾಗೂ ಆಕೆಯ ಸಂಗಡಿಗರ ಸಂಶೋಧಕರ ತಂಡವು ನಡೆಸಿದ ಅಧ್ಯಯನದ ಪ್ರಕಾರ, ರಾತ್ರಿಯ ಹೊತ್ತು ಸುಮಾರು ಏಳರಿಂದ ಎಂಟು ತಾಸು (ಆರೋಗ್ಯಕರ ಪುರುಷನೊಬ್ಬನಿಗೆ ಬೇಕಾದ ನಿದ್ರೆಯ ಸಹಜ ಅವಧಿ) ಉತ್ತಮ ನಿದ್ರೆ ಮಾಡುವ ಪುರುಷನ ವೀರ್‍ಯಾಣುಗಳ ಫಲವತ್ತತೆ ಹಾಗೂ ಚಲನಶೀಲತೆಯು ಉತ್ತಮವಾಗಿರುತ್ತದೆ ಎಂದು ತಿಳಿದು ಬಂದಿದೆ.

ಮಕ್ಕಳನ್ನು ಪಡೆಯಲು ಬಯಸುತ್ತಿರುವ 790 ಜೋಡಿಗಳನ್ನು ವೈಸ್ ಹಾಗೂ ಆಕೆಯ ತಂಡದವರು ಅಧ್ಯಯನಕ್ಕೊಳಪಡಿಸಿದ್ದರು. ಅವರ ನಿದ್ರೆಯ ಹವ್ಯಾಸ ಹಾಗೂ ಜೀವನಶೈಲಿಯ ಬಗ್ಗೆ ವಿಭಿನ್ನ ಪ್ರಶ್ನೆಗಳನ್ನು ಜೋಡಿಗಳಿಗೆ ಕೇಳಲಾಯಿತು. ಇದರ ನಂತರ ಒಂದು ವರ್ಷದವರೆಗೆ ಜೋಡಿಗಳ ಮೇಲೆ ಗಮನವಿಟ್ಟು ಅವರು ಫಲಿತವಾಗುವ ಅವಧಿಯನ್ನು ಪರಿಶೀಲಿಸಲಾಯಿತು. ಸಂಗ್ರಹಿಸಿದ ಮಾಹಿತಿಗಳನ್ನು ತುಲನೆ ಮಾಡಿ ನೋಡಿದಾಗ ದಿನಕ್ಕೆ ಆರು ತಾಸು ಅಥವಾ ಅದಕ್ಕೂ ಕಡಿಮೆ ಅವಧಿ ಮಲಗುವವರು ಹಾಗೂ ಅತಿ ಹೆಚ್ಚು ಮಲಗುವ (ಒಂಭತ್ತು ತಾಸು ಅಥವಾ ಹೆಚ್ಚು) ಪುರುಷರ ಸಂಗಾತಿಗಳು ದಿನಕ್ಕೆ ಎಂಟು ತಾಸು ಮಲಗುವ ಪುರುಷರ ಸಂಗಾತಿಗಳಿಗಿಂತ ಗರ್ಭಿಣಿಯರಾಗುವ ಸಾಧ್ಯತೆಗಳು ಕಡಿಮೆಯಾಗಿದ್ದು ಕಂಡು ಬಂದಿತು.

Most Read: ಗರ್ಭಾವಸ್ಥೆಯಲ್ಲಿ ಎದುರಾಗುವ ಶಿಲೀಂಧ್ರದ ಸೋಂಕನ್ನು ಗುಣಪಡಿಸಲು ಸುಲಭ ಮನೆಮದ್ದುಗಳು

ಅಲ್ಲದೆ ನಿದ್ರಾಹೀನತೆ ಹಾಗೂ ಇನ್ನಿತರ ನಿದ್ರಾ ಸಂಬಂಧಿ ಸಮಸ್ಯೆಗಳನ್ನು ಹೊಂದಿರುವ ಪುರುಷರ ಸಂಗಾತಿಗಳು ಬೇಗ ಫಲಿತವಾಗುವ ಸಾಧ್ಯತೆಗಳು ಕಡಿಮೆಯಾಗಿರುವುದು ಸಹ ಬೆಳಕಿಗೆ ಬಂದಿತು. ಹಾಗಾದರೆ ಪುರುಷರ ನಿದ್ರೆಗೂ ಅವರ ಮಹಿಳಾ ಸಂಗಾತಿಯು ಗರ್ಭಿಣಿಯಾಗುವುದಕ್ಕೂ ನಿಜವಾದ ಕಾರಣ ಏನೆಂಬುದನ್ನು ವೈಜ್ಞಾನಿಕವಾಗಿ ವಿಶ್ಲೇಷಿಸಲಾಯಿತು. ಪುರುಷರ ನಿದ್ರಾ ಅಭ್ಯಾಸಕ್ಕೂ ಹಾಗೂ ಅವರ ದೇಹದಲ್ಲಿ ಬಿಡುಗಡೆಯಾಗುವ ಟೆಸ್ಟೊಸ್ಟಿರಾನ್ ಹಾರ್ಮೋನ್‌ಗಳಿಗೂ ನೇರ ಸಂಬಂಧವಿದೆ. ಇದೇ ಅಂಶವು ಅವರ ಸಂಗಾತಿಯು ಗರ್ಭ ಧರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂಬುದು ತಿಳಿದು ಬಂದಿತು. ಈ ಸಂಶೋಧನೆಯಲ್ಲಿ ಟೆಸ್ಟೊಸ್ಟಿರಾನ್ ಮಟ್ಟಗಳನ್ನು ನಿಖರವಾಗಿ ಅಳೆಯದಿದ್ದರೂ ಸಂತಾನೋತ್ಪತ್ತಿ ಕ್ರಿಯೆಯಲ್ಲಿ ಹಾರ್ಮೋನ್‌ಗಳ ಪಾತ್ರ ಬಹು ಮುಖ್ಯವಾಗಿದೆ ಎಂಬುದು ಮಾತ್ರ ಸ್ಪಷ್ಟವಾಗಿದೆ.

pregnancy

ಇನ್ನೂ ಕೆಲವು ಕಾರಣಗಳು ಹೀಗಿವೆ

ಮೇಲ್ನೋಟಕ್ಕೆ ಗೋಚರಿಸದ ಆರೋಗ್ಯ ಸಮಸ್ಯೆಗಳು ನಿದ್ರಾವಸ್ಥೆ ಹಾಗೂ ಸಂತಾನೋತ್ಪತ್ತಿಯ ಮೇಲೆ ಪರಿಣಾಮ ಬೀರುತ್ತವೆ. ಒಟ್ಟಾರೆಯಾಗಿ ಈ ಸಂಶೋಧನೆಯ ಪ್ರಕಾರ ಒಂದು ವೇಳೆ ನೀವು ಬೇಗನೆ ಸಂತಾನದ ಅಪೇಕ್ಷೆ ಹೊಂದಿದ್ದಲ್ಲಿ ಸಂಗಾತಿಗಳಿಬ್ಬರು ಮೊದಲಿಗೆ ಉತ್ತಮ ಆರೋಗ್ಯವನ್ನು ಹೊಂದುವುದು ಅಗತ್ಯ. ಜೊತೆಗೆ ಅವಶ್ಯಕವಿರುವಷ್ಟು ನಿದ್ರೆ ಮಾಡಿ ಸಂತಾನೋತ್ಪತ್ತಿಯ ಸಾಧ್ಯತೆಗಳನ್ನು ಹೆಚ್ಚಿಕೊಳ್ಳಬಹುದು.

English summary

Your partner sleeps at night can affect your pregnancy!

As per a study conducted by Lauren Wise and her fellow researchers from the Boston University School of Public Health, when a man gets between seven to eight hours of sleep at night (which is the normal amount of sleep a person should get), his sperm fertility and mobility is increased.Wise and her colleagues examined 790 couples who were planning to have a baby. They asked a series of questions from the couples regarding their sleep patterns and lifestyle.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more