Just In
- 7 hrs ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 8 hrs ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 8 hrs ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 9 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Finance ಅಯೋಧ್ಯೆಯಲ್ಲಿ ಓಲಾ ಕ್ಯಾಬ್ ಸೇವೆ ಆರಂಭ
- News Samsung: ಮಾರುಕಟ್ಟೆ ಗ್ರ್ಯಾಂಡ್ ಎಂಟ್ರಿ ನೀಡಿದೆ ನ್ಯೂ ಫೋನ್
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಂಡಾಣುಗಳ ಶೀತಲೀಕರಣ - ಎಷ್ಟರ ಮಟ್ಟಿಗೆ ಸಾರ್ಥಕ?
ಅಂಡಾಣುಗಳನ್ನು ಶೀಲತೀಕರಿಸಿ ಸಂಗ್ರಹಿಸಿ ಮುಂದೊಂದು ದಿನ ಅಗತ್ಯ ಬಿದ್ದಾಗ ಬಳಸಿಕೊಂಡು ಗರ್ಭ ಧರಿಸುವ ವ್ಯವಸ್ಥೆ ಈಗಾಗಲೇ ವಿಶ್ವದ ಹಲವೆಡೆ ಜನಪ್ರಿಯತೆ ಪಡೆದುಕೊಳ್ಳುತ್ತಿದೆ. ಈ ವಿಧಾನದಲ್ಲಿ ಮಹಿಳೆಯ ಗರ್ಭಾಶಯದಿಂದ ಮಿಲನಕ್ಕೆ ತಯಾರಾಗಲು ಪಕ್ವವಾಗಿರುವ ಅಂಡಾಣುವನ್ನು ಸಂಗ್ರಹಿಸಿ ಸೂಕ್ತ ತಾಪಮಾನ ಹಾಗೂ ವ್ಯವಸ್ಥೆಯ ಮೂಲಕ ಕೆಡದಂತೆ ಶೀತಲೀಕರಿಸಿ ಸಂರಕ್ಷಿಸಿಡಲಾಗುತ್ತದೆ.
ಮುಂದೊಂದು ದಿನ ಇದೇ ಮಹಿಳೆ ತನ್ನದೇ ಆದ ಸಂತಾನವನ್ನು ಹೊಂದಬಯಸಿದರೆ ಈ ಅಂಡಾಣುವನ್ನು ಮತ್ತೊಮ್ಮೆ ಗರ್ಭಾಶಯಕ್ಕೆ ಸೇರಿಸಿ ಗರ್ಭವತಿಯಾಗಿಸಲು ಸಾಧ್ಯವಾಗುತ್ತದೆ. ಆದರೆ ಈ ವಿಧಾನವನ್ನು ನೆಚ್ಚಿಕೊಳ್ಳದೇ ತಾರುಣ್ಯದಲ್ಲಿಯೇ ಒಂದು ಅಥವಾ ಎರಡು ಮಕ್ಕಳನ್ನು ಪಡೆದು ಸುಖಮಯ ಜೀವನವನ್ನು ನಡೆಸಲು ಸಲಹೆ ನೀಡುತ್ತಾರೆ. ಎರಡು ವಿರೋಧಾಭಾಸಗಳು ಏಕಿವೆ ಎಂದು ಗೊಂದಲವಾಯಿತೇ? ಕೆಳಗಿನ ವಾಸ್ತವಾಂಶಗಳು ನಿಮ್ಮ ಗೊಂದಲವನ್ನು ನಿವಾರಿಸಲಿವೆ...
ವಾಸ್ತವಾಂಶ #1
ಅಷ್ಟಕ್ಕೂ ಈ ಒಂದು ವ್ಯವಸ್ಥೆ ಇದೆ ಎಂದ ಮಾತ್ರಕ್ಕೇ ಗರ್ಭಾಂಕುರವಾಗುವ ಸಮಯವನ್ನೇಕೆ ಮುಂದೂಡಬೇಕು? ಯಾವಾಗ ಸಮಯ ಪಕ್ವವಿದೆಯೋ, ಉತ್ತಮ ಆರೋಗ್ಯ ಹೊಂದಿದ್ದರೆ ಮಕ್ಕಳನ್ನು ಪಡೆಯುವುದೇ ಒಳ್ಳೆಯದು. ಆದರೆ ಯಾವುದೋ ಆರೋಗ್ಯ ಸಂಬಂಧಿತ ಕಾರಣಕ್ಕೆ ಗರ್ಭ ಧರಿಸುವುದು ಜೀವಕ್ಕೇ ಅಪಾಯವಾಗುವಂತಿದ್ದರೆ, ಈ ಕಾಯಿಲೆಗೆ ಪಡೆಯುತ್ತಿರುವ ಚಿಕಿತ್ಸೆ ದೀರ್ಘಾವಧಿಯದ್ದಾಗಿದ್ದು ಅಷ್ಟರವರೆಗೆ ರಜೋನಿವೃತ್ತಿ ವಯಸ್ಸು ಸಮೀಪಿಸಿದರೆ ಅಂತಹ ಸಂದರ್ಭಗಳಲ್ಲಿ ಈ ವ್ಯವಸ್ಥೆಯ ಸೇವೆಯನ್ನು ಪಡೆದುಕೊಳ್ಳುವುದು ಉತ್ತಮ. ಆದರೂ ಈ ವಿಧಾನದಲ್ಲಿ ಗರ್ಭ ಧರಿಸುವ ಸಾಧ್ಯತೆಗಳ ಬಗ್ಗೆ ಇನ್ನೂ ಸಂಶೋಧನೆಗಳು ನಡೆಯುತ್ತಿದ್ದು ಇನ್ನೂ ಮುಂದುವರೆಯುತ್ತಿದೆ.
ವಾಸ್ತವಾಂಶ #2
ಕೆಲವು ಮಹಿಳೆಯರಿಗೆ ಗರ್ಭಧರಿಸುವುದನ್ನು ಅನಿವಾರ್ಯ ಕಾರಣಗಳಿಂದಾಗಿ ಮುಂದೆ ಹಾಕಲೇಬೇಕಾಗುತ್ತದೆ. ಆಗ ಈ ವ್ಯವಸ್ಥೆ ಈ ಮಹಿಳೆಯರ ಪಾಲಿಗೆ ಒಂದು ವರದಾನವೇ ಆಗಿದೆ. ಅದರಲ್ಲೂ ಕೆಲವು ಕಾಯಿಲೆಗಳ ಅಡ್ಡಪರಿಣಾಮವಾಗಿ ಗರ್ಭಧರಿಸುವ ಸಾಧ್ಯತೆ ಕ್ಷೀಣಿಸುತ್ತಾ ಹೋಗುತ್ತದೆ.
ವಾಸ್ತವಾಂಶ #3
ಈ ವ್ಯವಸ್ಥೆಯನ್ನು ಇದುವರೆಗೆ ಅತಿ ಕಡಿಮೆ ಪ್ರಮಾಣದ ಮಹಿಳೆಯರು ಪಡೆದುಕೊಂಡಿದ್ದಾರೆ. ಅದರಲ್ಲೂ ಇದುವರೆಗೆ ಸಂಗ್ರಹಿಸಲಾದ ಪ್ರತಿ ನೂರು ಅಂಡಾಣುಗಳಲ್ಲಿ ಕೇವಲ ಐದರಷ್ಟು ಮಾತ್ರವೇ ಮುಂದಿನ ದಿನದ ಗರ್ಭಾಂಕುರಕ್ಕಾಗಿ ಬಳಸಲಾಗಿದೆ. ಉಳಿದ ತೊಂಭತ್ತೈದು ಶೇಖಡಾ ಶೀತಲೀಕರಣ ಘಟಕದಲ್ಲಿಯೇ ಇವೆ. ಇವರು ಕ್ರಮೇಣ ಅಗತ್ಯಕ್ಕೆ ತಕ್ಕಂತೆ ತಮ್ಮ ಮನಸ್ಸುಗಳನ್ನು ಬದಲಾಯಿಸಬಹುದು.
ವಾಸ್ತವಾಂಶ #4
ಈ ಬಗ್ಗೆ ಸ್ಪಷ್ಟವಾಗಿ ತಿಳಿದುಕೊಂಡಿರಬೇಕಾದುದೆಂದರೆ: ಈ ವ್ಯವಸ್ಥೆಯಿಂದ ಗರ್ಭ ಧರಿಸುವ ಸಾಧ್ಯತೆ ಪರಿಪೂರ್ಣವಾಗಿರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಈ ವ್ಯವಸ್ಥೆಯಿಂದ ಮುಂದಿನ ದಿನದಲ್ಲಿ ಅಗತ್ಯವಿದ್ದಾಗ ಮೂಲಸ್ಥಿತಿಯಲ್ಲಿಯೇ ಅಂಡಾಣುವನ್ನು ಬಳಸಬಹುದು ಎಂಬುದೊಂದು ಮಾತ್ರವೇ ಧನಾತ್ಮಕ ಅಂಶವಾಗಿದ್ದು ಉಳಿದಂತೆ ಗರ್ಭ ಧರಿಸುವ ಸಾಧ್ಯತೆಯ ಇತರ ಅಂಶಗಳೂ ಈ ಸಾಧ್ಯತೆಯ ಮೇಲೆ ಪ್ರಭಾವ ಬೀರುತ್ತವೆ.
ವಾಸ್ತವಾಂಶ #5
ಒಂದು ವೇಳೆ ಅಂಡಾಣುವನ್ನು ಶೀತಲೀಕರಿಸಲೇಬೇಕಿದ್ದರೆ ಆದಷ್ಟು ಚಿಕ್ಕ ವಯಸ್ಸಿನಲ್ಲಿಯೇ ಮಾಡಿಸಿಬಿಡಬೇಕು. ಏಕೆಂದರೆ ವರದಿಗಳ ಪ್ರಕಾರ ಮೂವತ್ತೈದು ವರ್ಷ ದಾಟಿದ ಮಹಿಳೆಯರ ಅಂಡಾಣುಗಳು ಫಲಿತಗೊಳ್ಳುವ ಸಾಧ್ಯತೆ ಕಡಿಮೆ.
ವಾಸ್ತವಾಂಶ #6
ಈ ವ್ಯವಸ್ಥೆಯ ಬಗ್ಗೆ ಇನ್ನೂ ಹಲವಾರು ಸಂಶೋಧನೆಗಳು ಇನ್ನೂ ನಡೆಯಬೇಕಾಗಿದ್ದು ಎಷ್ಟರ ಮಟ್ಟಿಗೆ ಪರಿಣಾಮಕಾರಿಯಾಗಲಿದೆ ಎಂಬುದನ್ನು ಕಂಡುಕೊಳ್ಳಬೇಕಾಗಿದೆ. ಪ್ರಸ್ತುತ ಕೇವಲ ಬೆರಳೆಣಿಕೆಯಷ್ಟೇ ಪ್ರಕರಣಗಳಲ್ಲಿ ಸಫಲತೆ ಕಂಡುಬಂದಿದೆ. ಆದ್ದರಿಂದ ಅನಿವಾರ್ಯವೆನಿಸಿದ ಹೊರತು ಈ ವ್ಯವಸ್ಥೆಯನ್ನು ನೆಚ್ಚಿಕೊಳ್ಳದಿರುವುದೇ ಸರಿಯಾದ ನಿರ್ಣಯವಾಗಿದೆ.