15-18 ವರ್ಷದವರು ಕೋವಿಡ್‌ ಲಸಿಕೆಗಾಗಿ ನೋಂದಣಿ ಮಾಡುವುದು ಹೇಗೆ?

| Updated: Tuesday, December 28, 2021, 17:19 [IST]

ಮಕ್ಕಳಿಗೆ ಯಾವಾಗ ಲಸಿಕೆ ಬರುತ್ತದೆ ಎಂದು ಪೋಷಕರು ಆತಂಕದಿಂದ ಎದುರು ನೋಡುತ್ತಿದ್ದರು, ಮಕ್ಕಳಿಗೆ ಶಾಲೆ ಶುರುವಾಗಿರುವುದರಿಂದ ಲಸಿಕೆ ಬಂದ್ರೆ ಸಾಕು ಎಂದು ಪೋಷಕರು ಬಯಸುತ್ತಿದ್ದಾರೆ, ಅದರಲ್ಲಿ ಈಗ ಹದಿ ಹರೆಯದ ಪ್ರಾಯದವರಿಗೆ 15-18 ವರ್ಷದವರಿಗೆ ಲಸಿಕೆ ನೀಡಲು ಸರ್ಕಾರ ಮುಂದಾಗಿದೆ. ಜನವರಿ 1ರಿಂದ CoWIN ಆ್ಯಪ್‌ನಲ್ಲಿ ನೋಂದಣ ಮಾಡಿ ಲಸಿಕೆ ಪಡೆಯಬಹುದು.

ನೋಂದಣಿ ಮಾಡಲು ಏನೆಲ್ಲಾ ದಾಖಲೆಗಳು ಬೇಕು, ನೋಂದಣಿ ಮಾಡುವುದು ಹೇಗೆ ಎಂಬೆಲ್ಲಾ ಮಾಹಿತಿ ಇಲ್ಲಿದೆ ನೋಡಿ:

ನೋಂದಣಿ ಮಾಡಲು ಬೇಕಾದ ದಾಖಲೆ

* CoWIN ಆ್ಯಪ್‌ನಲ್ಲಿ ನೋಂದಣಿ ಮಾಡಲು ಸ್ಟೂಡೆಂಟ್ ಐಡಿ (ವಿದ್ಯಾರ್ಥಿಗಳ ಐಡಿ ಕಾರ್ಡ್) ಬೇಕು. ಏಕೆಂದರೆ ಕೆಲ ಮಕ್ಕಳಿಗೆ ಆಧಾರ್‌ ಅಥವಾ ಇತರ ದಾಖಲೆಗಳು ಇರುವುದಿಲ್ಲ, ಆದ್ದರಿಂದ ಸ್ಟೂಡೆಂಟ್ ಐಡಿ ಕಾರ್ಡ್ ಡಾಂಕ್ಯೂಮೆಂಟ್‌ ಆಗಿ ನೀಡಬಹುದು.

* ಇದುವರೆಗೆ ವಯಸ್ಕರು ಹೇಗೆ ನೋಂದಣಿ ಮಾಡಿಕೊಳ್ಳುತ್ತಿದ್ದರೋ ಅದೇ ರೀತಿ ನೋಂದಣಿ ಮಾಡಬಹುದು.

ಒಮಿಕ್ರಾನ್‌ ಆತಂಕ ಎದುರಾಗಿರುವುದಿಂದ 2007ಕ್ಕಿಂತ ಮೊದಲು ಜನಿಸಿದವರಿಗೆ ಲಸಿಕೆ ನೀಡಲು ಸರ್ಕಾರ ಮುಂದಾಗಿದೆ.

ಇದೀಗ ಮಕ್ಕಳಲ್ಲಿ ಕೋವಿಡ್‌ 19 ಸೋಂಕು ಹೆಚ್ಚಾಗಿ ಕಂಡು ಬರುತ್ತಿರುವುದರಿಂದ ಸರ್ಕಾರ 15-18 ವರ್ಷದ ಪ್ರಯದವರಿಗೆ ಲಸಿಕೆ ನೀಡಲು ಮುಂದಾಗಿದೆ.

ಮಕ್ಕಳಿಗೆ ಯಾವ ಲಸಿಕೆ ನೀಡಲಾಗುತ್ತಿದೆ?

ಭಾರತದಲ್ಲಿ ಮಕ್ಕಳಿಗೆ ಭಾರತ್ ಬಯೋಟೆಕ್‌ನ ಡಬಲ್‌ ಡೋಸ್‌ ವ್ಯಾಕ್ಸಿನ್ ಕೊವಾಕ್ಸಿನ್ ಅಥವಾ ಜೈಡಸ್‌ ಕ್ಯಾಡಿಲಾದ ZyCoV-D ಮೂರು ಡೋಸ್‌ ಲಸಿಕೆಗಳಲ್ಲಿ ಯಾವುದಾದರೂ ಒಂದು ಕಂಪನಿಯ ಲಸಿಕೆ ನೀಡಲಾಗುವುದು. ಈ ಎರಡೂ ಕಂಪನಿಯ ಲಸಿಕೆಗಳು ಮಕ್ಕಳಿಗೆ ನೀಡಲು ಸುರಕ್ಷಿತವಾಗಿದೆ ಎಂಬುವುದು ಕ್ಲಿನಿಕಲ್‌ ಟ್ರಯಲ್‌ನಿಂದ ಸಾಬೀತಾಗಿದೆ.

ಚಿಕ್ಕ ಮಕ್ಕಳಿಗೆ ಲಸಿಕೆ ಯಾವಾಗ ಸಿಗುವುದು?

7-11 ವರ್ಷದ ಮಕ್ಕಳಿಗೆ ಸೆರಮ್‌ ಇನ್ಸಿಟ್ಯೂಟ್‌ನ ನೊವಾವ್ಯಾಕ್ಸ್‌ಗೆ, 5 ವರ್ಷದ ಮೇಲಿನ ಮಕ್ಕಳಿಗೆ ಬಯೋಲಾಜಿಕಲ್‌ E's Corbevaxಗೆ ಸುರಕ್ಷಿತವಾದ ಲಸಿಕೆ ಎಂದು ಡ್ರಗ್‌ ಕಂಟ್ರೋಲರ್‌ (ಔಷಧ ನಿಯಂತ್ರಕ ಸಂಸ್ಥೆ) ಅನುಮತಿ ನೀಡಿದೆ. ಆದರೆ ಅವುಗಳನ್ನು ಮಕ್ಕಳಿಗೆ ನೀಡಲು ಇನ್ನೂ ಅನುಮತಿ ಸಿಕ್ಕಿಲ್ಲ.

ಪ್ರಿಕಾಷನ್‌ ಡೋಸ್/ ಬೂಸ್ಟರ್ ಡೋಸ್‌ಗೆ ನೋಂದಣಿ

60 ವರ್ಷ ಮೇಲ್ಪಟ್ಟವರು ಬೂಸ್ಟರ್‌ಗೆ ನೋಂದಣಿ ಮಾಡುವ ವಿಧಾನ ಈ ಹಿಂದೆ ಲಸಿಕೆಗಾಗಿ ನೋಂದಣಿ ಮಾಡಿದಂತೆಯೇ ಇದೆ. 60 ವರ್ಷ ಮೇಲ್ಪಟ್ಟವರಾಗಿದ್ದರೆ 2 ನೇ ಡೋಸ್‌ ತೆಗೆದು 9 ತಿಂಗಳಾಗಿದ್ದರೆ (39 ವಾರಗಳು) ಅವರು ಬೂಸ್ಟರ್/ ಪ್ರಿಕಾಷನ್‌ ಡೋಸ್‌ ಪಡೆದುಕೊಳ್ಳಲು ಅರ್ಹರಾಗಿದ್ದಾರೆ.