Just In
Don't Miss
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- News Realme Narzo 70: ಭರ್ಜರಿ ಕ್ಯಾಮೆರಾ ಫೀಚರ್ಗಳೊಂದಿಗೆ ರಿಯಲ್ಮಿ ನಾರ್ಜೊ 70 ಗ್ರ್ಯಾಂಡ್ ಲಾಂಚ್
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಕ್ಕಳಿಗೆ ಬೆರಳು ಚೀಪುವ ಅಭ್ಯಾಸವಿದ್ದರೆ, ಅಲರ್ಜಿಯಾಗಲ್ಲ!
ಸಾಮಾನ್ಯವಾಗಿ ಪ್ರತಿ ಮಗುವೂ ತನ್ನ ಬೆರಳನ್ನು ಚೀಪುವ ಅಭ್ಯಾಸ ಹೊಂದಿರುತ್ತದೆ. ಬೆರಳು ಚೀಪುವುದನ್ನು ಕಂಡ ಎಲ್ಲಾ ತಾಯಂದಿರೂ ಇದೊಂದು ಕೆಟ್ಟ ಅಭ್ಯಾಸವೆಂದು ಪರಿಗಣಿಸಿ ಬಲವಂತವಾಗಿ ಮಗುವಿನ ಬಾಯಿಯಿಂದ ಬೆರಳನ್ನು ಹೊರತೆಗೆಯುತ್ತಾರೆ. ಪಾಲಕರ ಚಿಂತೆ ಹೆಚ್ಚಿಸುವ ಮಕ್ಕಳ ಇನ್ನೊಂದು ಕೆಟ್ಟ ಅಭ್ಯಾಸವೆಂದರೆ ಉಗುರು ಕಚ್ಚುವುದು.
ಆದರೆ ಮಕ್ಕಳ ತಜ್ಞರ ಪ್ರಕಾರ ಇನ್ನೂ ಹಾಲುಹಲ್ಲು ಮೂಡಿದರ ಮಕ್ಕಳು ಬೆರಳು ಚೀಪಿದರೆ ಆತಂಕಕ್ಕೆ ಕಾರಣವಿಲ್ಲ. ಏಕೆಂದರೆ ಇದೊಂದು ನಿಸರ್ಗದ ರಕ್ಷಣಾ ಶಕ್ತಿಯಾಗಿದ್ದು ಮಗುವಿನಲ್ಲಿ ಅಲರ್ಜಿಯನ್ನು ಎದುರಿಸಲು ಅಗತ್ಯವಾದ ಶಕ್ತಿಯನ್ನು ಬೆಳೆಸಿಕೊಳ್ಳಲು ಸಾಧ್ಯವಾಗುತ್ತದೆ. ಬೆರಳು ಚೀಪುವ ಅಭ್ಯಾಸ ನಿಲ್ಲಿಸುವುದು ಹೇಗೆ?
ಈ ನಿಟ್ಟಿನಲ್ಲಿ ನಡೆಸಿದ ಒಂದು ಸಂಶೋಧನೆಯಲ್ಲಿ ಕಂಡುಕೊಂಡ ಪ್ರಕಾರ ಹಲ್ಲು ಮೂಡುವ ಮುನ್ನ ಬೆರಳು ಚೀಪುವ, ಹಲ್ಲು ಮೂಡಿದ ಬಳಿಕ ಉಗುರು ಕಡಿಯುವ ಅಭ್ಯಾಸಗಳಿಂದ ಮಕ್ಕಳು ಕೆಲವು ಅಲರ್ಜಿಗಳಿಂದ ರಕ್ಷಣೆ ಪಡೆಯುವ ವ್ಯವಸ್ಥೆಯನ್ನು ತಮ್ಮ ದೇಹದಲ್ಲಿ ಬೆಳೆಸಿಕೊಂಡಿರುತ್ತಾರೆ. ಇದರಿಂದ ಸಾಕುಪ್ರಾಣಿಗಳಿಂದ, ಧೂಳಿನಿಂದ ಆಗಮಿಸುವ ಸೂಕ್ಷ್ಮ ಕ್ರಿಮಿ, ವಿವಿಧ ಶಿಲೀಂಧ್ರ ಮತ್ತು ವಿಶೇಷವಾಗಿ ಬೆಕ್ಕು ಮತ್ತು ಬೆಕ್ಕಿನ ಕೂದಲಿನ ಅಲರ್ಜಿಯನ್ನು ಎದುರಿಸಲು ಈ ಮಕ್ಕಳ ಶರೀರ ಹೆಚ್ಚು ಸಕ್ಷಮವಾಗಿರುತ್ತದೆ.
ಈ ಸಂಶೋಧನೆಯ ಪ್ರಕಾರ ಬೆರಳನ್ನು ಬಾಯಿಗೆ ಹಾಕಿಕೊಳ್ಳುವ ಮುನ್ನ ಮಗು ಮುಟ್ಟಿದ ಇತರ ವಸ್ತುಗಳ ಮೂಲಕ ಕೆಲವು ಕ್ರಿಮಿಗಳು ದೇಹ ಸೇರಿಕೊಳ್ಳುವ ಸಾಧ್ಯತೆ ಇದೆಯಾದರೂ ಪಾಲಕರು ಆತಂಕ ಪಡುವಷ್ಟಿಲ್ಲ. ಏಕೆಂದರೆ ಈ ಮೂಲಕ ಈ ಕ್ರಿಮಿಗಳಿಗೂ ರೋಗ ನಿರೋಧಕ ವ್ಯವಸ್ಥೆಯನ್ನು ಭದ್ರಪಡಿಸಲು ಸಾಧ್ಯವಾಗುತ್ತದೆ.
ಆದರೆ ಈ ಅಭ್ಯಾಸಗಳು ಬಾಲ್ಯದಲ್ಲಿ ಸಹಜವಾಗಿದ್ದು ಆಗಾಗ ಅನುಸರಿಸಿದರೆ ಮಾತ್ರ ಆರೋಗ್ಯಕರವೇ ಹೊರತು ಇಡಿಯ ದಿನ ಬೆರಳನ್ನು ಬಾಯಿಯಲ್ಲಿಟ್ಟುಕೊಳ್ಳುವುದು ಆರೋಗ್ಯಕರವಲ್ಲ. ಅಲ್ಲದೇ ಉಗುರು ಕಚ್ಚುವ ಅಭ್ಯಾಸ ಸಹಾ ಒಂದು ಹಂತ ಕಳೆದ ಬಳಿಕ ಸಂಪೂರ್ಣವಾಗಿ ನಿಲ್ಲಿಸಲೇಬೇಕು.
ಅಲ್ಲದೇ ಮಕ್ಕಳು ಹೊರಗೆ ಆಡುವ ಸಮಯದಲ್ಲಿ ಕೊಳೆಯಾಗಿದ್ದ ಕೈಗಳನ್ನು ಸರ್ವಥಾ ಬಾಯಿಯಲ್ಲಿಟ್ಟುಕೊಳ್ಳದಂತೆ ಎಚ್ಚರಿಕೆ ವಹಿಸಬೇಕು. ಈ ನಿಟ್ಟಿನಲ್ಲಿ ಐದರಿಂದ ಏಳು ವರ್ಷದ ನಡುವಣ ಒಂದು ಸಾವಿರಕ್ಕೂ ಹೆಚ್ಚು ಉಗುರು ಕಚ್ಚುವ ಅಭ್ಯಾಸವಿರುವ ಮಕ್ಕಳ ಆರೋಗ್ಯದ ಅಂಕಿ ಅಂಶಗಳನ್ನು ವಿಶ್ಲೇಷಿಸಿ ಈ ಫಲಿತಾಂಶಗಳನ್ನು ಪಡೆಯಲಾಗಿದೆ.