For Quick Alerts
ALLOW NOTIFICATIONS  
For Daily Alerts

ಎಚ್ಚರ, ಮಕ್ಕಳು ನೆಟ್ ನಲ್ಲಿ ಬ್ಲೂಫಿಲ್ಮ್ ನೋಡುತ್ತಿರಬಹುದು!

|
Handle Teenage Problem
ಮಕ್ಕಳು ಹದಿಹರೆಯಕ್ಕೆ ಕಾಲಿಡುತ್ತಿದ್ದಂತೆ ಬೌದ್ಧಿಕವಾಗಿ ಮಾತ್ರವಲ್ಲ ಮಾನಸಿಕವಾಗಿಯೂ ಅನೇಕ ಬದಲಾವಣೆಗಳಾಗುತ್ತವೆ.

ಅದು ಕುತೂಹಲದ ಪ್ರಾಯ, ಗೊತ್ತಿಲ್ಲದ ವಿಚಾರಗಳನ್ನು ತಿಳಿಯಬೇಕೆಂಬ ತುಡಿತ. ಆದರೆ ಅದು ಒಳ್ಳೆಯ ವಿಷಯಕ್ಕಾದರೆ ಸರಿ, ಅದರ ಬದಲಾಗಿ ಬೇಡದ ವಿಷಯಗಳನ್ನು ತಿಳಿಯಬೇಕೆಂಬ ಮಕ್ಕಳ ಕುತೂಹಲವೆ ಹೆತ್ತವರ ನಿದ್ರೆ ಕೆಡಿಸುತ್ತದೆ.

ಅದರಲ್ಲೂ ಈಗ ಪರ್ಸನಲ್ ಕಂಪ್ಯೂಟರ್, ಲ್ಯಾಪ್ ಟಾಪ್ ಜೊತೆ ಇಂಟರ್ ನೆಟ್ ಸೌಲಭ್ಯವನ್ನೂ ಮಕ್ಕಳಿಗೆ ಕೊಡಿಸುವುದರಿಂದ ಅವರು ತಮ್ಮ ವಯಸ್ಸಿಗೆ ಹೊಂದದ ಫಿಲಂಗಳನ್ನು ಸುಲಭವಾಗಿ ಡೌನ್ ಲೋಡ್ ಮಾಡಿ ನೋಡುತ್ತಾರೆ. ಇವುಗಳು ಮಕ್ಕಳನ್ನು ಕೆಟ್ಟ ಹಾದಿಯಲ್ಲಿ ನಡೆಯುವಂತೆ ಪ್ರಚೋದಿಸುತ್ತವೆ. ಇಂತಹ ನಡವಳಿಕೆಗೆ ಕಡಿವಾಣ ಹಾಕುವುದು ಹೇಗೆ ಎಂಬುದೇ ಸಾಕಷ್ಟು ಪೋಷಕರ ತಲೆನೋವು.

ಆದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ ಮಕ್ಕಳನ್ನು ಸರಿಯಾದ ಹಾದಿಯಲ್ಲಿ ನಡೆಯುವಂತೆ ಮಾಡಬಹುದು.

* ಇಂಟರ್ ನೆಟ್ ಉಪಯೋಗಿಸುವುದನ್ನು ನಿರಾಕರಿಸಲು ಸಾಧ್ಯವಿಲ್ಲ ಏಕೆಂದರೆ ಮಕ್ಕಳ ಕಲಿಕೆಗೆ ಸಂಬಂಧಪಟ್ಟ ವಿಷಯಗಳಿಗೆ ಇಂಟರ್ ನೆಟ್ ಬಳಸಲೇ ಬೇಕಾಗುತ್ತದೆ. ಒಂದು ವೇಳೆ ಇಂಟರ್ ನೆಟ್ ನೋಡಬೇಡಿ ಎಂದು ಒತ್ತಾಯ ಹಾಕಿದರೆ ಸೈಬರ್ ಗಳಿಗೆ ಹೋಗುತ್ತಾರೆ. ಆದ್ದರಿಂದ ಇಂಟರ್ ನೆಟ್ ಸೌಲಭ್ಯವನ್ನು ಮಕ್ಕಳು ಪ್ರಯೋಜನಕಾರಿಯಾಗಿ ಹೇಗೆ ಉಪಯೋಗಿಸಬೇಕು ಎಂಬುದರ ಬಗ್ಗೆ ಹೆತ್ತವರು ತೀರ್ಮಾನಿಸಬೇಕು.

* ನೀವು ಮನೆಯಲ್ಲಿ ಇಲ್ಲದಿದ್ದಾಗ ಮಕ್ಕಳು ಇಂಟರ್ ನೆಟ್ ಉಪಯೋಗಿಸದ ಹಾಗೆ ನೋಡಿಕೊಳ್ಳಿ. ಆದರೆ ಗಂಡ-ಹೆಂಡತಿ ಇಬ್ಬರೂ ದುಡಿಯುವರಾದರೆ ಮಕ್ಕಳಿಗೆ ಇಂಟರ್ ನೆಟ್ ನೋಡಲು ಇಂತಿಷ್ಟು ಸಮಯ ಅಂತ ನಿಗದಿ ಪಡಿಸಬೇಕು. ನಂತರ ಅವರು ಏನು ಮಾಡುತ್ತಿದ್ದಾರೆ ಎಂಬುದರ ಮೇಲೆ ನಿಗಾ ಇಡಬೇಕು

* ಮಕ್ಕಳಿಗೆ ಪಠ್ಯ ವಿಷಯ ಮಾತ್ರ ನೋಡಿ ಎಂದು ಒತ್ತಡ ಹಾಕದೆ ಗೇಮ್, ಸಂಗೀತ ಹೀಗೆ ಮನರಂಜನೆಗೆ ಬಳಸಲು ಸಹ ಅವಕಾಶ ನೀಡಬೇಕು. ಅಲ್ಲದೆ ಡೌನ್ ಲೋಡ್ ಲಿಮಿಟ್ ನಲ್ಲಿ ಇಂಟರ್ ನೆಟ್ ಉಪಯೋಗಿಸುವಂತೆ ಮಾಡುವುದರಿಂದ ಮಕ್ಕಳು ವಯಸ್ಕರ ಫಿಲಂ ನೋಡದಂತೆ ಕಡಿವಾಣ ಹಾಕಬಹುದು.

* ವಯಸ್ಕರ ಸಿನಿಮಾಗಳು ಇಂಟರ್ ನೆಟ್ ನ್ಲಲಿ ಮಾತ್ರವಲ್ಲ, ಸಿ.ಡಿ ಅಂಗಡಿಗಳಲ್ಲಿಯೂ ದೊರೆಯುವುದರಿಂದ ಮಕ್ಕಳು ಆಗಾಗ ಯಾವುದಾದರೂ ಹತ್ತಿರದಲ್ಲಿರುವ ಸಿ.ಡಿ ಅಂಗಡಿಗಳಿಗೆ ಹೋಗುತ್ತಿದ್ದಾರೆಯೆ ಎಂದು ಗಮನಿಸಬೇಕು. ನಂತರ ಮಕ್ಕಳ ಡ್ರಾಯರ್ ಮತ್ತು ಬುಕ್ ಕಬೋರ್ಡ್ ಗಳನ್ನು ಆಗಾಗ್ಗೆ ಪರೀಕ್ಷಿಸಿ.

* ಪೋಷಕರು ಮಕ್ಕಳ ಹದಿಹರೆಯದ ಸಮಸ್ಯೆಯನ್ನು ತುಂಬಾ ಚಾಲಾಕಿತನದಿಂದ ನಿಭಾಯಿಸಬೇಕು. ಮಕ್ಕಳ ಮೇಲೆ ಒತ್ತಡ ಹಾಕದೆ ಅವರೊಂದಿಗೆ ಗೆಳಯರಂತೆ ವರ್ತಿಸಬೇಕು, ಇಂತಹ ವಿಷಯಗಳ ಒಳಿತು-ಕೆಡುಕುಗಳ ಬಗ್ಗೆ ಬಿಚ್ಚು ಮನಸ್ಸಿನಿಂದ ಚರ್ಚಿಸಿ ತಿಳಿ ಹೇಳಬೇಕು. ಈ ರೀತಿ ಮಾಡಿದರೆ ಮಕ್ಕಳನ್ನು ವಯಸ್ಕರ ಸಿನಿಮಾ ನೋಡದಂತೆ ತಡೆಯಬಹುದು.

English summary

How To Handle Teenage Problem Of Watching Adult Films? | ಹದಿಹರೆಯದ ಮಕ್ಕಳನ್ನು ವಯಸ್ಕರ ಸಿನಿಮಾ ನೋಡದಂತೆ ತಡೆಯುವುದು ಹೇಗೆ ?

Children have free access to the media these days and that makes it difficult for parents to monitor what they are watching. Here are some teen parenting techniques to deal with teenage problems of watching unsuitable movies for their age.
Story first published: Tuesday, November 29, 2011, 12:09 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more