For Quick Alerts
ALLOW NOTIFICATIONS  
For Daily Alerts

Superfetation:ಗರ್ಭಿಣಿಯಾಗಿದ್ದಾಗಲೇ ಮತ್ತೆ ಗರ್ಭಧರಿಸಿದಳು ಈ ಮಹಿಳೆ!

|

ಮೂವತ್ತು ವರ್ಷದ ಮಹಿಳೆ ಎರಡನೇ ಬಾರಿ ಗರ್ಭಧರಿಸಿದ್ದರು, ಆದರೆ ಗರ್ಭಧಾರಣೆಯಾಗಿ 7 ವಾರಗಳು ಕಳೆದ ಬಳಿಕ ಮತ್ತೊಮ್ಮೆ ಗರ್ಭಧಾರಣೆಯಾಗಿರುವುದು ಅಲ್ಟ್ರಾಸೌಂಡ್‌ನಲ್ಲಿ ಕಂಡು ಬಂದಿದೆ. ಇದು ಅಪರೂಪದಲ್ಲಿ ಅಪರೂಪದ ಘಟನೆಯಾಗಿದ್ದು ವೈದ್ಯಕೀಯ ಭಾಷೆಯಲ್ಲಿ ಇದಕ್ಕೆ ಸೂಪರ್‌ಫೆಟೇಷನ್ ಎಂದು ಕರೆಯಲಾಗುವುದು.

ವಿಶ್ವದಲ್ಲಿ ಈ ರೀತಿ ಶೇ. 0.3ರಷ್ಟು ಮಹಿಳೆಯರಿಗೆ ಉಂಟಾಗುತ್ತದೆ, ತುಂಬಾ ಕೇಸ್‌ಗಳಲ್ಲಿ ಈ ರೀತಿಯಾದರೆ ಎರಡನೇ ಮಗು ಸಾವನ್ನಪ್ಪುವ ಸಾಧ್ಯತೆ ಹೆಚ್ಚು, ಅದೃಷ್ಟವಶಾತ್‌ ಈ ಮಹಿಳೆಯ ಎರಡೂ ಮಕ್ಕಳು ಆರೋಗ್ಯವಂತರಾಗಿದ್ದಾರೆ.

ಸೂಪರ್‌ಫಿಟೇಷನ್‌ ಗರ್ಭ ಧರಿಸಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ ಮಹಿಳೆಯ ಹೆಸರು ಕಾರಾ ವಿನ್‌ಹೋಲ್ಡ್‌. ಇವರಿಗೆ ಈ ಗರ್ಭಧಾರಣೆಯ ಮೊದಲು ಎರಡು ಬಾರಿ ಗರ್ಭಪಾತವಾಗಿತ್ತು.
ಇದರಿಂದ ಅವರು ತುಂಬಾ ನೋವು ಅನುಭವಿಸಿದ್ದರು, ಈಗ ದೇವರು ಡಬಲ್‌ ಖುಷಿ ಒಟ್ಟಾಗಿ ನೀಡಿದ್ದಾನೆ.

ಕಾರಾ ಮೊದಲ ಮಗುವಿಗೆ 2018ರಲ್ಲಿ ಜನ್ಮ ನೀಡಿದರು. ಅದಾಗಿ ಮತ್ತೆ ಮಗು ಬೇಕೆಂದು ಬಯಸಿ ಪ್ರಯತ್ನಿಸಿದಾಗ ಎರಡು ಬಾರಿ ಗರ್ಭಪಾತವಾಗಿತ್ತು. ಆದರೂ ತನ್ನ ನಂಬಿಕೆ ಕಳೆದುಕೊಂಡಿರಲಿಲ್ಲ. ಅವರ ನಂಬಿಕೆಯಂತೆಯೇ ಮತ್ತೆ ಗರ್ಭಧರಿಸಿದರು. ವೈದ್ಯರ ಬಳಿ ಹೋಗಿ ಪರೀಕ್ಷೆ ಮಾಡಿದಾಗ ಒಂದು ಮಗುವಿತ್ತು, ಆದರೆ 7 ವಾರಗಳ ಬಳಿಕ ಪರೀಕ್ಷೆ ಮಾಡಿದಾಗ ಅವಳಿ ಮಕ್ಕಳು ಅವರು ಗರ್ಭದಲ್ಲಿದ್ದೆವು.
ವೈದ್ಯರ ಪ್ರಕಾರ ಆಕೆಗೆ ಎರಡು ಬಾರಿ ಅಂಡಾಣು ಉತ್ಪತ್ತಿಯಾಗಿರಬಹುದು, ಈ ಕಾರಣದಿಂದಾಗಿ ಮತ್ತೆ ಗರ್ಭಧರಿಸಿರಬಹುದು ಎಂದು ಹೇಳಿದ್ದಾರೆ. ಕಾರಾ ಇದು ಮಾತ್ರ ಶೇ. 100ರಷ್ಟು ಅಚ್ಚರಿಯ ಸಂಗತಿಯಾಗಿದೆ, ಅದು ನನಗಾಗಿರುವುದು ಖುಷಿಯಾಗಿದೆ ಎಂದು ಸಂತೋಷ ವ್ಯಕ್ತಪಡಿಸಿದ್ದಾರೆ.

English summary

US Woman Becomes Pregnant While Already Pregnant, Know more about Superfetation condition

US Woman Becomes Pregnant While Already Pregnant, This condition called as Superfetation. It is a rare event where another egg is released and fertilised when someone is already pregnant. Know more.
Story first published: Saturday, June 4, 2022, 17:43 [IST]
X
Desktop Bottom Promotion