ಇನ್ನು ಗರ್ಭಾವಸ್ಥೆಯಲ್ಲಿ ಕಾಡುವ ಆತಂಕಕ್ಕೆ ಗುಡ್ ಬೈ ಹೇಳಿ

ಸಲಹೆ: 1

ಗರ್ಭಾವಸ್ಥೆಯಲ್ಲಿ ನೀವು ಆತಂಕವನ್ನು ಅನುಭವಿಸುತ್ತಿದ್ದೀರಿ ಎಂದಾದಲ್ಲಿ, ನಿಮ್ಮೊಳಗೆ ಅದನ್ನು ಬಚ್ಚಿಟ್ಟುಕೊಳ್ಳಬೇಡಿ. ನಿಮ್ಮ ಸಂಗಾತಿ ಅಥವಾ ಕುಟುಂಬ ಸದಸ್ಯರಿಗೆ ಇದರ ಬಗ್ಗೆ ತಿಳಿಸಿ, ಇದರಿಂದ ಮಾನಸಿಕವಾಗಿ ಆತಂಕದ ನಿವಾರಣೆಯನ್ನು ಮಾಡಿಕೊಳ್ಳಬಹುದಾಗಿದೆ.

ಸಲಹೆ:2

ನೀವೊಂದು ಡೈರಿಯನ್ನು ನಿಮ್ಮ ಬಳಿ ಇರಿಸಿಕೊಂಡು ಅದರಲ್ಲಿ ನಿಮ್ಮ ಆತಂಕದ ಕುರಿತು ಬರೆಯಬಹುದಾಗಿದೆ. ನಿಮ್ಮ ಮನಸ್ಸಿನ ತುಮುಲಗಳನ್ನು ಅಕ್ಷರ ರೂಪದಲ್ಲಿ ಹೊರಹಾಕುವುದರಿಂದ ಮನಸ್ಸಿಗೆ ಸಾಂತ್ವಾನ ದೊರಕಿ ನಿಮಗೆ ಸಂದರ್ಭವನ್ನು ಇನ್ನಷ್ಟು ಅರಿತುಕೊಳ್ಳಬಹುದಾಗಿದೆ ಎಂಬುದು ಸಂಶೋಧಕರ ಮಾತಾಗಿದೆ.

ಸಲಹೆ:3

ನಿಯಮಿತ ವ್ಯಾಯಾಮ ಅಭ್ಯಾಸಗಳನ್ನು ರೂಢಿಸಿಕೊಂಡು ನಿಮ್ಮ ಮನಸ್ಸನ್ನು ಮತ್ತು ದೇಹವನ್ನು ಹಗುರವಾಗಿರಿಸಿ ಕೊಳ್ಳಬಹುದಾಗಿದೆ. ವೈದ್ಯರೊಂದಿಗೆ ಸಮಾಲೋಚನೆಯನ್ನು ಮಾಡಿಕೊಂಡು ವ್ಯಾಯಾಮವನ್ನು ಮಾಡಿ. ಹಾರ್ಮೋನುಗಳ ಅನಿಯಂತ್ರಣವನ್ನು ವ್ಯಾಯಾಮವು ನಿಯಂತ್ರಿಸಿ ನಿಮ್ಮ ಮನಸ್ಸನ್ನು ಸುಧಾರಿಸುವ ಎಂಡೋರ್‎ಫಿನ್ಸ್ ಬಿಡುಗಡೆಗೆ ಸಹಾಯಕವಾಗಿದೆ.

ಸಲಹೆ:4

ಉಸಿರಾಟದ ತಂತ್ರಗಳನ್ನು ಅಭ್ಯಾಸ ಮಾಡುವುದರಿಂದ, ಜೊತೆಗೆ ಯೋಗ ಮತ್ತು ಪ್ರಾಣಾಯಾಮಗಳನ್ನು ಮಾಡುವುದು ನಿಮ್ಮ ಸ್ನಾಯುಗಳನ್ನು ಹಗುರಗೊಳಿಸಿ ನಿಮ್ಮ ನರವನ್ನು ಶಾಂತಗೊಳಿಸುತ್ತದೆ.

ಸಲಹೆ: 5

ನೀವು ಸಾಕಷ್ಟು ವಿಶ್ರಾಂತಿಯನ್ನು ತೆಗೆದುಕೊಳ್ಳುತ್ತಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ, ವಿಶೇಷವಾಗಿ 2 ನೇ ತ್ರೈಮಾಸಿಕದ ಆರಂಭದಲ್ಲಿ, ನಿಮ್ಮ ಹೊಟ್ಟೆಯು ಗಾತ್ರದಲ್ಲಿ ಹಿರಿದಾಗುತ್ತಾ ಹೋಗುತ್ತದೆ ಮತ್ತು ನಿಮ್ಮ ದೇಹವು ಸಾಕಷ್ಟು ಶಕ್ತಿಯನ್ನು ಬಳಸಿಕೊಳ್ಳುತ್ತದೆ. ಇದರಿಂದ ನಿಮ್ಮ ದೇಹಕ್ಕೆ ಸಾಕಷ್ಟು ಶಕ್ತಿಯ ಅವಶ್ಯಕತೆ ಇದೆ. ಸುಸ್ತಿನಿಂದ ಕೂಡ ಆತಂಕವುಂಟಾಗುತ್ತದೆ.

ಸಲಹೆ: 6

ಗರ್ಭಾವಸ್ಥೆಯಲ್ಲಿ ಸುರಕ್ಷಿತ ಎಂದೆನಿಸುವ ಹವ್ಯಾಸಗಳನ್ನು ರೂಢಿಸಿಕೊಳ್ಳಿ ಉದಾಹರಣೆಗೆ ಚಿತ್ರಕಲೆ, ಸಂಗೀತ ಇತ್ಯಾದಿ. ನಿಮ್ಮನ್ನು ಕೊಂಚ ಚಟುವಟಿಕೆಯಿಂದ ಇರಿಸಿಕೊಳ್ಳುವುದು ನಿಮ್ಮ ಆತಂಕವನ್ನು ಕಡಿಮೆ ಮಾಡಿ ನಿಮ್ಮನ್ನು ನಿರಾಳಗೊಳಿಸುತ್ತದೆ.

ಸಲಹೆ: 7

ನಿಮ್ಮ ವೈದ್ಯರನ್ನು ಆಗಾಗ್ಗೆ ಭೇಟಿಯಾಗುತ್ತಿರಿ. ನಿಮ್ಮ ಆತಂಕ ಇನ್ನೂ ಪರಿಹಾರವಾಗಿಲ್ಲ ಎಂದಾದಲ್ಲಿ ಪರಿಣಿತರ ಸಲಹೆಯನ್ನು ಪಡೆದುಕೊಂಡು ಅಗತ್ಯ ಸೂಚನೆಗಳನ್ನು ಪಾಲಿಸಿಕೊಳ್ಳಿ. ಇದರಿಂದ ಒತ್ತಡ ಮತ್ತು ಆತಂಕದಿಂದ ನಿಮಗೆ ಹೊರಬರಬಹುದಾಗಿದೆ.