Just In
- 7 hrs ago ವೃಷಭ ರಾಶಿಗೆ ಗುರು ಸಂಚಾರ: ಗುರು ನಿಮ್ಮ ಲಗ್ನ ಮನೆಯಲ್ಲಿ ಇರುವುದರಿಂದ ಇದರ ಪ್ರಭಾವ ಹೇಗಿರಲಿದೆ?
- 7 hrs ago ವೃಷಭ ರಾಶಿಗೆ ದೇವಗುರುವಿನ ಸಂಚಾರ: ಮೇಷ ರಾಶಿಗಳಿಗೆ ಇದರ ಪ್ರಭಾವ ಹೇಗಿರಲಿದೆ?
- 8 hrs ago ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- 9 hrs ago ದಿನ ಭವಿಷ್ಯ ಏಪ್ರಿಲ್ 19: ಶುಕ್ರವಾರದ ಈ ಶುಭ ದಿನ ನಿಮ್ಮ ರಾಶಿಗೆ ಹೇಗಿರಲಿದೆ?
Don't Miss
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಾರು ಏನೇ ಹೇಳಿ, ನಮ್ಮವರಿಗೆ ಚಹಾ ಎಂದರೆ ಪಂಚ ಪ್ರಾಣ!
ಭಾರತದ ಯಾವುದೇ ಊರಿನಲ್ಲಿ ಏನು ದೊರಕದೇ ಇದ್ದರೂ ಚಹಾ ಅಥವಾ ಟೀ ಮಾತ್ರ ದೊರೆತೇ ದೊರಕುತ್ತದೆ. ಹೆಚ್ಚಿನ ಭಾರತೀಯರ ನೆಚ್ಚಿನ ಪೇಯವಾಗಿರುವ ಚಹಾ ಅಗ್ಗವೂ ಆಗಿದೆ. ಕರ್ನಾಟಕದಲ್ಲಿ ಕಾಫಿ ಸಹಾ ಜನಪ್ರಿಯವಾಗಿದೆ. ಆದರೆ ಒಟ್ಟು ಜನಸಂಖ್ಯೆಯಲ್ಲಿ ಕಾಫಿ ಕುಡಿಯುವವರಿಗಿಂತ ಹೆಚ್ಚಾಗಿ ಚಹಾ ಪ್ರಿಯರೇ ಹೆಚ್ಚು.
ಹೋಟೆಲಿನಲ್ಲಿ ಕಾಫಿಗಿಂತಲೂ ಹೆಚ್ಚಾಗಿ ಚಹಾ ಮಾರಾಟವಾಗುತ್ತದೆ. ಕಾಫಿ ಕೆಫೆಗಿಂತ ಹೆಚ್ಚು ಜನರು ರಸ್ತೆಬದಿಯ ತಳ್ಳುಗಾಡಿಯಲ್ಲಿ ಮಾರಾಟವಾಗುತ್ತಿರುವ ಚಹಾ ಹೀರಲು ಹೆಚ್ಚು ಜನರು ಕ್ಯೂ ನಿಲ್ಲುತ್ತಾರೆ. ಟೀ ಕಾಫಿ ಸೇವನೆ ಅತಿಯಾದರೆ, ಅಪಾಯ ಬೆನ್ನೇರಿ ಕಾಡಲಿದೆ!
ನೀವೂ ಚಹಾಪ್ರಿಯರಾಗಿದ್ದರೆ ಈ ಜನಪ್ರಿಯತೆಗೆ ಏನು ಕಾರಣ ಎಂದು ಯಾವಾಗಲಾದರೂ ನಿಮ್ಮ ಮನಸ್ಸಿಗೆ ಬಂದಿರಬಹುದು. ಬನ್ನಿ, ಚಹಾವೇಕೆ ನಮ್ಮ ಮನಸ್ಸಿಗೆ ನಾಟಿಬಿಟ್ಟಿದೆ ಎಂದುದನ್ನು ನೋಡೋಣ:
ಟೀ ನಮ್ಮ ರಾಷ್ಟ್ರೀಯ ಪೇಯ
ನಮ್ಮ ರಾಷ್ಟ್ರೀಯ ಪೇಯ ಚಹಾ ಎಂಬುದು ನಿಮಗೆ ಗೊತ್ತಿತ್ತೇ? ಈ ರಾಷ್ಟ್ರೀಯ ಪೇಯವನ್ನು ಎಪ್ಪತ್ತು ಶೇಖಡಕ್ಕೂ ಹೆಚ್ಚು ಜನರು ಕುಡಿಯುತ್ತಾರೆ. ಕಾಫಿ ಕುಡಿಯುವ ಜನರು ಕೇವಲ ಹದಿನೈದು ಶೇಖಡಾ ಮಾತ್ರ. ಅಲ್ಲದೇ ಓರ್ವ ಟೀ ಕುಡಿಯುವ ವ್ಯಕ್ತಿ ವಾರ್ಷಿಕ ಎಂಟುನೂರು ಗ್ರಾಂ ಟೀ ಪುಡಿ ಬಳಸಿದರೆ ಕಾಫಿಯ ಪ್ರಮಾಣ ಕೇವಲ ಎಂಭತ್ತೈದು ಗ್ರಾಂ ಮಾತ್ರ.
ಯಾವುದೇ ಸಮಯಕ್ಕೂ ಸಲ್ಲುವ ಪೇಯ
ಟೀ ಕುಡಿಯಲು ಇಂತಹದ್ದೇ ಸಮಯ ಆಗಬೇಕೆಂದಿಲ್ಲ. ಮುಂಜಾನೆಯ ಪ್ರಥಮ ಪೇಯವಾಗಿ ಸೇವಿಸುವುದರಿಂದ ಹಿಡಿದು ತಡರಾತ್ರಿ ನಿದ್ದೆ ಬರದೇ ಇರಲು ಕುಡಿಯುವ ಪೇಯವಾಗಿ ಟೀ ಬಳಸಲ್ಪಡುತ್ತದೆ. ಹೊರಗೆ ಅತಿಯಾದ ಸೆಖೆ ಇರಲಿ, ಥರಗುಟ್ಟುವ ಚಳಿಯೇ ಇರಲಿ, ಟೀ ಕುಡಿಯುವವರು ಬೇರೆ ಪೇಯವನ್ನು ಬಯಸುವುದಿಲ್ಲ.
ಯಾವುದೇ ತಿಂಡಿಯೊಂದಿಗೂ ಸೈ
ಈ ಪೇಯದೊಂದಿಗೆ ಯಾವುದೇ ಕುರುಕಲು ತಿಂಡಿಯನ್ನು ಜೊತೆಯಾಗಿ ಸೇವಿಸಬಹುದು. ಬಿಸಿಬಿಸಿ ಸಮೋಸಾ, ಬಿಸ್ಕತ್ತು, ಸಿಹಿತಿಂಡಿ, ಅವಲಕ್ಕಿ, ಉಪ್ಪಿಟ್ಟು, ಒಟ್ಟಾರೆ ಯಾವುದೇ ತಿಂಡಿಯೊಂದಿಗೂ ಟೀ ಕುಡಿಯುವುದು ಎಲ್ಲರಿಗೂ ಇಷ್ಟ. ಎಷ್ಟೋ ಜನರಿಗೆ ಊಟದ ಬಳಿಕವೂ ಚಹಾ ಕುಡಿಯುವ ಅಭ್ಯಾಸವಿರುತ್ತದೆ. ಆದರೆ ಊಟದ ತಕ್ಷಣದ ಬದಲು ಕೊಂಚ ಹೊತ್ತು ಬಿಟ್ಟು ಕುಡಿಯುವ ಮೂಲಕ ಜೀರ್ಣಶಕ್ತಿ ಹೆಚ್ಚಿಸಬಹುದು.
ಬದಲಾವಣೆಗೆ ಹಲವು ಸ್ವಾದಗಳಿವೆ
ಚಹಾವನ್ನು ಅದರ ಸ್ವಂತ ಸ್ವಾದದ ಜೊತೆಗೇ ಇನ್ನಿತರ ಸ್ವಾದಗಳೊಂದಿಗೂ ಸೇವಿಸುವುದನ್ನು ಚಹಾಪ್ರಿಯರು ಇಷ್ಟಪಡುತ್ತಾರೆ. ಏಲಕ್ಕಿ, ದಾಲ್ಚಿನ್ನಿ, ಹೆಚ್ಚಿನ ಸಕ್ಕರೆ, ಕಡಿಮೆ ಸಕ್ಕರೆ, ಹಾಲು ಸಹಿತ, ಹಾಲು ರಹಿತ, ಲಿಂಬೆರಸ ಸೇರಿಸಿ, ಪುದೀನಾ ಎಲೆ ಸೇರಿಸಿ, ಕ್ಯಾಮೋಮೈಲ್ ಮೊದಲಾದ ಹತ್ತು ಹಲವು ಸ್ವಾದಗಳಲ್ಲಿ ಚಹಾ ಸವಿಯಬಹುದು. ಈಗಂತೂ ಚಹಾ ದೊಡನೆ ಸೇರಿಸುವ ಮಸಾಲೆ ಸಹಾ ಲಭ್ಯವಿದೆ.
ಧೂಮಪಾನಕ್ಕೆ ಸರಿಯಾದ ಜೊತೆ!
ಧೂಮಪಾನಿಗಳಿಗೆ ಧೂಮದೊಂದಿಗೆ ಚಹಾ ಸೇವಿಸುವುದೇ ಅತ್ಯಂತ ಇಷ್ಟವಾದ ಕ್ರಮ. ಒಂದು ದಮ್ ಹೊಗೆ, ಇನ್ನೊಂದು ಗುಟುಕು ಚಹಾ ಸೇವಿಸುವ ಪರಿ ಹೆಚ್ಚಿನ ಧೂಮಪಾನಿಗಳ ನೆಚ್ಚಿನ ಕ್ರಮವಾಗಿದೆ.
ಚಹಾಕೂಟಗಳಲ್ಲಿ ಹೆಚ್ಚಿನ ಆತ್ಮೀಯ ಚರ್ಚೆ ನಡೆಯುತ್ತದೆ
ಯಾವುದಾದರೂ ಚರ್ಚೆಗೆ ಆತ್ಮೀಯರನ್ನು ಆಹ್ವಾನಿಸಬೇಕಾದರೆ ಚಹಾಕ್ಕೆಂದು ಆಹ್ವಾನಿಸುವುದು ಭಾರತೀಯ ಸಂಸ್ಕೃತಿಯಾಗಿದೆ. ಚಹಾ ಸೇವಿಸುತ್ತಾ ಹಲವು ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳಲು ಸಾಧ್ಯವಾಗುತ್ತದೆ. ಮನೆಗೆ ಬಂದ ಅತಿಥಿಗಳನ್ನು ಸತ್ಕರಿಸಲೂ ಚಹಾವೇ ಅತಿ ಸೂಕ್ತವಾದ ಆಯ್ಕೆಯಾಗಿದೆ.