ಅಯ್ಯೋ... ಈ ಮುದ್ದು ಆನೆಮರಿ ಆಟ ಎಷ್ಟೊಂದು ಕ್ಯೂಟ್ ನೋಡಿ

ಬೆಳಗ್ಗೆಯಿಂದ ಕೆಲಸ-ಕೆಲಸ ಅಂತ ಸುಸ್ತಾಗಿದ್ದಾರೆ ಈ ಕ್ಯೂಟ್‌ ವೀಡಿಯೋ ನಿಮ್ಮ ಸುಸ್ತೆಲ್ಲಾ ನಿವಾರಿಸಿ ಮುಖದಲ್ಲಿ ನಗು ಅರಳುವಂತೆ ಮಾಡುವುದಂತು ಗ್ಯಾರಂಟಿ. ಅಷ್ಟೊಂದು ಕ್ಯೂಟ್ ಆಗಿದೆ ಪುಟಾಣಿ ಆನೆಮರಿಯ ಈ ವೀಡಿಯೋ. ಈ ವೀಡಿಯೋ ನೋಡುತ್ತಿದ್ದರೆ ಕೆಲಸದ ಒತ್ತಡ, ಮಾನಸಿಕ ಒತ್ತಡ ಎಲ್ಲಾ ಮಾಯವಾಗಿ ಒಂದು ಕ್ಷಣ ರಿಲ್ಯಾಕ್ಸ್ ಆಗುವಿರಿ. ಈ ವೀಡಿಯೊವನ್ನು ರಾಜಕಾರಣಿ ಪರಿಮಾಳ್ ನಥ್‌ವಾಣಿ ತಮ್ಮ ಟ್ವಿಟರ್‌ನಲ್ಲಿ ಶೇರ್ ಮಾಡಿದ್ದು ವೀಡಿಯೋ ವೈರಲ್ ಆಗಿದೆ.

ಆಟ ಆಡುವ ಮೂಡ್‌ನಲ್ಲಿರುವ ಮುದ್ದು ಆನೆಮರಿ ಅಲ್ಲೇ ಪೇಂಟಿಂಗ್ ಕೆಲಸದಲ್ಲಿ ಮಗ್ನವಾಗಿರುವ ವ್ಯಕ್ತಿಯನ್ನು ಕೀಟಲೆ ಮಾಡಲಾರಂಭಿಸುತ್ತದೆ. ಆ ವ್ಯಕ್ತಿ ಅದರ ಜೊತೆ ಆಡಲು ನಿಲ್ಲದೆ ತನ್ನ ಕೆಲಸ ಮುಂದುವರೆಸಿದಾಗ ಅಲ್ಲಿ ಹಾಕಿರುವ ಅಡ್ಡ ಕಂಬಗಳ ಹೊರಗೆ ಕಾಲು ಹಾಕಿ ಆತನನ್ನು ಸೊಂಡಲಿನಲ್ಲಿ ತನ್ನ ಪಕ್ಕ ಕರೆಯುತ್ತಾ ಆಟ ಆಡುತ್ತಿರುವ ದೃಶ್ಯ ನೋಡುತ್ತಿದ್ದರೆ ಮನಸ್ಸಿಗೆ ತುಂಬಾ ಮನ ರಂಜನೆ ಸಿಗುವುದು.

In this adorable video, a young #elephant affectionately reaches out to the fence painter who plays with the animal. The elephant's playfulness is a treat for the eyes! A great instance of human-animal coexistence. @WWFINDIA @moefcc @PrakashJavdekar @wti_org_india @natgeowild pic.twitter.com/uUaEFTdz8C

— Parimal Nathwani (@mpparimal) January 26, 2020

ಮನುಷ್ಯ ಹಾಗೂ ಪ್ರಾಣಿಗಳ ಬಾಂಧವ್ಯ ಈ ವೀಡಿಯೋದಲ್ಲಿ ಕಾಣಬಹುದಾಗಿದೆ. ಇದೊಂದು ಅದ್ಭುತವಾದ ವೀಡಿಯೋ ಆಗಿದ್ದು ನೋಡಗರ ಕಣ್ಣು ಹಾಗೂ ಮನಸ್ಸಿಗೆ ಮುದ ನೀಡುವುದು ಎಂದು ಟ್ವಿಟ್ಟಿಗರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಮನಸ್ಸನ್ನು ಉಲ್ಲಾಸಗೊಳಿಸುವ ಈ ವೀಡಿಯೋ ಫೆಬ್ರವರಿ 26ಕ್ಕೆ ಅಪ್ಲೋಡ್‌ ಮಾಡಿದ್ದು, ಇದೀಗ ಈ ವೀಡಿಯೋವನ್ನು ನೆಟ್ಟಗರು ತುಂಬಾ ಮೆಚ್ಚಿಕೊಂಡಿದ್ದು, ವೀಡಿಯೋ ವೈರಲ್ ಆಗಿದೆ.