For Quick Alerts
ALLOW NOTIFICATIONS  
For Daily Alerts

ವೈರಲ್ : ನವವಿವಾಹಿತೆ ಮಗಳಿಗೆ ಕಳುಹಿಸಿದ ಆ‍ಷಾಢ ಉಡುಗೊರೆ ನೋಡಿ ಊರೇ ದಂಗಾಯ್ತು!

|

ಕೆಲವು ಪೋಷಕರಿಗೆ ಮಗಳನ್ನು ಮದುವೆ ಮಾಡಿ ಕೊಡುವಾಗ ಮಗಳಿಗೆ ಎಷ್ಟು ಕೊಟ್ಟರೂ ಸಮಧಾನ ಇರಲ್ಲ... ಮದುವೆ ಅಡುಗೆ ಬೊಂಬಾಟ್‌ ಆಗಿರಬೇಕು, ಇನ್ನು ಅಳಿಯನ ಮನೆಗೆ ತಿಂಡಿ-ತಿನಿಸುಗಳನ್ನು ಕಳುಹಿಸುವಾಗ ಅಂತೂ ತರವಾರಿ ತಿಂಡಿ-ತಿನಿಸುಗಳನ್ನು ಕಳುಹಿಸುತ್ತಾರೆ. ಯಾವ ವಿಷಯದಲ್ಲೂ ಕಂಜೂಸು ಮಾಡಲ್ಲ... ಸಂಬಂಧಿಕರು ನಮ್ಮ ಬಗ್ಗೆ ಒಳ್ಳೆಯದು ಅಂದುಕೊಳ್ಳಬೇಕೆಂದು ಬಗೆ-ಬಗೆಯ ತಿನಿಸುಗಳು ಉಡುಗೊರೆಗಳನ್ನು ಕಳುಹಿಸುವುದು ಸಹಜ.

ಆದರೆ ಇಲ್ಲೊಂದು ಪೋಷಕರು ತಮ್ಮ ಅಳಿಯನ ಮನೆಗೆ ಕಳುಹಿಸಿದ ಉಡುಗೊರೆ ನೋಡಿ ಅಳಿಯನ ಮನೆಯವರು ಮಾತ್ರವಲ್ಲ ಇಡೀ ಊರಿನವರೇ ದಂಗಾಗಿ ಹೋಗಿದ್ದಾರೆ... ಇದನ್ನು ನೋಡಿದವರು, ಕೇಳಿದವರು ಈ ರೀತಿ ಗಿಫ್ಟ್ ಕೊಟ್ಟಿರುವುದನ್ನು ನಾವೆಂದೂ ನೋಡಿರಲಿಲ್ಲ ಅಂತಿದ್ದಾರೆ, ಅಲ್ಲದೆ ಈ ಭರ್ಜರಿ ಉಡುಗೊರೆಯ ಸುದ್ದಿ ಸಕತ್‌ ವೈರಲ್ ಆಗಿದೆ.

ಆಷಾಢ ಮಾಸದಲ್ಲಿ ನವವಿವಾಹಿತೆ ಮಗಳ ಮನೆಗೆ ಪೋಷಕರು ತಿಂಡಿ-ತಿನಿಸುಗಳನ್ನು ತರುವ ಪದ್ಧತಿ ಆಂಧ್ರದಲ್ಲಿದೆ. ಈ ಪೋಷಕರು ಬರೋಬರಿ 1000 ಕೆಜಿ ಮೀನು, 1000 ಕೆಜಿ ತರಕಾರಿ, 250 ಕೆಜಿ ಅಡುಗೆ ಸಾಮಗ್ರಿ, 250 ಡಬ್ಬ ಉಪ್ಪಿನಕಾಯಿ, 250 ಕೆಜಿ ಸೀಗಡಿ, 250 ಕೆಜಿ ಸಿಹಿ ತಿನಿಸು, 10 ಮೇಕೆ, 50 ಕೋಳಿಗಳನ್ನು ಅಳಿಯನ ಮನೆಗೆ ಉಡುಗೊರೆಯಾಗಿ ನೀಡಿದ್ದಾರೆ. ತಮ್ಮ ಮನೆಗೆ ತಂದೆ ಉಡುಗೊರೆ ಕಳುಹಿಸುತ್ತಿದ್ದಾರೆ ಎಂಬುವುದು ಗೊತ್ತಿತ್ತು... ಆದರೆ ಇಷ್ಟೊಂದು ಉಡುಗೊರೆ ನೋಡಿ ಮಗಳು-ಅಳಿಯ ಒಂದು ಕ್ಷಣ ದಂಗಾಗಿ ಹೋದರು.

ಈ ಉಡುಗೊರೆಯನ್ನು ನೀಡಿದ್ದು ಉದ್ಯಮಿ ಬಟುಲಾ ಬಲರಾಮ ಕೃಷ್ಣ, ಇವರು ತಮ್ಮ ಮಗಳು ಪ್ರತ್ಯೂಷರನ್ನು ಯಾನಂನಲ್ಲಿರುವ ಉದ್ಯಮಿಯ ಪುತ್ರ ಪವನ್‌ ಕುಮಾರ್‌ಗೆ ಕೊಟ್ಟು ಮದುವೆ ಮಾಡಿದ್ದರು. ಮಗಳಿಗೆ ಈ ಆಷಾಢದಲ್ಲಿ ಕಳುಹಿಸುವ ಉಡುಗೊರೆ ತುಂಬಾ ವಿಶೇಷವಾಗಿರಬೇಕೆಂದು ಬಯಸಿದ ತಂದೆ ಇಷ್ಟೆಲ್ಲಾ ಉಡುಗೊರೆ ಕಳುಹಿಸಿಕೊಟ್ಟಿದ್ದಾರೆ. ಈ ಆಷಾಢ ಉಡುಗೊರೆಯನ್ನು ಮಗಳು ಮತ್ತು ಅಳಿಯ ಮಾತ್ರವಲ್ಲ ಊರಿನವರು ಖಂಡಿತ ಮರೆಯಲ್ಲ ಅಲ್ವಾ?

English summary

Andhra Pradesh man gifts 1,000 kg fish, 250 kg sweets,10 goats to newlywed daughter; goes viral

Andhra Pradesh man gifts 1,000 kg fish, 250 kg sweets,10 goats to newlywed daughter; goes viral,
Story first published: Sunday, July 25, 2021, 21:49 [IST]
X