Just In
- 22 min ago ಆಕಾಶದಲ್ಲಿ ಮತ್ತೆ ಕಾಣಿಸಿಕೊಂಡ ವಿಚಿತ್ರ ವಸ್ತು.! ಸ್ಪಷ್ಟನೆ ಬೇಕೆಂದ ನಿವಾಸಿಗಳು..!
- 1 hr ago ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- 5 hrs ago ಎಳ ನೀರು ಹಾಕಿ ಮಾಡುವ 2 ದೋಸೆ ರೆಸಿಪಿ: ರುಚಿ ಸೂಪರ್, ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು
- 7 hrs ago ಬೇಸಿಗೆಯಲ್ಲಿ ದಿನಾ ಎಳನೀರು ಕುಡಿದರೆ ಏನಾಗುತ್ತೆ? ಯಾವ ಸಮಯದಲ್ಲಿ ಎಳನೀರು ಕುಡಿಯಬೇಕು?
Don't Miss
- News "ಅಲ್ಲಾ ಹೋ ಅಕ್ಬರ್" ಕೂಗಬೇಕು ಎಂದು ಮುಸ್ಲಿಂ ಗೂಂಡಾಗಳಿಂದ ಧಮ್ಕಿ ; ನಾವು ಪಾಕಿಸ್ತಾನದಲ್ಲಿ ಇದ್ದೇವಾ - ಆರ್.ಅಶೋಕ್
- Movies ಸುಶಾಂತ್ ಸಿಂಗ್ ರಜಪೂತ್ ಸತ್ತಾಗ ಯಾರು ದು:ಖಿಸಲಿಲ್ಲ ; ಜನರಿಗೆ ಬೇಕಿದ್ದಿದ್ದು 'ಮಸಾಲೆಯುಕ್ತ ಗಾಸಿಪ್' ಅಷ್ಟೇ..!
- Finance ನೆಸ್ಲೆಯ ಸೆರೆಲಾಕ್ ಶಿಶು ಹಾಲಿನಲ್ಲಿ ಸಕ್ಕರೆ ಅಂಶ ಪತ್ತೆ: ತನಿಖಾ ವರದಿಯಲ್ಲಿ ಬಹಿರಂಗ
- Technology ಬೋರಿಂಗ್ ಫೋನ್ಗಾಗಿ ಕೈಜೋಡಿಸಿದ HMD, ಹೈನೆಕೆನ್ ಮತ್ತು ಬೊಡೆಗಾ! ಯಾತಕ್ಕಾಗಿ ಈ ಫೋನ್?
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Shani Pradosh Vrat 2021: ಈ ದಿನದ ಮಹತ್ವವೇನು? ಕಷ್ಟಗಳ ನಿವಾರಣೆಗೆ ಏನು ಮಾಡಬೇಕು?
ಪ್ರದೋಷ ವ್ರತಕ್ಕೆ ಹಿಂದೂ ಧರ್ಮದಲ್ಲಿ ವಿಶೇಷ ಮಹತ್ವವಿದೆ. ಪ್ರತೀ ತಿಂಗಳಿನಲ್ಲಿ ಬರುವ ಶುಕ್ಲ ಮತ್ತು ಕೃಷ್ಣ ತ್ರಯೋದಶಿಯಂದು ಸೂರ್ಯಾಸ್ತದ ನಂತರ ಮೂರು ಘಳಿಗೆಗಳ ಕಾಲಕ್ಕೆ ಪ್ರದೋಷ ಎನ್ನುತ್ತಾರೆ.
ಈ ದಿನ ಉಪವಾಸವಿದ್ದು, ಶಿವನ ಉಪಾಸನೆ ಮಾಡಿ, ರಾತ್ರಿ ಪೂಜೆಯ ಬಳಿಕ ಆಹಾರ ಸೇವಿಸಬೇಕು. ಏಪ್ರಿಲ್ 24ರಂದು ಪ್ರದೋಷ ವ್ರತ ಬಂದಿದೆ. ಇದು ಶನಿವಾರ ಬಂದಿರುವುದರಿಂದ ಶನಿ ಪ್ರದೋಷ ವ್ರತ ಎಂದು ಕರೆಯಲಾಗುವುದು.
ಶನಿವಾರ ಶನಿ ದೇವನಿಗೆ ಮೀಸಲಾದ ದಿನ. ಈ ದಿನದಂದು ಪ್ರದೋಷ ವ್ರತ ಬಂದಿರುವುದರಿಂದ ಶಿವ-ಪಾರ್ವತೆಯ ಆರಾಧನೆಯಲ್ಲಿ ಶನಿಯನ್ನೂ ಪೂಜಿಸಲಾಗುತ್ತದೆ. ಪ್ರದೋಷ ದಿನದಂದು ಶನಿ ದೇವನಿಗೆ ಕಪ್ಪು ಎಳ್ಳು, ಕಪ್ಪು ಬಟ್ಟೆ, ಸಾಸಿವೆ ಎಣ್ಣೆ ನೀಡುವುದನ್ನು ಶುಭವೆಂದು ಪರಿಗಣಿಸಲಾಗಿದೆ.
ಧಾರ್ಮಿಕ ನಂಬಿಕೆಗಳ ಪ್ರಕಾರ, ಶನಿ ಪ್ರದೋಷ ದಿನದಂದು ಶನಿಯನ್ನು ಆರಾಧಿಸುವುದರಿಂದ ಶಿವನ ಜೊತೆಗೆ ಶನಿಯ ಕೃಪೆಯೂ ನಿಮ್ಮ ಮೇಲಿರುವುದು. ಇಲ್ಲಿ ಶನಿ ಪ್ರದೋಷ ಪೂಜೆ ಶುಭ ಮುಹೂರ್ತ, ಶನಿ ಹಾಗೂ ಶಿವನನ್ನು ಮೆಚ್ಚಿಸಲು ಏನು ಮಾಡಬೇಕೆಂದು ಹೇಳಲಾಗಿದೆ ನೋಡಿ.
ಶನಿ ಪ್ರದೋಷ ವ್ರತವನ್ನು ಪೂಜಿಸಲು ಶುಭ ಸಮಯ-
ಶುಕ್ಲ ತ್ರಯೋದಶಿ ತಿಥಿ ಪ್ರಾರಂಭ: ಏಪ್ರಿಲ್ 24, ಶನಿವಾರ ಸಂಜೆ 07:17ಕ್ಕೆ
ತ್ರಯೋದಶಿ ತಿಥಿ ಮುಕ್ತಾಯ: ಏಪ್ರಿಲ್ 25, ಭಾನುವಾರ ಮಧ್ಯಾಹ್ನ 04:12ಕ್ಕೆ
ಶನಿ ದೇವನನ್ನು ಮೆಚ್ಚಿಸಲು ಪ್ರದೋಷ ವ್ರತ ಹೇಗೆ ಮಾಡಬೇಕು
ಶನಿದೋಷವಿದ್ದರೆ ಅದರಿಂದ ಮುಕ್ತರಾಗಿ ಶನಿಕೃಪೆಗೆ ಪಾತ್ರರಾಗಲು ಶನಿ ಪ್ರದೋಷ ವ್ರತವನ್ನು ವಿಶೇಷವಾಗಿ ಮಾಡಲಾಗುತ್ತದೆ. ಈ ದಿನ ಶನಿ ಮಂತ್ರ ಪಠಿಸಿದರೆ ತುಂಬಾ ಪ್ರಯೋಜನ ಸಿಗುವುದು. ಅಲ್ಲದೆ ಈ ವ್ರತ ಮಾಡುವುದರಿಂದ ಸಂತಾನ ಅಪೇಕ್ಷಿತರಿಗೆ ಆ ಭಾಗ್ಯವು ದೊರೆಯುವುದು ಎಂದು ಹೇಳಲಾಗುವುದು. ಈ ದಿನ ಉಪವಾಸವಿದ್ದು
ಶನಿಯನ್ನು ಆರಾಧಿಸಬೇಕು. ಕಪ್ಪು ನಾಯಿ ಹಾಗೂ ಕಾಗೆಗೆ ಆಹಾರ ನೀಡಬೇಕು. ನಂತರ ಪೂಜೆಯಲ್ಲಿ ಜಪಮಾಲೆ ಹಿಡಿದು ಶನಿ ಮಂತ್ರ ಪಠಿಸಬೇಕು. ಪಠಣ ಮಾಡುವಾಗ ಉಚ್ಚಾರಣೆಯು ಶುದ್ಧವಾಗಿರಬೇಕು.
ಈ ದಿನ ಸಾಸಿವೆಯೆಣ್ಣೆಯಿಂದ ಆಹಾರ ತಯಾರಿಸಿ ಬಡವರಿಗೆ ದಾನ ಮಾಡಿ.
ಶನಿ ಪ್ರದೋಷ್ ವ್ರತ ಪೂಜಾ ವಿಧಾನ-
* ಪ್ರದೋಷ ದಿನದಂದು ಬೆಳಗ್ಗೆ ಎದ್ದು ಸ್ನಾನ ಮಾಡಿ, ಮಡಿ ಬಟ್ಟೆ ಧರಿಸಿ ಶಿವನಿಗೆ ಪೂಜೆಯನ್ನು ಸಲ್ಲಿಸಿ. ಶಿವನ ಪೂಜೆಗೆ ಬಿಲ್ವೆ ಪತ್ರೆ ಎಲೆ, ಹೂಗಳು, ಧೂಪ, ದೀಪ, ನೈವೇದ್ಯ ಅರ್ಪಿಸಿ. ಸಂಜೆ ಮತ್ತೆ ಶಿವನನ್ನು ಅದೇ ರೀತಿಯಲ್ಲಿ ಆರಾಧನೆ ಮಾಡಿ.
* ಶನಿಯ ಕೃಪೆಗೆ ಪಾತ್ರರಾಗಲು ಬಡವರಿಗೆ ಆಹಾರ ಹಾಗೂ ಕಪ್ಪು ಬಟ್ಟೆ ದಾನ ನೀಡಿ.
* ಅಲ್ಲದೆ ಈ ದಿನ ಕಂಚಿನ ಬಟ್ಟಲಿನಲ್ಲಿ ಸಾಸಿವೆಯೆಣ್ಣೆ ಅಥವಾ ಎಳ್ಳೆಣ್ಣೆ ತುಂಬಿ ಅದರಲ್ಲಿ ಮುಖ ನೋಡಿ.
* ಆಲದ ಮರಕ್ಕೆ ನೀರನ್ನು ಹಾಕಿ.
ಈ ರೀತಿ ಮಾಡುವುದರಿಂದ ಶಿವ ಹಾಗೂ ಶನಿಯ ಕೃಪೆಗೆ ಪಾತ್ರರಾಗುವಿರಿ. ಕಷ್ಟಗಳು ದೂರವಾಗುವುದು.