ಪಿತೃ ಪಕ್ಷ 2021: ಈ ಸಮಯದಲ್ಲಿ ಪೂಜೆಗೆ ಹಾಗೂ ನಿಮ್ಮ ಆಹಾರ ಕ್ರಮ ಹೀಗಿರಲಿ

ಎಲೆಯ ಮೇಲೆ ಎಂದಿಗೂ ಆಹಾರವನ್ನು ನೀಡಬೇಡಿ

ನಮ್ಮ ಪೂರ್ವಜರನ್ನು ಮೆಚ್ಚಿಸಲು ಶ್ರಾದ್ಧ ಆಹಾರವನ್ನು ಬೆಳ್ಳಿ, ಕಂಚು, ಹಿತ್ತಾಳೆ ಅಥವಾ ಇತರೆ ಯಾವುದೇ ತಟ್ಟೆಯಲ್ಲಿ ನೀಡಬೇಕು ಎಂದು ಹೇಳಲಾಗುತ್ತದೆ. ಅಲ್ಲದೆ, ಈ ಲೋಹವು ಸುತ್ತಲಿನ ಎಲ್ಲಾ ದುಷ್ಟ ಶಕ್ತಿಗಳನ್ನು ನಾಶಪಡಿಸುತ್ತದೆ ಎಂದು ಹೇಳಲಾಗಿದೆ. ಬದಲಾಗಿ ಬಾಳೆಎಲೆ ಬಳಕೆ ಸಲ್ಲದು. ಅಲ್ಲದೇ, ಈ ಕಾಲಮಾನದಲ್ಲಿ ನೈರ್ಮಲ್ಯದ ಉದ್ದೇಶದಿಂದಲೂ ಸಹ ಬಾಳೆ ಎಲ್ಲೆ ಅಷ್ಟು ಒಳ್ಳೆಯದಲ್ಲ ಎನ್ನಲಾಗುತ್ತದೆ. ಬಾಳೆಎಲೆಯಲ್ಲಿ ಊಟ ಬಡಿಸಿದರೆ ಇದು ನಮ್ಮ ಪೂರ್ವಜರ ಹಸಿವನ್ನು ನೀಗಿಸುವುದಿಲ್ಲ ಎಂಬ ಮಾತೂ ಇದೆ.

ಹಳೆಯ ಆಹಾರ

ಪಿತೃಪಕ್ಷದಲ್ಲಿ ಸೇವಿಸುವ ಎಲ್ಲಾ ಆಹಾರ ಪದಾರ್ಥಗಳು ತಾಜಾವಾಗಿರಬೇಕು. ಈ ಸಮಯದಲ್ಲಿ, ತಾಜಾ ಆಹಾರವನ್ನು ತಯಾರಿಸುವುದು ಪೂರ್ವಜರ ಆತ್ಮವನ್ನು ಪೋಷಿಸುತ್ತದೆ. ಅಲ್ಲದೆ, ಈ ಸಮಯದಲ್ಲಿ ಹವಾಮಾನವು ತೀವ್ರವಾಗಿ ಬದಲಾಗುವುದರಿಂದ, ಆರೋಗ್ಯದ ಉದ್ದೇಶಗಳಿಗಾಗಿ ರೆಫ್ರಿಜರೇಟರ್‌ನಲ್ಲಿ ಹೆಚ್ಚು ಸಮಯದವರೆಗೆ ಇರಿಸಲಾಗಿರುವ ಆಹಾರದಿಂದ ದೂರವಿರಬೇಕು. ರೆಫ್ರಿಜರೇಟರ್‌ನಲ್ಲಿ ಸಂಗ್ರಹವಾಗಿರುವ ಹೆಚ್ಚಿನ ಆಹಾರ ಪದಾರ್ಥಗಳು ಅದರ ಪೌಷ್ಟಿಕಾಂಶದ ಮೌಲ್ಯವನ್ನು ಕಳೆದುಕೊಳ್ಳುತ್ತವೆ, ಇದು ಕ್ಯಾನ್ಸರ್ ಕಾರಕವಾಗಿಸುತ್ತದೆ ಎಂಬುದು ನೆನಪಿರಲಿ.

ಹಸುವಿನ ಹಾಲು

ಈ ಋತುವಿನಲ್ಲಿ ಹಸುವಿನ ಹಾಲಿನಿಂದ ದೂರವಿರಬೇಕು. ಅದರಲ್ಲೂ ಇತ್ತೀಚೆಗೆ ಜನ್ಮ ನೀಡಿದ ಹಸುವಿನ ಹಾಲನ್ನು ವಿಶೇಷವಾಗಿ ತಪ್ಪಿಸಬೇಕು. ಹಾಗೆಯೇ ಈ ಸಮಯದಲ್ಲಿ ಹಸುವಿನ ತುಪ್ಪವನ್ನು ಸಹ ಸೇವಿಸುವುದನ್ನು ತಪ್ಪಿಸಿ.

ಶ್ರಾದ್ಧಾ ಪಾಯಸ

ಶ್ರಾದ್ಧ ಕಾಲದಲ್ಲಿ ಖೀರ್, ಪಾಯಸಕ್ಕೆ ವಿಶೇಷ ಮಹತ್ವವಿದೆ. ಅಲ್ಲದೆ ಈ ಸಂದರ್ಭದಲ್ಲಿ ತಯಾರಿಸುವ ಪಾಯಸಕ್ಕೆ ಬಳಸುವ ಹಾಲು ಕೇವಲ ಹಸುವಿನ ಹಾಲಾಗಿರಬೇಕು. ಮೊಸರು, ತುಪ್ಪ ಸೇರಿದಂತೆ ಹಾಲಿನಿಂದ ತಯಾರಿಸಿದ ಯಾವುದೇ ವಸ್ತುವು ಹಸುವಿನ ಹಾಲಿನಿಂದ ಇರಬೇಕು. ಆದರೆ ಈ ಹಾಲು ಇತ್ತೀಚೆಗೆ ಜನ್ಮ ನೀಡಿದ ಹಸುವಿನ ಹಾಲಾಗಿರಬಾರದು ಎಂಬುದು ನೆನಪಿರಲಿ.

ಪುಡಿ ಉಪ್ಪಿನ ಬದಲಿಗೆ ಕಲ್ಲು ಉಪ್ಪು ಬಳಸಿ

ಆಹಾರದ ಶುದ್ಧತೆಯನ್ನು ಕಾಪಾಡಿಕೊಳ್ಳಲು, ಸಾಮಾನ್ಯ ಕಲ್ಲು ಉಪ್ಪನ್ನು ಬಳಸುವುದು ಉತ್ತಮ ಎಂದು ಹೇಳಲಾಗುತ್ತದೆ. ಆಯುರ್ವೇದದ ಪ್ರಕಾರ ಕಲ್ಲು ಉಪ್ಪು ಅತ್ಯಂತ ಶುದ್ಧ ಉಪ್ಪಾಗಿದೆ. ಇದರಲ್ಲಿ ಯಾವುದೇ ರಾಸಾಯನಿಕ ಮಿಶ್ರಣ ಇರುವುದಿಲ್ಲ.