Just In
Don't Miss
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Movies 'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು?
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜುಲೈ 5ಕ್ಕೆ ಚಂದ್ರಗ್ರಹಣ: ಭಾರತಕ್ಕಿಲ್ಲ ಈ ಚಂದ್ರಗ್ರಹಣ ಸೂತಕ, ಏಕೆ?
2020ರ ಮೂರನೇ ಚಂದ್ರಗ್ರಹಣ ಜುಲೈ 5ರಂದು ಸಂಭವಿಸಲಿದೆ. ಭಾರತದಲ್ಲಿ ಇದು ಕಂಡು ಬರುವುದಿಲ್ಲ. ಲ್ಯಾಟಿನ್ ಅಮೆರಿಕನ್ ದೇಶಗಳು, ಯುಎಸ್ಎ, ಮೆಕ್ಸಿಕೋ, ಕೆನಡಾ, ಕ್ಯೂಬಾ ಸೇರಿದಂತೆ ಪಶ್ಚಿಮ ಯುರೋಪಿಯನ್ ರಾಷ್ಟ್ರಗಳಲ್ಲಿ ಚಂದ್ರಗ್ರಹಣ ಗೋಚರಿಸಲಿದೆ.
ಈ ಬಾರಿ ಗೋಚರಿಸಲಿರುವ ಗ್ರಹಣ ಪೆನಂಬ್ರಲ್ ಚಂದ್ರಗ್ರಹಣ ಇದನ್ನು ನೆರಳು ಚಂದ್ರಗ್ರಹಣ ಎಂದು ಕೂಡ ಕರೆಯುತ್ತಾರೆ. ಇಲ್ಲಿ ಚಂದ್ರನ ಮೇಲೆ ಭೂಮಿಯ ನೆರಳು ಮಾತ್ರ ಆವರಿಸುತ್ತದೆ. ಭಾರತದ ಇದನ್ನು ಗ್ರಹಣವೆಂದು ಪರಿಗಣಿಸುವುದಿಲ್ಲ ಏಕೆಂದರೆ ಯುರೋಪಿಯನ್ ರಾಷ್ಟ್ರಗಳಲ್ಲಿ ಈ ಚಂದ್ರಗ್ರಹಣ ಗೋಚರಿಸುವಾಗ ಭಾರತದಲ್ಲಿ ಹಗಲು ಹೊತ್ತಾಗಿರುತ್ತದೆ. ಆದ್ದರಿಂದ ಇದರ ಪರಿಣಾಮ ಹಾಗೂ ಸೂತಕ ಅವಧಿ ಅಷ್ಟಾಗಿ ಮಾನ್ಯವಾಗಿರುವುದಿಲ್ಲ.
ಚಂದ್ರಗ್ರಹಣ ಸಮಯ
ಜುಲೈ 4 ಮತ್ತು 5 ರ ರಾತ್ರಿ ಚಂದ್ರ ಗ್ರಹಣ ನಡೆಯಲಿದೆ. ಭಾರತದಲ್ಲಿ, ಇದು ಜುಲೈ 5 ರ ಬೆಳಿಗ್ಗೆ 8:30 ರಿಂದ 11:30 ರವರೆಗೆ ಇರುತ್ತದೆ. ಗ್ರಹಣವು 2 ಗಂಟೆ 45 ನಿಮಿಷಗಳವರೆಗೆ ಇರುತ್ತದೆ.
ಈ ಚಂದ್ರಗ್ರಹಣ ಬಗ್ಗೆ ಜ್ಯೋತಿಷ್ಯಶಾಸ್ತ್ರ ಏನು ಹೇಳುತ್ತದೆ?
ಪಂಚಾಂಗದ ಪ್ರಕಾರ ಈ ದಿನ ಸೂರ್ಯನು ಮಿಥುನ ರಾಶಿಯಲ್ಲಿರುತ್ತಾನೆ. ನೆರಳು ಚಂದ್ರಗ್ರಹಣ ಅಂದರೆ ಭೂಮಿಯ ನೆರಳು ಚಂದ್ರನ ಮೇಲೆ ಬಿದ್ದು ಉಂಟಾಗುವ ಚಂದ್ರಗ್ರಹಣವಾಗಿರುವುದರಿಂದ ಜ್ಯೋತಿಷ್ಯದಲ್ಲಿ ಸೂತಕದ ಅವಧಿ ಮಾನ್ಯವಾಗಿಲ್ಲ. ಆದ್ದರಿಂದ ಯಾವುದೇ ಧಾರ್ಮಿಕ ಮತ್ತು ಶುಭ ಕಾರ್ಯಗಳನ್ನು ಈ ಚಂದ್ರಗ್ರಹಣ ವೇಳೆ ಮಾಡಲು ಯಾವುದೇ ನಿರ್ಬಂಧವಿರುವುದಿಲ್ಲ.
ಸತತ ಮೂರನೇ ಬಾರಿ ಗುರುಪೂರ್ಣಿಮೆಯಂದೇ ಸಂಭವಿಸಲಿದೆ ಚಂದ್ರಗ್ರಹಣ
ಗುರು ಪೂರ್ಣಿಮೆಯ ತಿಥಿ ಈ ಬಾರಿ ಜುಲೈ 4 ರ ಶನಿವಾರ ರಾತ್ರಿ 11:33ಕ್ಕೆ ಪ್ರಾರಂಭವಾಗಲಿದೆ. ಜುಲೈ 5ರಂದು ರಾತ್ರಿ 10 ಗಂಟೆ 13 ನಿಮಿಷಕ್ಕೆ ಈ ಹುಣ್ಣಿಮೆ ತಿಥಿ ಅಂತ್ಯವಾಗಲಿದೆ. ಭಾನುವಾರ ಜುಲೈ 5ರಂದು ಬೆಳಗ್ಗೆ 8: 38 ಕ್ಕೆ ಗ್ರಹಣವು ಆರಂಭವಾಗಲಿದ್ದು, ಬೆಳಗ್ಗೆ 11;21 ನಿಮಿಷಕ್ಕೆ ಗ್ರಹಣವು ಅಂತ್ಯಗೊಳ್ಳಲಿದೆ. ಇದಕ್ಕೂ ಮೊದಲು 2018ರಲ್ಲಿ ಜುಲೈ 27ರಂದು ಮತ್ತು 2019ರಲ್ಲಿ ಜುಲೈ 16ರಂದಯ ಗುರು ಪೂರ್ಣಿಮೆ ಮತ್ತು ಚಂದ್ರಗ್ರಹಣ ಒಂದೇ ದಿನ ನಡೆದಿತ್ತು.
ಒಂದೇ ತಿಂಗಳ ಅಂತರದಲ್ಲಿ 3 ಗ್ರಹಣ
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 3 ಗ್ರಹಣಗಳು ಅಲ್ಪಾವಧಿಯಲ್ಲಿ ಸಂಭವಿಸುವುದು ಒಳ್ಳೆಯದಲ್ಲ ಎಂದು ಹೇಳುತ್ತಾರೆ. ಜೂನ್ 5ರಿಂದ 6ರ ಮಧ್ಯರಾತ್ರಿಯ ಅವಧಿಯಲ್ಲಿ ಚಂದ್ರಗ್ರಹಣ ಸಂಭವಿಸಿತು. ಅದಾದ 16 ದಿನಗಳ ಅಂತರದಲ್ಲಿ ಜೂನ್ 21ರಂದು ಸೂರ್ಯಗ್ರಹಣ ಸಂಭವಿಸಿತ್ತು. ಇದೀಗ ಜುಲೈ 5ರಂದು ಮತ್ತೊಂದು ಚಂದ್ರಗ್ರಹಣ ಸಂಭವಿಸಲಿದೆ.