For Quick Alerts
ALLOW NOTIFICATIONS  
For Daily Alerts

ಸೆ. 27ಕ್ಕೆ ತುಲಾದಲ್ಲಿ ಬುಧದ ಹಿಮ್ಮುಖ ಚಲನೆ: 12 ರಾಶಿಗಳ ಮೇಲೆ ಬೀರುವ ಪ್ರಭಾವವೇನು?

|

ಜ್ಯೋತಿಷ್ಯದಲ್ಲಿ ಬುಧ ಗ್ರಹವನ್ನು ಸಂವಹನ ಗ್ರಹವೆಂದು ಕರೆಯಲಾಗುವುದು. ಬುಧ ಹಿಮ್ಮೆಟ್ಟಿದಾಗ ಸಂವಹನದಲ್ಲಿ ತಪ್ಪುಗ್ರಹಿಕೆಯ ಸಾಧ್ಯತೆಗಳಿವೆ, ತಾಂತ್ರಿಕ ವಿಷಯದಲ್ಲಿ ಕೆಲವು ಕೆಲವು ತೊಂದರೆಗಳ ಸಾಧ್ಯತೆಗಳಿವೆ ಎಂದು ಹೇಳಲಾಗುವುದು. ಬುಧನ ಹಿಮ್ಮೆಟ್ಟುವಿಕೆ ಸಮಯದಲ್ಲಿ ಕೆಲವೊಂದು ಕಾರ್ಯಗಳಿಗೆ ಕೈ ಹಾಕಿದರೆ ಅದು ನಡೆಯುವುದೂ ಇಲ್ಲ.

ಈ ಸಮಯದಲ್ಲಿ ಕೆಲವೊಂದು ಕಾರ್ಯಗಳಿಗೆ ಅಡ್ಡಿಯಾಗಬಹುದು, ಇದರ ಬಗ್ಗೆ ಹೆಚ್ಚು ಚಿಂತಿಸಬೇಕಾಗಿಲ್ಲ, ಬುಧನ ಹಿಮ್ಮೆಟ್ಟುವಿಕೆಯಿಂದ ಈ ರೀತಿಯೆಲ್ಲಾ ಆಗುವುದು, ಈ ಸಲ ಬುಧನು ತುಲಾ ರಾಶಿಯಲ್ಲಿ ಹಿಮ್ಮುಖವಾಗಿ ಚಲಿಸುತ್ತಿದೆ, ಇದಾದ ಬಳಿಕ ಕನ್ಯಾ ರಾಶಿಯಲ್ಲಿ ಹಿಮ್ಮುಖವಾಗಿ ಚಲಿಸದೆ.

ತುಲಾ ರಾಶಿಯಲ್ಲಿ ಬುಧನ ಹಿಮ್ಮೆಟ್ಟುವಿಕೆ 12 ರಾಶಿಗಳ ಬೀರುವ ಪ್ರಭಾವವೇನು ಎಂದು ನೋಡೋಣ:

ಮೇಷ ರಾಶಿ

ಮೇಷ ರಾಶಿ

ಮೇಷ ರಾಶಿಯವರಿಗೆ ಬುಧನು ಮೂರನೆಯ ಮತ್ತು ಆರನೆಯ ಮನೆಗಳ ಅಧಿಪತಿಯಾಗಿದ್ದು, ನಿಮ್ಮ ಏಳನೇ ಮನೆಯಲ್ಲಿ ಅದು ಹಿಮ್ಮೆಟ್ಟುತ್ತಿದೆ. ಏಳನೇ ಮನೆ ಮದುವೆ ಮತ್ತು ಪಾಲುದಾರಿಕೆಯ ಮನೆಯಾಗಿದೆ ಹಾಗಾಗಿ ಇದು ವೈವಾಹಿಕ ಜೀವನದಲ್ಲಿ ಕೆಲವು ಏರಿಳಿತಗಳನ್ನು ಮತ್ತು ಗೊಂದಲಗಳನ್ನು ತರಬಹುದು ಮತ್ತು ನಿಮ್ಮ ಹಾಗೂ ಸಂಗಾತಿಯ ನಡುವೆ ಕೆಲವು ತಪ್ಪುಗ್ರಹಿಕೆಯನ್ನು ಕೂಡ ಸೃಷ್ಟಿಸಬಹುದು. ಬುಧದ ಈ ಹಿಮ್ಮೆಟ್ಟುವಿಕೆ ಸಮಯದಲ್ಲಿ, ನೀವು ಮದುವೆಯಾಗಲು ಹೊರಟಿದ್ದಲ್ಲಿ ಈ ಅವಧಿಯಲ್ಲಿ ಮದುವೆಯ ದಿನಾಂಕವನ್ನು ನಿಗದಿಪಡಿಸಬೇಡಿ, ಬುಧನು ಹಿಮ್ಮುಖ ಚಲನೆಯಲ್ಲಿರುವವರೆಗೆ ಅದನ್ನು ಮುಂದೂಡಿ ಎಂದು ನಿಮಗೆ ಸೂಚಿಸಲಾಗಿದೆ. ವ್ಯಾಪಾರ ಪಾಲುದಾರಿಕೆ ಮತ್ತು ವ್ಯವಹಾರದಲ್ಲಿ ನಿಮ್ಮ ಪಾತ್ರಗಳು ಮತ್ತು ಜವಾಬ್ದಾರಿಗಳ ಬಗ್ಗೆ ನೀವು ಸ್ಪಷ್ಟವಾಗಿರಬೇಕು ಏಕೆಂದರೆ ಇದು ಕೆಲಸದ ಸ್ಥಳದಲ್ಲಿ ಘರ್ಷಣೆ ಮತ್ತು ಸಂಘರ್ಷಗಳನ್ನು ತಪ್ಪಿಸಲು ಸಹಾಯ ಮಾಡುತ್ತದೆ. ಈ ಸಮಯದಲ್ಲಿ ಯಾವುದೇ ರೀತಿಯ ಪ್ರಯಾಣವನ್ನು ತಪ್ಪಿಸಲು ಪ್ರಯತ್ನಿಸಿ.

ಪರಿಹಾರ: ಹಸಿರು ಬಣ್ಣದ ವಸ್ತುಗಳನ್ನು ದಾನ ಮಾಡಿ.

ವೃಷಭ ರಾಶಿ

ವೃಷಭ ರಾಶಿ

ವೃಷಭ ರಾಶಿಯವರಿಗೆ ಬುಧ ಎರಡು ಮತ್ತು ಐದನೇ ಮನೆಗಳ ಅಧಿಪತಿ. ಪ್ರಸ್ತುತ, ಈ ಗ್ರಹವು ನಿಮ್ಮ ಸಾಲಗಳು, ಶತ್ರುಗಳು ಮತ್ತು ದೈನಂದಿನ ವೇತನವಾದ ಆರನೇ ಮನೆಯಲ್ಲಿ ಹಿಮ್ಮೆಟ್ಟುತ್ತಿದೆ. ಈ ಸಮಯದಲ್ಲಿ ನೀವು ಅಪಾಯಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಬೇಕು, ಈ ಅವಧಿಯಲ್ಲಿ ಬೆಟ್ಟಿಂಗ್‌ನಿಂದ ದೂರವಿರಿ. ಈ ಹಿಮ್ಮೆಟ್ಟುವಿಕೆಯ ಚಲನೆಯ ಸಮಯದಲ್ಲಿ ವಿತ್ತೀಯ ನಷ್ಟದ ಸಾಧ್ಯತೆಯೂ ಇದೆ. ನೀವು ತಜ್ಞರನ್ನು ಸಂಪರ್ಕಿಸಲು ಇದು ಉತ್ತಮ ಸಮಯವಾಗಿದೆ, ಹೂಡಿಕೆ ಮಾಡಲು ಅಗತ್ಯವಿದ್ದರೆ, ಪರಿಸ್ಥಿತಿಯ ಆಳವಾದ ವಿಶ್ಲೇಷಣೆ ಮಾಡಿದ ಬಳಿಕವಷ್ಟೇ ಮಾಡಿ. ಮಕ್ಕಳ ಪೋಷಣೆ ಮತ್ತು ಶಿಕ್ಷಣದಲ್ಲಿ ಪೋಷಕರಿಗೆ ಸಹಾಯ ಮಾಡಲು ಸೂಚಿಸಲಾಗಿದೆ. ಆರೋಗ್ಯದ ಬಗ್ಗೆ ಹೇಳುವುದರೆ ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆ ಇದೆ. ಇದನ್ನು ತಪ್ಪಿಸಲು ಸರಿಯಾದ ಆಹಾರ ಮತ್ತು ನಿಯಮಿತವಾಗಿ ವ್ಯಾಯಾಮ ಮಾಡುವಂತೆ ನಿಮಗೆ ಸೂಚಿಸಲಾಗಿದೆ.

ಪರಿಹಾರ: ಬುಧವಾರದಂದು ಉಪವಾಸ ಮಾಡಿ.

ಮಿಥುನ ರಾಶಿ

ಮಿಥುನ ರಾಶಿ

ಮಿಥುನ ರಾಶಿಯವರಿಗೆ, ಬುಧನು ಮೊದಲ ಮತ್ತು ನಾಲ್ಕನೇ ಮನೆಗಳ ಅಧಿಪತಿಯಾಗಿದ್ದು, ಈ ರಾಶಿಯವರಲ್ಲಿ ಬುಧನು ಐದನೇ ಮನೆಯಲ್ಲಿ ಹಿಮ್ಮೆಟ್ಟುತ್ತಿದ್ದಾನೆ. ಈ ಸಮಯದಲ್ಲಿ ಗಾಸಿಪ್‌ಗಳ ಬಗ್ಗೆ ಎಚ್ಚರವಾಗಿರಿ. ಈ ಸಮಯದಲ್ಲಿ ನಿಮ್ಮ ಹಳೆಯ ಸ್ನೇಹಿತರು ನಿಮ್ಮನ್ನು ಸಂಪರ್ಕಿಸಬಹುದು. ಈ ಸಮಯದಲ್ಲಿ ನಿಮ್ಮ ತಾಯಿಯೊಂದಿಗಿನ ನಿಮ್ಮ ಸಂಬಂಧ ಸಹ ಸುಧಾರಿಸುತ್ತವೆ ಮತ್ತು ಯಾವುದೇ ಆಸ್ತಿಗೆ ಸಂಬಂಧಿಸಿದ ಸಮಸ್ಯೆಯು ನಿಮ್ಮನ್ನು ಕಾಡುತ್ತಿದ್ದರೆ, ಅದನ್ನೂ ಸಹ ಈ ಸಮಯದಲ್ಲಿ ತೆಗೆದುಹಾಕಬಹುದು. ಮನೆಯ ವಾತಾವರಣವು ಉತ್ತಮವಾಗಿರುತ್ತದೆ. ನಿಮ್ಮ ಆರೋಗ್ಯವು ಚೆನ್ನಾಗಿರುತ್ತದೆ, ಮಿಥುನ ರಾಶಿಯವರಿಗೆ ಈ ಅವಧಿಯಲ್ಲಿ ಯಾವುದೇ ದೊಡ್ಡ ಸಮಸ್ಯೆ ಬರುವುದಿಲ್ಲ.

ಪರಿಹಾರ: ತುಳಸಿ ಗಿಡಕ್ಕೆ ಭಾನುವಾರ ಹೊರತುಪಡಿಸಿ ಪ್ರತಿದಿನ ನೀರು ಹಾಕಿ.

ಕರ್ಕ ರಾಶಿ

ಕರ್ಕ ರಾಶಿ

ಕರ್ಕಾಟಕ ರಾಶಿಯವರಿಗೆ ಬುಧನು ಮೂರನೆಯ ಮತ್ತು ಹನ್ನೆರಡನೆಯ ಮನೆಯ ಅಧಿಪತಿ. ಬುಧ ನಿಮ್ಮ ನಾಲ್ಕನೇ ಮನೆಗೆ ಹಿಮ್ಮುಖವಾಗಿ ಚಲಿಸಿದೆ. ಈ ಸಮಯದಲ್ಲಿ ನೀವು ಕೆಲವು ಸವಾಲುಗಳನ್ನು ಎದುರಿಸಬಹುದು, ಕೆಲವು ಆಸ್ತಿ ಸಂಬಂಧಿತ ಸಮಸ್ಯೆಗಳು ನಿಮಗೆ ತೊಂದರೆ ನೀಡಬಹುದು ಮತ್ತು ಅದನ್ನು ಸುಲಭವಾಗಿ ಪರಿಹರಿಸಲಾಗುವುದಿಲ್ಲ. ಈ ಸಮಯದಲ್ಲಿ, ನಿಮ್ಮ ತಾಯಿಗೆ ಕೆಲವು ಆರೋಗ್ಯ ಸಂಬಂಧಿತ ಸಮಸ್ಯೆಗಳಿರಬಹುದು. ನೀವು ಹಣಕಾಸಿನ ಬಗ್ಗೆ ಎಚ್ಚರ ವಹಿಸಬೇಕು, ಆಗ ನೀವು ಹಣ ಗಳಿಸುವ ಸಾಧ್ಯತೆಯಿದೆ.

ಪರಿಹಾರ: ಬಡ ಮಕ್ಕಳು ಅಥವಾ ಅನಾಥರಿಗೆ ಅಗತ್ಯ ವಸ್ತುಗಳನ್ನು ದಾನ ಮಾಡಿ, ಇದು ನಿಮಗೆ ಉತ್ತಮ ಫಲಿತಾಂಶಗಳನ್ನು ನೀಡುತ್ತದೆ.

ಸಿಂಹ ರಾಶಿ

ಸಿಂಹ ರಾಶಿ

ಸಿಂಹ ರಾಶಿಯವರಿಗೆ ಬುಧನು ಎರಡನೆಯ ಮತ್ತು ಹನ್ನೊಂದನೆಯ ಮನೆಯ ಅಧಿಪತಿ. ನಿಮ್ಮ ಮೂರನೇ ಮನೆಯಲ್ಲಿ ಇದು ಹಿಮ್ಮೆಟ್ಟುತ್ತಿದೆ. ಈ ಸಮಯದಲ್ಲಿ ನಿಮ್ಮ ಒಡಹುಟ್ಟಿದವರೊಂದಿಗೆ ನಿಮಗೆ ಯಾವುದೇ ಸಮಸ್ಯೆ ಇದ್ದಲ್ಲಿ, ನೀವು ಅದನ್ನು ಜಯಿಸಬಹುದು. ಈ ಹಿನ್ನಡೆಯ ಸಮಯದಲ್ಲಿ, ನೀವು ಹೂಡಿಕೆ ಮಾಡುವುದನ್ನು ತಪ್ಪಿಸಬೇಕು ಮತ್ತು ಹೂಡಿಕೆ ಮಾಡುವುದು ಅಗತ್ಯವಿದ್ದರೆ, ಪ್ರತಿಯೊಂದು ಅಂಶವನ್ನು ನೋಡಿ ಮತ್ತು ಬಹಳ ಎಚ್ಚರಿಕೆಯಿಂದ ಹೂಡಿಕೆ ಮಾಡಿ. ಈ ರಾಶಿಯ ಉದ್ಯೋಗಿಗಳು ಬಡ್ತಿ ಅಥವಾ ಸಂಬಳ ಹೆಚ್ಚಳವನ್ನು ಪಡೆಯಬಹುದು. ಕೆಲವರಿಗೆ ಹೊಸ ಉದ್ಯೋಗ ಸಿಗುವ ಸಾಧ್ಯತೆಯೂ ಇದೆ. ಈ ಸಮಯದಲ್ಲಿ ಹಿರಿಯ ಅಧಿಕಾರಿಗಳು ಮತ್ತು ಕ್ಷೇತ್ರದ ಸಹೋದ್ಯೋಗಿಗಳೊಂದಿಗೆ ನಿಮ್ಮ ಸಂಬಂಧಗಳು ಸುಧಾರಿಸುತ್ತವೆ.

ಪರಿಹಾರ: ಬುಧವಾರ ಗಣೇಶನ ದೇವಾಲಯಕ್ಕೆ ಹೋಗಿ ಮೋದಕ ಅರ್ಪಿಸಿ.

ಕನ್ಯಾ ರಾಶಿ

ಕನ್ಯಾ ರಾಶಿ

ಕನ್ಯಾ ರಾಶಿಯವರಿಗೆ ಬುಧನು ಮೊದಲ ಮತ್ತು ಹತ್ತನೇ ಮನೆಗಳ ಅಧಿಪತಿ. ಹತ್ತನೇ ಮನೆಯನ್ನು ವೃತ್ತಿ ಮತ್ತು ವೃತ್ತಿಯ ಅಂಶವೆಂದು ಪರಿಗಣಿಸಿದರೆ ಮೊದಲ ಮನೆಯನ್ನು ನಿಮ್ಮ ಆತ್ಮದ ಅಂಶವೆಂದು ಪರಿಗಣಿಸಲಾಗುತ್ತದೆ. ಬುಧನ ಹಿಮ್ಮೆಟ್ಟುವಿಕೆ ನಿಮ್ಮ ಎರಡನೇ ಮನೆಯಲ್ಲಿ ಆಗಲಿದೆ. ಈ ಸಮಯದಲ್ಲಿ ನೀವು ನಿಮ್ಮ ಕುಟುಂಬ ಸದಸ್ಯರೊಂದಿಗೆ ಕೆಲವು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು, ಇದರಿಂದಾಗಿ ಮನೆಯ ವಾತಾವರಣವು ಹದಗೆಡಬಹುದು. ಆದರೆ ಸರಿಯಾದ ಸಂವಹನ ಮತ್ತು ಸಮಾಲೋಚನೆಯೊಂದಿಗೆ ನೀವು ಎಲ್ಲಾ ವ್ಯತ್ಯಾಸಗಳನ್ನು ಪರಿಹರಿಸಲು ಸಾಧ್ಯವಾಗುತ್ತದೆ. ಹೊಸ ಹೂಡಿಕೆ ಯೋಜನೆಯನ್ನು ಮಾಡಲು ಇದು ಒಳ್ಳೆಯ ಸಮಯವಾಗಿದ್ದು ಅದು ಸರಿಯಾದ ದಿಕ್ಕಿನಲ್ಲಿ ಉಳಿಸಲು ಸಹಾಯ ಮಾಡುತ್ತದೆ. ಈ ರೀತಿಯಾಗಿ, ನೀವು ಈ ಹಿಮ್ಮೆಟ್ಟುವ ಬುಧದ ಶಕ್ತಿಯನ್ನು ಸರಿಯಾಗಿ ಬಳಸಬಹುದು. ಈ ಅವಧಿಯಲ್ಲಿ ನೀವು ಹಠಾತ್ ಮತ್ತು ಅನಿರೀಕ್ಷಿತ ಲಾಭಗಳನ್ನು ಸಹ ನಿರೀಕ್ಷಿಸಬಹುದು. ವ್ಯಾಪಾರ ಮತ್ತು ಉದ್ಯೋಗಗಳನ್ನು ಮಾಡುತ್ತಿರುವವರು ಹಿಂದಿನ ಅವಧಿಯಲ್ಲಿ ಹೋಲಿಸಿದರೆ ಈ ಅವಧಿಯಲ್ಲಿ ಉತ್ತಮ ಲಾಭವನ್ನು ಪಡೆಯುತ್ತಾರೆ.

ಪರಿಹಾರ: ಬುಧವಾರ ಸಾತ್ವಿಕ ಆಹಾರ ಮಾತ್ರ ಸೇವಿಸಿ.

ತುಲಾ ರಾಶಿ

ತುಲಾ ರಾಶಿ

ತುಲಾ ರಾಶಿಯವರಿಗೆ ಬುಧ ಒಂಬತ್ತನೇ ಮತ್ತು ಹನ್ನೆರಡನೆಯ ಮನೆಯ ಅಧಿಪತಿ. ಈ ಸಮಯದಲ್ಲಿ ನಿಮ್ಮ ಮೊದಲ ಮನೆಗೆ ಬುಧ ಹಿಮ್ಮುಖವಾಗಿ ಚಲಿಸಿದ್ದಾನೆ. ಈ ಸಮಯದಲ್ಲಿ ತುಲಾ ರಾಶಿಚಕ್ರದ ಜನರು ಧಾರ್ಮಿಕ ಚಟುವಟಿಕೆಗಳಲ್ಲಿ ಭಾಗಿಯಾಗಬಹುದು, ಇದರ ಹೊರತಾಗಿ ಈ ರಾಶಿಯ ಕೆಲವು ಜನರು ಧಾರ್ಮಿಕ ಪ್ರವಾಸಗಳಿಗೆ ಹೋಗಬಹುದು. ಆರ್ಥಿಕವಾಗಿ, ಈ ಅವಧಿಯಲ್ಲಿ ನಿಮ್ಮ ವೆಚ್ಚಗಳು ಅಧಿಕವಾಗಿರುತ್ತವೆ ಆದ್ದರಿಂದ ಸರಿಯಾದ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಿ ಮತ್ತು ಬುದ್ಧಿವಂತಿಕೆಯಿಂದ ಹೂಡಿಕೆ ಮಾಡಿ. ಆರೋಗ್ಯದ ಬಗ್ಗೆ ಹೇಳುವುದಾದರೆ ನೀವು ಸ್ವಲ್ಪ ಒತ್ತಡವನ್ನು ಅನುಭವಿಸಬಹುದು. ಆದ್ದರಿಂದ ನಿಮ್ಮ ಜೀವನದಲ್ಲಿ ನಿಯಮಿತವಾದ ವ್ಯಾಯಾಮ/ಧ್ಯಾನ ಅಥವಾ ಯೋಗವನ್ನು ಅಭ್ಯಾಸ ಮಾಡಿ.

ಪರಿಹಾರ: ರಾತ್ರಿ ನಿಮ್ಮ ಹಾಸಿಗೆಯ ಬಳಿ ಒಂದು ಚೊಂಬು ನೀಡು ಇಟ್ಟು ಮಲಗಿ ಬೆಳಗ್ಗೆ ಆ ನೀರನ್ನು ಆಲದ ಮರಕ್ಕೆ ಸುರಿಯಿರಿ.

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿಯವರಿಗೆ, ಬುಧನು ಎಂಟನೇ ಮತ್ತು ಹನ್ನೊಂದನೆಯ ಮನೆಯ ಅಧಿಪತಿಯಾಗಿದ್ದು ನಿಮ್ಮ ಖರ್ಚು, ನಷ್ಟ ಮತ್ತು ಮೋಕ್ಷದ ನಿಮ್ಮ ಹನ್ನೆರಡನೆಯ ಮನೆಯಲ್ಲಿ ಅದು ಹಿಮ್ಮೆಟ್ಟುತ್ತದೆ. ಆರ್ಥಿಕವಾಗಿ, ಈ ಸಮಯದಲ್ಲಿ ಹಣವನ್ನು ಹೂಡಿಕೆ ಮಾಡುವುದು ಅಪಾಯಕಾರಿ. ಹೂಡಿಕೆ ಮಾಡುವ ಮೊದಲು ತಜ್ಞರ ಸಲಹೆ ಪಡೆಯುವುದು ಉತ್ತಮ. ಸಂಬಂಧದ ಬಗ್ಗೆ ಹೇಳುವುದಾದರೆ ಈ ಸಮಯದಲ್ಲಿ ನೀವು ತುಂಬಾ ಭಾವನಾತ್ಮಕವಾಗಿರಬಹುದು, ಆದ್ದರಿಂದ ನೀವು ನಿಮ್ಮ ಹೃದಯಕ್ಕಿಂತ ನಿಮ್ಮ ಮನಸ್ಸಿನ ಮಾತು ಹೆಚ್ಚು ಕೇಳಬೇಕು. ಈ ಅವಧಿಯಲ್ಲಿ ನೀವು ಕೆಲ ವಿಷಯಗಳನ್ನು ಮರೆಮಾಡಬಹುದು. ಉದ್ಯೋಗಿಗಳು ತಮ್ಮ ಮೇಲಧಿಕಾರಿಗಳಿಂದ ಸರಿಯಾದ ಬೆಂಬಲವನ್ನು ಪಡೆಯುವ ಸಾಧ್ಯತೆ ಕಡಿಮೆ, ಆದ್ದರಿಂದ ಅವರೊಂದಿಗೆ ಸಂವಹನ ನಡೆಸುವಾಗ ಜಾಗರೂಕರಾಗಿರಿ. ನೀವು ನಿಮ್ಮ ಆರೋಗ್ಯದ ಬಗ್ಗೆ ನೀವು ವಿಶೇಷ ಗಮನ ನೀಡಬೇಕಾಗುತ್ತದೆ, ಇಲ್ಲದಿದ್ದರೆ ಸಣ್ಣ ಸಮಸ್ಯೆ ದೊಡ್ಡದಾಗಬಹುದು.

ಪರಿಹಾರ: ಪ್ರತಿದಿನ ಸೂರ್ಯನಿಗೆ ಆರ್ಘ್ಯ ಅರ್ಪಿಸಿ.

ಧನು ರಾಶಿ

ಧನು ರಾಶಿ

ಧನು ರಾಶಿಯವರಿಗೆ ಬುಧನು ಏಳನೇ ಮತ್ತು ಹತ್ತನೇ ಮನೆಯ ಅಧಿಪತಿಯಾಗಿದ್ದು, ಪ್ರಸ್ತುತ ನಿಮ್ಮ ಯಶಸ್ಸು, ಲಾಭ ಇತ್ಯಾದಿಗಳಿಗಾಗಿ ಈ ಗ್ರಹವು ಹನ್ನೊಂದನೇ ಮನೆಯಲ್ಲಿ ಹಿನ್ನಡೆ ಹೊಂದುತ್ತದೆ. ಈ ಅವಧಿಯಲ್ಲಿ ನಿಮ್ಮ ಸಾಮಾಜಿಕ ಸ್ಥಿತಿ ಸುಧಾರಿಸುವುದರಿಂದ ಬುಧನ ಈ ಹಿಮ್ಮುಖ ಚಲನೆಯು ನಿಮಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ನೀವು ವೃತ್ತಿಜೀವನದಲ್ಲಿ ಹೊಸ ಅವಕಾಶಗಳನ್ನು ಪಡೆಯುತ್ತೀರಿ ಮತ್ತು ನೀವು ವ್ಯಾಪಾರ ಪಾಲುದಾರಿಕೆಯಲ್ಲಿದ್ದರೆ ಈ ಅವಧಿಯು ನಿಮಗೆ ಪ್ರಯೋಜನವನ್ನು ನೀಡುತ್ತದೆ. ಈ ಸಮಯದಲ್ಲಿ ನೀವು ತುಂಬಾ ಸಾಮಾಜಿಕವಾಗಿರುತ್ತೀರಿ ಮತ್ತು ನಿಮ್ಮ ಸ್ನೇಹಿತರೊಂದಿಗೆ ಸಮಯ ಕಳೆಯುತ್ತೀರಿ. ಬುಧದ ಹಿನ್ನಡೆಯ ಸಮಯದಲ್ಲಿ ಈ ರಾಶಿಯ ಜನರು ತಮ್ಮ ಸಂಗಾತಿ ಅಥವಾ ಜೀವನ ಸಂಗಾತಿಯಿಂದ ಉತ್ತಮ ಬೆಂಬಲವನ್ನು ಪಡೆಯುತ್ತಾರೆ. ಈ ಸಮಯದಲ್ಲಿ ನೀವು ಆಸ್ತಿಯನ್ನು ಮಾರಾಟ ಮಾಡಲು ಅಥವಾ ಖರೀದಿಸಲು ಯೋಜಿಸುತ್ತಿದ್ದರೆ ನೀವು ಯಶಸ್ವಿಯಾಗುವ ಸಾಧ್ಯತೆಯಿದೆ. ಒಟ್ಟಿನಲ್ಲಿ ಧನು ರಾಶಿಯವರಿಗೆ ಈ ಸಮಯ ಒಳ್ಳೆಯದಿದೆ.

ಪರಿಹಾರ: ದೇವಾಲಯದಲ್ಲಿ ಪೂಜೆ ಮಾಡುವ ಬ್ರಾಹ್ಮಣರೊಬ್ಬರಿಗೆ ಹಳದಿ ಬಟ್ಟೆಗಳನ್ನು ದಾನ ಮಾಡಿ.

ಮಕರ ರಾಶಿ

ಮಕರ ರಾಶಿ

ಮಕರ ರಾಶಿಯವರಿಗೆ ಬುಧನು 6 ಮತ್ತು 9 ನೇ ಮನೆಯ ಅಧಿಪತಿಯಾಗಿದ್ದು ನಿಮ್ಮ ವೃತ್ತಿ, ಹೆಸರು ಮತ್ತು ಖ್ಯಾತಿಯ ಹತ್ತನೇ ಮನೆಯಲ್ಲಿ ಹಿಮ್ಮುಖ ಚಲನೆಯಲ್ಲಿ ಚಲಿಸುತ್ತಾನೆ. ಆದ್ದರಿಂದ ನಿಮ್ಮ ಕಾರ್ಯಗಳು ಅಥವಾ ವೃತ್ತಿ ಗುರಿಗಳನ್ನು ಸಾಧಿಸುವಲ್ಲಿ ನೀವು ಕಷ್ಟಪಟ್ಟು ಕೆಲಸ ಮಾಡಬೇಕಾಗಬಹುದು. ನಿಮ್ಮ ಅಧೀನದಲ್ಲಿರುವವರು ನಿಮಗೆ ತುಂಬಾ ಸಹಾಯಕವಾಗುತ್ತಾರೆ ಮತ್ತು ನಿಮ್ಮ ಶ್ರಮದ ಫಲವನ್ನು ನೀವು ಪಡೆಯುತ್ತೀರಿ, ಇದು ಕೆಲಸದ ಸ್ಥಳದಲ್ಲಿ ನಿಮ್ಮ ದಕ್ಷತೆಯನ್ನು ಹೆಚ್ಚಿಸುತ್ತದೆ. ಬುಧನ ಈ ಹಿಮ್ಮುಖ ಚಲನೆಯು ನಿಮ್ಮ ತಂದೆಯೊಂದಿಗಿನ ನಿಮ್ಮ ಸಂಬಂಧವನ್ನು ಸುಧಾರಿಸುತ್ತದೆ ಮತ್ತು ಆತ ನೀಡಿದ ಯಾವುದೇ ಸಲಹೆಯು ದೀರ್ಘಾವಧಿಯಲ್ಲಿ ನಿಮಗೆ ಉಪಯುಕ್ತವಾಗಬಹುದು. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಾಗುವ ವಿದ್ಯಾರ್ಥಿಗಳು ಈ ಅವಧಿಯಲ್ಲಿ ಉತ್ತಮ ಫಲಿತಾಂಶಗಳನ್ನು ಪಡೆಯುತ್ತಾರೆ. ಈ ಅವಧಿಯಲ್ಲಿ ನೀವು ಧಾರ್ಮಿಕ ಕಾರ್ಯಗಳು, ದಾನ ಅಥವಾ ಅಂತಹುದೇ ಚಟುವಟಿಕೆಗಳಲ್ಲಿ ಭಾಗಿಯಾಗಿರಬಹುದು. ಅಧಿಕೃತ ಕೆಲಸಕ್ಕಾಗಿ ವಿದೇಶಕ್ಕೆ ಪ್ರಯಾಣಿಸುವ ಸಾಧ್ಯತೆಯೂ ಇದೆ.

ಪರಿಹಾರ: ಬೆಳ್ಳಿಯ ಸರ ಧರಿಸಿ.

ಕುಂಭ ರಾಶಿ

ಕುಂಭ ರಾಶಿ

ಕುಂಭ ರಾಶಿಯವರಿಗೆ ಬುಧನು ಐದನೇ ಮತ್ತು ಎಂಟನೇ ಮನೆಯ ಅಧಿಪತಿಯಾಗಿದ್ದು ಅದು ನಿಮ್ಮ ಭವಿಷ್ಯ, ಧರ್ಮ ಇತ್ಯಾದಿಗಳ ಒಂಬತ್ತನೇ ಮನೆಯಲ್ಲಿ ಹಿನ್ನಡೆಯಾಗುತ್ತಿದೆ. ಈ ಅವಧಿಯಲ್ಲಿ ನಿಮ್ಮ ಮಕ್ಕಳು ಪ್ರಗತಿಯ ಹಾದಿಯಲ್ಲಿರುತ್ತಾರೆ, ಆದ್ದರಿಂದ ನೀವು ಕೂಡ ತೃಪ್ತರಾಗುತ್ತೀರಿ. ವಿದ್ಯಾರ್ಥಿಗಳು ಶಿಕ್ಷಣ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡುತ್ತಾರೆ ಮತ್ತು ನೀವು ಕೆಲಸದ ಸ್ಥಳದಲ್ಲಿ ಅಥವಾ ಉದ್ಯೋಗದಲ್ಲಿ ಉತ್ತಮ ಅವಕಾಶಗಳನ್ನು ಪಡೆಯುತ್ತೀರಿ. ಆರೋಗ್ಯದ ವಿಷಯದಲ್ಲಿ, ನೀವು ದೈಹಿಕವಾಗಿ ಮತ್ತು ಮಾನಸಿಕವಾಗಿ ದಣಿದಿರಬಹುದು ಆದ್ದರಿಂದ ಉತ್ತಮ ಆರೋಗ್ಯಕ್ಕಾಗಿ ಯೋಗ/ಧ್ಯಾನ ಮಾಡುವುದು ಸೂಕ್ತ. ಕುಂಭದಲ್ಲಿ ಬುಧನ ಹಿಮ್ಮೆಟ್ಟುವಿಕೆ ನಿಮ್ಮ ಸಂಬಂಧ ಮತ್ತು ಸ್ನೇಹದ ಮೇಲೆ ಪರಿಣಾಮ ಬೀರಬಹುದು, ಈ ಸಮಯದಲ್ಲಿ ತಪ್ಪುಗ್ರಹಿಕೆಯಿಂದ ಘರ್ಷಣೆಗಳು ಉಂಟಾಗುವ ಸಾಧ್ಯತೆ ಇದೆ, ಆದ್ದರಿಂದ ಎಚ್ಚರಿಕೆಯಿಂದ ಮುಂದುವರಿಯಿರಿ.

ಪರಿಹಾರ: ಬುಧವಾರ ಬುಧ ಬೀಜ ಮಂತ್ರ 'ಓಂ ಬುಧಾಯ ನಮಃ' ಎಂದು 108 ಬಾರಿ ಜಪಿಸಿ.

ಮೀನ ರಾಶಿ

ಮೀನ ರಾಶಿ

ಮೀನ ರಾಶಿಯವರಿಗೆ ಬುಧನು ನಾಲ್ಕನೇ ಮತ್ತು ಏಳನೇ ಮನೆಗಳ ಅಧಿಪತಿಯಾಗಿದ್ದು, ನಿಮ್ಮ ಎಂಟನೇ ಮನೆಯಲ್ಲಿ ಇದು ಹಿಮ್ಮೆಟ್ಟುತ್ತದೆ, ಇದನ್ನು ಬದಲಾವಣೆ ಮತ್ತು ಸಂಶೋಧನೆಯ ಕಾರಕ ಮನೆ ಎಂದು ಕರೆಯಲಾಗುತ್ತದೆ. ಎಂಟನೇ ಮನೆಯಲ್ಲಿ ಬುಧನ ಹಿನ್ನಡೆಯ ಸಮಯದಲ್ಲಿ ನೀವು ಕೆಲವು ಅಶುಭ ಫಲಿತಾಂಶಗಳನ್ನು ಪಡೆಯುವ ಸಾಧ್ಯತೆಯಿದೆ. ಬುಧದ ಹಿನ್ನಡೆ ನಿಮ್ಮ ತಾಯಿಗೆ ಕೆಲವು ಆರೋಗ್ಯ ಸಮಸ್ಯೆ ಇರಬಹುದು ಎಂದು ಸೂಚಿಸುತ್ತದೆ, ಇದು ನಿಮಗೆ ಆತಂಕ ಮತ್ತು ಮಾನಸಿಕ ಒತ್ತಡವನ್ನು ಉಂಟುಮಾಡುತ್ತದೆ. ವೈವಾಹಿಕ ಜೀವನವನ್ನು ನೋಡಿದಾಗ, ನೀವು ಕೆಲವು ಏರಿಳಿತಗಳನ್ನು ಮತ್ತು ವ್ಯತ್ಯಾಸಗಳನ್ನು ಎದುರಿಸಬೇಕಾಗಬಹುದು. ವ್ಯಾಪಾರ ಮತ್ತು ಪಾಲುದಾರಿಕೆಯಲ್ಲಿ ಕೆಲವು ಭಿನ್ನಾಭಿಪ್ರಾಯಗಳು ಅಥವಾ ಜಗಳಗಳ ಸಾಧ್ಯತೆಯೂ ಇದೆ ಏಕೆಂದರೆ ಈ ಸಮಯದಲ್ಲಿ ನೀವು ನಿಮ್ಮ ಸಂಗಾತಿಯನ್ನು ತುಂಬಾ ಅನುಮಾನಿಸಬಹುದು. ಆರೋಗ್ಯ ಜೀವನದ ಬಗ್ಗೆ ಹೇಳುವುದಾದರೆ ನೀವು ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆಯಿರುವುದರಿಂದ ಕುಟುಂಬದ ಸದಸ್ಯರ ಆರೋಗ್ಯಕ್ಕಾಗಿ ನೀವು ಖರ್ಚು ಮಾಡಬೇಕಾಗಬಹುದು. ಆರ್ಥಿಕವಾಗಿ, ಆಸ್ತಿಯ ನವೀಕರಣಕ್ಕಾಗಿ ನೀವು ಸ್ವಲ್ಪ ಹಣವನ್ನು ಖರ್ಚು ಮಾಡಬಹುದು. ನೀವು ಅತ್ತೆ-ಮಾವನೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿರುತ್ತೀರಿ. ಬರವಣಿಗೆ, ನೃತ್ಯ, ಛಾಯಾಗ್ರಹಣ ಅಥವಾ ಚಿತ್ರಕಲೆ ಮುಂತಾದ ಸೃಜನಶೀಲ ಚಟುವಟಿಕೆಗಳನ್ನು ಅಭ್ಯಾಸ ಮಾಡಲು ಇದು ನಿಮಗೆ ಒಳ್ಳೆಯ ಸಮಯ.

ಪರಿಹಾರ: ಪ್ರತಿ ಬುಧವಾರ ದೇವಸ್ಥಾನದಲ್ಲಿ ಅಕ್ಕಿ, ಹಾಲು, ಹಳದಿ ಬಣ್ಣದ ಬಟ್ಟೆ ಅರ್ಪಿಸಿ.

English summary

Mercury Retrogrades in Libra On 27 September 2021 Effects on Zodiac Signs in kannada

Mercury Retrogrades 2021: Mercury Retrogrades in Libra Effects on Zodiac Signs in kannada : The Mercury Retrogrades in Libra will take place on 27th September 2021. Learn about remedies to perform in kannada
X