Just In
Don't Miss
- News Everest Fish Curry Masala: ಎವರೆಸ್ಟ್ ಫಿಶ್ ಕರಿ ಮಸಾಲೆ ಬ್ಯಾನ್: ಕಾರಣ ಇಲ್ಲಿದೆ
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಲವು ಮಹಿಳೆಯರು ಇತರ ಮಹಿಳೆಯರತ್ತ ಹೆಚ್ಚು ಆಕರ್ಷಿತರಾಗುತ್ತಾರೆ! ಯಾಕೆ ಗೊತ್ತೇ?
ಲೈಂಗಿಕ ಆಕರ್ಷಣೆ, ನಮಗೆಲ್ಲಾ ನಿಸರ್ಗದತ್ತವಾಗಿ ಬಂದಿರುವ ಗುಣವಾಗಿದ್ದು ಸಹಜವಾಗಿ ಮೈಮಾಟ ಎಲ್ಲರನ್ನೂ ಆಕರ್ಷಿಸಿಯೇ ಇರುತ್ತದೆ. ಯಾವಾಗ ಈ ಆಕರ್ಷಣೆ ತನ್ನದೇ ಲಿಂಗದ ವ್ಯಕ್ತಿಯ ಬಗ್ಗೆ ಇರುತ್ತದೆಯೋ, ಆಗ ಕೆಲವು ಅನುಮಾನಗಳು ಕಾಡುವುದು ಸಹಜ. ಇಂದಿನ ಲೇಖನದಲ್ಲಿ ಮಹಿಳೆಯರು ಇತರ ಮಹಿಳೆಯರನ್ನು ಆಕರ್ಷಿಸುವ ಕೆಲವು ಅಮೂಲ್ಯ ಮಾಹಿತಿಗಳನ್ನು ಹಂಚಿಕೊಳ್ಳಲಾಗಿದೆ.
ಏಕಾಗಿ ಇವರು ಇತರರಲ್ಲಿ ಆಕರ್ಷಿತರಾಗುತ್ತಾರೆ? ಒಂದು ಸಮೀಕ್ಷೆಯ ಪ್ರಕಾರ "ವೀಡಿಯೋಗಳಲ್ಲಿ ಕಂಡುಬರುವ ಸುಂದಯ ಯುವಕ ಹಾಗೂ ಯುವತಿಯರಿಂದ ತಾವು ಲೈಂಗಿಕವಾಗಿ ಉದ್ರೇಕಗೊಳ್ಳುತ್ತೇವೆ" ಎಂದು 74% ರಷ್ಟು ಮಹಿಳೆಯರು ಒಪ್ಪಿಕೊಂಡಿದ್ದಾರೆ. ಬನ್ನಿ, ಈ ಆಕರ್ಷಣೆಗೇನು ಕಾರಣ ಎಂದು ನೋಡೋಣ...
ಇದು ನೈಸರ್ಗಿಕ
ಸಂಶೋಧಕರ ಪ್ರಕಾರ, ಸಮಾಜದಲ್ಲಿ ಒಬ್ಬರಿಗೊಬ್ಬರು ಸಹಕರಿಸುವ ಸಂದರ್ಭದಲ್ಲಿ ಈ ಬಗೆಯ ಆಕರ್ಷಣೆ ಸ್ವಾಭಾವಿಕವಾಗಿದೆ. ಪರಸ್ಪರ ಫೋನ್ ಸಂಭಾಷಣೆಯಲ್ಲಿ ಘಂಟೆಗಟ್ಟಲೇ ಹರಟುವುದರಿಂದ ಹಿಡಿದು ಆತ್ಮೀಯವಾಗಿ ತಬ್ಬಿಕೊಳ್ಳುವುದರವರೆಗೆ ಈ ನಿಕಟವರ್ತನೆ ಮುಂದುವರೆಯಬಹುದು. ಇವು ಸ್ವಾಭಾವಿಕ ನಡವಳಿಕೆಗಳೇ ಆಗಿವೆ.
ಇದೊಂದು ಅಪ್ಪಟವಾದ ಭಾವನೆ
ಇತ್ತೀಚಿನ ಸಂಶೋಧನೆಯೊಂದರ ಪ್ರಕಾರ ಎಲ್ಲಾ ಮಹಿಳೆಯರು ಪುರುಷರನ್ನು ಕಂಡಾಗಲೂ ಇತರ ಮಹಿಳೆಯರನ್ನು ಕಂಡಾಗಲೂ ಲೈಂಗಿಕವಾಗಿ ಉದ್ರೇಕಿತರಾಗುತ್ತಾರೆ. ಹಾಗಾಗಿ ಓರ್ವ ಮಹಿಳೆ ಇನ್ನೋರ್ವ ಮಹಿಳೆಯನ್ನು ಕಂಡಾಗ ಲೈಂಗಿಕವಾಗಿ ಆಕರ್ಷಿತಗೊಳ್ಳುವುದು ನಿಸರ್ಗನಿಯಮವಾಗಿದ್ದು ಇದನ್ನು ನಿಯಂತ್ರಿಸಲು ಸಾಧ್ಯವಿಲ್ಲ.
ಇದೊಂದು ಕೇವಲ ಭ್ರಮಾಲೋಕ
ಕಲ್ಪನೆಯಲ್ಲಿ ಲೈಂಗಿಕವಾಗಿ ಅಸಾಧ್ಯವಾದುದನ್ನು ಕಲ್ಪಿಸಿಕೊಳ್ಳುವುದಲ್ಲಿ ಏನೂ ಅರ್ಥವಿಲ್ಲದೇ ಹೋದರೂ ಈ ಭ್ರಮೆಯನ್ನು ಮಾತ್ರ ಎಲ್ಲರೂ ಇಷ್ಟಪಡುತ್ತಾರೆ. ಇದು ಆಯಾ ವ್ಯಕ್ತಿಯ ಅತ್ಯಂತ ಖಾಸಗಿ ಕಲ್ಪನೆಯಾಗಿದ್ದು ಇದಕ್ಕೆ ಯಾವುದೇ ಆಳವಾದ ಅರ್ಥವಿರುವುದಿಲ್ಲ. ಈ ವಿಷಯವನ್ನೂ ವಿಜ್ಞಾನ ಸಾಬೀತುಗೊಳಿಸಿದೆ.
ಆಕೆ ಸಲಿಂಗಕಾಮಿಯಾಗಿರುವ ಸೂಚನೆಯಾಗಿರಬಹುದು!
ಒಂದು ವೇಳೆ ಯುವತಿ ಯುವಕರ ಬದಲು ಕೇವಲ ಇತರ ಯುವತಿಯರತ್ತಲೇ ತನ್ನ ಗಮನವನ್ನು ನೀಡಿದರೆ ಇದು ಆಕೆ ಸಲಿಂಗಕಾಮಿಯಾಗಿರುವ ಸೂಚನೆಯಾಗಿರಬಹುದು. ಈ ಮಹಿಳೆಯರು ಇತರ ಮಹಿಳೆಯ ಬಗ್ಗೆ ಇಲ್ಲಸಲ್ಲದ ಕಲ್ಪನೆಗಳನ್ನು ಹೊಂದಿದ್ದು ಈ ಸಮಯದಲ್ಲಿ ಅವುಗಳನ್ನೆಲ್ಲಾ ಅದುಮಿಟ್ಟಿದ್ದಾಳೆ ಎಂದು ಊಹಿಸಬಹುದು.
ದೈಹಿಕವಾಗಿಯೂ ಇತರ ಮಹಿಳೆಯರತ್ತ ಆಕರ್ಷಿತರಾಗುವುದು
ಕೆಲವು ಮಹಿಳೆಯರು ದೈಹಿಕವಾಗಿ ಇತರ ಮಹಿಳೆಯರಿಗೆ ಹೆಚ್ಚಾಗಿ ಆಕರ್ಷಿತರಾಗುತ್ತಾರೆ. ಈ ಬಗ್ಗೆ ನಡೆಸಿದ ಅಧ್ಯಯನಗಳಲ್ಲಿ ಕಂಡುಕೊಂಡಂತೆ, ಅರ್ಧದಷ್ಟು ಸಲಿಂಗಕಾಮಿ ಮಹಿಳೆಯರು ಇತರ ಮಹಿಳೆಯರ ಸೌಂದರ್ಯಕ್ಕೆ ಸೋಲುತ್ತಾರೆ. ಇವರು ಇತರ ಮಹಿಳೆಯರೊಂದಿಗೆ ನಿಕಟ ಸಂಬಂಧವಿರಿಸಿಕೊಳ್ಳುತ್ತಾರೆ, ಈ ಮೂಲಕ ಲೈಂಗಿಕ ಭಾವನೆ ಹಾಗೂ ದೈಹಿಕ ಆಕರ್ಷಣೆಗಳು ಭುಗಿಲೇಳುತ್ತವೆ.
ಅಧ್ಯಯನಗಳಲ್ಲಿ ಕಂಡುಕೊಂಡ ವಿವರಗಳು
ಒಂದು ಅಧ್ಯಯನದಲ್ಲಿ ಪುರುಷರೂ ಮಹಿಳೆಯರೂ ಸಮಾನ ಪಾತ್ರದಲ್ಲಿದ್ದ ಕಾಮವಿಷಯದ ಚಲನಚಿತ್ರಗಳನ್ನು ಕೆಲವು ಮಹಿಳೆಯರಿಗೆ ತೋರಿಸಲಾಯ್ತು. ಬಳಿಕ ನಡೆಸಿದ ಪರೀಕ್ಷೆಯಲ್ಲಿ ಕೆಲವು ದಿಟ್ಟ ಮಹಿಳೆಯರು ಮಾತ್ರ ತಾವು ಪುರುಷರನ್ನು ಕಂಡಾಗಲೂ ಮಹಿಳೆಯರನ್ನು ಕಂಡಾಗಲೂ ಹೆಚ್ಚು ಉದ್ರೇಕಗೊಂಡಿದ್ದೇವೆ ಎಂದು ತಿಳಿಸಿದರು. ಆದರೆ ಲೈಂಗಿಕ ಸಂಗಾತಿಯಾಗಿ ಮಾತ್ರ ಪುರುಷರನ್ನೇ ಬಯಸುವುದಾಗಿ ತಿಳಿಸಿದರು. ಈ ಪ್ರಕಾರ ಲೈಂಗಿಕ ಆಕರ್ಷಣೆ ಮಹಿಳೆಯರಿಗೆ ಕೇವಲ ಪುರುಷರಿಂದ ಮಾತ್ರವಲ್ಲ, ಇತರ ಮಹಿಳೆಯರಿಂದಲೂ ಇರುತ್ತದೆ. ಈ ಬಗ್ಗೆ ನಿಮ್ಮ ಅನಿಸಿಕೆಯೇನು? ನಿಮ್ಮ ವಿಚಾರಗಳನ್ನು ಕೆಳಗಿನ ಕಮೆ಼ಂಟ್ಸ್ ಭಾಗದಲ್ಲಿ ಬರೆದು ನಮಗೆ ಖಂಡಿತಾ ತಿಳಿಸಿ.