Just In
- 59 min ago ಕೊನೆಗೂ ಬೆಂಗಳೂರಿಗೆ ಮಳೆ ಭಾಗ್ಯ..! ಹವಾಮಾನ ಇಲಾಖೆ ಸೂಚಿಸಿದ ದಿನಾಂಕವಿದು..!
- 1 hr ago ಮೂರು ಮಕ್ಕಳು ನನ್ನದ್ದಲ್ಲ ಎಂದು ಆತನಿಗೆ ತಿಳಿದಾಗ.... ಹೆಂಡತಿಯ ಮಹಾಮೋಸ
- 2 hrs ago ಪಳ ಪಳ ಹೊಳೆಯುವ ಕೆಂಪು ನಾಗರ ನೋಡಿದ್ದೀರಾ..? ವೈರಲ್ ಆಗ್ತಿದೆ ವಿಡಿಯೋ..!
- 4 hrs ago ದೇಹದಲ್ಲಿ ಈ 7 ಭಾಗದಲ್ಲಿ ಊತ ಉಂಟಾದರೆ ಅದು ಫ್ಯಾಟಿ ಲಿವರ್ನ ಲಕ್ಷಣವಾಗಿದೆ, ನಿರ್ಲಕ್ಷ್ಯ ಮಾಡಬೇಡಿ
Don't Miss
- Sports ಜೆರ್ಸಿ ನಂ.18, ವಿರಾಟ್ ಕೊಹ್ಲಿ ಜೊತೆಗಿನ ಹೋಲಿಕೆ ಬಗ್ಗೆ ಸ್ಮೃತಿ ಮಂಧಾನ ಹೇಳಿದ್ದೇನು?
- Automobiles Fujiyama EV: ಅಗ್ಗದ ಬೆಲೆಯಲ್ಲಿ ಹೊಸ ಇವಿ ಸ್ಕೂಟರ್ ಬಿಡುಗಡೆ: ಬೆಲೆ, ವಿಶೇಷತೆಗಳೇನು?
- Technology Lenovo: ಲೆನೊವೊದಿಂದ ಎಐ ಚಾಲಿತ ಲೀಜನ್ ಗೇಮಿಂಗ್ ಲ್ಯಾಪ್ಟಾಪ್ಗಳು ಲಾಂಚ್; ಬೆಲೆ ಎಷ್ಟು?
- Movies ಐಪಿಎಲ್ ಸೈಡ್ ಎಫೆಕ್ಟ್ ; ಅವತಾರ ಪುರುಷ 2 ಬಿಡುಗಡೆ ದಿನಾಂಕ ಮುಂದಕ್ಕೆ, ಛೂ ಮಂತರ್ ಕಥೆ ಏನು..?
- News ಆರಂಭದಲ್ಲೇ ಬಿಜೆಪಿ- ಜೆಡಿಎಸ್ ದೋಸ್ತಿಯಲ್ಲಿ ಬಿರುಕು: ವಿಜಯೇಂದ್ರ ಏನಂದ್ರು?
- Finance ಬೆಂಗಳೂರಿನ ಮೇಘನಾ ಫುಡ್ಸ್ ಹೋಟೆಲ್ ಮಳಿಗೆಗಳ ಮೇಲೆ ಐಟಿ ದಾಳಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಿಸ್ಸಿಂಗ್ ಮಾಡುವಾಗ ಕಣ್ಣುಗಳನ್ನು ಮುಚ್ಚಿಕೊಳ್ಳುತ್ತಾರೆ! ಯಾಕೆ ಗೊತ್ತೇ?
ಪ್ರಥಮ ಚುಂಬನದ ಅನುಭವವೇ ಅನನ್ಯ. ಅದನ್ನು ಜೀವಿತಾವಧಿಯಲ್ಲಿ ಮರೆಯಲು ಸಾಧ್ಯವಿಲ್ಲ. ಪ್ರತಿಯೊಬ್ಬರಿಗೂ ಜೀವನದಲ್ಲಿ ಇಂತಹ ಅನುಭವ ಆಗಿಯೇ ಇರುತ್ತದೆ. ಆದರೆ ಚುಂಬನದಲ್ಲಿ ಹಲವಾರು ವಿಧಗಳು ಕೂಡ ಇದೆ. ಇಬ್ಬರ ತುಟಿಗಳು ಪರಸ್ಪರ ಬೆಸೆದುಕೊಂಡು ಕಣ್ಣುಗಳು ಮುಚ್ಚಿಕೊಂಡಿದ್ದರೆ ಇದು ಚುಂಬಿಸುವ ಒಳ್ಳೆಯ ವಿಧಾನವೆಂದು ಹೇಳಲಾಗುತ್ತದೆ. ಚುಂಬನ ಎನ್ನುವುದು ಕೇವಲ ನಾಲಗೆ ಮತ್ತು ತುಟಿಗಳ ಸಮ್ಮಿಲನವಲ್ಲ. ಇದೊಂದು ರೋಮಾಂಚನಗೊಳಿಸುವ ಅನುಭವ.
ಒಳ್ಳೆಯ ಚುಂಬನವೆಂದರೆ ಕಣ್ಣು ಮುಚ್ಚಿಕೊಂಡು ನಾಲಗೆಗಳು ಪರಸ್ಪರರ ಬಾಯಿಯಲ್ಲಿ ನೃತ್ಯ ಮಾಡುತ್ತಾ ಇರುವುದು. ಕಣ್ಣು ತೆರೆದುಕೊಂಡು ಚುಂಬಿಸುವುದನ್ನು ನೋಡಿದರೆ ಕೆಲವರಿಗೆ ಆಗಲ್ಲ, ಇದು ಅಸಾಮಾನ್ಯ ನಡವಳಿಕೆ ಎಂದು ಭಾವಿಸಲಾಗುತ್ತದೆ. ಆದರೆ ಚುಂಬಿಸುವಾಗ ಕಣ್ಣುಗಳು ಮುಚ್ಚಿರುವುದು ಯಾಕೆ ಎಂದು ನಿಮಗೆ ತಿಳಿದಿದೆಯಾ? ಕಣ್ಣುಗಳು ಮುಚ್ಚಿಕೊಂಡೇ ಚುಂಬಿಸುವುದು ಯಾಕೆ? ಚುಂಬಿಸಲು ಪರಸ್ಪರ ಹತ್ತಿರ ವಾಗುತ್ತಿರುವಂತೆ ಕಣ್ಣುಗಳು ತನ್ನಿಂದ ತಾನೇ ಮುಚ್ಚಿಕೊಳ್ಳುವುದು. ಇದರ ಹಿಂದೆ ಏನಾದರೂ ವೈಜ್ಞಾನಿಕ ಕಾರಣಗಳು ಇದೆಯಾ ಎಂದು ಈ ಲೇಖನದಲ್ಲಿ ತಿಳಿಯುವ....
ತುಟಿಗಳು ಮಾತನಾಡಲಿ
ಸಂಗಾತಿಗಳಿಬ್ಬರು ಪರಸ್ಪರ ಮಾತನಾಡಿ, ಪ್ರೀತಿ ಹಂಚಿಕೊಂಡ ಬಳಿಕ ಚುಂಬಿಸುವುದು ಒಂದು ರೀತಿಯಲ್ಲಿ ವಿಶೇಷವಾಗಿ ಪ್ರೀತಿ ವ್ಯಕ್ತಪಡಿಸುವುದು.
ಇದು ಸಂತೋಷದ ಸಂಕೇತ
ನಮಗೆ ತುಂಬಾ ಸಂತೋಷದ ಅನುಭವವಾದಾಗ ನಾವು ಕಣ್ಣುಗಳನ್ನು ಮುಚ್ಚುತ್ತೇವೆ. ಸುಂದರ ಹಾಡು, ಪ್ರಾರ್ಥನೆ ಮಾಡುವಾಗ, ನಿದ್ರಿಸುವಾಗ, ಕಾಮೋತ್ತೇಜನ ಗೊಂಡಾಗ ಮತ್ತು ನಮಗೆ ಇಷ್ಟವಾಗಿರುವುದನ್ನು ತಿನ್ನುವಾಗ ಕೂಡ.
ಇದು ನಂಬಿಕೆಯ ಸಂಕೇತ
ಕಣ್ಣುಗಳನ್ನು ತೆರೆದಿಟ್ಟುಕೊಂಡು ನೀವು ನಂಬಿಕೆ ಮತ್ತು ಭದ್ರತೆಯನ್ನು ನೋಡಲು ಸಾಧ್ಯವಿಲ್ಲ.
ಸಂತೋಷದ ಪರಾಕಾಷ್ಠೆ
ನಿಮ್ಮ ಗ್ರಹಿಸುವ ಐದು ಭಾಗಗಳಲ್ಲಿ ಒಂದು ಸ್ತಬ್ಧಗೊಂಡರೆ ಆಗ ಇನ್ನೊಂದು ಅದರ ಜಾಗದಲ್ಲಿ ಕಾರ್ಯನಿರ್ವಹಿಸುವುದು. ಇದರ ಬಗ್ಗೆ ನೀವು ಅಂಧರು, ಕಿವುಡರು ಅಥವಾ ಬಾಯಿ ಬರದೇ ಇರುವವರಲ್ಲಿ ಕೇಳಬಹುದು. ಚುಂಬನದ ವೇಳೆ ಕಣ್ಣುಗಳನ್ನು ಮುಚ್ಚಿಕೊಂಡಾಗ ತುಟಿಗಳು ಸ್ಪರ್ಶದ ಅಧಿಕ ಸುಖ ಪಡೆಯಲು ಬಯಸುವುದು. ಇದರಿಂದ ನಿಮಗೆ ತುಟಿಯ ಸಿಹಿಯ ಅನುಭವ ಪಡೆಯಲು ಸಾಧ್ಯವಾಗುವುದು.
ಶರಣಾಗತಿ ಸೂಚನೆ
ನೀವು ಚುಂಬನಕ್ಕೆ ಹೋರಾಡುತ್ತಿಲ್ಲ, ಮರಳಿ ಚುಂಬನ ನೀಡುತ್ತೀರಿ. ಇದು ಒಂದು ರೀತಿಯ ಶರಣಾಗತಿ.
ವಿಲಕ್ಷಣ ದೃಶ್ಯ ನೋಡದೇ ಇರಲು
ನಿಮ್ಮ ಕಣ್ಣುಗಳು ತುಂಬಾ ಹತ್ತಿರದಿಂದ ಅಷ್ಟು ನಿಮಿಷಗಳ ಕಾಲ ನೋಡುವುದು ತುಂಬಾ ವಿಲಕ್ಷಣವಾಗಿರುವುದು.
ನೀವು ತೆರೆದುಕೊಳ್ಳುವಿರಿ
ದೀರ್ಘ ಚುಂಬನವು ನಿಮ್ಮನ್ನು ಒಳಗಿಂದ ಬಡಿದೆಬ್ಬಿಸುವುದು. ನಿಮ್ಮ ಕಣ್ಣುಗಳನ್ನು ಮುಚ್ಚಿಟ್ಟುಕೊಂಡರೆ ಸುತ್ತಲು ನಡೆಯುವ ಎಲ್ಲವೂ ಕತ್ತಲೆಯಾಗುವುದು. ನಿಮ್ಮೊಳಗಿನ ಉತ್ತೇಜನ ಹಾಗೂ ಕುತೂಹಲದ ಕಡೆ ಗಮನಹರಿಸುವುದು ಮುಖ್ಯವಾಗಿರುವುದು.
ನಾಚಿಕೆಯಿಂದ ಕಣ್ಣುಗಳನ್ನು ಮುಚ್ಚಿಕೊಳ್ಳುತ್ತಾರಂತೆ!
ಯಾವುದೇ ವ್ಯಕ್ತಿ ನಿಮ್ಮ ಹತ್ತಿರಕ್ಕೆ ಬಂದು ಕಿಸ್ ಮಾಡಲು ಆರಂಭಿಸಿದಾಗ ನೀವು ಸ್ವಯಂ ಜಾಗೃತವಾಗಿರುತ್ತೀರಿ ಅಲ್ಲವೇ? ಜಾಗೃತ ಸ್ಥಿತಿ ಮತ್ತು ನಾಚಿಕೆಯಿಂದ ಕಣ್ಣುಗಳನ್ನು ಮುಚ್ಚಿಕೊಳ್ಳುತ್ತೇವೆ ಎಂದು ಕೆಲವರು ಹೇಳುತ್ತಾರೆ. ಅಲ್ಲದೆ ಮುಚ್ಚಿದ ಕಣ್ಣುಗಳು ಆರಾಮವನ್ನು ನೀಡುತ್ತದೆ. ಇದರಿಂದಾಗಿ ಆ ಸವಿಸವಿ ಕ್ಷಣದ ಭಾವನೆಗಳ ಕಡಲಿನಲ್ಲಿ ತೇಳುವಂತೆ ಮಾಡುತ್ತದೆ.
ಕಿಸ್ಸಿಂಗ್ ಉದ್ರೇಕಿಸುವಂತಹ ಕ್ರಿಯೆ!
ಚುಂಬನವೆನ್ನುವುದು ಉದ್ರೇಕಿಸುವಂತಹ ಕ್ರಿಯೆಯಾಗಿದೆ. ಕೋಮಲ, ಶೃಂಗಾರ ಮತ್ತು ಭಾವನಾತ್ಮಕವಾಗಿರುವುದೇ ಚುಂಬನ. ಇದನ್ನು ಸಂಪೂರ್ಣವಾಗಿ ಅನುಭವಿಸುವ ಸಲುವಾಗಿ ಕಣ್ಣುಗಳನ್ನು ಮುಚ್ಚಬೇಕಾಗುತ್ತದೆ.
ಇದೆಲ್ಲಾ ಮೆದುಳಿನ ಕಾರ್ಯ ಚಕ್ಯತೆಯೇ?
ನಮ್ಮ ಮೆದುಳು ಒಂದೇ ಸಮಯದಲ್ಲಿ ಹಲವು ಕೆಲಸಗಳನ್ನು ಮಾಡಲು ಅಸಮರ್ಥವಾಗಿದೆ. ಸಾಮಾನ್ಯವಾಗಿ ಒಂದೇ ಹೊತ್ತಿನಲ್ಲಿ ನಾವು ಎರಡಕ್ಕಿಂತ ಹೆಚ್ಚು ಕೆಲಸಗಳನ್ನು ಮಾಡುತ್ತೇವಾದರೂ ಇವುಗಳಲ್ಲಿ ಅರ್ಧದಷ್ಟನ್ನು ಮೆದುಳುಬಳ್ಳಿ ನಡೆಸುತ್ತದೆ. ಉದಾಹರಣೆಗೆ ನಡೆಯುತ್ತಾ ಸಂಗೀತ ಆಲಿಸುವುದು. ಇಲ್ಲಿ ನಡೆಯುವ ಕೆಲಸದ ಎಲ್ಲಾ ಸೂಚನೆಗಳನ್ನು ಮೆದುಳುಬಳ್ಳಿ ನಿರ್ವಹಿಸಿದರೆ ಕೇಳುವ ಕೆಲಸವನ್ನು ಮೆದುಳು ನಿರ್ವಹಿಸುತ್ತದೆ. ಇದೇ ಪರಿಯಲ್ಲಿ ಚುಂಬನದ ಅವಧಿಯಲ್ಲಿ ನೋಡುವ ಮತ್ತು ತುಟಿಗಳ ಸಂವೇದನೆಯನ್ನು ಅನುಭವಿಸುವ ಎರಡೂ ಕೆಲಸಗಳನ್ನು ಮೆದುಳು ಏಕಕಾಲದಲ್ಲಿ ನಿರ್ವಹಿಸಲು ಸಾಧ್ಯವಾಗದ ಕಾರಣ ಈ ಸಮಯದಲ್ಲಿ ಕಣ್ಣನ್ನು ತನ್ನಿಂತಾನೇ ಮುಚ್ಚುವಂತೆ ಮಾಡುತ್ತದೆ. ತನ್ಮೂಲಕ ತುಟಿಗಳ ಸಂವೇದನೆ ಹಾಗೂ ಸುರಕ್ಷತೆ ಮತ್ತು ಭರವಸೆಯ ಭಾವನೆಯನ್ನು ಪಡೆದಂತಾಗುತ್ತದೆ.
ಮನಃಶಾಸ್ತ್ರಜ್ಞ ಏನು ಹೇಳುತ್ತಾರೆ?
"ಈ ಅವಧಿಯಲ್ಲಿ ಕಣ್ಣುಗಳನ್ನು ಮುಚ್ಚಿಕೊಳ್ಳುವ ಮೂಲಕ ಕಣ್ಣುಗಳ ಮೂಲಕ ಲಭ್ಯವಾಗದ ಮಾಹಿತಿಯನ್ನು ವಿಶ್ಲೇಷಿಸಲು ಮೆದುಳಿಗೆ ಅಗತ್ಯವಿಲ್ಲದೇ ತನ್ನ ಪೂರ್ಣಪ್ರಮಾಣದ ಗಮನವನ್ನು ಹರಿಸಲು ಸಾಧ್ಯವಾಗುತ್ತದೆ" ಎಂದು ಮನಃ ಶಾಸ್ತ್ರಜ್ಞರು ಅಭಿಪ್ರಾಯ ಪಡುತ್ತಾರೆ. ಮನಃಶಾಸ್ತ್ರಜ್ಞ ಪ್ರಕಾರ ಕಣ್ಣು ಮುಚ್ಚಿ ಚುಂಬನದ ಆಹ್ಲಾದತೆಯನ್ನು ಅನುಭವಿಸುವಾಗ ತನ್ನ ಪ್ರೇಮಿಯ ಗಮನವನ್ನು ಬೇರೆಡೆಗೆ ಹರಿಯುವುದರಿಂದಲೂ ತಡೆದಂತಾಗುತ್ತದೆ. ಅಲ್ಲದೇ ದಂಪತಿಗಳ ನಡುವಣ ಮಿಲನದ ಪೂರ್ವಹಂತದ ಕ್ರಿಯೆಯಾಗಿರುವ ಚುಂಬನ ಈ ಪಥವನ್ನು ಸರಿಯಾದ ದಾರಿಯತ್ತ ಸಾಗಿಸಲು ನೆರವಾಗುತ್ತದೆ.
ಸಂತೋಷಕರ ದಾಂಪತ್ಯಕ್ಕೆ ನಾಂದಿ!
ಅಂದರೆ ಈ ಹೊತ್ತಿನಲ್ಲಿ ಮೆದುಳು ಬೇರೆ ಆಕರ್ಷಣೆಗಳತ್ತ ವಾಲದೇ ಕೇವಲ ಸಂಗಾತಿಯ ಆಪ್ತತೆ, ನಿಕಟತೆಯನ್ನು ಬಯಸಲು, ಈ ಮೂಲಕ ಆತ್ಮೀಯತೆಯ ಬೆಸುಗೆ ಸಾಧಿಸಲು ಸಾಧ್ಯವಾಗುತ್ತದೆ. ಈ ಬೆಸುಗೆ ಶಾಶ್ವತ, ಸುಂದರ, ಸಂತೋಷಕರ ದಾಂಪತ್ಯಕ್ಕೆ ನಾಂದಿಯಾಗಿದೆ. ಆದ್ದರಿಂದ ನಿಮ್ಮ ಸಂಗಾತಿಯೊಂದಿಗೆ ಚುಂಬಿಸುವಾಗ ಬೇರೇನನ್ನೂ ಯೋಚಿಸದೇ ಕಣ್ಣುಗಳನ್ನು ಮುಚ್ಚಿಕೊಂಡು ಶೇಕಡಾ ನೂರರಷ್ಟು ಅನುಭವಿಸಿ, ಸುಖಿಗಳಾಗಿರಿ.
ಇದೊಂದು ಮಾಯ ಜಾದೂ!
ಚುಂಬನವೇ ಹಾಗೆ, ಅದೊಂದು ರೀತಿಯ ವಿಶೇಷ ಸಂತೋಷವನ್ನು ಉಂಟು ಮಾಡುತ್ತದೆ. ಕೆಲವರಿಗೆ ಲೈಂಗಿಕ ಕ್ರಿಯೆಗಿಂತ ಹೆಚ್ಚು ಚುಂಬನ ಸಂತೋಷವನ್ನು ನೀಡುವುದು. ಗೊಂದಲಗಳಿಂದ ಕೂಡಿರುವ ಮನಸ್ಸು ಕೂಡ ಚುಂಬನದ ವೇಳೆ ತಟಸ್ಥವಾಗುತ್ತದೆ. ಅಲ್ಲದೆ ಕಣ್ಣುಗಳನ್ನು ಮುಚ್ಚಿದ್ದರೆ ಚುಂಬನವನ್ನು ಆನಂದಿಸಬಹುದು. ಅದೇ ಕಣ್ಣುಗಳು ತೆರೆದೇ ಇದ್ದರೆ ಆಗ ಅಡ್ಡಿಯಾಗಬಹುದು. ಇದಕ್ಕಾಗಿ ಕಣ್ಣುಗಳು ಮುಚ್ಚಿರುತ್ತದೆ.