Just In
- 1 min ago ಮೈ ತೂಕ ಕಡಿಮೆಯಾಗಲು ಈ ಪುದೀನಾ ನೀರು ಸಹಕಾರಿಯೇ? ಇದರ ಇತರ ಪ್ರಯೋಜನಗಳೇನು?
- 2 hrs ago ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- 3 hrs ago ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- 4 hrs ago 2024: ಮದುವೆ, ಗಾಡಿ ಖರೀದಿ, ಗೃಹ ಪ್ರವೇಶ ಹೀಗೆ ಶುಭ ಕಾರ್ಯಕ್ಕೆ ಏಪ್ರಿಲ್ನಲ್ಲಿರುವ ಶುಭ ದಿನಾಂಕಗಳಿವು
Don't Miss
- News Poornachandra Tejaswi: ವಿಸ್ಮಯಲೋಕವನ್ನೇ ತೆರೆದಿಡುವ ತೇಜಸ್ವಿಯವರ ಪುಸ್ತಕಗಳು
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Movies ಲಂಡನ್ನಲ್ಲಿ ಬಾಡಿಗೆಗೆ ಪಡೆದಿದ್ದ ಬಂಗಲೆಯನ್ನೇ ಖರೀದಿಸಿದ್ರಾ ಪ್ರಭಾಸ್?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಶಿ ಆಧರಿಸಿ ವ್ಯಕ್ತಿತ್ವದ ಬಗ್ಗೆ ಕಣ್ಣುಗಳು ಹೇಳುವುದೇನು?
ಪ್ರತಿಯೊಂದು ರಾಶಿಯವರ ಕಣ್ಣುಗಳು ಅವರ ವ್ಯಕ್ತಿತ್ವದ ಬಗ್ಗೆ ಬಹಳಷ್ಟು ಮಾಹಿತಿ ನೀಡುತ್ತವೆ ಎಂಬುದು ನಿಮಗೆ ತಿಳಿದಿದೆಯಾ? ರಾಶಿ ಆಧರಿಸಿ ನಿಮ್ಮ ಕಣ್ಣುಗಳು ನಿಮ್ಮ ವ್ಯಕ್ತಿತ್ವದ ಕುರಿತು ಯಾವೆಲ್ಲ ಮಾಹಿತಿ ಹೊರಗೆಡವುತ್ತವೆ ಎಂಬುದನ್ನು ತಿಳಿದುಕೊಳ್ಳೋಣ ಬನ್ನಿ... ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಪ್ರತಿಯೊಬ್ಬ ವ್ಯಕ್ತಿಯ ರಾಶಿಯ ಅನುಸಾರ ಗ್ರಹಗತಿ ಬದಲಾಗುತ್ತಿದ್ದು, ಇದರ ಪರಿಣಾಮದಿಂದ ವ್ಯಕ್ತಿತ್ವ ಹಾಗೂ ನಡವಳಿಕೆಗಳಲ್ಲಿ ಭಿನ್ನತೆ ಕಂಡುಬರುತ್ತದೆ. ರಾಶಿಯನ್ನು ಆಧರಿಸಿ ಅವರ ಕಣ್ಣುಗಳು ವ್ಯಕ್ತಿಯ ಸ್ವಭಾವ ಹಾಗೂ ವ್ಯಕ್ತಿತ್ವದ ಬಗ್ಗೆ ಸಾಕಷ್ಟು ಮಾಹಿತಿ ನೀಡುತ್ತವೆ.
ಕಣ್ಣುಗಳು ಮೌನವಾಗಿಯೇ ಎಷ್ಟೋ ಮಾಹಿತಿ ನೀಡುತ್ತವೆ. ಕಣ್ಣುಗಳ ಅಧ್ಯಯನದಿಂದ ಆತ ಏನು ಹೇಳಬೇಕೆಂದುಕೊಂಡಿದ್ದಾನೆ ಹಾಗೂ ಆತನ ಮನಸ್ಸಿನಲ್ಲಿ ಏನು ನಡೆದಿದೆ ಎಂಬುದನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಿದೆ. ನಮಗೆಲ್ಲ ತಿಳಿದಿರುವಂತೆ ನಿರ್ದಿಷ್ಟ ರಾಶಿಯ ಜನರು ಭಿನ್ನವಾದ ಮಾನಸಿಕ ಹಾಗೂ ದೈಹಿಕ ಗುಣಲಕ್ಷಣಗಳನ್ನು ಹೊಂದಿರುತ್ತಾರೆ. ಇದರ ಬಗ್ಗೆ ಸರಿಯಾದ ಅಧ್ಯಯನ ನಡೆಸಿದರೆ ನಿರ್ದಿಷ್ಟ ರಾಶಿಯವರ ಸ್ವಭಾವ ಹಾಗೂ ನಡವಳಿಕೆಗಳ ಕುರಿತು ಸ್ಪಷ್ಟವಾಗಿ ತಿಳಿದುಕೊಳ್ಳಬಹುದು. ರಾಶಿಯನ್ನು ಆಧರಿಸಿ ವ್ಯಕ್ತಿಯ ಕಣ್ಣುಗಳು ನಿರ್ದಿಷ್ಟವಾಗಿ ಯಾವೆಲ್ಲ ಮಾಹಿತಿಯನ್ನು ನೀಡುತ್ತವೆ ಎಂಬುದನ್ನು ಮುಂದೆ ಈ ಅಂಕಣದಲ್ಲಿ ವಿವರವಾಗಿ ತಿಳಿದುಕೊಳ್ಳೋಣ. ರಾಶಿಯ ಅಭ್ಯಾಸದ ಮೂಲಕ ವ್ಯಕ್ತಿತ್ವ ಹಾಗೂ ಗುಣಗಳ ಬಗ್ಗೆ ನೀವೂ ತಿಳಿದುಕೊಳ್ಳಿ....
ಮೇಷ ರಾಶಿ : ಮಾರ್ಚ್ ೨೧ ರಿಂದ ಏಪ್ರಿಲ್ ೧೯
ಮೇಷ ರಾಶಿಯವರು ತೀಕ್ಷ್ಣ ಹಾಗೂ ವಿಶಾಲವಾದ ಕಣ್ಣುಗಳನ್ನು ಹೊಂದಿದ್ದು, ದೃಷ್ಟಿ ತೀವ್ರವಾಗಿರುತ್ತದೆ. ತುಂಬಾ ಕೇಂದ್ರೀಕೃತ ನೇರ ದೃಷ್ಟಿ ಇದ್ದು, ಕಣ್ಣುಗಳು ಬಾದಾಮಿ ಆಕಾರದಲ್ಲಿರುತ್ತವೆ. ಇವರು ನಿರ್ಭೀತರಾಗಿ ಎದುರಿನವರ ಕಣ್ಣುಗಳನ್ನು ನೇರವಾಗಿ ದಿಟ್ಟಿಸಬಲ್ಲವರಾಗಿರುತ್ತಾರೆ. ಮಂಗಳ ಗ್ರಹದ ಪರಿಣಾಮ ಉಳ್ಳ ಎಲ್ಲ ರಾಶಿಯವರು ಸಾಮಾನ್ಯವಾಗಿ ಎದುರಿಗಿನವರ ಕಣ್ಣುಗಳಲ್ಲಿ ನೇರವಾಗಿ ನೋಡುವವರಾಗಿರುತ್ತಾರೆ.
ವೃಷಭ ರಾಶಿ : ಏಪ್ರಿಲ್ ೨೦ ರಿಂದ ಮೇ ೨೦
ವೃಷಭ ರಾಶಿಯವರ ದಟ್ಟ, ಕಂದು ಬಣ್ಣದ ಕಣ್ಣುಗಳನ್ನು ಹೊಂದಿರುತ್ತಾರೆ. ಇವರ ಕಣ್ಣುಗಳು ಯಾವಾಗಲೂ ಶಾಂತಿಯನ್ನು ಹೊರಸೂಸುತ್ತಿದ್ದು, ಯಾವುದೋ ಭಾವನಾತ್ಮಕ ಸಂಗತಿಯನ್ನು ಬಿಂಬಿಸುತ್ತವೆ. ಆದರೆ ಕೆಲವೊಮ್ಮೆ ಇವರ ಕಣ್ಣುಗಳು ದೌರ್ಬಲ್ಯವನ್ನು ಸಹ ತೋರಿಸುತ್ತವೆ. ರಾಶಿ ಭವಿಷ್ಯದ ಪ್ರಕಾರ ಶುಕ್ರ ಗ್ರಹದಿಂದ ಪ್ರಭಾವಿತರಾದ ಇವರ ಕಣ್ಣುಗಳಲ್ಲಿ ಮುಗ್ಧತೆಯೂ ಕಾಣುತ್ತದೆ.
ಮಿಥುನ ರಾಶಿ : ಮೇ ೨೧ ರಿಂದ ಜೂನ್ ೨೦
ಒಂದು ರೀತಿಯ ತುಂಟತನದ ಛಾಯೆಯನ್ನು ಮಿಥುನ ರಾಶಿಯವರ ಕಣ್ಣುಗಳಲ್ಲಿ ಕಾಣಬಹುದು. ಇವರ ದೃಷ್ಟಿ ಅತ್ತಿಂದಿತ್ತ ಹರಿದಾಡುತ್ತಿರುತ್ತದೆ. ಜೀವನದಲ್ಲಿ ಯಾವಾಗಲೂ ತಮ್ಮ ಸುತ್ತಮುತ್ತಲಿನ ಜಗತ್ತಿನ ಬಗ್ಗೆ ಹೊಸದನ್ನು ಕಲಿಯಲು ಇವರು ಪ್ರಯತ್ನಿಸುತ್ತಾರೆ. ಸದಾ ಎಚ್ಚರಿಕೆಯಿಂದ, ಅತ್ತಿತ್ತ ಚಲಿಸುವ ದೃಷ್ಟಿ ಹೊಂದಿರುವ ಗುಣಗಳಿಂದ ಇವರನ್ನು ಗುರುತಿಸ ಬಹುದಾಗಿದೆ. ಇವರ ದೃಷ್ಟಿಯಲ್ಲಿ ಯಾವಾಗಲೂ ಹೊಳಪು ಇರುವುದು ವಿಶೇಷ.
ಕಟಕ ರಾಶಿ : ಜೂನ್ ೨೧ ರಿಂದ ಜುಲೈ ೨೨
ಕಟಕ ರಾಶಿಯವರ ಕಣ್ಣು ಚಿತ್ರದಲ್ಲಿ ಬಿಡಿಸಿರುವಂತೆ ಕಾಣುತ್ತವೆ. ದೊಡ್ಡ ಚಂದ್ರನಂತೆ ಗೋಲಾಕಾರ ಅಥವಾ ಕೆಲವೊಮ್ಮೆ ಬಾದಾಮಿ ಆಕಾರದಲ್ಲಿ ಇರುತ್ತವೆ. ಇವರ ಕಣ್ಣುಗಳಲ್ಲಿ ಮುಗ್ಧತೆ, ವಿಷಾದ, ಪ್ರೀತಿ ಹಾಗೂ ತುಸು ಬೆದರಿಕೆಯ ಭಾವನೆಗಳು ಕಾಣಿಸುತ್ತವೆ. ಕಣ್ಣುಗಳು ಪ್ರತಿಫಲಿಸುವ ದೃಷ್ಟಿ ಹೊಂದಿರುತ್ತವೆ.
ಸಿಂಹ ರಾಶಿ : ಜುಲೈ ೨೩ ರಿಂದ ಆಗಸ್ಟ್ ೨೩
ಸಿಂಹ ರಾಶಿಯವರು ತಮಾಷೆ ಹಾಗೂ ಸೆಳೆಯುವ ವ್ಯಕ್ತಿತ್ವ ಹೊಂದಿರುತ್ತಾರೆ. ದಪ್ಪ ಕಣ್ಣು ರೆಪ್ಪೆಗಳನ್ನು ಹೊಂದಿದ್ದು, ಸಿಂಹದಂತೆ ಕಾಣುತ್ತಾರೆ. ಇವರು ಸಿಂಹದಂತೆಯೇ ನಿಧಾನವಾಗಿ ಕಣ್ಣು ರೆಪ್ಪೆ ಮಿಟುಕಿಸುತ್ತಾರೆ. ಎದುರಾದ ವ್ಯಕ್ತಿಯನ್ನು ತಮ್ಮ ರೋಮಾಂಚಕ ಹಾಗೂ ಆಜ್ಞಾಪೂರ್ವಕ ದೃಷ್ಟಿಯಿಂದ ಸೆಳೆಯುವ ಗುಣ ಇವರಲ್ಲಿದೆ. ಕೋಪ ಬಂದಾಗ ಕಣ್ಣುಗಳು ತೀಕ್ಷ್ಣವಾಗಿ, ಭಯರಹಿತ ಭಾವನೆಯನ್ನು ಹೊಮ್ಮಿಸುತ್ತವೆ. ಇದು ಎಂಥವರಲ್ಲೂ ಹೆದರಿಕೆ ಹುಟ್ಟಿಸುವ ನೋಟವಾಗಿರುತ್ತದೆ.
ಕನ್ಯಾ ರಾಶಿ : ಆಗಸ್ಟ್ ೨೪ ರಿಂದ ಸೆಪ್ಟೆಂಬರ್ ೨೩
ಕನ್ಯಾ ರಾಶಿಯವರ ಕಣ್ಣುಗಳಲ್ಲಿ ಪಾದರಸದಂತೆ ಚಲನೆ ಇದ್ದು, ಎಂಥವರನ್ನೂ ತನ್ನತ್ತ ಸೆಳೆಯಬಲ್ಲ ಮೊನಚಾದ, ಹೊಳಪಿನ ದೃಷ್ಟಿ ಹೊಂದಿರುತ್ತಾರೆ. ಇವರ ಕಣ್ಣುಗಳು ವಿಶಾಲವಾಗಿ, ಗೋಲಾಕಾರದಲ್ಲಿರುತ್ತವೆ. ಇವರ ಕಣ್ಣುಗಳಲ್ಲಿನ ಆಳವಾದ ನೋಟವೇ ಎಲ್ಲರನ್ನೂ ಸೆಳೆಯುವ ಶಕ್ತಿಯಾಗಿದೆ. ಗಂಭೀರ ಹಾಗೂ ನೇರ ನೋಟದ ಕಣ್ಣುಗಳು ಅತ್ಯಂತ ಸ್ಥಿರವಾಗಿರುತ್ತವೆ. ಇವರು ಉದ್ದನೆಯ ವಿಶಿಷ್ಟವಾದ ಕಣ್ಣು ರೆಪ್ಪೆ ಹೊಂದಿರುತ್ತಾರೆ.
ತುಲಾ ರಾಶಿ : ಸೆಪ್ಟೆಂಬರ್ ೨೪ ರಿಂದ ಅಕ್ಟೋಬರ್ ೨೩
ತುಲಾ ರಾಶಿಯವರು ಏಕರೀತಿಯ ಕಣ್ಣುಗಳನ್ನು ಹೊಂದಿದ್ದು, ತುಂಟ ಸ್ವಭಾವದವರಾಗಿರುತ್ತಾರೆ. ಇವರ ಕಣ್ಣುಗಳಲ್ಲಿ ತೀಕ್ಷ್ಣವಾದ ಹೊಳಪು ಹಾಗೂ ಪ್ರಣಯದ ಭಾವನೆ ಕಾಣಿಸುತ್ತದೆ. ಇವರು ಎಷ್ಟು ಆಕರ್ಷಕವೋ ಅಷ್ಟೇ ಚಂಚಲರೂ ಆಗಿರುತ್ತಾರೆ. ಬೇರೆಯವರನ್ನು ತಮ್ಮತ್ತ ಸೆಳೆಯಲು ಯತ್ನಿಸುತ್ತಿರುವಂತೆ ಕಾಣುತ್ತಾರೆ. ಕನ್ನಡಿಯಲ್ಲಿ ತಮ್ಮನ್ನು ತಾವು ನೋಡಿ ಖುಷಿ ಪಡುವುದು ಇವರಿಗೆ ಇಷ್ಟವಾದ ಸಂಗತಿ. ಒಟ್ಟಾರೆಯಾಗಿ ಖುಷಿಯ ನೋಟ ಹೊಂದಿರುವ ಇವರ ಕಣ್ಣುಗಳಲ್ಲಿ ಅನಂತ ಶಾಂತಿಯ ಭಾವನೆ ಕಾಣಿಸುತ್ತದೆ.
ವೃಶ್ಚಿಕ ರಾಶಿ : ಅಕ್ಟೋಬರ್ ೨೪ ರಿಂದ ನವೆಂಬರ್ ೨೨
ವೃಶ್ಚಿಕ ರಾಶಿಯವರು ಹರಿತವಾದ ನೋಟ ಹೊಂದಿರುತ್ತಾರೆ. ತಮ್ಮ ಕಣ್ಣುಗಳಲ್ಲಿನ ಚುಂಬಕ ಹಾಗೂ ಗಾಢವಾದ ಸೆಳೆಯುವ ಶಕ್ತಿಯಿಂದ ಮೋಡಿ ಮಾಡಬಲ್ಲವರಾಗಿರುತ್ತಾರೆ. ಕೆಲವೊಮ್ಮೆ ತಮ್ಮ ದೃಷ್ಟಿಯಿಂದಲೇ ಎದುರಿಗಿನವರನ್ನು ಸಮ್ಮೋಹಿತಗೊಳಿಸುತ್ತಾರೆ. ಲೇಸರ್ ಕಿರಣದಂತೆ ಎಲ್ಲವನ್ನೂ ತಮ್ಮ ನೋಟದಿಂದಲೇ ಕರಾರುವಾಕ್ಕಾಗಿ ಅಳೆದು ಬಿಡುವ ಸಾಮರ್ಥ್ಯ ಇವರಿಗಿದೆ. ಬಾಯಿಯಿಂದ ಒಂದು ಶಬ್ದವನ್ನೂ ಹೇಳದೆ ತಮ್ಮ ಕಣ್ಣುಗಳಿಂದಲೇ ಸಂಭಾಷಣೆ ನಡೆಸುವ ಹಾಗೂ ಅದನ್ನು ಎದುರಿಗಿನ ವ್ಯಕ್ತಿಗೆ ತಿಳಿಯುವಂತೆ ಮಾಡುವ ವಿಶಿಷ್ಟ ಶಕ್ತಿ ಇವರಲ್ಲಿರುತ್ತದೆ.
ಧನು ರಾಶಿ : ನವೆಂಬರ್ ೨೩ ರಿಂದ ಡಿಸೆಂಬರ್ ೨೨
ಧನು ರಾಶಿಯವರು ಪ್ರಕಾಶಮಾನವಾದ ಹಾಗೂ ಪ್ರಾಮಾಣಿಕ ಭಾವ ಸೂಸುವ ಕಣ್ಣುಗಳನ್ನು ಹೊಂದಿರುತ್ತಾರೆ. ಇವರು ಖುಷಿಯಾಗಿರುವಾಗ ಮಕ್ಕಳಂತೆ ತಮಾಷೆಯ ನೋಟ ಬೀರುತ್ತಾರೆ. ಇವರು ತಮ್ಮೊಳಗೆ ಮುಂದಿನ ಯಾವುದೋ ಕೆಲಸದ ಬಗ್ಗೆ ವಿಚಾರ ಮಾಡುತ್ತಿರುವಂತೆ ಕಾಣುತ್ತಾರೆ. ನಿರಂತರ ಚಲನೆಯ ನೋಟ ಹೊಂದಿರುವ ಇವರು ಇತರ ಎಲ್ಲರಿಗಿಂತ ಭಿನ್ನವಾಗಿ ಕಾಣುತ್ತಾರೆ.
ಮಕರ ರಾಶಿ : ಡಿಸೆಂಬರ್ ೨೩ ರಿಂದ ಜನೇವರಿ ೨೦
ಮಕರ ರಾಶಿಯವರ ಕಣ್ಣುಗಳು ಸಾಮಾನ್ಯವಾಗಿ ಆಳವಾದ ದೃಷ್ಟಿ ಹೊಂದಿರುತ್ತವೆ. ಹೀಗಾಗಿ ಇವರು ಯಾವುದೋ ಜಾದೂ ಮಾಡುತ್ತಿದ್ದಾರೆ ಎಂದು ಭಾಸವಾಗುತ್ತದೆ. ಪ್ರಶಾಂತ ಹಾಗೂ ಸ್ಥಿರವಾದ ದೃಷ್ಟಿಯ ಇವರು ಗಂಭೀರವದನರಾಗಿರುತ್ತಾರೆ. ಆದರೂ ಕೆಲವೊಮ್ಮೆ ಇವರ ಚಿಕ್ಕ ಕಣ್ಣುಗಳಲ್ಲಿ ಯಾವುದೋ ಅಸಂತುಷ್ಟಿ ಗೋಚರವಾಗುತ್ತಿರುತ್ತದೆ. ಇವರು ಕಣ್ಣುಗಳ ಸುತ್ತ ಕಪ್ಪು ವೃತ್ತ ಹೊಂದಿದ್ದು, ಕಣ್ಣಿನಡಿ ಸುಕ್ಕುಗಳಿರುತ್ತವೆ.
ಕುಂಭ ರಾಶಿ : ಜನೇವರಿ ೨೧ ರಿಂದ ಫೆಬ್ರವರಿ ೧೮
ದೈಹಿಕವಾಗಿ ಇಲ್ಲಿಯೇ ಇದ್ದರೂ ಮಾನಸಿಕವಾಗಿ ಅವರು ಬೇರಾವುದೋ ಲೋಕದಲ್ಲಿರುವಂತೆ ಕುಂಭ ರಾಶಿಯವರ ಕಣ್ಣುಗಳನ್ನು ನೋಡಿದರೆ ಭಾಸವಾಗುತ್ತದೆ. ತುಂಬಾ ಸೌಮ್ಯವಾಗಿ ಕಂಡರೂ, ಸಮಯ ಬಂದರೆ ತಮ್ಮ ತಂಪಾದ ನೋಟದ ಕಲೆಯಿಂದ ಯಾರನ್ನಾದರೂ ಸೆಳೆಯುವ ವ್ಯಕ್ತಿತ್ವ ಹೊಂದಿರುತ್ತಾರೆ. ಇವರು ವಿಶಿಷ್ಟ ಸೌಂದರ್ಯವಂತರಾಗಿ ಕಾಣುತ್ತಾರೆ. ಆದರೆ ಅದೇ ಸಮಯದಲ್ಲಿ ಇವರು ಎಲ್ಲೋ ನೆಮ್ಮದಿಯನ್ನು ಹುಡುಕುತ್ತಿದ್ದಾರೆ ಎನಿಸುತ್ತದೆ.
ಮೀನ ರಾಶಿ : ಫೆಬ್ರವರಿ ೧೯ ರಿಂದ ಮಾರ್ಚ್ ೨೦
ಎಲ್ಲ ರಾಶಿಗಳಲ್ಲಿ ಮೀನ ರಾಶಿಯವರ ಕಣ್ಣುಗಳು ಅತ್ಯಂತ ಸುಂದರವಾಗಿರುತ್ತವೆ. ಕನಸಿನ ಲೋಕದಲ್ಲಿರುಂತೆ, ರಹಸ್ಯಮಯ ಹಾಗೂ ಸ್ಫಟಿಕದಂತೆ ಇವರ ಕಣ್ಣುಗಳಿರುತ್ತವೆ. ಅದರಲ್ಲೂ ಈ ರಾಶಿಯ ಮಹಿಳೆಯರು ತಮ್ಮ ನೋಟದಿಂದಲೇ ದೂರದಲ್ಲಿರುವವರನ್ನು ತಮ್ಮತ್ತ ನೋಡುವಂತೆ ಮಾಡುವ ಶಕ್ತಿ ಹೊಂದಿರುತ್ತಾರೆ.ಹೀಗೆ ಪ್ರತಿಯೊಬ್ಬರ ರಾಶಿಯನ್ನು ಆಧರಿಸಿ ಅವರ ಕಣ್ಣುಗಳು ಹೇಳುವ ಅಂಶಗಳೇನು ಎಂಬುದನ್ನು ತಿಳಿದುಕೊಂಡಿದ್ದೀರಿ. ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕೆಳಗೆ ಕೊಟ್ಟಿರುವ ಕಾಮೆಂಟ್ ಬಾಕ್ಸ್ನಲ್ಲಿ ಹಂಚಿಕೊಳ್ಳಿ. ಮತ್ತಷ್ಟು ರಾಶಿ ಭವಿಷ್ಯದ ಬಗ್ಗೆ ತಿಳಿದುಕೊಳ್ಳಲು ನಮ್ಮನ್ನು ಫಾಲೋ ಮಾಡಿ.