For Quick Alerts
ALLOW NOTIFICATIONS  
For Daily Alerts

ಚಂದ್ರಗ್ರಹಣ 2019: ಗ್ರಹಣ ಸಮಯದಲ್ಲಿ ದೇವಾಲಯವನ್ನು ಏಕೆ ಮುಚ್ಚುತ್ತಾರೆ?

|

ಗ್ರಹಣ ಎನ್ನುವುದು ಬೇಸರದ ಸಂಗತಿ. ಪ್ರಕೃತಿಯಲ್ಲಿ ಉಂಟಾಗುವ ಒಂದು ಅನುಚಿತ ಸಂಗತಿ ಎನ್ನಲಾಗುವುದು. ಗ್ರಹಣ ಎನ್ನುವುದು ನಮ್ಮ ರಕ್ಷಣೆಗೆ ಇರುವ ಸೂರ್ಯ ಚಂದ್ರರಿಗೆ ಉಂಟಾಗುವ ಒಂದು ತೊಂದರೆ. ಪ್ರಕೃತಿಯ ಒಳಿತಿಗಾಗಿ ಇರುವ ಆ ದೈವ ಶಕ್ತಿಗೆ ಗ್ರಹಣ ಹಿಡಿಯುವುದು ಎಂದರೆ ಅದೊಂದು ಸೂತಕ ಸೂಚನೆ ಅಥವಾ ಅಪಶಕುನ ಎಂದು ಪರಿಗಣಿಸಲಾಗುವುದು. ಜೀವ ಸಂಕುಲದ ಜೀವ ಹಾಗೂ ಜೀವನಕ್ಕೆ ಬೇಕಾದ ಅಗತ್ಯತೆಯನ್ನು ಪೂರೈಸುವ ಸೂರ್ಯ ಚಂದ್ರರಿಗೆ ಗ್ರಹಣ ಉಂಟಾದರೆ ಜೀವ ಸಂಕುಲಕ್ಕೂ ತೊಂದರೆ ಉಂಟಾಗುವುದು. ಹಾಗಾಗಿ ಆ ಸಮಯದಲ್ಲಿ ದೇವರ ಧ್ಯಾನ ಹಾಗೂ ಜಪವನ್ನು ಕೈಗೊಳ್ಳಲಾಗುವುದು.

ಗ್ರಹಣದ ಸಮಯದಲ್ಲಿ ಸಾಮಾನ್ಯವಾಗಿ ಪ್ರಕೃತಿಯು ಕಶ್ಮಲವಾಗಿರುತ್ತದೆ. ಅದನ್ನು ಮೈಲಿಗೆ ಎಂದು ಸಹ ಪರಿಗಣಿಸಲಾಗುವುದು. ಇಂತಹ ಸಂದರ್ಭದಲ್ಲಿ ದೇವರನ್ನು ನೀರಿನಲ್ಲಿ ಅಥವಾ ಅಕ್ಕಿಯಲ್ಲಿ ಮುಳುಗಿಸಿ ಇಡುವ ಪದ್ಧತಿ ಇರುವುದನ್ನು ಕಾಣಬಹುದು. ದೇವಾಲಯಗಳನ್ನು ಮುಚ್ಚಲಾಗುವುದು. ಭೂಮಿಯಿಂದ ಸಾವಿರಾರು ಕಿ.ಮೀ ದೂರದಲ್ಲಿ ಇರುವ ಖಗೋಳದಲ್ಲಿ ನಡೆಯುವ ಬದಲಾವಣೆಗಳಾದರೂ ಭೂಮಿಯ ಮೇಲೆ ಸಾಕಷ್ಟು ಬದಲಾವಣೆ ಹಾಗೂ ಪರಿಣಾಮಗಳು ನೇರವಾಗಿ ಉಂಟಾಗುತ್ತದೆ. ಹಾಗಾಗಿಯೇ ಗ್ರಹಣಗಳಿಂದ ಉಂಟಾಗುವ ತೊಂದರೆಗಳಿಂದ ಪರಿಹಾರ ಕಾಣಲು ಸಾಕಷ್ಟು ನಿಯಮಗಳನ್ನು ಅನುಸರಿಸುತ್ತಾರೆ. ಅವುಗಳಲ್ಲಿ ದೇವಾಲಯಗಳನ್ನು ಮುಚ್ಚುವುದು ಸಹ ಒಂದು ಸಂಗತಿ.

Lunar Eclipse

ಗ್ರಹಣದ ಸಮಯದಲ್ಲಿ ದೇವಾಲಯವನ್ನು ಮುಚ್ಚುವುದು ಬಹುತೇಕ ಮಂದಿಗೆ ತಿಳಿದಿರದೆ ಇರಬಹುದು. ಗ್ರಹಣದ ಸಮಯದಲ್ಲಿ ದೇವಾಲಯವನ್ನು ಮುಚ್ಚಲು ಅನೇಕ ಧಾರ್ಮಿಕ ಕಾರಣಗಳಿವೆ. ಈ ಒಂದು ಸಂಗತಿಯ ಹಿಂದೆ ಇರುವ ಕಾರಣಗಳನ್ನು ನೀವು ತಿಳಿದುಕೊಳ್ಳಬೇಕು ಎಂದರೆ ಲೇಖನದ ಮುಂದಿನ ಭಾಗದಲ್ಲಿ ಇರುವ ವಿವರಣೆಯನ್ನು ಪರಿಶೀಲಿಸಿ. ಜುಲೈ 16 ಮತ್ತು 17ರಂದು ಚಂದ್ರಗ್ರಹಣ ಸಂಭವಿಸುತ್ತದೆ. ಆ ಸಮಯದಲ್ಲಿ ದೇವಾಲಯಗಳು ಮುಚ್ಚಲ್ಪಡುವುದು. ಗ್ರಹಣ ಕಾಲದ ಬಳಿಕ ದೇವಾಲಯವನ್ನು ತೆರೆಯಲಾಗುವುದು. ಬಳಿಕ ಗ್ರಹಣದ ಸಮಯದಲ್ಲಿ ಇದ್ದ ದೋಷಗಳಿಗೆ ಪರಿಹಾರ ಪೂಜೆಗಳನ್ನು ಮಾಡಿಸಬಹುದು.

ಚಂದ್ರ ಗ್ರಹಣ ಮತ್ತು ಸೂರ್ಯಗ್ರಹಣ

ಎರಡು ರೀತಿಯ ಗ್ರಹಣಗಳಿವೆ - ಚಂದ್ರ ಮತ್ತು ಸೌರ. ಸೂರ್ಯ ಮತ್ತು ಭೂಮಿಯ ನಡುವೆ ಚಂದ್ರನು ಹಾದುಹೋದಾಗ ಸೂರ್ಯಗ್ರಹಣ ಸಂಭವಿಸುತ್ತದೆ. ಚಂದ್ರನು ಭೂಮಿಯ ಹಿಂದೆ ನೇರವಾಗಿ ಹಾದುಹೋದಾಗ ಚಂದ್ರ ಗ್ರಹಣ ಸಂಭವಿಸುತ್ತದೆ. ಅಮಾವಾಸ್ಯೆಯ ದಿನದಂದು ಸೂರ್ಯಗ್ರಹಣ ಸಂಭವಿಸಿದರೆ, ಚಂದ್ರ ಗ್ರಹಣವು ಹುಣ್ಣಿಮೆಯ ದಿನದಂದು ನಡೆಯುತ್ತದೆ. ಹಿಂದೂ ಧರ್ಮದ ಪ್ರಕಾರ ಈ ಎರಡು ಗ್ರಹಣದ ಸಮಯದಲ್ಲೂ ದೇವಸ್ಥಾನಗಳನ್ನು ಮುಚ್ಚಲಾಗುವುದು.

ಗ್ರಹಣದಲ್ಲಿ ರಾಹು ಮತ್ತು ಕೇತುಗಳ ಪಾತ್ರ

ಸೂರ್ಯ ಮತ್ತು ಚಂದ್ರರು ಆಕಾಶ ಮಾರ್ಗಗಳ ಸುತ್ತ ಚಲಿಸುವಾಗ, ಅವುಗಳ ಮಾರ್ಗಗಳ ನಡುವೆ ಎರಡು ಛೇದಕಗಳಂತಹ ಬಿಂದುಗಳಿವೆ. ಈ ಬಿಂದುಗಳನ್ನು ರಾಹು ಮತ್ತು ಕೇತು ಎಂದು ಕರೆಯಲಾಗುತ್ತದೆ. ಅನೇಕರು ರಾಹು ಮತ್ತು ಕೇತುಗಳನ್ನು ಗ್ರಹಗಳೆಂದು ಗೊಂದಲಗೊಳಿಸುತ್ತಾರೆ. ಅದು ನಿಜವಲ್ಲ. ಅವು ಎರಡು ಬಿಂದುಗಳಾಗಿವೆ. ಇದನ್ನು ಉತ್ತರ ಮತ್ತು ದಕ್ಷಿಣದ ಎರಡು ಚಂದ್ರನ ನೋಡ್ಗಳೆಂದು ಸಹ ಸೂಚಿಸಲಾಗುತ್ತದೆ. ಈ ನೋಡ್ಗಳ ಮೂಲಕ ಚಂದ್ರನು ಹಾದುಹೋದಾಗ, ಚಂದ್ರನು ಸೂರ್ಯ ಮತ್ತು ಭೂಮಿಯ ನಡುವೆ ಇರುತ್ತಾನೆ. ಇವು ಗ್ರಹಣವನ್ನು ಸೃಷ್ಟಿಸುತ್ತವೆ.

ದೇವಾಲಯ ನಿರ್ಮಿಸುವಾಗ ಇರುವ ಕೆಲವು ನಿಯಮಗಳು

ಹಿಂದೂ ದೇವಾಲಯ ನಿರ್ಮಿಸುವಾಗ ಪ್ರಮುಖ ವಾಸ್ತು ಮತ್ತು ನಿಯಮಗಳನ್ನು ಅನುಸರಿಸಿಯೇ ದೇವಾಲಯವನ್ನು ನಿರ್ಮಿಸಲಾಗುವುದು. ದೇವಾಲಯಗಳ ನಿರ್ಮಾಣದ ಸಮಯದಲ್ಲಿ ಈ ಅಂಶಗಳನ್ನು ಗಮನದಲ್ಲಿರಿಸಿಕೊಳ್ಳಬೇಕು. ದೇವಾಲಯಗಳ ನಿರ್ಮಾಣವು ದೇವಾಲಯದಲ್ಲಿ ಯಾವ ರೀತಿಯ ವಾತಾವರಣವನ್ನು ಸೃಷ್ಟಿಸುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ. ದೇವತೆಗೆ ಭೇಟಿ ನೀಡಲು ಭಕ್ತನೊಬ್ಬ ಬಂದಾಗಲೆಲ್ಲಾ ಅವನಿಗೆ ಅಪಾರ ಶಾಂತಿ ಮತ್ತು ನೆಮ್ಮದಿ ಸಿಗಬೇಕು ಎಂಬುದು ಇದರ ಉದ್ದೇಶ. ಈ ಶಾಂತಿ ಅವನಿಗೆ ದೇವರ ಉಪಸ್ಥಿತಿಯನ್ನು ಅರಿತುಕೊಳ್ಳಲು ಸಹಾಯ ಮಾಡಬೇಕು.

ಸೂಕ್ಷ್ಮ ಶಕ್ತಿ ಮತ್ತು ದೇವಾಲಯದಲ್ಲಿನ ವಿಗ್ರಹಗಳು

ಮಾನವನ ದೇಹವು ಸೂಕ್ಷ್ಮ ಶಕ್ತಿಯಿಂದ ಕೂಡಿದೆ ಎಂದು ಆಧ್ಯಾತ್ಮಿಕತೆ ಹೇಳುತ್ತದೆ. ಈ ಸೂಕ್ಷ್ಮ ಶಕ್ತಿಯು ಜೀವನದ ಮೂಲತತ್ವವಾಗಿದೆ. ಅದು ಚೇತನ ಅಥವಾ ಆತ್ಮದಿಂದ ಮಾಡಲ್ಪಟ್ಟಿದೆ. ಅದೇ ಸೂಕ್ಷ್ಮ ಶಕ್ತಿಯ ಉಪಸ್ಥಿತಿಯು ದೇವಾಲಯಕ್ಕೆ ಭೇಟಿ ನೀಡಿದಾಗ ಭಕ್ತರು ಅನುಭವಿಸುತ್ತಾರೆ. ಈ ಶಕ್ತಿಯನ್ನು ಒಳಗೆ ಇಟ್ಟುಕೊಂಡಿರುವ ವಿಗ್ರಹಗಳಿಂದ ವಿಕಿರಣಗೊಳ್ಳುತ್ತದೆ. ವಿಗ್ರಹಗಳು ಈ ಸೂಕ್ಷ್ಮ ಶಕ್ತಿಯ ರೂಪದಲ್ಲಿ ದೇವರ ಅಂಶಗಳನ್ನು ಒಳಗೊಂಡಿರುತ್ತವೆ ಎಂದು ನಂಬಲಾಗಿದೆ. ದೇವಾಲಯದಲ್ಲಿ ವಿಗ್ರಹವನ್ನು ಸ್ಥಾಪಿಸುವ ಮೊದಲು, ಅದೇ ಸೂಕ್ಷ್ಮ ಶಕ್ತಿಯನ್ನು ಅವುಗಳಲ್ಲಿ ಅಳವಡಿಸಲು ಮಂತ್ರಗಳ ಮೋಡಿಮಾಡಲಾಗುತ್ತದೆ. ವಿಗ್ರಹಗಳು ದೈವತ್ವ ಮತ್ತು ತೃಪ್ತಿಯನ್ನು ಹರಡುತ್ತವೆ ಮತ್ತು ದೇವಾಲಯಕ್ಕೆ ಭೇಟಿ ನೀಡಿದ ನಂತರ ಭಕ್ತನು ಸಮಾಧಾನಪಡುತ್ತಾನೆ.

ಗ್ರಹಣ ಸಮಯದಲ್ಲಿ ದೇವಾಲಯದ ಬಾಗಿಲು ಮುಚ್ಚುವುದು ಏಕೆ?

ಗ್ರಹಣ ಸಮಯದಲ್ಲಿ ಸೂರ್ಯ ಮತ್ತು ಚಂದ್ರನಂತಹ ಸ್ವರ್ಗೀಯ ದೇಹಗಳು ನಕಾರಾತ್ಮಕ ಶಕ್ತಿಯನ್ನು ಹೊಂದಿರುತ್ತವೆ. ರಾಜಸಿಕ ಮತ್ತು ತಮಾಸಿಕ ನಕಾರಾತ್ಮಕ ಶಕ್ತಿಗಳು ಸುತ್ತ-ಮುತ್ತಲಿನ ಸಾತ್ವಿಕ ಶಕ್ತಿಯ ಆವರ್ತನಗಳ ಮೇಲೆ ಪರಿಣಾಮ ಬೀರುವಂತೆಯೇ ಮತ್ತು ಅದು ಪವಿತ್ರ ಸ್ಥಳಗಳಿಗೆ ತಲುಪದಂತೆ ತಡೆಯುತ್ತದೆ. ಅಂತೆಯೇ, ಈ ನಕಾರಾತ್ಮಕ ಶಕ್ತಿಯು ವಿಗ್ರಹಗಳನ್ನು ತಲುಪಬಹುದು ಮತ್ತು ಅವುಗಳ ಮೇಲೆ ಋಣಾತ್ಮಕವಾಗಿ ಪರಿಣಾಮ ಬೀರಬಹುದು. ವಿಗ್ರಹಗಳ ಸೂಕ್ಷ್ಮ ಶಕ್ತಿಯು ನಂತರ ಪರಿಣಾಮ ಬೀರುತ್ತದೆ ಮತ್ತು ಅದರ ಪರಿಣಾಮಕಾರಿತ್ವವು ಕಡಿಮೆಯಾಗುವ ಸಾಧ್ಯತೆಗಳಿವೆ. ಆದ್ದರಿಂದ, ಈ ಶಕ್ತಿಯು ದೇವಾಲಯದಲ್ಲಿ ಇರಿಸಲಾಗಿರುವ ವಿಗ್ರಹಗಳನ್ನು ತಲುಪದಂತೆ ತಡೆಯಲು, ದೇವಾಲಯದ ಬಾಗಿಲುಗಳು, ವಿಶೇಷವಾಗಿ ಪೂಜಾ ಕೋಣೆಯ, ವಿಗ್ರಹಗಳನ್ನು ನಿಜವಾಗಿ ಇರಿಸಲಾಗಿರುವ ಬಾಗಿಲುಗಳನ್ನು ಮುಚ್ಚಲಾಗುತ್ತದೆ. ಕೆಲವೊಮ್ಮೆ ವಿಗ್ರಹವನ್ನು ತುಳಸಿ ಎಲೆಗಳಿಂದ ಕೂಡಿಸಲಾಗುತ್ತದೆ. ತುಳಸಿ ಎಲೆಗಳು ಎಲ್ಲಾ ನಕಾರಾತ್ಮಕ ಶಕ್ತಿಯನ್ನು ಹೀರಿಕೊಳ್ಳುತ್ತವೆ. ಹೀಗಾಗಿ ವಿಗ್ರಹಗಳನ್ನು ಕೆಳಗಡೆ ರಕ್ಷಿಸುತ್ತವೆ.

ದೋಷ ನಿವಾರಣೆ

ಗ್ರಹಣವು ಕೆಲವು ರಾಶಿ ಚಕ್ರದವರ ಮೇಲೆ ಕೆಟ್ಟ ಪರಿಣಾಮ ಬೀರುತ್ತವೆ. ಕೆಲವು ರಾಶಿಗಳಿಗೆ ಒಳ್ಳೆಯ ಪರಿಣಾಮಗಳು ಹಾಗೂ ಮಿಶ್ರ ಫಲಗಳು ನೀಡುವ ಸಾಧ್ಯತೆಗಳು ಇರುತ್ತವೆ. ಹಾಗಾಗಿ ಗ್ರಹಣ ಕಾಲದಲ್ಲಿ ದೋಷಗಳು ಇದ್ದರೆ ಅದಕ್ಕೆ ಸೂಕ್ತ ಪರಿಹಾರ ಮಾಡುವುದು ಉತ್ತಮ. ಗ್ರಹಣದ ಸಮಯದಲ್ಲಿ ಮನೆಯಿಂದ ಆಚೆ ಹೋಗುವುದರ ಬದಲು ದೇವರ ಸ್ಮರಣೆ ಮಾಡುವುದು ಉತ್ತಮ ಎಂದು ಧರ್ಮ ಹೇಳುತ್ತದೆ.

English summary

Lunar Eclipse 2019: Why Are Temples Closed During An Eclipse?

Have you ever wondered why are temples closed during an eclipse? While everybody knows this, very few know the reason behind this. Well, this is what we are going to tell you today, the real reasons why the temples are closed during an eclipse. A lunar eclipse will occur on 16-17th July, and temples will remain closed during that time. Read on to know why.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more