Just In
Don't Miss
- News Lok Sabha Election 2024: ಮತದಾರರನ್ನು ಆಕರ್ಷಿಸಲು ಚುನಾವಣಾ ಆಯೋಗದ ವಿಭಿನ್ನ ಪ್ರಯತ್ನ
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮನೆಯತ್ತ ನಕಾರಾತ್ಮಕತೆ ಸುಳಿಯದಿರಲು ಈ ಬಣ್ಣಗಳನ್ನು ಗೋಡೆಗೆ ಬಳಸಿ
ನಮ್ಮ ಜೀವನದಲ್ಲಿ ಬಣ್ಣಗಳು ಪ್ರಮುಖ ಪಾತ್ರ ವಹಿಸುತ್ತವೆ. ಕೆಲವೊಂದು ಬಣ್ಣಗಳು ಸಂತೋಷ- ಉಲ್ಲಾಸವನ್ನು ತಂದರೆ, ಇನ್ನೂ ಕೆಲವು ನೋವು ಕಷ್ಟದ ಸಂಕೇತವಾಗಿ ನಿಲ್ಲುತ್ತವೆ. ಅದಕ್ಕೇ ಹೇಳುವುದು ನಮ್ಮ ಸುತ್ತ ಮುತ್ತ ಉತ್ಸಾಹ ಚಿಮ್ಮಿಸುವಂತಹ ಬಣ್ಣಗಳಿರಬೇಕೆಂದು..
ಆದರೆ, ಮನೆಯ ಗೋಡೆಗಳ ಬಣ್ಣಗಳ ವಿಚಾರಕ್ಕೆ ಬಂದಾಗ ಈ ಸಂಗತಿಯನ್ನು ಮರೆತೇ ಬಿಡುತ್ತೇವೆ. ಹೆಚ್ಚು ಕಾಲ ಮನೆಯಲ್ಲಿ ಕಳೆಯುವುದರಿಂದ, ಮನೆಯ ಬಣ್ಣಗಳು ಮನಸ್ಸಿಗೆ ಮುದ ನೀಡುವಂತಿರಬೇಕು. ಆಗ ಮಾತ್ರ ಹೊಸ ಹೊಸ ವಿಚಾರ, ಕೆಲಸಗಳನ್ನು ಮಾಡಲು ಸಾಧ್ಯ. ಅದಕ್ಕಾಗಿ ನಾವಿಂದು ಮನೆಯ ನಕಾರಾತ್ಮಕತೆ ದೂರ ಮಾಡಿ, ಸಕರಾತ್ಮಕ ಚಿಂತನೆಗಳನ್ನು ನೀಡುವ ಬಣ್ಣಗಳ ಬಗ್ಗೆ ಮಾಹಿತಿ ನೀಡಲಿದ್ದೇವೆ.
ನಕಾರಾತ್ಮಕತೆಯನ್ನು ನಾಶಮಾಡಲು ನಾವು ನಮ್ಮ ಮನೆಗಳಿಗೆ ಸೇರಿಸಬೇಕಾದ 4 ಬಣ್ಣಗಳು ಇಲ್ಲಿವೆ:
ಬಿಳಿ ಬಣ್ಣ:
ಬಿಳಿ ಶುಭ್ರತೆ ಹಾಗೂ ಉಲ್ಲಾಸದ ಸಂಕೇತ. ಒಂದು ಚಿಟಿಕೆ ಬಿಳಿ ಬಣ್ಣ ಎಂತಹ ಮನಸ್ಥಿತಿಯನ್ನು ತಕ್ಷಣವೇ ಬದಲಾಯಿಸುತ್ತದೆ. ಆದ್ದರಿಂದ, ನಿಮ್ಮ ಮನೆಗೆ ಬಿಳಿ ಬಣ್ಣ ಬಳಿಯಲು ಬಯಸಿದರೆ, ಅದರ ಬಗ್ಗೆ ಎರಡನೇ ಆಲೋಚನೆಯನ್ನು ಮಾಡಬೇಡಿ. ಬಣ್ಣ-ಬಣ್ಣದ ಪರದೆಗಳೊಂದಿಗೆ ಬಿಳಿ ಗೋಡೆಗಳು ಮನೆಯನ್ನು ಚೆನ್ನಾಗಿ ಬೆಳಗಿಸಲು ಸಹಾಯ ಮಾಡುತ್ತದೆ. ಇದು ಮನಸ್ಥಿತಿಯನ್ನು ಸುಧಾರಿಸಲು, ಜೊತೆಗೆ ಸಂತೋಷದ ಕಂಪನಗಳನ್ನು ನೀಡಲು ಸಹಾಯ ಮಾಡುತ್ತದೆ. ನೀವೇನಾದರು ಕಷ್ಟದ ದಿನವನ್ನು ಎದುರಿಸುತ್ತಿದ್ದರೆ, ಸುತ್ತಲೂ ಬಿಳಿಯಿರುವ ಮನೆಗೆ ಹೋಗಲು ಪ್ರಯತ್ನಿಸಿ, ಅದು ನಿಮಗೆ ಆರಾಮ, ಭರವಸೆ ಮತ್ತು ಮನಸ್ಸಿನ ಶಾಂತಿಯನ್ನು ನೀಡುತ್ತದೆ.
ಹಳದಿ ಬಣ್ಣ:
ಹಳದಿ ಸಂತೋಷವನ್ನು ಸೂಚಿಸುತ್ತದೆ. ಈ ಬಣ್ಣವು ಸ್ವಯಂಚಾಲಿತವಾಗಿ ಭರವಸೆ ಮತ್ತು ಸಕಾರಾತ್ಮಕತೆಯನ್ನು ತರುತ್ತದೆ. ಹಳದಿ ಬಣ್ಣದಿಂದ ಗೋಡೆಗೆ ಪೇಂಟ್ ಮಾಡಿ ಅಥವಾ ನಿಮ್ಮ ಲಿವಿಂಗ್ ರೂಮಿನಲ್ಲಿ ಕೆಲವು ಹಳದಿ ಪೀಠೋಪಕರಣಗಳನ್ನು ಇಡಿ, ನಂತರ ಮ್ಯಾಜಿಕ್ ನೋಡಿ. ಹಳದಿ ನಿಮ್ಮ ಮನೆಯ ಜೀವನಾಡಿಯಾಗುವುದು ಮಾತ್ರವಲ್ಲದೇ ದಿನವಿಡೀ ನಿಮಗೆ ಸಂತೋಷವನ್ನು ನೀಡುತ್ತದೆ. ನಿಮಗೆ ಹಳದಿ ಇಷ್ಟವಿಲ್ಲದಿದರೆ, ಬಿಳಿ ಅಥವಾ ತಟಸ್ಥ-ಬಣ್ಣದ ಗೋಡೆಗಳಿಗೆ ಹಳದಿ ಪರದೆಗಳನ್ನು ಆಯ್ಕೆಮಾಡಿ. ಇದು ನಿಮ್ಮ ಮನೆಗೆ ಸಕಾರಾತ್ಮಕತೆಯನ್ನು ತರುತ್ತದೆ.
ಕೆಂಪು ಬಣ್ಣ:
ಇದು ಪ್ರೀತಿಯ ಬಣ್ಣವಾಗಿದ್ದು, ಮನೆಯ ಭಾವನೆ ನೀಡುತ್ತದೆ. ಮನೆಯ ತುಂಬಾ ಕೆಂಪು ಬಳಿಯಲು ಇಷ್ಟವಿಲ್ಲದಿದ್ದರೆ, ಮನೆಯ ಅಲಂಕಾರಕ್ಕೆ ಕೆಂಪು ಬಣ್ಣವನ್ನು ಬಳಸಬಹುದು. ಅಂದರೆ, ಒಂದು ಮೂಲೆಯನ್ನು ಕೆಂಪು ಬಣ್ಣದಿಂದ ಚಿತ್ರಿಸಿ, ಅಥವಾ ಗೋಡೆಯ ಹ್ಯಾಂಗಿಂಗ್ಗಳು, ಪೋರ್ಟ್ರೇಟ್ಗಳನ್ನು ಆಯ್ಕೆ ಮಾಡಿ. ಇದು ಕೂಡ ಅಷ್ಟೇ ಫಲಿತಾಂಶ ನೀಡುವುದು. ಅಲ್ಲದೆ, ಕೆಂಪು ಕುಶನ್ಗಳು ಮತ್ತು ಕಾರ್ಪೆಟ್ಗಳನ್ನು ಅಥವಾ ಯಾವುದೇ ಕೆಂಪು ಬಣ್ಣದ ವಸ್ತುಗಳನ್ನು ಮನೆಯಲ್ಲಿ ಇಡಬಹುದು.
ಹಸಿರು ಬಣ್ಣ:
ಹಸಿರು ಬಣ್ಣವು ಸ್ವಲ್ಪ ಡಾರ್ಕ್ ಆಗಿದ್ದರೂ, ಅದು ನಕಾರಾತ್ಮಕತೆಯನ್ನು ಕೊಲ್ಲಲು ಬಹಳ ಒಳ್ಳೆಯದು. ಆದ್ದರಿಂದ ಗಾಳಿಯನ್ನು ಸ್ವಚ್ಛಗೊಳಿಸಲು ಸಹಾಯ ಮಾಡುವ ಒಳಾಂಗಣ ಸಸ್ಯಗಳನ್ನು ಆರಿಸಿಕೊಳ್ಳಿ, ಇದು ನಿಮ್ಮ ಮನೆಗೆ ಹಸಿರು ಬಣ್ಣವನ್ನು ಬಳಸಲು ಸರಿಯಾದ ಆಯ್ಕೆಯಾಗಿದೆ. ಗಿಡಗಳು ಬೆಳೆಯುವ ಹಾಗೂ ಅರಳುವ ರೀತಿ, ನಿಮ್ಮ ಜೀವನವೂ ಅರಳಿ ಸುಂದರವಾಗುತ್ತದೆ. ಅದಕ್ಕಾಗಿ ಈ ವ್ಯತ್ಯಾಸವನ್ನು ಗಮನಿಸಲು ಸಾಧ್ಯವಾಗುವಂತೆ ಗಿಡಗಳನ್ನು ತೆರೆದ ಜಾಗದಲ್ಲಿ ಇಡುವುದು ಒಳ್ಳೆಯದು.