Just In
- 1 hr ago ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- 2 hrs ago ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- 4 hrs ago ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
- 4 hrs ago ಗಂಡು ಎಂದು ಸಾಕಿದ್ದ ನೀರು ಕುದುರೆ 7 ವರ್ಷದ ಬಳಿಕ ಹೆಣ್ಣಾಗಿತ್ತು..! ಝೂನಲ್ಲಿ ಅಚ್ಚರಿ..!
Don't Miss
- News ಹಾಸನದಲ್ಲಿ ಬಿಜೆಪಿಯ ಸಹಕಾರವಿಲ್ಲ, ಮಂಡ್ಯದಲ್ಲಿ ಸುಮಲತಾ ಸಹಾಯ ಮಾಡಿಲ್ಲ: ಮತ್ತೆ ಸಂಕಷ್ಟದಲ್ಲಿ ದಳಪತಿ
- Automobiles Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೀಜಗಳನ್ನು ಹಾಕಿ ರಾಖಿ ಮಾಡಿ, ಅಣ್ಣ ತಂಗಿ ಬಾಂಧವ್ಯ ಗಿಡ ಸಾಕ್ಷಿಯಾಗುತ್ತವೆ: ಇಲ್ಲಿದೆ ವೀಡಿಯೋ
ಅಣ್ಣ-ತಂಗಿಯ ಮಧುರ ಸಂಬಂಧ ಸಾರಿ ಹೇಳುವ ರಾಖಿ ಹಬ್ಬಕ್ಕೆ ಇನ್ನೇನು ಎರಡು ದಿನ ಬಾಕಿದೆ. ಇಷ್ಟು ವರ್ಷದ ರಾಖಿ ಹಬ್ಬದ ಆಚರಣೆಗೂ ಈ ವರ್ಷದ ರಾಖಿ ಹಬ್ಬದ ಆಚರಣೆಗೆ ವ್ಯತ್ಯಾಸವೇನೂ ಇಲ್ಲ, ಆದರೆ ಈ ವರ್ಷ ಪರಿಸ್ಥಿತಿ ತೀರಾ ಭಿನ್ನವಾಗಿದೆ.
ಹೊರಗಡೆ ಹೋಗಿ ಬಣ್ಣದ ರಾಖಿಗಳನ್ನ ತರೋಣ ಎಂದರೆ ಕೊರೊನಾ ಭಯ. ಆದ್ದರಿಂದ ಅಗ್ಯತ ವಸ್ತುಗಳಿಗಷ್ಟೇ ಜನರು ಹೊರಗೆ ಹೋಗುವಂತಾಗಿದೆ. ಅಲ್ಲದೆ ಹೊರಗಿನಿಂದ ಪ್ಲಾಸ್ಟಿಕ್ ರಾಖಿಗಳನ್ನು ತಂದು ಕಟ್ಟುವುದಕ್ಕಿಂತ ನಾವೇ ಮನೆಯಲ್ಲಿ ಪರಿಸರ ಸ್ನೇಹಿ ರಾಖಿ ಮಾಡಿದರೆ ಹೇಗೆ?
ಇದೇನು ತುಂಬಾ ಕಷ್ಟದ ಕೆಲಸವಂತೂ ಅಲ್ಲವೇ ಅಲ್ಲ. ಇಲ್ಲಿ ಅಂಜಲಿರಾವ್ ಅವರು ನೀಡಿರುವ ವೀಡಿಯೋ ನೋಡಿದರೇ ತಿಳಿಯುತ್ತದೆ.. ಅರೇ ಪರಿಸರ ಸ್ನೇಹಿ ರಾಖಿ ಮಾಡುವುದು ಎಷ್ಟು ಸುಲಭ ಎಂದು, ಇಲ್ಲಿ ನಾವು ನೀಡಿರುವ ರಾಖಿ ಐಡಿಯಾ ಪರಿಸರ ಸ್ನೇಹಿ ಮಾತ್ರವಲ್ಲ ಪರಿಸರ ಅಭಿವೃದ್ಧಿಗೆ ಪೂರಕವಾಗಿದೆ.
ಹೌದು ಇವುಗಳನ್ನು ಬೀಜಗಳನ್ನು ಹಾಕಿ ಮಾಡಲಾಗಿದೆ. ಬನ್ನಿ ರಾಖಿ ಮಾಡುವ ವಿಧಾನ ತಿಳಿದುಕೊಳ್ಳೋಣ:
ಫೋಟೋ ಕೃಪೆ: ಅಂಜಲಿರಾವ್
ಬೇಕಾಗುವ ಸಾಮಗ್ರಿ
ಪೇಪರ್
ಕತ್ತರಿ
ಫ್ಯಾಬ್ರಿಕ್ ಗ್ಲೂ
ಬೀಜಗಳು (ಟೊಮೆಟೊ, ತುಳಸಿ, ಸಾಸಿವೆ, ಕುಂಬಳಕಾಯಿ ಬೀಜ, ಸೂರ್ಯಕಾಂತಿ ಬೀಜ, ಕ್ಯಾಪ್ಸಿಕಂ ಬೀಜ ಹೀಗೆ ನಿಮ್ಮ ಇಷ್ಟವಾದ ಬೀಜ ಬಳಸಬಹುದು)
*ವಾಟರ್ ಕಲರ್
*ದಾರ
*ಸ್ಯಾಟಿನ್ ಬಟ್ಟೆ
ಮಾಡುವ ವಿಧಾನ
* ಮೊದಲಿಗೆ ನಿಮಗೆ ಬೇಕಾದ ವಿನ್ಯಾಸವನ್ನು ಪೇಪರ್ನಲ್ಲಿ ಬರೆದು ಕಟ್ ಮಾಡ್ಕೊಳ್ಳಿ. ಈ ವೀಡಿಯೋದಲ್ಲಿ ರೌಂಡ್ ಅಥವಾ ಸರ್ಕಲ್ ಮಾಡಲಾಗಿದೆ.
* ನಂತರ ಅದಕ್ಕೆ ಬೀಜಗಳನ್ನು ಅಂಟಿಸಿ. ಬೇಕಿದ್ದರೆ ಬೀಜಕ್ಕೆ ನೈಸರ್ಗಿಕ ಬಣ್ಣ ಹಚ್ಚಿಯೂ ಅಂಟಿಸಬಹುದು.
* ಹೀಗೆ ಇವುಗಳನ್ನು ನಿಮಗೆ ಬೇಕಾದ ರೀತಿಯಲ್ಲಿ ವಿನ್ಯಾಸಗೊಳಿಸಿ, ದಾರವಿಟ್ಟು ಅಂಟಿಸಿ.
ನಿಮ್ಮದೇ ಹೊಸ ವಿನ್ಯಾಸದ ರಾಖಿ ತಯಾರಿಸಬಹುದು
ನಾವು ಇಲ್ಲಿ ನೀಡಿರುವ ವೀಡಿಯೋದಲ್ಲಿ ಎರಡು ಬಗೆಯ ವಿನ್ಯಾಸ ಹೇಳಿದ್ದೇವೆ. ನೀವು ಈ ಐಡಿಯಾ ತೆಗೆದುಕೊಂಡು ತುಂಬಾ ವಿನ್ಯಾಸದಲ್ಲಿ ರಾಖಿ ತಯಾರಿಸಬಹುದು.
ಮಧುರ ಬಾಂಧವ್ಯಕ್ಕೆ ಸಾಕ್ಷಿಯಾಗುವ ಗಿಡಗಳು
ಬೀಜಗಳಿಂದ ತಯಾರಿಸಿದ ಈ ರಾಖಿ ಇತರ ರಾಖಿಗಳಿಗಿಂತ ತುಂಬಾ ಸ್ಪೆಷಲ್ ಏಕೆಂದರೆ ಇದನ್ನು ಹಬ್ಬ ಮುಗಿದ ಬಳಿಕ ಒಂದು ಹೂ ಕುಂಡದಲ್ಲಿ ಹಾಕಿಟ್ಟರೆ ಆ ಬೀಜಗಳು ಮೊಳಕೆ ಹೊಡೆದು ಗಿಡಗಳಾಗುತ್ತವೆ. ಅವುಗಳನ್ನು ನೋಡುತ್ತಿದ್ದರೆ ಅಣ್ಣ-ತಂಗಿಯ ಮಧುರ ಬಾಂಧವ್ಯಕ್ಕೆ ಸಾಕ್ಷಿಯಾದ ಆ ಗಿಡಗಳ ಮೇಲೆ ಮತ್ತಷ್ಟು ಪ್ರೀತಿ ಮೂಡುವುದರಲ್ಲಿ ನೋ ಡೌಟ್.
ನಿಮಗೂ ಈ ಐಡಿಯಾ ಖಂಡಿತ ಇಷ್ಟವಾಗಿರುತ್ತದೆ ಎಂದು ನಾವು ಭಾವಿಸುತ್ತೇವೆ. ಹ್ಯಾಪಿ ರಕ್ಷಾಬಂಧನ, ವೆಲ್ ಇನ್ ಅಡ್ವಾನ್ಸ್....