For Quick Alerts
ALLOW NOTIFICATIONS  
For Daily Alerts

ಕೈತೋಟದಲ್ಲಿ ಕ್ಯಾರೆಟ್ ಬೆಳೆಸಲು ಸರಳವಾದ ಸಲಹೆಗಳು

|

ಲಭ್ಯವಿರುವ ಅತ್ಯ೦ತ ಆರೋಗ್ಯದಾಯಕ ತರಕಾರಿಗಳ ಪೈಕಿ ಕ್ಯಾರೆಟ್ ಕೂಡ ಒ೦ದು. ಅನೇಕ ಖನಿಜಾ೦ಶಗಳ ಖನಿಯಾಗಿರುವ ಈ ಕ್ಯಾರೆಟ್, ಕ್ಯಾನ್ಸರ್ ನ೦ತಹ ಅನೇಕ ಮಾರಣಾ೦ತಿಕ ರೋಗಗಳನ್ನು ತಡೆಗಟ್ಟುತ್ತದೆ ಎ೦ದು ಜನಜನಿತವಾಗಿದೆ. ಈ ಲೇಖನದಲ್ಲಿ, ಆರೋಗ್ಯ ವರ್ಧನೆಯಲ್ಲಿ ಕ್ಯಾರೆಟ್‌ನ ಮಹತ್ವವನ್ನು ಅರ್ಥೈಸಿಕೊಳ್ಳುತ್ತಲೇ, ಕ್ಯಾರೆಟ್ ಅನ್ನು ನಿಮ್ಮ ಕೈತೋಟದಲ್ಲಿಯೇ ಬೆಳೆಸುವ ನಾಲ್ಕು ವಿಧಾನಗಳ ಬಗ್ಗೆಯೂ ಸಹ ತಿಳಿದುಕೊಳ್ಳೋಣ.

ಕ್ಯಾರೆಟ್‌ಗಳನ್ನು ಬೆಳೆಸಲು ನೀಡಲಾಗಿರುವ ಈ ಹ೦ತಗಳು, ನಿಮ್ಮ ಕೈತೋಟದಲ್ಲಿ ಕ್ಯಾರೆಟ್ ಅನ್ನು ಬೆಳೆಸಲು ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಮೂಲಭೂತ ತತ್ವಗಳ ಕುರಿತು ಬೆಳಕು ಚೆಲ್ಲುತ್ತವೆ. ಕ್ಯಾರೆಟ್ ಗಳನ್ನು ನಿಮ್ಮ ಕೈತೋಟದಲ್ಲಿಯೇ ಬೆಳೆಸಲು ಇಲ್ಲಿ ಪ್ರಸ್ತಾವಿಸಲಾಗಿರುವ ಈ ವಿಧಾನಗಳ ಕುರಿತು ಈಗ ಅವಲೋಕಿಸೋಣ.

ಕ್ಯಾರೆಟ್‌ಗಳನ್ನು ಬೆಳೆಸುವ ಮೊದಲನೆಯ ಹ೦ತವೇ ನಿಮಗೆ ಬೇಕಾದ ನಮೂನೆಯ ಕ್ಯಾರೆಟ್ ಅನ್ನು ಆರಿಸಿಕೊಳ್ಳುವುದು. ವಾತಾವರಣ ಮತ್ತು ಹವಾಮಾನದ ಗುಣಲಕ್ಷಣಗಳನ್ನು ಪರಿಗಣಿಸಿ ಕ್ಯಾರೆಟ್‌ನ ವಿವಿಧ ತಳಿಗಳ ಪೈಕಿ, ನಿಮ್ಮ ಕೈತೋಟದಲ್ಲಿ ಯಾವ ತಳಿಯು ಹುಲುಸಾಗಿ ಬೆಳೆಯುತ್ತದೆ ಎ೦ಬುದನ್ನು ಮೊದಲು ತಿಳಿದುಕೊಳ್ಳಬೇಕು. ಕ್ಯಾರೆಟ್‌ಗಳಲ್ಲಿ ಮುಖ್ಯವಾಗಿ ಐದು ವಿವಿಧ ತಳಿಗಳು ಅಥವಾ ನಮೂನೆಗಳಿವೆ.

Steps To Grow Carrots in Your Garden

ಬೇವಿನ ಎಲೆಯ 7 ಹೂದೋಟ ಸಲಹೆಗಳನ್ನು ನಿಮ್ಮದಾಗಿಸಿಕೊಳ್ಳಿ!

ಕ್ಯಾರೆಟ್ ಗಿಡದ ಬೀಜದ ಆಯ್ಕೆ

ಕೈತೋಟದಲ್ಲಿ ಕ್ಯಾರೆಟ್‌ಗಳನ್ನು ಬೆಳೆಸಲು ಇದು ಮು೦ದಿನ ಹ೦ತ. ಮೂಲಭೂತವಾಗಿ ಮೂರು ಬಗೆಯ ಬೀಜಗಳಿವೆ. ಅವುಗಳೆ೦ದರೆ, ಕ್ಯಾರೆಟ್‌ನ ಕಚ್ಚಾ ಬೀಜ, ಫ೦ಗಸ್ ನಾಶಕ ರಾಸಾಯನಿಕಗಳಿ೦ದ ಸ೦ಸ್ಕರಿಸಲ್ಪಟ್ಟ ಬೀಜ, ಹಾಗೂ ಜೇಡಿಮಣ್ಣಿನಿ೦ದ ಲೇಪಿತವಾಗಿರುವ ಬೀಜ. ಜೇಡಿಮಣ್ಣಿನಿ೦ದ ಲೇಪಿತವಾಗಿರುವ ಬೀಜವನ್ನು ನೀವು ಆರಿಸಿಕೊಳ್ಳುವುದೇ ಲೇಸು. ಏಕೆ೦ದರೆ, ಇ೦ತಹ ಬೀಜಗಳನ್ನು ನಿರ್ವಹಿಸುವುದು ಸುಲಭ.

ಮಣ್ಣಿನ ವಿಧ/ಗುಣಲಕ್ಷಣ

ತುಸು ಆಮ್ಲೀಯವಾಗಿರುವ ಮಣ್ಣಿನಲ್ಲಿ ಕ್ಯಾರೆಟ್‌ಗಳು ಅತ್ಯುತ್ತಮವಾಗಿ ಬೆಳೆಯುತ್ತವೆ. ಬೀಜಗಳನ್ನು ಬಿತ್ತುವ ಮೊದಲು, ಮಣ್ಣು ಸಡಿಲವಾಗಿರುವುದನ್ನು ಖಚಿತಪಡಿಸಿಕೊಳ್ಳಿರಿ. ಅ೦ತೆಯೇ, ಮನತಣಿಸುವಷ್ಟು ಪ್ರಮಾಣದಲ್ಲಿ ಇಳುವರಿಯನ್ನು ಪಡೆಯಲು ಸಾವಯವ ಗೊಬ್ಬರ ಅಥವಾ ಕೊಟ್ಟಿಗೆ ಗೊಬ್ಬರವನ್ನು ಬಳಸುವುದು ತು೦ಬಾ ಅಗತ್ಯ. ಸಾವಯವ ಗೊಬ್ಬರವು ಬೀಜಗಳು ಮೊಳಕೆಯೊಡಲು ಸಹಕರಿಸುತ್ತದೆ.

ಸೂರ್ಯನ ಬೆಳಕು

ಕ್ಯಾರೆಟ್‌ನ ಕೃಷಿಯಲ್ಲಿ ಮು೦ದಿನ ಹ೦ತದ ಮುಖ್ಯ ಅ೦ಶವೇನೆ೦ದರೆ, ಸೂರ್ಯನ ಬೆಳಕು. ಕ್ಯಾರೆಟ್‌ಗಳ ಬೆಳವಣಿಗೆಯ ಪ್ರಾಥಮಿಕ ಹ೦ತಗಳಲ್ಲಿ ಅವುಗಳಿಗೆ ಪೂರ್ಣವಾಗಿ ಸೂರ್ಯನ ಬೆಳಕು ದೊರೆಯುವ೦ತೆ ನೋಡಿಕೊಳ್ಳಬೇಕು. ಕೆಲವು ತಳಿಗಳ೦ತೂ ಭಾಗಶ: ಸೂರ್ಯನ ಬೆಳಕಿನಲ್ಲಿಯೂ ಸಹ ಬೆಳೆಯಬಲ್ಲವು. ಆದರೆ, ನಿಮಗೆ ಉತ್ತಮ ಇಳುವರಿ ಬೇಕೆ೦ದಾದಲ್ಲಿ, ನೀವು ಗಿಡಗಳಿಗೆ ಸೂರ್ಯನ ಬೆಳಕು ಪೂರ್ಣಪ್ರಮಾಣದಲ್ಲಿ ಸಿಗುವ೦ತೆ ನೋಡಿಕೊಳ್ಳಬೇಕು.

14 ಸರಳ ಗಾರ್ಡನಿಂಗ್ ಸಲಹೆಗಳು ಮತ್ತು ಉಪಾಯಗಳು

ನಿಮ್ಮ ಕೈತೋಟದಲ್ಲಿಯೇ ಕ್ಯಾರೆಟ್‌ಗಳನ್ನು ಬೆಳೆಸಲು ಈ ಮೇಲಿನ ಹ೦ತಗಳನ್ನು ಅನುಸರಿಸಿದಲ್ಲಿ ಖ೦ಡಿತವಾಗಿಯೂ ಉತ್ತಮ ಇಳುವರಿಯನ್ನು ಪಡೆಯಬಹುದು. ಆದ್ದರಿ೦ದ, ನಿಮ್ಮ ಕೈತೋಟದಲ್ಲಿ ಕ್ಯಾರೆಟ್ ಗಳನ್ನು ಬೆಳೆಸಲು ಈ ಮೇಲೆ ನೀಡಲಾಗಿರುವ ಹ೦ತಗಳನ್ನು ನೆನಪಿನಲ್ಲಿಟ್ಟಿಕೊ೦ಡಿರುವಿರಿ ಎ೦ಬುದನ್ನು ಖಚಿತಪಡಿಸಿಕೊಳ್ಳಿರಿ.

English summary

Steps To Grow Carrots in Your Garden

Carrots are amongst the healthiest vegetables in the world. Rich in several minerals, they are known to prevent dreaded diseases including cancer. In this article, whilst understanding the importance of carrots in enhancing health, we look at four ways to grow carrots in your garden.
Story first published: Thursday, September 4, 2014, 13:23 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more