Just In
- 7 min ago ವಾರ ಭವಿಷ್ಯ (ಏಪ್ರಿಲ್20-27) : ಈ ವಾರ 12 ರಾಶಿಗಳ ರಾಶಿಫಲ ಹೇಗಿದೆ?
- 3 hrs ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 12 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 12 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
Don't Miss
- News Hubballi: ರಾಜ್ಯ ಸರ್ಕಾರದ ವಿರುದ್ಧ ಭಾರೀ ಪ್ರತಿಭಟನೆ: ನೇಹಾ ನಿವಾಸಕ್ಕೆ ಶ್ರೀಗಳು, ಲಕ್ಷ್ಮಿ ಹೆಬ್ಬಾಳ್ಕರ್ ಭೇಟಿ: ಪೊಲೀಸ್ ಅಭಯ
- Technology ನಿಮ್ಮ ಬಳಿ ರೆಡ್ಮಿಯ ಈ ಫೋನ್ ಇದ್ರೆ, ಇಲ್ಲಿದೆ ನಿಮಗೆ ಗುಡ್ನ್ಯೂಸ್!
- Automobiles Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Movies ಹಳೇ ಟ್ವೀಟ್ ಹಾಕಿ ರಕ್ಷಿತ್ ಶೆಟ್ಟಿ ಹೇಳಿದ್ದೇನು? 'ರಿಚರ್ಡ್ ಆಂಟನಿ' ಕಥೆ ಏನಾಯ್ತು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Nipah Virus : ಕೇರಳದಲ್ಲಿ ಮರುಕಳಿಸಿದ ನಿಪಾ ವೈರಸ್: ಲಕ್ಷಣಗಳೇನು? ತಡೆಗಟ್ಟುವುದು ಹೇಗೆ, ಚಿಕಿತ್ಸೆಯೇನು?
ಕೇರಳದಲ್ಲಿ ನಿಪಾ ವೈರಸ್ಗೆ 12 ವರ್ಷದ ಬಾಲಕ ಮೃತಪಟ್ಟಿದ್ದು ಇದೀಗ ಮತ್ತೆ ನಿಫಾ ವೈರಸ್ ಆತಂಕ ಶುರುವಾಗಿದೆ. ಮೂರು ವರ್ಷದ ಹಿಂದೆ ಈ ನಿಫಾ ಸೋಂಕು 17 ಜನರನ್ನು ಬಲಿ ತೆಗೆದುಕೊಂಡಿತ್ತು.
ನಿಪಾ ವೈರಸ್ ವೇಗವಾಗಿ ಹರಡುವ ಸೋಂಕು ಆಗಿರುವುದರಿಂದ ಇದೀಗ ಮತ್ತೆ ಮರುಕಳಿಸಿರುವುದರಿಂದ ಕೇರಳ ಸರ್ಕಾರ ಇದರ ಬಗ್ಗೆ ಕಟ್ಟು ನಿಟ್ಟಿನ ಮುನ್ನೆಚ್ಚರಿಕೆ ಕ್ರಮವಹಿಸಿದೆ, ಇತರ ರಾಜ್ಯಗಳೂ ಈ ಕುರಿತು ಎಚ್ಚರವಹಿಸಬೇಕಾಗಿದೆ.
ನಾವಿಲ್ಲಿ ನಿಪಾ ವೈರಸ್ ಲಕ್ಷಣಗಳೇನು, ಹರಡುವುದು ಹೇಗೆ, ತಡೆಗಟ್ಟುವುದು ಹೇಗೆ ಎಂಬೆಲ್ಲಾ ಮಾಹಿತಿ ತಿಳಿಯೋಣ:
ನಿಪಾ ವೈರಸ್ ಲಕ್ಷಣಗಳು
* ಮೆದುಳಿನಲ್ಲಿ ಉರಿಯೂತದ ಸಮಸ್ಯೆ ಉಂಟಾಗುವುದು.
* ನಿಪಾ ವೈರಸ್ ತಗುಲಿದ ವ್ಯಕ್ತಿಯಲ್ಲಿ ಸೋಂಕಿನ ಲಕ್ಷಣಗಳು 4-14 ದಿನಗಳಲ್ಲಿ ಕಂಡು ಬರುವುದು. ಕಾಯಿಲೆಯ ಲಕ್ಷಣಗಳು 3-14 ದಿನಗಳವರೆಗೆ ಇರುತ್ತದೆ.
* ಜ್ವರ, ತಲೆನೋವು, ಸುಸ್ತು, ತಲೆ ಸುತ್ತು, ಗೊಂದಲ ಕಂಡು ಬರುವುದು.
* ಈ ಲಕ್ಷಣಗಳು ಕಂಡು ಬಂದರೆ 24-48 ಗಂಟೆಗಳಲ್ಲಿಯೇ ವ್ಯಕ್ತಿ ಕೋಮಾಕ್ಕೆ ಜಾರಬಹುದು.
* ಕೆಲ ಸೋಂಕಿತರಲ್ಲಿ ರೋಗ ಲಕ್ಷಣಗಳು ಕಂಡು ಬಂದಾಗಲೇ ಉಸಿರಾಟದ ತೊಂದರೆ ಕೂಡ ಕಾಣಿಸುವುದು.
* ತುಂಬಾ ರೋಗಿಗಳಲ್ಲಿ ನರದ ಸಮಸ್ಯೆ ಹಾಗೂ ಶ್ವಾಸಕೋಶದ ಸಮಸ್ಯೆ ಕಂಡು ಬರುವುದು.
ನಿಪಾ ವೈರಸ್ ಹರಡುವುದು ಹೇಗೆ?
* ನಿಪಾ ವೈರಸ್ ಜೂನೋಟಿಕ್ ಕಾಯಿಲೆಯಾಗಿದೆ ಅಂದ್ರೆ ಈ ವೈರಸ್ ಪ್ರಾಣಿ ಹಾಗೂ ಮನುಷ್ಯರಿಂದ ಹರಡುತ್ತದೆ.
* ವೈರಸ್ ಸೋಂಕಿದ ಬಾವಿಲಿಗಳು ಕಚ್ಚಿದ ಹಣ್ಣುಗಳನ್ನು ತಿಂದರೆ ಬರುವುದು.
* ಸೋಂಕು ತಗುಲಿದ ಹಂದಿಗಳಿಂದ, ನಾಯಿಗಳಿಂದ, ಕುದುರೆಗಳಿಂದಹರಡುವುದು.
* ಸೋಂಕು ತಗುಲಿರುವ ಪ್ರಾಣಿ ಹಾಗೂ ಮನುಷ್ಯರ ಎಂಜಲುಗಳ ಮೂಲಕ ಸಾಮಾನ್ಯವಾಗಿ ಹರಡುವುದು.
* ಆದರೆ ಮನುಷ್ಯರಿಂದ ಮನುಷ್ಯರಿಗೆ ಹರಡಿದರೆ ತುಂಬಾ ಮಾರಕ.
* ಸೋಂಕಿತರನ್ನು ಆರೈಕೆ ಮಾಡುವವರಿಗೆ, ಆರೋಗ್ಯ ಸಿಬ್ಬಂದಿಗಳಿಗೆ ಈ ಸೋಂಕು ಹರಡುವ ಸಾಧ್ಯತೆ ಹೆಚ್ಚು.
ನಿಪಾ ವೈರಸ್ ತಡೆಗಟ್ಟುವುದು ಹೇಗೆ?
* ಕೈಗಳನ್ನು ಆಗಾಗ ಸೋಪ್ ಹಚ್ಚಿ ತೊಳೆಯುತ್ತಾ ಇರಿ.
* ಹಸಿ ಖರ್ಜೂರ ಹಾಗೂ ಬಾವಲಿ ಕಚ್ಚಿರುವ ಹಣ್ಣುಗಳನ್ನು ತಿನ್ನಬೇಡಿ.
* ಸೋಂಕು ತಗುಲಿದ ವ್ಯಕ್ತಿಗಳ ಆರೈಕೆಯನ್ನು ಮಾಡುವಾಗ ಎಲ್ಲಾ ರೀತಿ ಮುನ್ನೆಚ್ಚರಿಕೆವಹಿಸಬೇಕು.
* ಹೊರಗಿನಿಂದ ತಂದ ಹಣ್ಣುಗಳನ್ನು ಚೆನ್ನಾಗಿ ತೊಳೆದು ತಿನ್ನಬೇಕು.
* ಸಾಕು ಪ್ರಾಣಿಗಳಿಗೆ ಅನಾರೋಗ್ಯವಾಗಿದ್ದರೆ ಅವುಗಳನ್ನು ಆಯ್ಕೆ ಮಾಡುವಾಗ ಮುಖಕ್ಕೆ ಮಾಸ್ಕ್ ಕೈಗಳಿಗೆ ಗ್ಲೌಸ್ ಬಳಸಿ.
* ಕೈಗಳನ್ನು ಆಗಾಗ ಸೋಪು ಹಚ್ಚಿ ತೊಳೆಯುತ್ತಾ ಇರಿ.
ನಿಪಾ ವೈರಸ್ ಪತ್ತೆ ಹೇಗೆ?
ನಿಪಾ ವೈರಸ್ ಪತ್ತೆ ಹಚ್ಚಲು ಆರ್ಟಿಪಿಸಿಆರ್ ಪರೀಕ್ಷೆ ಮಾಡಲಾಗುವುದು. ಪ್ಲಾಸ್ಮಾ, ಸಿಎಸ್ಎಫ್(Cerebrospinal Fluid), ಸೆರಮ್ ಸಂಗ್ರಹಿಸಿ ಪರೀಕ್ಷೆ ಮಾಡಲಾಗುವುದು.
ನಿಪಾ ವೈರಸ್ಗೆ ಚಿಕಿತ್ಸೆ
* ನಿಪಾ ವೈರಸ್ಗೆ ನಿರ್ದಿಷ್ಟವಾದ ಚಿಕಿತ್ಸೆಯಿಲ್ಲ.
* ತೀವ್ರ ನಿಗಾ ಘಟಕದಲ್ಲಿಟ್ಟು ಚಿಕಿತ್ಸೆ ನೀಡಲಾಗುವುದು, ಏಕೆಂದರೆ ಈ ರೋಗ ಮನುಷ್ಯರಿಂದ ಮನುಷ್ಯರಿಗೆ ಹರಡಿದರೆ ಅಪಾಯ ಹೆಚ್ಚು.
* ಸೋಂಕು ತಗುಲಿದ ವ್ಯಕ್ತಿಯ ಕುಟುಂಬದ ಸದಸ್ಯರಿಗೆ ತಿಂಗಳ ಬಳಿಕ ಸೋಂಕಿನ ಲಕ್ಷಣಗಳು ಕಂಡು ಬರುವ ಸಾಧ್ಯತೆ ಇರುವುದರಿಂದ ಐಸೋಲೇಷನ್ನಲ್ಲಿರಬೇಕಾಗುತ್ತದೆ, ರೋಗ ಲಕ್ಷಣಗಳು ಕಂಡು ಬಂದರೆ ಕೂಡಲೇ ಚಿಕಿತ್ಸೆ ಪಡೆಯಬೇಕಾಗಿದೆ.
- ನಿಪಾ ವೈರಸ್ಗೆ ಚಿಕಿತ್ಸೆಯ ವಿಧಾನವೇನು?
ನಿಪಾ ವೈರಸ್‌ಗೆ ನಿರ್ದಿಷ್ಟವಾದ ಮಾತ್ರೆ ಅಥವಾ ಲಸಿಕೆಯಿಲ್ಲ. ರೋಗ ಲಕ್ಷಣಗಳಿಗೆ ಅನುಗುಣವಾಗಿ ತೀವ್ರ ನಿಗಾ ಘಟಕದಲ್ಲಿರಿಸಿ ಚಿಕಿತ್ಸೆ ನೀಡಲಾಗುವುದು. ಉಸಿರಾಟದ ಸಮಸ್ಯೆ ಇದ್ದರೆ ವೆಂಟಿಲೇಟರ್‌ನಲ್ಲಿ ಹಾಕಲಾಗುವುದು. ಕೇರಳ ಸರ್ಕಾರ ಸೋಂಕು ತಡೆಗಟ್ಟಲು Ribavarin ವಿತರಣೆ ಮಾಡುತ್ತಿದೆ.
- ಭಾರತದಲ್ಲಿ ಈ ಮೊದಲು ನಿಪಾ ವೈರಸ್ ಕಂಡು ಬಂದಿತ್ತೇ?
ಭಾರತದಲ್ಲಿ 2001 ಹಾಗೂ 2007ರಲ್ಲಿ ಪಶ್ಚಿಮ ಬಂಗಾಳದಲ್ಲಿ ಕಂಡು ಬಂದಿತ್ತು. 20218ರ ಮೇ ತಿಂಗಳಿನಲ್ಲಿ ಕೇರಳದ ಕೋಝಿಕೂಡ್‌ನಲ್ಲಿ ಕಂಡು ಬಂದಿತ್ತು ಆಗ 17 ಜನ ಈ ವೈರಸ್‌ಗೆ ಬಲಿಯಾಗಿದ್ದರು. 2019 ಜೂನ್‌ನಲ್ಲಿ ಕೇರಳದ ಕೊಚ್ಚಿಯಲ್ಲಿ ಮೊದಲಿಗೆ ಒಬ್ಬ ವಿದ್ಯಾರ್ಥಿಯಲ್ಲಿ ಕಂಡು ಬಂದಿತ್ತು. ಕೇರಳದಲ್ಲಿ ನಿಪಾ ಕಂಡು ಬರುತ್ತಿರುವುದು ಇದು ಮೂರನೇ ಬಾರಿಯಾಗಿದೆ.
- ನಿಪಾ ವೈರಸ್ ಮಾರಾಣಾಂತಿಕವೇ?
ಭಾರತದಲ್ಲಿ ಪಶ್ಚಿಮ ಬಂಗಾಳದಲ್ಲಿ ಮೊದಲಿಗೆ ನಿಒಆ ವೈರಸ್‌ ಕಂಡು ಬಂತು. 66 ಜನರಿಗೆ ಸೋಂಕು ತಗುಲಿತ್ತು. ಪ್ರತೀ 4 ಜನರಲ್ಲಿ ಮೂವರು ಸಾವನ್ನಪ್ಪಿದ್ದರು. 2018ರಲ್ಲಿ ಕೇರಳದಲ್ಲಿ ಪತ್ತೆಯಾದ 18 ಕೇಸ್‌ಗಳಲ್ಲಿ 17 ಜನ ಸಾವನ್ನಪ್ಪಿದ್ದರು. ಆದ್ದರಿಂದ ನಿಪಾ ವೈರಸ್‌ ತುಂಬಾ ಮಾರಾಣಾಂತಿಕವಾಗಿದ್ದು, ಇದರಲ್ಲಿ ಸಾವಿನ ಪ್ರಮಾಣ ಅಧಿಕ.