For Quick Alerts
ALLOW NOTIFICATIONS  
For Daily Alerts

NeoCov : ನಿಯೋಕೋವ್‌ ರೂಪಾಂತರ ವೈರಸ್: ಇದು ತಗುಲಿದರೆ ಸಾವಿನ ಸಂಖ್ಯೆ ಹೆಚ್ಚುವುದು

|

ಕೊರೊನಾವೈರಸ್ ಕೊನೆಯಾಗುವ ಸೂಚನೆ ಕಾಣುತ್ತಿಲ್ಲ, ಒಂದರ ನಂತರ ಮತ್ತೊಂದು ಎಂಬಂತೆ ಹೊಸ ತಳಿಗಳು ಬರುತ್ತಲೇ ಇವೆ. ಡೆಲ್ಟಾ ಬಳಿಕ ಬಂದ ಹೊಸ ರೂಪಾಂತರ ಒಮಿಕ್ರಾನ್‌ ವಿಶ್ವದಲ್ಲಿ ಮತ್ತೊಮ್ಮೆ ಕೋವಿಡ್‌ ಅಲೆ ಉಂಟಾಗಲು ಕಾರಣವಾಗಿದೆ, ಆದರೆ ಈ ಒಮಿಕ್ರಾನ್‌ ವೇಗವಾಗಿ ಹರಡುತ್ತಿದ್ದರೂ ಮಾರಣಾಂತಿಕವಾಗಿಲ್ಲ, ಇದರಿಂದ ಸಾವು-ನೋವು ಅತೀ ಕಡಿಮೆ ಸಂಭವಿಸಿದೆ. ಆದರೆ ವುಹಾನ್‌ ವಿಜ್ಞಾನಿಗಳು ಇದೀಗ ಆತಂಕಕಾರಿ ವಿಷಯವೊಂದನ್ನು ಹೆಳಿದ್ದಾರೆ.

ದಕ್ಷಿಣ ಆಫ್ರಿಕದಲ್ಲಿ ಇದೀಗ ಹೊಸದಾಗಿ ವೈರಸ್‌ ಪತ್ತೆಯಾಗಿದೆ. ಅದನ್ನು ನಿಯೋಕೋವ್‌ ಎಂದು ಕರೆಯಲಾಗಿದೆ. ಚೀನಾದ ವುಹಾನ್‌ನ ವಿಜ್ಞಾನಿಗಳು ಹೇಳುವ ಪ್ರಕಾರ ಈ ವೈರಸ್‌ ತುಂಬಾನೇ ಅಪಾಯಕಾರಿಯಾಗಿದೆ. ಈ ವೈರಸ್‌ ಹರಡುವ ವೇಗ ಹಾಗೂ ಸಾವಿನ ಸಂಖ್ಯೆ ಹೆಚ್ಚಿದೆಯಂದು ರಷ್ಯಾದ ನ್ಯೂಸ್‌ ಏಜೆನ್ಸಿ ಸ್ಪುಟ್ನಿಕ್‌ ವರದಿ ಮಾಡಿದೆ.

ನಿಯೋಕೋವ್ ಈ ಹಿಂದೆಯೂ ಕಂಡು ಬಂದಿತ್ತು

ನಿಯೋಕೋವ್ ಈ ಹಿಂದೆಯೂ ಕಂಡು ಬಂದಿತ್ತು

ವರದಿ ಪ್ರಕಾರ ನಿಯೋಕೋವ್‌ ವೈರಸ್‌ ಹೊಸದಲ್ಲ. ಇದು ಮಧ್ಯಪ್ರಾಚ್ಯ ದೇಶಗಳಲ್ಲಿ 2012 ಮತ್ತು 2015ರಲ್ಲಿ ಕಂಡು ಬಂದಿತ್ತು, ಇದು ಕೊರೊನಾವೈರಸ್‌ಗೆ ಕಾರಣವಾದ SARS-CoV-2ನಂತದ್ದೇ ವೈರಸ್‌ ಆಗಿದೆ.

ಈ ಹಿಂದೆ ಕಂಡು ಬಂದ ನಿಯೋಕೋವ್‌ ಬಾವಲಿಗಳ ಗುಂಪು ಇರುವ ಕಡೆ ಬಂದಿತ್ತು, ಈ ವೈರಸ್‌ ಪ್ರಾಣಿಗಳಿಗೆ ಮಾತ್ರ ಹರಡುತ್ತಿತ್ತು. ಆದರೆ ಈಗ ಪತ್ತೆಯಾಗಿರುವ ನಿಯೋವೈರಸ್‌ ಮನುಷ್ಯರಿಗೂ ಹರಡಬಹುದು ಎಂದು ಹೇಳಲಾಗುತ್ತಿದೆ.

ವಿಜ್ಞಾನಿಗಳ ಪ್ರಕಾರ ಈ ವೈರಸ್‌ ಮನುಷ್ಯರಿಗೆ ಹರಡಲು ಒಂದೇ ಒಂದು ರೂಪಾಂತರ ಬೇಕಾಗಿರುವುದು, ಹಾಗಾದರೆ ಅದು ಮನುಷ್ಯರಿಗೆ ಹರಡುವುದು. ಹೀಗಾದರೆ ಕೊರೊನಾವೈರಸ್‌ಗಿಂತ ಹೆಚ್ಚಿನ ಅಪಾಯ ಉಂಟಾಗಲಾಗಿದೆ. ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದರ ಮೂಲಕ ಈ ವೈರಸ್ ತಡೆಗಟ್ಟಬಹುದಾಗಿದೆ.

 ಸಾವಿನ ಸಂಖ್ಯೆ ಹೆಚ್ಚಿದೆ

ಸಾವಿನ ಸಂಖ್ಯೆ ಹೆಚ್ಚಿದೆ

ನಿಯೋಕೋವ್‌ ವೈರಸ್‌ ತಗುಲಿದ ಮೂವರಲ್ಲಿ ಒಬ್ಬ ವ್ಯಕ್ತಿ ಸಾವನ್ನಪ್ಪುತ್ತಾರೆ, ಆದ್ದರಿಂದ ಈ ವೈರಸ್ ತುಂಬಾನೇ ಮಾರಣಾಂತಿಕವಾಗಿದೆ.

 ಇನ್ನೂ ಮನುಷ್ಯರಿಗೆ ಹರಡಿಲ್ಲ

ಇನ್ನೂ ಮನುಷ್ಯರಿಗೆ ಹರಡಿಲ್ಲ

ಈ ನಿಯೋಕೋವ್‌ ವೈರಸ್‌ ಇನ್ನೂ ಮನುಷ್ಯರಿಗೆ ಹರಡಿಲ್ಲ, ಆದರೆ ಹರಡುವ ಸಾಧ್ಯತೆ ಇರುವುದರಿಂದ ಇದರ ಬಗ್ಗೆ ಹೆಚ್ಚಿನ ಅಧ್ಯಯನ ನಡೆಸಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗಿದೆ.

English summary

NeoCov: Wuhan Scientists Warn of New Coronavirus Strain With High Death, Infection Rate

NeoCov Coronavirus Variant: Scientists in Wuhan have warned of a new variant of coronavirus—NeoCov, currently circulating in South Africa. It has High Death and Infection Rate says Report
X