For Quick Alerts
ALLOW NOTIFICATIONS  
For Daily Alerts

ಮನೆಯೊಳಗೆ ಚಪ್ಪಲಿ ಹಾಕಿದರೆ ಆರೋಗ್ಯಕ್ಕೆ ಒಳ್ಳೆಯದು, ಹೇಗೆ?

|

ಭಾರತದಲ್ಲಿ ಕೆಲ ಸಂಪ್ರದಾಯಸ್ಥ ಮನೆಗೆ ಹೋದರೆ ಒಳಗಡೆ ಚಪ್ಪಲಿ ಧರಿಸುವುದಿಲ್ಲ, ಬರೀಗಾಲಿನಲ್ಲಿ ಓಡಾಡುತ್ತಾರೆ. ಇನ್ನು ಕೆಲವರು ಸ್ವಚ್ಛತೆಯ ದೃಷ್ಟಿಯಿಂದ ಒಳಗಡೆ ಚಪ್ಪಲಿ ಧರಿಸುವುದಿಲ್ಲ, ಇವೆಲ್ಲಾ ಒಂದು ಲೆಕ್ಕದಲ್ಲಿ ಒಳ್ಳೆಯದೇ. ಚಪ್ಪಲಿಯನ್ನು ಹಾಕಿ ಒಳಗಡೆ, ಹೊರಗಡೆ ಓಡಾಡಿದರೆ ಹೊರಗಡೆಯ ಕೊಳೆ ಮನೆಯೊಳಗೆ ಬರಬಹುದು.

Home Slippers

ಆದರೆ ಮನೆಯೊಳಗೇ ಚಪ್ಪಲಿ ಹಾಕಿ ಓಡಾಡಿದರೆ ಪ್ರಯೋಜನಗಳು ಇವೆ. ಮನೆಯೊಳಗೆ ಧರಿಸುವ ಚಪ್ಪಲಿ ಯಾವುದೇ ಕಾರಣಕ್ಕೆ ಮನೆಯಿಂದ ಹೊರಗೆ ಅಂಗಳದಲ್ಲಿ ಓಡಾಡುವಾಗಲೂ ಧರಿಸಬೇಡಿ, ಇದರಿಂದ ಹೊರಗಿನ ಕೊಳೆ ಒಳಗೆ ಬಾರದಂತೆ ತಡೆಯಬಹುದು.

ಆದರೆ ಮನೆಯೊಳಗೆ ಚಪ್ಪಲಿ ಧರಿಸಿ ಓಡಾಡುವುದರಿಂದ ದೊರೆಯುವ ಪ್ರಯೋಜನಗಳ ಬಗ್ಗೆ ನೀವು ಊಹಿಸರಲಿಕ್ಕೂ ಇಲ್ಲ... ಪಾದದಲ್ಲಿ ದೂಳು, ಕೊಳೆ ಆಗುವುದನ್ನು ಅಷ್ಟೇ ನೀವು ತಡೆಯಬಹುದು ಅಂದುಕೊಂಡಿದ್ದರೆ ಅದಕ್ಕೂ ಮೀರಿದ ಪ್ರಯೋಜನಗಳಿವೆ ಗೊತ್ತಾ? ಬನ್ನಿ ಅವುಗಳೇನು ಎಂದು ತಿಳಿಯೋಣ:

ಕಾಯಿಲೆಯನ್ನು ತಡೆಗಟ್ಟುತ್ತದೆ

ಕಾಯಿಲೆಯನ್ನು ತಡೆಗಟ್ಟುತ್ತದೆ

ಕೆಲವರಿಗೆ ವರ್ಷ ಪೂರ್ತಿ ಶೀತದ ಸಮಸ್ಯೆ ಇರುತ್ತದೆ. ವಾತಾವರಣದಲ್ಲಿ ಸ್ವಲ್ಪ ಹೆಚ್ಚು ಕಮ್ಮಿಯಾದರೂ, ಸ್ವಲ್ಪ ತಣ್ಣನೆಯ ಆಹಾರ ತಿಂದರೂ ಶೀತ ಉಂಟಾಗುತ್ತದೆ. ಈ ರೀತಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ಉಂಟಾಗಿರುತ್ತದೆ. ಇಂಥವರು ಮನೆಯೊಳಗೆ ಕೂಡ ಚಪ್ಪಲಿ ಧರಿಸುವುದರಿಂದ ಸ್ವಲ್ಪ ಪ್ರಯೋಜನ ಪಡೆಯಬಹುದು. ಚಪ್ಪಲಿ ಧರಿಸದಿದ್ದರೆ ಕಾಲಿನ ಮೂಲಕ ತಂಪು ಶರೀರ ಸೇರುತ್ತದೆ, ಚಪ್ಪಲಿ ಧರಿಸಿದರೆ ಪಾದಗಳು ಬೆಚ್ಚಗೆ ಇರುತ್ತವೆ, ಅಲ್ಲದೆ ರಕ್ತ ಸಂಚಾರ ಸಹಜವಾಗಿ ನಡೆಯಲು ಕೂಡ ಸಹಾಯ ಮಾಡುತ್ತದೆ.

ಬ್ಯಾಕ್ಟಿರಿಯಾ ಹಾಗೂ ಫಂಗಲ್ ಸೋಂಕಿನಿಂದ ರಕ್ಷಣೆ ನೀಡುತ್ತದೆ

ಬ್ಯಾಕ್ಟಿರಿಯಾ ಹಾಗೂ ಫಂಗಲ್ ಸೋಂಕಿನಿಂದ ರಕ್ಷಣೆ ನೀಡುತ್ತದೆ

ನಾವು ಮನೆಯೊಳಗೆ ಎಷ್ಟೇ ಸ್ವಚ್ಛ ಇಟ್ಟರೂ ನೆಲ ಬ್ಯಾಕ್ಟಿರಿಯಾ ಮುಕ್ತವಾಗಿರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಚಪ್ಪಲಿ ಧರಿಸುವುದರಿಂದ ಬ್ಯಾಕ್ಟಿರಿಯಾಗಳಿಂದ ರಕ್ಷಣೆ ನೀಡುತ್ತದೆ.

ದೇಹದ ಸಮತೋಲನ ಕಾಪಾಡುತ್ತೆ

ದೇಹದ ಸಮತೋಲನ ಕಾಪಾಡುತ್ತೆ

ಚಿಕ್ಕ ಮಕ್ಕಳು ಹಾಗೂ ವಯಸ್ಸಾದವರು ಮನೆಯೊಳಗೆ ಫ್ಲ್ಯಾಟ್ ಚಪ್ಪಲಿ ಧರಿಸುವುದರಿಂದ ಬೀಳುವುದನ್ನು ತಪ್ಪಿಸಬಹುದು. ಚಿಕ್ಕ ಮಕ್ಕಳು ಸ್ವಲ್ಪ ದೊಡ್ಡದಾಗುವವರೆಗೆ ಅವರ ಪಾದ ಸಮತಟ್ಟಾಗಿ ಇರಲ್ಲ, ಇದರಿಂದ ಅವರು ಬೀಳುವುದು ಜಾಸ್ತಿ. ಇನ್ನು ವಯಸ್ಸಾದ ಮೇಲೆ ಕೂಡ ನಡೆಯುವಾಗ ದೇಹದ ಮೇಲೆ ನಿಯಂತ್ರಣ ತಪ್ಪುವುದು. ಚಪ್ಪಲಿ ಧರಿಸುವುದರಿಂದ ನಡೆಯುವಾಗ ದೇಹ ನಿಯಂತ್ರಣ ತಪ್ಪುವುದಿಲ್ಲ.

ಪಾದಗಳ ಊತ ಕಡಿಮೆ ಮಾಡುತ್ತೆ

ಪಾದಗಳ ಊತ ಕಡಿಮೆ ಮಾಡುತ್ತೆ

ಪಾದಗಳು ಊದಲು ಪ್ರಮುಖ ಕಾರಣ ರಕ್ತ ಸಂಚಾರ ಸರಿಯಾಗಿ ಆಗದೇ ಇರುವುದು. ಮಧುಮೇಹಿಗಳಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ಅವರು ಫ್ಲಿಪ್ ಫ್ಲೋಪ್ಸ್ ಚಪ್ಪಲಿ ಧರಿಸುವುದರಿಂದ ರಕ್ತ ಸಂಚಾರ ಸರಿಯಾದ ರೀತಿಯಲ್ಲಿ ಉಂಟಾಗುತ್ತದೆ. ಅಲ್ಲದೆ ಪಾದ ನೋವು, ಊತ ಮುಂತಾದ ಸಮಸ್ಯೆ ಕಡಿಮೆ ಮಾಡಲೆಂದೇ ಕೆಲವೊಂದು ಚಪ್ಪಲಿ ಇರುತ್ತವೆ. ಅವುಗಳನ್ನು ಧರಿಸುವುದು ಸೂಕ್ತ.

English summary

Home Slippers Can Boost Your Health, Here's How in Kannada

Home Slippers Can Boost Your Health, Here's How, read on...
Story first published: Tuesday, March 23, 2021, 17:05 [IST]
X
Desktop Bottom Promotion