For Quick Alerts
ALLOW NOTIFICATIONS  
For Daily Alerts

ಮಹಿಳಾ ದಿನ: ಪ್ರತಿ ಮಹಿಳೆ ಈ ಆರೋಗ್ಯ ಪರೀಕ್ಷೆಗಳನ್ನ ಕಡ್ಡಾಯವಾಗಿ ಮಾಡಿಸಿಕೊಳ್ಳಬೇಕು

|

ಪ್ರತಿ ಮಹಿಳೆ ಕುಟುಂಬವನ್ನು ಆರೈಕೆ ಮಾಡುತ್ತಾಳೆ, ಆದರೆ, ತನ್ನ ಆರೋಗ್ಯ, ಆರೈಕೆ ಕಡೆಗೆ ಗಮನವಹಿಸುವುದು ತೀರಾ ಕಡಿಮೆ. ಇದು ತಪ್ಪು, ಪ್ರತಿ ಮಹಿಳೆ ನಿಯಮಿತ ವ್ಯಾಯಾಮ, ಒತ್ತಡ ನಿರ್ವಹಣೆ ಮತ್ತು ಸರಿಯಾದ ಆಹಾರ ಸೇವನೆಯಂತಹ ಆರೋಗ್ಯಕರ ಅಭ್ಯಾಸಗಳಿಗೆ ಸಮಯವನ್ನು ಮೀಸಲಿಡಬೇಕು. ಜೊತೆಗೆ ನಿಯಮಿತ ಆರೋಗ್ಯ ತಪಾಸಣೆಯು ತುಂಬಾ ಮುಖ್ಯ. ಇದರಿಂದ ರೋಗಲಕ್ಷಣಗಳನ್ನು ಮೊದಲೇ ಪತ್ತೆಹಚ್ಚಿ, ಸೂಕ್ತ ಚಿಕಿತ್ಸೆ ನೀಡಬಹುದು. ಹಾಗಾದರೆ ಪ್ರತಿಯೊಬ್ಬ ಮಹಿಳೆ ಯಾವ ಆರೋಗ್ಯ ತಪಾಸಣೆಗಳನ್ನು ಮಾಡಿಸಿಕೊಳ್ಳಬೇಕು ಎಂಬುದನ್ನು ಇಲ್ಲಿ ನೋಡೋಣ.

ಪ್ರತಿ ಮಹಿಳೆ ಮಾಡಿಸಿಕೊಳ್ಳಬೇಕಾದ ಆರೋಗ್ಯ ತಪಾಸಣೆಗಳ ಬಗ್ಗೆ ಈ ಕೆಳಗೆ ನೀಡಲಾಗಿದೆ:

1. ರಕ್ತದೊತ್ತಡ ಪರೀಕ್ಷೆ:

1. ರಕ್ತದೊತ್ತಡ ಪರೀಕ್ಷೆ:

ಇತ್ತೀಚಿನ ದಿನಗಳಲ್ಲಾಗುತ್ತಿರುವ ಸನ್ನಿವೇಶವನ್ನು ಗಮನಿಸಿದರೆ, ಈ ಪರೀಕ್ಷಯೆ ಮಹತ್ವ ಅರಿವಾಗುವುದು. ಆದ್ದರಿಂದ 20 ವರ್ಷದಿಂದ ತಪಾಸಣೆ ಪ್ರಾರಂಭಿಸಿ, ಕನಿಷ್ಠ ಎರಡು ವರ್ಷಗಳಿಗೊಮ್ಮೆ ರಕ್ತದೊತ್ತಡವನ್ನು ಪರೀಕ್ಷಿಸಬೇಕು. ನಿಮ್ಮ ರಕ್ತದೊತ್ತಡವು 120/80 ಮಿಲಿಮೀಟರ್ ಪಾದರಸಗಿಂತ ಕಡಿಮೆಯಿದ್ದರೆ, 40 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ವಯಸ್ಕರು ಅಥವಾ ಸ್ಥೂಲಕಾಯತೆಯಂತಹ ಪರಿಸ್ಥಿತಿಗಳನ್ನು ಹೊಂದಿರುವವರು, ವಾರ್ಷಿಕ ಪರೀಕ್ಷೆ ಮಾಡಿಕೊಳ್ಳುವುದು ಉತ್ತಮ.

2. ಕೊಲೆಸ್ಟ್ರಾಲ್ ಪರೀಕ್ಷೆ:

2. ಕೊಲೆಸ್ಟ್ರಾಲ್ ಪರೀಕ್ಷೆ:

ಇದು ಹೃದ್ರೋಗ ಅಥವಾ ಪಾರ್ಶ್ವವಾಯು ಬೆಳವಣಿಗೆಯ ಅಪಾಯವನ್ನು ನಿರ್ಣಯಿಸಲು ಬಳಸುವ ಸಾಧನವಾಗಿದೆ. ನೀವು 20 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿದ್ದರೆ, ಕನಿಷ್ಠ ಐದು ವರ್ಷಗಳಿಗೊಮ್ಮೆ ನಿಮ್ಮ ಕೊಲೆಸ್ಟ್ರಾಲ್ ಮಟ್ಟವನ್ನು ಅಳೆಯಬೇಕು. ಒಂದು ವೇಳೆ ನೀವು ಹೃದ್ರೋಗ ಅಥವಾ ಪಾರ್ಶ್ವವಾಯು ಅಪಾಯದಲ್ಲಿದ್ದರೆ, ಎಷ್ಟು ಬಾರಿ ಈ ರಕ್ತ ಪರೀಕ್ಷೆಯನ್ನು ಮಾಡಬೇಕೆಂದು ವೈದ್ಯರೊಂದಿಗೆ ತಿಳಿದುಕೊಳ್ಳಿ.

3. ಪ್ಯಾಪ್ ಸ್ಮೀಯರ್ಸ್:

3. ಪ್ಯಾಪ್ ಸ್ಮೀಯರ್ಸ್:

ಇದು ಗರ್ಭಕಂಠದ ಕ್ಯಾನ್ಸರ್ ಪತ್ತೆಹಚ್ಚುವ ತಪಾಸಣೆಯಾಗಿದ್ದು, 21 ನೇ ವಯಸ್ಸಿನಲ್ಲಿ ಪ್ರಾರಂಭಿಸಿ, 65 ವರ್ಷ ವಯಸ್ಸಿನವರೆಗೆ, ಪ್ರತಿ ಮೂರು ವರ್ಷಗಳಿಗೊಮ್ಮೆ ಪ್ಯಾಪ್ ಸ್ಮೀಯರ್ ಪರೀಕ್ಷೆ ಮಾಡಿಕೊಳ್ಳಬೇಕು. ಗರ್ಭಕಂಠದ ಕ್ಯಾನ್ಸರ್‌ಗೆ ಕಾರಣವಾಗಬಹುದಾದ ಬದಲಾವಣೆಗಳಿಗಾಗಿ ಈ ಪರೀಕ್ಷೆ ಮಾಡಿಕೊಳ್ಳಬೇಕು. ನೀವು 30 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿದ್ದರೆ, ಪ್ರತಿ ಐದು ವರ್ಷಗಳಿಗೊಮ್ಮೆ ಪರೀಕ್ಷೆಯನ್ನು ಮಾಡಿಕೊಳ್ಳಬೇಕು.

4. ಮ್ಯಾಮೊಗ್ರಾಮ್:

4. ಮ್ಯಾಮೊಗ್ರಾಮ್:

ಸ್ತನ ಕ್ಯಾನ್ಸರ್‌ಗಾಗಿ ಪರೀಕ್ಷಿಸುವ ಮ್ಯಾಮೊಗ್ರಾಮ್ ಪರೀಕ್ಷೆಯು ಮಹಿಳೆಯರಿಗೆ ಅತೀ ಅವಶ್ಯಕವಾಗಿದೆ. ವಯಸ್ಸಾದಂತೆ ಸ್ತನ ಕ್ಯಾನ್ಸರ್‌ನ ಅಪಾಯವು ಹೆಚ್ಚಾಗುತ್ತದೆ. ಇದನ್ನು 50 ವರ್ಷದಿಂದ ಪ್ರಾರಂಭಿಸಿ , ಮಹಿಳೆಯರು ಪ್ರತಿ ಎರಡು ವರ್ಷಗಳಿಗೊಮ್ಮೆ ಮ್ಯಾಮೊಗ್ರಮ್ ಪರೀಕ್ಷೆ ಮಾಡಬೇಕು. ನೀವು ರೋಗದ ಕೌಟುಂಬಿಕ ಇತಿಹಾಸವನ್ನು ಹೊಂದಿದ್ದರೆ ಅಥವಾ ಇತರ ಆರೋಗ್ಯ ಸಮಸ್ಯೆಗಳನ್ನು ಹೊಂದಿದ್ದರೆ, ವಾರ್ಷಿಕ ಸ್ಕ್ರೀನಿಂಗ್ ಅನ್ನು ಮೊದಲೇ ಪ್ರಾರಂಭಿಸುವ ಬಗ್ಗೆ ನಿಮ್ಮ ವೈದ್ಯರೊಂದಿಗೆ ಮಾತನಾಡಿ.

5. ಮೂಳೆ ಸಾಂದ್ರತೆ ಪರೀಕ್ಷೆ:

5. ಮೂಳೆ ಸಾಂದ್ರತೆ ಪರೀಕ್ಷೆ:

ಮಹಿಳೆಯರು 65 ನೇ ವಯಸ್ಸಿನಲ್ಲಿ ಮೂಳೆ ಸಾಂದ್ರತೆಯ ಪರೀಕ್ಷೆಯೊಂದಿಗೆ ಆಸ್ಟಿಯೊಪೊರೋಸಿಸ್‌ ಪರೀಕ್ಷೆಯನ್ನು ಪರೀಕ್ಷಿಸಲು ಪ್ರಾರಂಭಿಸಬೇಕು. ಮುರಿತಗಳು ಅಥವಾ ಕಡಿಮೆ ದೇಹದ ತೂಕ ಹೊಂದಿರುವವರು ಮೊದಲೇ ಪರೀಕ್ಷಿಸಬೇಕು. DEXA ಸ್ಕ್ಯಾನ್ ಎಂದು ಕರೆಯಲ್ಪಡುವ ಈ ಪರೀಕ್ಷೆಯಲ್ಲಿ, ಮೇಜಿನ ಮೇಲೆ ಮಲಗಿರುವಾಗ ಕಡಿಮೆ-ಡೋಸ್ ಎಕ್ಸ್-ರೇ ಯಂತ್ರವು ನಿಮ್ಮ ಮೂಳೆಗಳ ಚಿತ್ರಗಳನ್ನು ಸೆರೆಹಿಡಿಯುತ್ತದೆ. ಈ ತಪಾಸಣೆಯ ಆವರ್ತನವು ಮೂಳೆ ಸಾಂದ್ರತೆ ಮತ್ತು ಇತರ ಅಪಾಯಕಾರಿ ಅಂಶಗಳನ್ನು ಅವಲಂಬಿಸಿ ಬದಲಾಗುತ್ತದೆ.

6. ರಕ್ತದಲ್ಲಿನ ಗ್ಲೂಕೋಸ್ ಪರೀಕ್ಷೆ:

6. ರಕ್ತದಲ್ಲಿನ ಗ್ಲೂಕೋಸ್ ಪರೀಕ್ಷೆ:

ಮಹಿಳೆಯರು ಸುಮಾರು 45 ವರ್ಷದಿಂದ ಮಧುಮೇಹ ಅಥವಾ ಪ್ರಿಡಿಯಾಬಿಟಿಸ್ ಅನ್ನು ಪರೀಕ್ಷಿಸಲು ಪ್ರತಿ ಮೂರು ವರ್ಷಗಳಿಗೊಮ್ಮೆ ರಕ್ತದಲ್ಲಿನ ಗ್ಲೂಕೋಸ್ ಪರೀಕ್ಷೆಯನ್ನು ತೆಗೆದುಕೊಳ್ಳಬೇಕು. ನೀವು ಬೊಜ್ಜು ಹೊಂದಿದ್ದರೆ, ಅಥವಾ ಮಧುಮೇಹದ ಕೌಟುಂಬಿಕ ಇತಿಹಾಸವನ್ನು ಹೊಂದಿದ್ದರೆ ಅಥವಾ ನಿರ್ದಿಷ್ಟ ಆರೋಗ್ಯ ಸಮಸ್ಯೆಯಿದ್ದರೆ, ಇದಕ್ಕಿಂತ ಮೊದಲೇ ಪರೀಕ್ಷೆ ಮಾಡಿಕೊಳ್ಳಬಹುದು.

7. ಕೊಲೊನ್ ಅಥವಾ ಕರುಳಿನ ಕ್ಯಾನ್ಸರ್ ಸ್ಕ್ರೀನಿಂಗ್:

7. ಕೊಲೊನ್ ಅಥವಾ ಕರುಳಿನ ಕ್ಯಾನ್ಸರ್ ಸ್ಕ್ರೀನಿಂಗ್:

ವೈದ್ಯರ ಕಛೇರಿ ಅಥವಾ ಆಸ್ಪತ್ರೆಯಲ್ಲಿ ಮಾಡಬಹುದಾದ ಕೊಲೊನ್ ಕ್ಯಾನ್ಸರ್ ಸ್ಕ್ರೀನಿಂಗ್ ಅನ್ನು 50 ನೇ ವಯಸ್ಸಿನಲ್ಲಿ ಪ್ರಾರಂಭಿಸಬೇಕು. ಪರೀಕ್ಷೆಯ ವೇಳೆ ಸಮಸ್ಯೆ ಕಂಡುಬಂದಿಲ್ಲದಿದ್ದರೆ ಅಥವಾ ಕರುಳಿನ ಕ್ಯಾನ್ಸರ್ನ ಹೆಚ್ಚಿನ ಅಪಾಯವನ್ನು ಹೊಂದಿದ್ದರೆ, ಸಿಗ್ಮೋಯ್ಡೋಸ್ಕೋಪಿಯನ್ನು ಪ್ರತಿ 5 ವರ್ಷಗಳಿಗೊಮ್ಮೆ ಮತ್ತು ಕೊಲೊನೋಸ್ಕೋಪಿ ಪ್ರತಿ 10 ವರ್ಷಗಳಿಗೊಮ್ಮೆ ಪುನರಾವರ್ತಿಸಲಾಗುತ್ತದೆ.

8. ಬಾಡಿ ಮಾಸ್ ಇಂಡೆಕ್ಸ್ :

8. ಬಾಡಿ ಮಾಸ್ ಇಂಡೆಕ್ಸ್ :

ಈ ಪರೀಕ್ಷೆಯನ್ನು 18 ರಿಂದ ಪ್ರಾರಂಭಿಸಬೇಕು. ಇದನ್ನು ಮುಖ್ಯವಾಗಿ ಸ್ಥೂಲಕಾಯತೆಯನ್ನು ಪರೀಕ್ಷಿಸಲು ಮಾಡಲಾಗುವುದು. ಸಾಮಾನ್ಯವಾಗಿ ನಿಮ್ಮ ಬಾಡಿ ಮಾಸ್ ಇಂಡೆಕ್ಸ್ (BMI ) ಅನ್ನು ಲೆಕ್ಕಹಾಕುವ ಅಗತ್ಯವಿರುತ್ತದೆ. ಇದು ನೀವು ಬೊಜ್ಜು ಹೊಂದಿದ್ದೀರಾ ಅಥವಾ ಇಲ್ಲವೇ ಎಂಬುದನ್ನು ಸೂಚಿಸುತ್ತದೆ. ಇದರಿಂದ ಮಧುಮೇಹ ಮತ್ತು ಹೃದ್ರೋಗದಂತಹ ಗಂಭೀರ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡಬಹುದು.

9. ಚರ್ಮದ ಪರೀಕ್ಷೆ :

9. ಚರ್ಮದ ಪರೀಕ್ಷೆ :

ಅಮೇರಿಕನ್ ಕ್ಯಾನ್ಸರ್ ಸೊಸೈಟಿಯ ಪ್ರಕಾರ ಮಹಿಳೆಯರು ಪ್ರತಿ ತಿಂಗಳು ಮನೆಯಲ್ಲಿ ತಮ್ಮ ಚರ್ಮವನ್ನು ಪರೀಕ್ಷಿಸಬೇಕು. ನಿಮ್ಮ ದೇಹದಾದ್ಯಂತ ಚರ್ಮವನ್ನು ಎಚ್ಚರಿಕೆಯಿಂದ ಪರೀಕ್ಷಿಸಿ, ಯಾವುದೇ ಹೊಸ ಮಚ್ಚೆ ಅಥವಾ ಅಸ್ತಿತ್ವದಲ್ಲಿರುವ ಮಚ್ಚೆಗಳಲ್ಲಿ ಬದಲಾವಣೆಗಳನ್ನು ಹುಡುಕಬೇಕು. ಏಕೆಂದರೆ, ಇದು ಚರ್ಮದ ಕ್ಯಾನ್ಸರ್‌ನ ಆರಂಭಿಕ ಚಿಹ್ನೆಗಳಾಗಿರಬಹುದು. ಆದ್ದರಿಂದ ಚರ್ಮದ ಪರೀಕ್ಷೆಯನ್ನು ಆಗಾಗ ಮಾಡಿಸಿಕೊಳ್ಳಬೇಕು.

10. ದಂತ ತಪಾಸಣೆ:

10. ದಂತ ತಪಾಸಣೆ:

ನಿಮ್ಮ ಮೊದಲ ಹಲ್ಲು ಮೊಳಕೆಯೊಡೆದ ಕ್ಷಣದಿಂದಲೂ, ಉತ್ತಮ ಹಲ್ಲಿನ ಆರೋಗ್ಯವು ಮುಖ್ಯವಾಗಿದೆ. ಎಲ್ಲಾ ವಯಸ್ಕ ಮಹಿಳೆಯರಿಗೆ ವಾರ್ಷಿಕ ಎರಡು ಬಾರಿ ಹಲ್ಲಿನ ತಪಾಸಣೆ ಅಗತ್ಯವಿರುತ್ತದೆ. ನಿಯಮಿತ ಹಲ್ಲಿನ ತಪಾಸಣೆಗಳ ಮೂಲಕ, ಹಲ್ಲುಗಳನ್ನು ಸ್ವಚ್ಛಗೊಳಿಸುವ ಮತ್ತು ಕೊಳೆಯುವಿಕೆಯ ಆರಂಭಿಕ ಚಿಹ್ನೆಗಳು ಮತ್ತು ಯಾವುದೇ ಇತರ ಸಮಸ್ಯೆಗಳನ್ನು ಗುರುತಿಸಬಹುದು.

English summary

Health Tests Every Woman Needs

Here we talking about health tests every woman needs, read on
Story first published: Monday, March 7, 2022, 16:58 [IST]
X
Desktop Bottom Promotion