Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮುಟ್ಟುನಿಂತ ಮೇಲೆ ಮಹಿಳೆಯರನ್ನು ಕಾಡುವ ಪ್ರಮುಖ ಸಮಸ್ಯೆಗಳಾವುವು?
ಮುಟ್ಟುನಿಲ್ಲುವಿಕೆ ಅಥವಾ ಋತುಬಂಧ ಎಂಬುದು ಮಹಿಳೆಯರ ಜೀವನದಲ್ಲಿ ನಡೆಯುವ ನೈಸರ್ಗಿಕ ಪ್ರಕ್ರಿಯೆಯಾಗಿದೆ. ಮಹಿಳೆಯರ ದೇಹದಲ್ಲಿ ಈಸ್ಟ್ರೋಜನ್ ಕಡಿಮೆಯಾದಂತೆ, ಮುಟ್ಟು ನಿಲ್ಲಲು ಪ್ರಾರಂಭವಾಗುತ್ತದೆ. ಹೆಣ್ಣಿನ ಜೀವನದಲ್ಲಿ ಋತುಮತಿಯಾಗುವುದು ಎಷ್ಟು ಮಹತ್ವ ಹೊಂದಿದೆಯೋ ಈ ಮುಟ್ಟು ನಿಲ್ಲುವಿಕೆಯೂ ಸಹ ಅಷ್ಟೇ ಪ್ರಾಮುಖ್ಯತೆ ಪಡೆದಿದೆ. ಆದರೆ ಇದರಿಂದ ಮಹಿಳೆಯರ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮಗಳೇ ಹೆಚ್ಚು.
ಮುಟ್ಟು ನಿಲ್ಲಲು ಪ್ರಾರಂಭವಾದ ಮಹಿಳೆಯಲ್ಲಿ ವಿವಿಧ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಹಾಗಾದರೆ ಆ ಸಮಸ್ಯೆಗಳಾವುವು ಎಂಬುದನ್ನು ಇಲ್ಲಿ ನೋಡೋಣ.
1. ಹೃದಯ ಸಂಬಂಧಿ ಸಮಸ್ಯೆಗಳು:
ಮಹಿಳೆಯರು ಹೆಚ್ಚಾಗಿ ಸ್ತನ ಕ್ಯಾನ್ಸರ್ ತಮ್ಮನ್ನು ಕಾಡುವ ಅತೀ ದೊಡ್ಡ ಸಮಸ್ಯೆ ಅಂತ ಅಂದುಕೊಂಡಿದ್ದಾರೆ, ಆದರೆ ಮುಟ್ಟುನಿಂತ ಮೇಲೆ ಅವರು ಎದುರಿಸುವ ಅತ್ಯಂತ ಪ್ರಮುಖ ಅಪಾಯವೆಂದರೆ ಹೃದಯ ಸಮಸ್ಯೆಗಳು. ಸುಮಾರು ಮೂರನೇ ಒಂದು ಭಾಗದಷ್ಟು ಮಹಿಳೆಯರು ಹೃದಯರಕ್ತನಾಳದ ಕಾಯಿಲೆಯನ್ನು ಅಭಿವೃದ್ಧಿಪಡಿಸುತ್ತಾರೆ. ಇದಕ್ಕೆ ಒಂದು ಪ್ರಮುಖ ಕಾರಣವೆಂದರೆ ಈಸ್ಟ್ರೊಜೆನ್ ರಕ್ತನಾಳಗಳನ್ನು ಮೃದುವಾಗಿಡಲು ಸಹಾಯ ಮಾಡುತ್ತದೆ, ಆದ್ದರಿಂದ ಅವು ಸಂಕುಚಿತಗೊಳ್ಳುತ್ತವೆ ಮತ್ತು ರಕ್ತದ ಹರಿವನ್ನು ಸರಿಹೊಂದಿಸಲು ವಿಸ್ತರಿಸುತ್ತವೆ. ಈಸ್ಟ್ರೊಜೆನ್ ಕಡಿಮೆಯಾದ ನಂತರ, ಈ ಕಾರ್ಯ ನಿಂತುಹೋಗುತ್ತದೆ. ಇದರಿಂದ ಹೃದಯದ ಸಮಸ್ಯೆಗಳು ಹುಟ್ಟಿಕೊಳ್ಳುತ್ತವೆ.
ಇದಕ್ಕೇನು ಮಾಡಬಹುದು?:
ನಿಮ್ಮ ಕುಟುಂಬದ ಇತಿಹಾಸವನ್ನು ನೀವು ನಿಯಂತ್ರಿಸಲು ಸಾಧ್ಯವಿಲ್ಲ, ಇದು ನಿಮ್ಮ ಮೇಲೆ ಪ್ರಭಾವ ಬೀರುತ್ತದೆ, ಆದರೆ ಆರೋಗ್ಯಕರ ಜೀವನಶೈಲಿಯನ್ನು ಅನುಸರಿಸುವ ಮೂಲಕ ಅಪಾಯವನ್ನು ಕಡಿಮೆ ಮಾಡಬಹುದು. ಇದು ತರಕಾರಿಗಳು ಸೇವನೆ, ಕಡಿಮೆ ಮಾಂಸ ಮತ್ತು ಸಕ್ಕರೆ ಇರುವ ಆಹಾರವನ್ನು ತಿನ್ನುವುದು, ಪ್ರತಿ ವಾರ 150 ನಿಮಿಷ ಅಥವಾ ಅದಕ್ಕಿಂತ ಹೆಚ್ಚು ವ್ಯಾಯಾಮ ಮಾಡುವುದು ಮತ್ತು ಧೂಮಪಾನವನ್ನು ತ್ಯಜಿಸುವುದು ಸೇರಿಕೊಂಡಿವೆ.
2. ಆಸ್ಟಿಯೊಪೊರೋಸಿಸ್:
ಮಹಿಳೆಯರು ಆಸ್ಟಿಯೊಪೊರೋಸಿಸ್ ಗೆ ಒಳಗಾಗುವ ಸಾಧ್ಯತೆ 4 ಪಟ್ಟು ಹೆಚ್ಚಾಗಿದೆ ಎಂದು ಮೇ 2017 ರಲ್ಲಿ ಜರ್ನಲ್ ಆಫ್ ಕ್ಲಿನಿಕಲ್ ಮೆಡಿಸಿನ್ ರಿಸರ್ಚ್ನಲ್ಲಿ ಪ್ರಕಟವಾದ ಅಧ್ಯಯನ ವರದಿ ಹೇಳಿದೆ. ಇದರಲ್ಲಿ ಮೂಳೆಗಳು ತೆಳುವಾಗಿ, ದುರ್ಬಲವಾಗಿ, ಸುಲಭವಾಗಿ ಮುರಿಯುತ್ತವೆ. ಮುಟ್ಟು ನಿಲ್ಲುವ ಮೊದಲು, ಮಹಿಳೆಯರ ಮೂಳೆಯನ್ನು ಈಸ್ಟ್ರೊಜೆನ್ ರಕ್ಷಿಸುತ್ತವೆ, ಆದರೆ ಒಮ್ಮೆ ಮುಟ್ಟು ನಿಲ್ಲಲು ಆರಂಭವಾದ ಮೇಲೆ ಈ ಸಮಸ್ಯೆ ಹುಟ್ಟಿಕೊಳ್ಳುತ್ತದೆ.
ನಿಮ್ಮ ಮೂಳೆಗಳು ದುರ್ಬಲವಾಗುತ್ತಿರುವುದನ್ನು ನೀವು ಗಮನಿಸದೇ ಇರಬಹುದು, ಏಕೆಂದರೆ ಆಸ್ಟಿಯೊಪೊರೋಸಿಸ್ ವರ್ಷಗಳವರೆಗೆ ಯಾವುದೇ ರೋಗಲಕ್ಷಣಗಳನ್ನು ಉಂಟುಮಾಡುವುದಿಲ್ಲ. ಮೂಳೆ ಮುರಿತವು ರೋಗದ ಮೊದಲ ಚಿಹ್ನೆಯಾಗಿರಬಹುದು. ಇದಕ್ಕಾಗಿಯೇ 65 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಮಹಿಳೆಯರನ್ನು ಡಿಎಕ್ಸ್ಎ ಅಥವಾ ಡಿಎಕ್ಸ್ಎ (ಡ್ಯುಯಲ್-ಎನರ್ಜಿ ಎಕ್ಸ್-ರೇ ಅಬ್ಸಾರ್ಪ್ಯೋಮೆಟ್ರಿ) ಎಂದು ಕರೆಯಲಾಗುವ ಪರೀಕ್ಷೆಯನ್ನು ಮಾಡಿಕೊಳ್ಳಬೇಕು.
ಇದಕ್ಕೇನು ಮಾಡಬಹುದು?:
ನಿಮ್ಮ ಎಲುಬುಗಳನ್ನು ಬಲವಾಗಿಡಲು, ವೇಗದ ನಡಿಗೆ ಅಥವಾ ಜಾಗಿಂಗ್ ನಂತಹ ವ್ಯಾಯಾಮಗಳನ್ನು ಮಾಡಿ, ಅಲ್ಲದೆ, ಧೂಮಪಾನ ಮಾಡಬೇಡಿ ಏಕೆಂದರೆ, ಇದು ಮೂಳೆ ಮುರಿತ ಮತ್ತು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಹೆಚ್ಚಿಸುತ್ತದೆ. ಕೊನೆಯದಾಗಿ, ವಿಟಮಿನ್ ಡಿ ಮತ್ತು ಕ್ಯಾಲ್ಸಿಯಂ ಅಧಿಕವಾಗಿರುವ ಆಹಾರಗಳನ್ನು ಸೇವಿಸಿ.
3. ತೂಕ ಹೆಚ್ಚಳ:
ಋತುಬಂಧವು ಮಹಿಳೆಯ ಚಯಾಪಚಯ ಕ್ರಿಯೆಯ ಮೇಲೆ ನಿರ್ದಿಷ್ಟ ಪರಿಣಾಮವನ್ನು ಬೀರುತ್ತದೆ. ಆದ್ದರಿಂದ ದೇಹದಲ್ಲಿ ಕೊಬ್ಬು ಶೇಖರಣೆಯಾಗಲು ಆರಂಭವಾಗುತ್ತದೆ. ಹೆಚ್ಚುವರಿ ತೂಕ, ವಿಶೇಷವಾಗಿ ಹೊಟ್ಟೆಯ ಸುತ್ತ ಬಹಳ ಅಪಾಯಕಾರಿ, ಏಕೆಂದರೆ ಇದು ಟೈಪ್ 2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ.
ಇದಕ್ಕೇನು ಮಾಡಬಹುದು?:
ಕ್ಯಾಲೊರಿಗಳನ್ನು ಕಡಿತಗೊಳಿಸುವುದು ಮುಟ್ಟುನಿಂತ ನಂತರ ಉಂಟಾಗುವ ಅಧಿಕ ತೂಕವನ್ನು ಎದುರಿಸಲು ಸಹಾಯ ಮಾಡುತ್ತದೆ. ಇತರ ಸಲಹೆಗಳೆಂದರೆ ನಿಮ್ಮ ದಿನಚರಿಗೆ ವ್ಯಾಯಾಮಗಳನ್ನು ಸೇರಿಸುವುದು, ಧ್ಯಾನ ಅಥವಾ ಯೋಗದಂತಹ ಒತ್ತಡವನ್ನು ಕಡಿಮೆ ಮಾಡುವ ಚಟುವಟಿಕೆಗಳನ್ನು ಮಾಡುವುದು.
4. ಮೂತ್ರದ ಸೋಂಕು:
ಮುಟ್ಟು ನಿಂತ ನಂತರ, ಈಸ್ಟ್ರೊಜೆನ್ ಮಟ್ಟದಲ್ಲಿನ ಇಳಿಕೆಯು ಯೋನಿಯ ಅಂಗಾಂಶವು ತೆಳುವಾಗುವುದಕ್ಕೆ ಮತ್ತು ಒಣಗಲು ಕಾರಣವಾಗಬಹುದು. ಇದು ಬ್ಯಾಕ್ಟೀರಿಯಾವನ್ನು ಸುಲಭವಾಗಿ ಬೆಳೆಯುವಂತೆ ಮಾಡುತ್ತದೆ, ಅಂತಿಮವಾಗಿ ಮೂತ್ರದ ಸೋಂಕಿಗೆ (UTI) ಕಾರಣವಾಗಬಹುದು .
ಮೂತ್ರದ ಸೋಂಕಿನ ಅಪಾಯವನ್ನು ಕಡಿಮೆ ಮಾಡಲು, ಹೀಗೆ ಮಾಡಿ:
ಮೂತ್ರದ ಪ್ರಚೋದನೆಯನ್ನು ಅನುಭವಿಸಿದಾಗ ಮೂತ್ರ ವಿಸರ್ಜಿಸಿ. 3 ಅಥವಾ 4 ಗಂಟೆಗಳಿಗಿಂತ ಹೆಚ್ಚು ಕಾಲ ಮೂತ್ರ ಶೇಖರಣೆ ಮಾಡಿಕೊಳ್ಳಬೇಡಿ.
ಪ್ರತಿಬಾರಿ ಯೋನಿಯನ್ನು ಸ್ವಚ್ಛಗೊಳಿಸಿ.
ದಿನಕ್ಕೆ ಕನಿಷ್ಠ ಆರರಿಂದ ಎಂಟು ಗ್ಲಾಸ್ ನೀರು ಕುಡಿಯಿರಿ.
ಲೈಂಗಿಕ ಕ್ರಿಯೆಯ ಮೊದಲು ಮತ್ತು ನಂತರ ಮೂತ್ರ ವಿಸರ್ಜಿಸಿ.
ಸ್ತ್ರೀ ನೈರ್ಮಲ್ಯ ಡಿಯೋಡರೆಂಟ್ ಸ್ಪ್ರೇಗಳನ್ನು ಬಳಸುವುದನ್ನು ತಪ್ಪಿಸಿ.
ಹತ್ತಿಯ ಒಳ ಉಡುಪುಗಳನ್ನು ಆರಿಸಿ ಮತ್ತು ಬಿಗಿಯಾದ ಪ್ಯಾಂಟ್ಗಳನ್ನು ತಪ್ಪಿಸಿ.