For Quick Alerts
ALLOW NOTIFICATIONS  
For Daily Alerts

ಎಳನೀರು ಕುಡಿಯಲು ಸರಿಯಾದ ಸಮಯ-ಇದನ್ನು ಅನುಸರಿಸಿದರೆ ಆರೋಗ್ಯ ವೃದ್ಧಿ!

|

ಎಳನೀರು ಒಂದು ಜನಪ್ರಿಯ ನೈಸರ್ಗಿಕ ಪಾನೀಯವಾಗಿದ್ದು ಜಗತ್ತಿನಾದ್ಯಂತ ಹೆಚ್ಚಿನ ಜನರು ಇದನ್ನು ಕುಡಿಯುತ್ತಾರೆ. ಎಲ್ಲಾ ಊರುಗಳಲ್ಲಿಯೂ ಎಳನೀರು ದೊರೆಯುತ್ತದೆ. ಮತ್ತು ಇದು ಕಡಿಮೆ ವೆಚ್ಚದಲ್ಲಿ ದೊರೆಯುವ ಎಳೆ ನೀರು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಅತ್ಯುತ್ತಮ ಪಾನೀಯವಾಗಿದೆ.

ಹಿಂದಿನ ಕಾಲದಿಂದಲೂ ಅನೇಕ ಆರೋಗ್ಯ ಸಮಸ್ಯೆಗಳನ್ನು ದೂರ ಮಾಡಿರುವ ಎಳೆ ನೀರು ವೈದ್ಯಕೀಯ ರಂಗದಲ್ಲೂ ತನ್ನ ಕರಾಮತ್ತನ್ನು ಪ್ರದರ್ಶಿಸಿರುವಂಥದ್ದಾಗಿದೆ. ಎಳೆ ನೀರು ಕಡಿಮೆ ಪ್ರಮಾಣದ ಸಕ್ಕರೆ ಅಂಶವನ್ನು ಒಳಗೊಂಡಿರುವುದರಿಂದ ಸೋಡಾ ಮತ್ತು ಕೆಲವೊಂದು ಹಣ್ಣುಗಳ ರಸಕ್ಕಿಂತಲೂ ಇದು ಉತ್ತಮವಾಗಿದೆ. ಪಾನೀಯವನ್ನು ಎದುರು ನೋಡುತ್ತಿರುವ ಮಕ್ಕಳು ಮತ್ತು ಹಿರಿಯರಿಗೆ ಹೆಚ್ಚು ಉಪಯುಕ್ತವಾಗಿರುವ ಎಳನೀರು ನಮ್ಮ ದೇಹದಲ್ಲಿರುವ ನಿರ್ಜಲೀಕರಣದ ಸಮಸ್ಯೆಯನ್ನು ದೂರ ಮಾಡುತ್ತದೆ. ಎಳನೀರಿನ ಪ್ರಾಮುಖ್ಯತೆಯನ್ನು ಒಮ್ಮೆ ನೀವು ಅರಿತುಕೊಂಡರೆ ನೀವು ಅದನ್ನು ಸೇವಿಸದೇ ಬಿಡಲಾರಿರಿ

ಸರಿಯಾದ ಸಮಯದಲ್ಲಿ ಕುಡಿದರೆ ಇದರ ಪ್ರಯೋಜನ ದುಪ್ಪಟ್ಟಾಗಲಿದೆ

ಸರಿಯಾದ ಸಮಯದಲ್ಲಿ ಕುಡಿದರೆ ಇದರ ಪ್ರಯೋಜನ ದುಪ್ಪಟ್ಟಾಗಲಿದೆ

ದಿನದ ಯಾವುದೇ ಸಮಯದಲ್ಲೂ ನೀವು ಎಳೆ ನೀರು ಕುಡಿಯಬಹುದು. ಆದರೆ ಇದನ್ನು ಸರಿಯಾದ ಸಮಯದಲ್ಲಿ ಕುಡಿದರೆ ಇದು ಖಂಡಿತವಾಗಿಯೂ ಹೆಚ್ಚಿನ ಆರೋಗ್ಯ ಲಾಭವನ್ನು ನೀಡಲಿದೆ. ಇದರಿಂದ ನೀವು ಎಳೆ ನೀರು ಕುಡಿಯುವಂತಹ ಸರಿಯಾದ ಸಮಯವನ್ನು ತಿಳಿದುಕೊಳ್ಳಬೇಕಾಗಿದೆ. ಹೀಗೆ ಮಾಡಿದರೆ ಅದರ ಗರಿಷ್ಠ ಲಾಭವನ್ನು ಪಡೆಯಬಹುದು. ಬೇರೆಲ್ಲಾ ಪಾನೀಯಗಳನ್ನು ಸೇವಿಸಲು ನಿಮಗೆ ಒಂದು ಸಮಯ ಎನ್ನುವುದು ಇದೆ. ಆದರೆ ಎಳನೀರು ಕುಡಿಯಲು ಯಾವುದೇ ಸಮಯವಿಲ್ಲ. ಇದನ್ನು ನೀವು ಹಗಲಿನಲ್ಲಿ ಅಥವಾ ರಾತ್ರಿ ವೇಳೆ ಸೇವಿಸಬಹುದು. ಆದರೆ ಒಂದು ನಿಗದಿತ ಸಮಯದಲ್ಲಿ ಇದನ್ನು ಕುಡಿಯುವುದರಿಂದ ನಿಮಗೆ ತುಂಬಾ ಲಾಭ ಸಿಗಲಿದೆ.

ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಇದನ್ನು ಕುಡಿಯುವುದು

ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಇದನ್ನು ಕುಡಿಯುವುದು

ಬೆಳಗ್ಗೆ ನೀವು ಎದ್ದ ಬಳಿಕ ನಿತ್ಯಕರ್ಮಗಳನ್ನು ಮುಗಿಸಿ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಅದರಿಂದ ತುಂಬಾ ಲಾಭವಾಗಲಿದೆ. ಎಳನೀರಿನಲ್ಲಿ ಲೌರಿಕ್ ಆಮ್ಲವಿದೆದ್ದು, ಇದು ದೇಹದಲ್ಲಿ ಪ್ರತಿರೋಧಕ ಶಕ್ತಿ ಹೆಚ್ಚಿಸುವುದು, ಚಯಾಪಚಯ ಕ್ರಿಯೆ ವೃದ್ಧಿಸುವುದು ಮತ್ತು ತೂಕ ಕಳೆದುಕೊಳ್ಳಲು ಇದು ನೆರವಾಗುವುದು. ಗರ್ಭಿಣಿಯರು ನಿರ್ಜಲೀಕರಣ ಮತ್ತು ಮಲಬದ್ಧತೆ ನಿವಾರಣೆ ಮಾಡಲು ಎಳನೀರನ್ನು ಕುಡಿಯಲೇಬೇಕು. ಇದು ಬೆಳಗ್ಗಿನ ಅನಾರೋಗ್ಯ ಕಡಿಮೆ ಮಾಡುವುದು ಮತ್ತು ಗರ್ಭಿಣಿಯರಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುವಂತಹ ಎದೆಯುರಿ ಸಮಸ್ಯೆ ಕಡಿಮೆ ಮಾಡುವುದು.

Most read: ನೈಸರ್ಗಿಕ ಪಾನೀಯ ಎಳನೀರಿನ ಆರೋಗ್ಯಕಾರಿ ಪ್ರಯೋಜನಗಳು

ವ್ಯಾಯಾಮದ ಮೊದಲು ಅಥವಾ ಬಳಿಕ

ವ್ಯಾಯಾಮದ ಮೊದಲು ಅಥವಾ ಬಳಿಕ

ಎಳೆ ನೀರು ಒಂದು ಕ್ರೀಡಾ ಪಾನೀಯವಾಗಿದೆ ಎಂದು ಹೇಳಲಾಗುತ್ತದೆ. ಯಾಕೆಂದರೆ ಇದು ದೇಹಕ್ಕೆ ನೀರಿನಾಂಶವನ್ನು ನೀಡುವುದು ಮತ್ತು ಶಕ್ತಿ ವರ್ಧಿಸುವುದು. ಇದರಿಂದ ವ್ಯಾಯಾಮಕ್ಕೆ ಮೊದಲು ಇದು ಒಳ್ಳೆಯದು. ವ್ಯಾಯಾಮದ ಬಳಿಕ ನೀವು ಎಳೆ ನೀರು ಸೇವನೆ ಮಾಡಿದರೆ ಅದರಿಂದ ದೇಹವು ಕಳೆದುಕೊಂಡಿರುವಂತಹ ವಿದ್ಯುದ್ವಿಚ್ಛೇದಗಳನ್ನು ಮರಳಿ ಪಡೆಯಲು ನೆರವಾಗುವುದು. ಎಳೆ ನೀರು ಕುಡಿಯುವುದರಿಂದ ನಿಶ್ಯಕ್ತಿ ಹೋಗಲಾಡಿಸಬಹುದು ಮತ್ತು ಶಕ್ತಿ ಮರಳಿ ಪಡೆಯಬಹುದು. ಇದು ಒಂದು ರೀತಿಯಲ್ಲಿ ಶಕ್ತಿ ಪೇಯವಾಗಿದೆ.

ಊಟದ ಮೊದಲು ಅಥವಾ ಬಳಿಕ

ಊಟದ ಮೊದಲು ಅಥವಾ ಬಳಿಕ

ನೀವು ಊಟಕ್ಕೆ ಮೊದಲು ಒಂದು ಎಳೆ ನೀರು ಕುಡಿದರೆ ಅದರಿಂದ ಹೊಟ್ಟೆ ತುಂಬಿದಂತೆ ಆಗುವುದು ಮತ್ತು ನೀವು ಅತಿಯಾಗಿ ತಿನ್ನುವುದು ಕಡಿಮೆ ಆಗುವುದು. ಇದರಲ್ಲಿ ಕ್ಯಾಲರಿ ಕಡಿಮೆ ಇದೆ ಮತ್ತು ಹೊಟ್ಟೆಗೆ ಕೂಡ ಇದು ಒಳ್ಳೆಯದು. ಎಳೆ ನೀರು ಕುಡಿಯುವುದರಿಂದ ಜೀರ್ಣಕ್ರಿಯೆಗೆ ನೆರವಾಗುವುದು. ಇದು ಜೀರ್ಣಕ್ರಿಯೆ ಸುಧಾರಿಸುವುದು ಮತ್ತು ಊಟದ ಬಳಿಕ ಹೊಟ್ಟೆ ಉಬ್ಬರ ತಡೆಯುವುದು. ಎಳೆ ನೀರು ಕುಡಿಯುವುದರಿಂದ ಅದು ದೇಹದಲ್ಲಿ ವಿದ್ಯುದ್ವಿಚ್ಛೇದವನ್ನು ಸಮತೋಲನ ಕಾಪಾಡುವುದು ಮತ್ತು ಇದರಿಂದ ರಕ್ತದೊತ್ತಡವು ನಿಯಂತ್ರಣದಲ್ಲಿ ಇರುವುದು ಮತ್ತು ಜೀರ್ಣಕ್ರಿಯೆ ಸುಧಾರಣೆ ಆಗುವುದು.

ಮಲಗುವ ಮೊದಲು

ಮಲಗುವ ಮೊದಲು

ಸಿಹಿ ಹಾಗೂ ತುಂಬಾ ಒಳ್ಳೆಯ ರುಚಿ ಹೊಂದಿರುವ ಎಳೆ ನೀರು ಮಾನಸಿಕವಾಗಿಯು ಪರಿಣಾಮ ಬೀರುವುದು. ಇದರಿಂದ ಆತಂಕವು ಕಡಿಮೆ ಆಗುವುದು ಮತ್ತು ಹೃದಯದ ಬಡಿತ ನಿಧಾನವಾಗಿಸುವುದು. ಒತ್ತಡ ನಿವಾರಣೆ ಮಾಡಲು ಮತ್ತು ಮನಸ್ಸನ್ನು ಶಾಂತವಾಗಿರಿಸಲು ನೀವು ಮಲಗುವ ಮೊದಲು ಒಂದು ಎಳೆ ನೀರು ಕುಡಿಯಿರಿ. ಅದಾಗ್ಯೂ, ಮಲಗುವ ಮೊದಲು ನೀವು ಎಳೆ ನೀರು ಕುಡಿದರೆ ಅದರಿಂದ ದೇಹದಲ್ಲಿ ಇರುವ ಎಲ್ಲಾ ವಿಷಕಾರಿ ಅಂಶವನ್ನು ಹೊರಹಾಕಲು ನೆರವಾಗುವುದು ಮತ್ತು ಮೂತ್ರಕೋಶವನ್ನು ಅದು ಶುದ್ಧೀಕರಿಸುವುದು. ಸೋಂಕನ್ನು ಇದು ತಡೆಯುವುದರ ಜತೆಗೆ ಕಿಡ್ನಿಗೆ ಬರುವ ಸಮಸ್ಯೆಯನ್ನು ನಿವಾರಣೆ ಮಾಡುವುದು.

Most Read: ಖಾಲಿ ಹೊಟ್ಟೆಯಲ್ಲಿ ಎಳೆನೀರು ಕುಡಿದರೆ ಒಂದಲ್ಲಾ, ಎರಡಲ್ಲಾ 10 ಲಾಭಗಳಿವೆ!

ನಶೆಯಿಂದ ಹೊರಗೆ ಬರಲು

ನಶೆಯಿಂದ ಹೊರಗೆ ಬರಲು

ನಿಮಗೆ ಹ್ಯಾಂಗ್ ಓವರ್ ನಿಂದ ಹೊರಗೆ ಬರಬೇಕು ಎಂದಾದರೆ ಆಗ ನೀವು ಒಂದು ಎಳೆ ನೀರು ಸೇವಿಸಿ. ಆಲ್ಕೋಹಾಲ್ ನಿಂದ ನಿರ್ಜಲೀಕರಣ ಉಂಟಾಗುವುದು. ಇದರಿಂದಾಗಿ ತಲೆನೋವು ಕಾಡುವುದು ಮತ್ತು ಮರುದಿನ ಬೆಳಗ್ಗೆ ವಾಕರಿಕೆ ಕೂಡ ಬರಬಹುದು. ಇದೆರಡನ್ನು ಎಳೆ ನೀರು ನಿವಾರಣೆ ಮಾಡುವುದು ಮತ್ತು ದೇಹದಲ್ಲಿ ವಿದ್ಯುದ್ವಿಚ್ಛೇದಗಳನ್ನು ಸ್ಥಾಪಿಸುವ ಮೂಲಕ ದೇಹವು ಉತ್ತಮ ಭಾವನೆ ಹೊಂದುವಂತೆ ಮಾಡುವುದು. ಎಳನೀರಿನಲ್ಲಿ ಕೆಲವೊಂದು ಪ್ರಮುಖ ಪೋಷಕಾಂಶಗಳಾಗಿರು ಪೊಟಾಶಿಯಂ, ಮೆಗ್ನಿಶಿಯಂ, ವಿಟಮಿನ್ ಸಿ, ಕ್ಯಾಲ್ಸಿಯಂ ಮತ್ತು ಆಹಾರದ ನಾರಿನಾಂಶಗಳು ಇವೆ. ಇದರಿಂದ ಎಳೆ ನೀರು ತುಂಬಾ ಆರೋಗ್ಯಕಾರಿ ಮತ್ತು ತಾಜಾತನ ನೀಡುವಂತಹ ಪಾನೀಯವಾಗಿದೆ.

English summary

what is the best time to drink tender coconut water

Coconut water is a natural hydrating drink which is a great source of potassium and has several health benefits. It acts as a great alternative to the other high-calorie and high sugar filled drinks available.Coconut water Is low in calories and high in important nutrients like potassium which gets lost in sweat and workouts. Drinking coconut water at right time can double the health benefits.
Story first published: Wednesday, March 27, 2019, 15:06 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more