For Quick Alerts
ALLOW NOTIFICATIONS  
For Daily Alerts

ದೇಹದ ಕಲ್ಮಶಗಳನ್ನು ಹೊರಹಾಕಲು ಮನೆಯಲ್ಲಿಯೇ ಮಾಡಿ- ನೈಸರ್ಗಿಕ ಜ್ಯೂಸ್

|

ಹಬ್ಬ ಹರಿದಿನ ಹಾಗೂ ಇನ್ನಿತರ ಸಂಭ್ರಮದ ಕಾರ್ಯಕ್ರಮಗಳ ಸಂದರ್ಭದಲ್ಲಿ ಮನೆಯಲ್ಲಿ ತಿಂಡಿಗಳ ಅಬ್ಬರ ಹೆಚ್ಚಾಗಿರುತ್ತದೆ. ಹಬ್ಬ ಹರಿದಿನಗಳ ರಜಾ ಅವಧಿಯಲ್ಲಿ ಹಬ್ಬದ ವಿಶೇಷ ತಿಂಡಿಗಳನ್ನು ಸವಿಯುವುದು ಎಲ್ಲರಿಗೂ ಇಷ್ಟವಾದ ಸಂಗತಿಯೇ ಆಗಿದೆ. ಆದರೆ ಹೀಗೆ ಹೆಚ್ಚಾಗಿ ತಿಂಡಿ ತಿನಿಸುಗಳನ್ನು ತಿಂದು ಮೈಯಲ್ಲಿ ಕೊಬ್ಬಿನ ಅಂಶ ಜಾಸ್ತಿಯಾದಾಗ ಅದನ್ನು ಇಳಿಸಿಕೊಳ್ಳಲು ಪ್ರಯತ್ನಿಸುವುದು ಸಹ ಅತಿ ಮುಖ್ಯವಾಗುತ್ತದೆ. ಅತಿಯಾದ ತೂಕ ಇಳಿಸಿಕೊಳ್ಳಲು ಕೆಲವರು ಉಪವಾಸ ಆರಂಭಿಸುತ್ತಾರೆ.

ಇನ್ನು ಕೆಲವರು ಆಹಾರ ಪದ್ಧತಿ ಬದಲಾಯಿಸಿಕೊಳ್ಳುತ್ತಾರೆ. ಆದಾಗ್ಯೂ ಇಂಥ ಕ್ರಮಗಳಿಂದ ಹೇಳಿಕೊಳ್ಳುವಂಥ ಪರಿಣಾಮಗಳು ಕಂಡು ಬಾರದೆ ನಿರಾಶೆ ಮೂಡುವುದೇ ಹೆಚ್ಚು. ಆದರೆ ದೇಹದಲ್ಲಿನ ಕಲ್ಮಶ ಹಾಗೂ ವಿಷಕಾರಿ ಅಂಶಗಳನ್ನು ತೆಗೆದು ಹಾಕಲು ಸುಲಭ ಉಪಾಯವೊಂದಿದೆ. ಅದಾವುದು ಅಂತೀರಾ? ತಿಳಿಯಲು ಈ ಅಂಕಣ ಪೂರ್ತಿ ಓದಿ.. ನೀವೂ ಟ್ರೈ ಮಾಡಿ..

ಮಾರುಕಟ್ಟೆಯಲ್ಲಿ ಸಿಗುವ ಜ್ಯೂಸ್ ಬೇಡ!

ಮಾರುಕಟ್ಟೆಯಲ್ಲಿ ಸಿಗುವ ಜ್ಯೂಸ್ ಬೇಡ!

ಶರೀರದಲ್ಲಿನ ಕಲ್ಮಶ ಹಾಗೂ ಹೆಚ್ಚುವರಿ ಕೊಬ್ಬಿನ ಅಂಶಗಳ ನಿವಾರಣೆಗೆ ಒಂದು ನೈಸರ್ಗಿಕ ಜ್ಯೂಸ್ ನಿಮಗೆ ಸಹಾಯ ಮಾಡಬಲ್ಲದು. ಇದು ಖಂಡಿತವಾಗಿಯೂ ಮಾರುಕಟ್ಟೆಯಲ್ಲಿ ಸಿಗುವ ಜ್ಯೂಸ್ ಅಲ್ಲ. ಇದನ್ನು ನೀವೇ ಮನೆಯಲ್ಲಿ ನೈಸರ್ಗಿಕ ವಸ್ತುಗಳನ್ನು ಬಳಸಿ ತಯಾರಿಸಿ ಸೇವಿಸಬಹುದು ಹಾಗೂ ಉತ್ತಮ ಆರೋಗ್ಯ ನಿಮ್ಮದಾಗಿಸಿಕೊಳ್ಳಬಹುದು. ಎಲ್ಲರ ಅಡುಗೆ ಮನೆಯಲ್ಲಿ ಇರುವ ಶುಂಠಿ, ನಿಂಬೆ ಹಣ್ಣು ಹಾಗೂ ದಾಲ್ಚಿನ್ನಿಗಳನ್ನು ಬಳಸಿ ಕೇವಲ 10 ನಿಮಿಷಗಳಲ್ಲಿ ಈ ಆರೋಗ್ಯಕರ ಜ್ಯೂಸ್ ತಯಾರಿಸಬಹುದು.

ಕೊಬ್ಬು ಕರಗಿಸಲು ಬೆಸ್ಟ್ ಈ ನೈಸರ್ಗಿಕ ಜ್ಯೂಸ್

ಕೊಬ್ಬು ಕರಗಿಸಲು ಬೆಸ್ಟ್ ಈ ನೈಸರ್ಗಿಕ ಜ್ಯೂಸ್

"ಈ ಆರೋಗ್ಯಕರ ಜ್ಯೂಸ್ ಸೇವನೆಯಿಂದ ಶರೀರದಲ್ಲಿನ ನೋವು ಮಾಯವಾಗಿ ನೈಸರ್ಗಿಕವಾಗಿಯೇ ಕೊಬ್ಬಿನ ಅಂಶ ಕರಗಲಾರಂಭಿಸುತ್ತದೆ. ಕ್ಷಾರ ಗುಣ (ಅಲ್ಕಲೈನ್) ಹೊಂದಿರುವ ಈ ಪೇಯ ಉದರ ಹಾಗೂ ಹೃದಯದ ಆರೋಗ್ಯಕ್ಕೂ ಅತ್ಯುತ್ತಮ ವಾಗಿದೆ. ದೇಹದಲ್ಲಿ ತೂಕ ಹೆಚ್ಚಲು ಕಾರಣವಾಗುವ ಕಲ್ಮಶಗಳು ಹಾಗೂ ಫ್ಯಾಟಿ ಆಸಿಡ್‌ಗಳನ್ನು ನಿವಾರಿಸಲು ಈ ಜ್ಯೂಸ್ ಸಹಕಾರಿಯಾಗಿದೆ"

Most Read: ಮಹಿಳೆಯರ ಎತ್ತರವು ಅವರ ಆರೋಗ್ಯದ ಎಲ್ಲಾ ರಹಸ್ಯಗಳನ್ನು ಬಿಚ್ಚಿಡುತ್ತದೆಯಂತೆ!

ಹೀಗೆ ತಯಾರಿಸಿ ಆರೋಗ್ಯಕರ ಜ್ಯೂಸ್

ಹೀಗೆ ತಯಾರಿಸಿ ಆರೋಗ್ಯಕರ ಜ್ಯೂಸ್

ಒಂದು ಲೀಟರ್ ನೀರನ್ನು ಪಾತ್ರೆಯೊಂದಕ್ಕೆ ಹಾಕಿ ಕುದಿಸಿ. ಇದಕ್ಕೆ ಕೆಲ ಕತ್ತರಿಸಿದ ಶುಂಠಿಯ ತುಂಡುಗಳನ್ನು ಹಾಕಿ. ನಂತರ ಒಂಚೂರು ದಾಲ್ಚಿನ್ನಿಯನ್ನು ಸೇರಿಸಿ. ಈಗ 15 ರಿಂದ 20 ನಿಮಿಷಗಳವರೆಗೆ ಈ ದ್ರಾವಣ ತಣ್ಣಗಾಗಲು ಬಿಡಿ. ದ್ರಾವಣ ಸಂಪೂರ್ಣ ತಣ್ಣಗಾದ ಮೇಲೆ ಇದಕ್ಕೆ ಒಂದಿಷ್ಟು ನಿಂಬೆರಸ ಸೇರಿಸಿ. ಈಗ ಇದನ್ನು ಸೋಸಿ ಗಾಳಿಯಾಡದ ಬಾಟಲಿಯೊಂದಕ್ಕೆ ತುಂಬಿಟ್ಟರೆ ಯಾವಾಗ ಬೇಕಾದರೂ ಸೇವಿಸಬಹುದು.

ನೈಸರ್ಗಿಕ ಜ್ಯೂಸ್‌ನ ಆರೋಗ್ಯಕಾರಿ ಪ್ರಯೋಜನಗಳು

ನೈಸರ್ಗಿಕ ಜ್ಯೂಸ್‌ನ ಆರೋಗ್ಯಕಾರಿ ಪ್ರಯೋಜನಗಳು

ನಿಂಬೆ ಹಾಗೂ ಶುಂಠಿಯ ಮಿಶ್ರಣ ಆರೋಗ್ಯ ಭಾಗ್ಯದ ಸಂಗಮವಾಗಿದೆ. ನಿಂಬೆಯಲ್ಲಿರುವ ವಿಟಮಿನ್ ಸಿ ಹಾಗೂ ಆಂಟಿ ಆಕ್ಸಿಡೆಂಟ್ ಅಂಶಗಳಿಂದ ಶರೀರದಲ್ಲಿನ ಫ್ಯಾಟ್ ಕರಗುತ್ತದೆ ಹಾಗೂ ಇನ್ಸುಲಿನ್‌ನ ನಿರೋಧಕ ಗುಣವನ್ನು ಹೆಚ್ಚಿಸಿ ಇಡೀ ಶರೀರದಲ್ಲಿರುವ ಕಲ್ಮಶ ಹಾಗೂ ವಿಷಕಾರಿ ಅಂಶಗಳನ್ನು ಹೊರ ಹಾಕಲು ಸಹಕಾರಿಯಾಗಿದೆ. ಇನ್ನು ಶುಂಠಿಯ ಆರೋಗ್ಯಕಾರಿ ಗುಣಗಳ ಬಗ್ಗೆ ತಿಳಿದೇ ಇದೆ. ಇದನ್ನು ಪುರಾತನ ಕಾಲದಿಂದಲೂ ಔಷಧಿಯಾಗಿ ಬಳಸಲಾಗುತ್ತಿದೆ. ದೇಹದಲ್ಲಿನ ಸಕ್ಕರೆ ಅಂಶವನ್ನು ನಿಯಂತ್ರಿಸುವ ಅಂಶಗಳು ಶುಂಠಿಯಲ್ಲಿವೆ. ಅಲ್ಲದೆ ಹಸಿವಿನ ಪ್ರಮಾಣವನ್ನು ಸಹಜ ಸ್ಥಿತಿಗೆ ತರುವ ವಿಶಿಷ್ಟ ಹಾರ್ಮೋನ್‌ಗಳನ್ನು ಶುಂಠಿ ಒಳಗೊಂಡಿದೆ. ನೈಸರ್ಗಿಕ ನೋವು ನಿವಾರಕವಾಗಿರುವ ಶುಂಠಿಯು ಜೀರ್ಣ ಕ್ರಿಯೆಯನ್ನು ಸುಧಾರಿಸಿ ದೇಹದಲ್ಲಿನ ಹೆಚ್ಚುವರಿ ಕ್ಯಾಲೊರಿಗಳನ್ನು ಶೀಘ್ರವಾಗಿ ಕರಗಿಸಲು ಸಹಾಯ ಮಾಡುತ್ತದೆ.

Most Read: ವಾರಂತ್ಯದ ಸಲಹೆ; ದೇಹದೊಳಗಿನ ಕಲ್ಮಶ ಹೊರಹಾಕುವ ಮನೆಮದ್ದುಗಳು

ದಾಲ್ಚಿನ್ನಿ

ದಾಲ್ಚಿನ್ನಿ

ಹಾಗೆಯೇ ಎಲ್ಲರ ಅಡುಗೆ ಮನೆಯ ಸಾಂಬಾರು ಡಬ್ಬಿಯಲ್ಲಿರುವ ದಾಲ್ಚಿನ್ನಿ ಸಹ ಅತ್ಯಂತ ಆರೋಗ್ಯಕಾರಿ ಅಂಶಗಳನ್ನು ಒಳಗೊಂಡಿದೆ. ದೇಹದ ತೂಕವನ್ನು ಇಳಿಸಲು ಅತಿ ಉಪಯುಕ್ತವಾಗಿರುವ ದಾಲ್ಚಿನ್ನಿ, ದೇಹದಲ್ಲಿನ ಎಲ್‌ಡಿಎಲ್ ಎಂಬ ಬೇಡವಾದ ಕೊಬ್ಬನ್ನು ಕರಗಿಸಲು ಸಹಾಯ ಮಾಡುತ್ತದೆ. ಅಲ್ಲದೆ ಶರೀರದ ಸಂಪೂರ್ಣ ಚಯಾಪಚಯ ಕ್ರಿಯೆಯನ್ನು ಸುಧಾರಿಸಿ ಆರೋಗ್ಯವಂತರಾಗಲು ದಾಲ್ಚಿನ್ನಿಯು ಉತ್ತಮವಾಗಿದೆ. ಇಷ್ಟೆಲ್ಲ ಆರೋಗ್ಯಕರ ಹಾಗೂ ನೈಸರ್ಗಿಕ ವಸ್ತುಗಳಿಂದ ತಯಾರಾದ ಈ ಜ್ಯೂಸ್ ಆರೋಗ್ಯಕ್ಕೆ ಅತ್ಯುಪಯುಕ್ತವಾಗಿದೆ. ಬೆಳಗಿನ ಕಾಫಿ ಅಥವಾ ಟೀ ಬಿಡಲಾಗದು ಆದರೂ ತೂಕ ಇಳಿಸಬೇಕೆಂಬ ಹುಮ್ಮಸ್ಸು ನಿಮ್ಮಲ್ಲಿದ್ದರೆ ಈ ಜ್ಯೂಸ್ ನಿಮಗೆ ಹೇಳಿ ಮಾಡಿಸಿದಂತಿದೆ.

English summary

This Natural drink is the perfect way to detox

It is officially time to put the holiday weight away. Instead of mindlessly following different diets and fasting (which do not prove to be of major help), one of the easiest ways of ditching the festive calories is by going on a detox route to cleanse the system and get rid of all the toxins. The best way to go about it, you ask? No, it is not the "healthy juices" available in the market but something which you can make at home in 10 minutes.
Story first published: Thursday, January 24, 2019, 7:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more