For Quick Alerts
ALLOW NOTIFICATIONS  
For Daily Alerts

ಪ್ರತಿ ದಿನದ ಇಂತಹ ಕೆಟ್ಟ ಹವ್ಯಾಸಗಳೇ ನಿಮ್ಮ ಮೂಳೆಗಳಿಗೆ ಮಾರಕ !!!

|

ಮನುಷ್ಯನ ದೇಹದ ನರನಾಡಿಗಳು ಬಳ್ಳಿಯ ರೀತಿಯಲ್ಲಿ ಒಂದಕ್ಕೊಂದು ಸುತ್ತಿಕೊಂಡು ನಿಂತಿರುವುದೇ ಮೂಳೆಗಳೆಂಬ ಆಧಾರದಿಂದ . ಮೂಳೆಗಳು ಇಲ್ಲದಿದ್ದರೆ ಮನುಷ್ಯನ ದೇಹದ ಆಕಾರ ಹೇಗಿರುತ್ತಿತ್ತು ಒಮ್ಮೆ ಊಹಿಸಿಕೊಳ್ಳಿ . ಮನುಷ್ಯನಿಗಷ್ಟೇ ಅಲ್ಲ , ಸಕಲ ಪ್ರಾಣಿ ಪಕ್ಷಿಗಳಿಗೂ ಎಲುಬೇ ಆಧಾರ . " ಮಾನವ ಮೂಳೆ ಮಾಂಸದ ತಡಿಕೆ " ಎಂಬಂತೆ ಮನುಷ್ಯ ಸತ್ತ ಮೇಲೆ ಮಣ್ಣಲ್ಲಿ ಮಣ್ಣಾದರೂ ಕೊನೆಗೆ ಉಳಿಯುವುದು ಮೂಳೆಗಳ ಸಂಗಮವೇ . ಅಂತಹ ಗಟ್ಟಿಮುಟ್ಟಾದ ಮೂಳೆಗಳನ್ನು ಮನುಷ್ಯ ಒಮ್ಮೊಮ್ಮೆ ತನ್ನ ಅಭ್ಯಾಸದಿಂದ ತಾನು ಬದುಕಿರುವಾಗಲೇ ಅವುಗಳನ್ನು ದುರ್ಬಲ ಮಾಡಿಬಿಡುತ್ತಾನೆ . ಅದಕ್ಕೆ ಕಾರಣಗಳು ಹಲವಾರಿರಬಹುದು . ಕೆಲವೊಂದು ಮುಖ್ಯವಾದುವುವನ್ನು ಇಲ್ಲಿ ವಿಮರ್ಶಿಸಲಾಗಿದೆ .

ನಮ್ಮ ಮೂಳೆಗಳ ರಕ್ಷಣೆ ಮಾಡುವುದು ಹೇಗೆ ?

ನಮ್ಮ ಮೂಳೆಗಳ ರಕ್ಷಣೆ ಮಾಡುವುದು ಹೇಗೆ ?

ನಾವು ಬೆಳಗ್ಗೆ ಏಳುವಾಗಿನಿಂದ ನಮ್ಮ ಪ್ರತಿದಿನದ ಕೆಲಸ ಕಾರ್ಯಗಳನ್ನು ಶುರುಮಾಡುವುದು ನಮ್ಮ ದೇಹದಲ್ಲಿನ ಮೂಳೆಗಳ ಸಹಾಯದಿಂದ . ಆದರೆ ಅವುಗಳ ರಕ್ಷಣೆಯ ವಿಷಯಕ್ಕೆ ಬಂದರೆ ಮಾತ್ರ ನಾವು ನಿರ್ಲಕ್ಷ್ಯ ಮಾಡಿ ಸುಮ್ಮನಾಗುತ್ತೇವೆ . ಮೂಳೆಗಳ ಬಗ್ಗೆ ವಯಸ್ಸಾದ ಮೇಲೆ ತಲೆ ಕೆಡಿಸಿಕೊಂಡರಾಯಿತು ಎಂದು ತಾತ್ಸಾರ ಭಾವದಿಂದ ಅದನ್ನು ಅಲ್ಲಗಳೆಯುತ್ತೇವೆ . ಇಲ್ಲೇ ನಾವು ಎಡವುವುದು . ಏಕೆಂದರೆ ನಮ್ಮ ಎಲ್ಲಾ ಕೆಲಸಗಳಲ್ಲೂ ಸಹಾಯ ಮಾಡುವ ಮೂಳೆಗಳು ಒಳಗೊಳಗೇ ಸವೆಯತೊಡಗಿರುತ್ತವೆ . ಆದರೆ ನಾವು ಗಟ್ಟಿಮುಟ್ಟಾಗಿದ್ದಾಗ ಅದರ ಪ್ರಭಾವವೇನೂ ನಮ್ಮ ದೇಹದ ಮೇಲೆ ಆಗುವುದಿಲ್ಲ . ನಮಗೆ ಯಾವ ಕುರುಹಾಗಲೀ ಅಥವಾ ನೋವೂ ಕೂಡ ಕಾಣಿಸುವುದಿಲ್ಲ . ಎಲ್ಲಾ ರೀತಿಯ ಮೂಳೆ ಅಥವಾ ಕೀಲು ನೋವು ನಮ್ಮನ್ನು ಕಿತ್ತು ತಿನ್ನುವುದು ನಮಗೆ ಸ್ವಲ್ಪ ವಯಸ್ಸಾಗುತ್ತಿದ್ದಂತೆ . ಆಗ ಅನ್ನಿಸುತ್ತದೆ . ನಾನು ನಿನ್ನೆ ಮೊನ್ನೆ ಯಾವ ಭಾರ ಎತ್ತುವ ಕೆಲಸವಾಗಲೀ ಅಥವಾ ಕಷ್ಟದ ಕೆಲಸವಾಗಲೀ ಮಾಡಿಯೇ ಇಲ್ಲ . ಆದರೂ ಈ ನೋವು ಏಕೆ ಬಂತಪ್ಪಾ ಎಂದು ಬೈದುಕೊಂಡು ಓಡಾಡುತ್ತಿರುತ್ತೇವೆ . ಇತ್ತೀಚೆಗಂತೂ ಯಾರೊಬ್ಬರ ಬಾಯಲ್ಲೂ ಕಾಲು ನೋವು , ಮಂಡಿ ನೋವು ಎಂಬ ಮಾತೇ ಕೇಳುತ್ತೇವೆ . ಇದನ್ನೇ ವೈದ್ಯಕೀಯ ಭಾಷೆಯಲ್ಲಿ " ಓಸ್ಟೆಯೋಪೋರೊಸಿಸ್ " ಎಂದು ಕರೆಯುತ್ತಾರೆ . ಓಸ್ಟೆಯೋಪೋರೊಸಿಸ್ ಬಂದವರ ಮೂಳೆಗಳು ಅಷ್ಟು ಗಟ್ಟಿಮುಟ್ಟಾಗಿರುವುದಿಲ್ಲ . ತುಂಬಾ ದುರ್ಬಲವಾಗಿರುತ್ತವೆ . ಸಣ್ಣ ಏಟಾದರೂ ಮೂಳೆ ಮುರಿಯುತ್ತವೆ . ಓಸ್ಟೆಯೋಪೋರೊಸಿಸ್ ನಿಧಾನವಾಗಿ ನಮಗರಿವಿಲ್ಲದಂತೆ ನಮ್ಮ ದೇಹವನ್ನು ದುರ್ಬಲಗೊಳಿಸುತ್ತಾ ಹೋಗುತ್ತದೆ . ಹಾಗಾದರೆ ಇದನ್ನು ನಾವು ಹೇಗೆಲ್ಲಾ ನಮ್ಮ ಕೆಟ್ಟ ಜೀವನ ಶೈಲಿಗಳಿಂದ ಬೆಳೆಸಿಕೊಳ್ಳುತ್ತೇವೆ ಎಂಬುದನ್ನು ನೋಡೋಣ....

Most Read: ಸದೃಢವಾದ ಮೂಳೆಗಳಿಗಾಗಿ ಅತ್ಯುತ್ತಮವಾದ ವ್ಯಾಯಾಮಗಳು

ಸೂರ್ಯನ ಕಿರಣಗಳಿಂದ ದೂರವಿರುವುದು

ಸೂರ್ಯನ ಕಿರಣಗಳಿಂದ ದೂರವಿರುವುದು

ಇದೊಂದು ಎಲ್ಲರಲ್ಲೂ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿರುವ ವಿಷಯವಾಗಿದೆ . ಏಕೆಂದರೆ ಒತ್ತಡದ ಹಾಗು ಸಮಯದ ಆಭಾವದಿಂದ ಜನರು ಬೆಳಗ್ಗೆ ವಾಕಿಂಗ್ ಮಾಡುವುದನ್ನೇ ಮರೆತಿದ್ದಾರೆ . ಇದರ ಕಾರಣ ಎಳೆ ಬಿಸಿಲಿನಲ್ಲಿ ಮೈಯೊಡ್ಡುವುದು ಇಲ್ಲದಾಗಿ ನಮ್ಮ ಮೂಳೆಗಳಿಗೆ ಬೇಕಾದ ವಿಟಮಿನ್ 'ಡಿ' ಕೊರತೆಯಾಗುತ್ತದೆ . ಸಾಮಾನ್ಯವಾಗಿ ವಿಟಮಿನ್ ' ಡಿ ' ನಮ್ಮ ದೇಹದ ಮೂಳೆಗಳ ರಕ್ಷಣೆ ಮಾಡಿ ಕ್ಯಾಲ್ಸಿಯಂ ಅನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ . " ಅಮೆರಿಕನ್ ನ್ಯಾಷನಲ್ ಓಸ್ಟೆಯೋಪೋರೊಸಿಸ್ ಫೌಂಡೇಶನ್ " ನ ಪ್ರಕಾರ ಒಂದು ದಿನಕ್ಕೆ 50 ವರ್ಷ ಒಳಗಿನವರಿಗೆ 400 IU ನಿಂದ 800 IU ಮತ್ತು 50 ವರ್ಷ ಮೇಲ್ಪಟ್ಟಿರುವವರಿಗೆ ಸುಮಾರು 800 IU ನಿಂದ 1000 IU ವರೆಗೆ ವಿಟಮಿನ್ ' ಡಿ ' ಅವಶ್ಯಕತೆಯಿರುತ್ತದೆ. ಒಂದು ವೇಳೆ ನಿಮ್ಮ ದೇಹಕ್ಕೆ ವಿಟಮಿನ್ ' ಡಿ ' ಕೊರತೆಯಾಗಿದ್ದರೆ , ನಿಮ್ಮ ವೈದ್ಯರ ಬಳಿಯಲ್ಲಿ ಸಪ್ಲಿಮೆಂಟ್ಗಳನ್ನು ಕೇಳಿ ಪಡೆಯಿರಿ .

ಸೋಮಾರಿತನದಿಂದ ಮೂಳೆಗಳು ದುರ್ಬಲಗೊಳ್ಳುತ್ತವೆ

ಸೋಮಾರಿತನದಿಂದ ಮೂಳೆಗಳು ದುರ್ಬಲಗೊಳ್ಳುತ್ತವೆ

ನಮಗೆಲ್ಲಾ ತಿಳಿದಿರುವ ಹಾಗೆ ನಾವು ಎಷ್ಟು ಮೈ ಬಗ್ಗಿಸಿ ಕೆಲಸ ಮಾಡುತ್ತೇವೋ ಅಷ್ಟೂ ನಮ್ಮ ದೇಹ ಸದೃಢವಾಗುತ್ತದೆ . ಇದು ಮೂಳೆಗಳ ವಿಚಾರದಲ್ಲೂ ಅಷ್ಟೇ . ಇತ್ತೀಚಿಗೆ ಕೆಲಸದ ಬದಲು ವ್ಯಾಯಾಮ ಮಾಡುವ ಹವ್ಯಾಸ ರೂಢಿ ಮಾಡಿಕೊಂಡಿದ್ದೇವೆ . ವ್ಯಾಯಾಮ ಮಾಡಿದಷ್ಟೂ ನಮ್ಮ ಮೂಳೆಗಳು ಬಲಗೊಳ್ಳುತ್ತವೆ . ಇಷ್ಟು ತಿಳಿದ ಮೇಲೆ ಆರಾಮವಾಗಿ ಮಂಚದ ಮೇಲೆ ಮಲಗಿಕೊಂಡು ಒದ್ದಾಡುವ ಬದಲು ವಾಕಿಂಗ್ , ರನ್ನಿಂಗ್ , ಡಾನ್ಸ್ ಅಥವಾ ಇನ್ನೇನಾದರೂ ಮಾಡಿ . ಒಟ್ಟಿನಲ್ಲಿ ಸೋಮಾರಿಯಾಗಿರುವುದನ್ನು ಬಿಟ್ಟು ಸದಾ ಸಕ್ರೀಯವಾಗಿರಿ .

ಸ್ಮೋಕಿಂಗ್ ಅಥವಾ ಧೂಮಪಾನ

ಸ್ಮೋಕಿಂಗ್ ಅಥವಾ ಧೂಮಪಾನ

ಧೂಮಪಾನ ಆರೋಗ್ಯಕ್ಕೆ ಹಾನಿಕರ ಎಂಬ ತಿಳುವಳಿಕೆ ಮಾಹಿತಿಯನ್ನು ನಾವು ಎಲ್ಲಾ ಕಡೆ ನೋಡಿರುತ್ತೇವೆ . ಖಂಡಿತ , ಧೂಮಪಾನ ಕೇವಲ ಶ್ವಾಸಕೋಶಕ್ಕೆ ಮಾತ್ರ ಹಾನಿ ಮಾಡುವುದಲ್ಲದೆ ದೇಹದ ಮೂಳೆಗಳಿಗೂ ಹಾನಿ ಉಂಟು ಮಾಡುತ್ತವೆ . ಧೂಮಪಾನದಿಂದ ಓಸ್ಟೆಯೋಪೋರೊಸಿಸ್ ಸಮಸ್ಯೆ ಹೆಚ್ಚಾಗುತ್ತದೆ . ಧೂಮಪಾನ ಮಾಡುವುದರಿಂದ ಆಸ್ಟಿಯೋಬ್ಲಾಸ್ಟ್ ( ಮೂಳೆ ಬೆಳೆಯುವ ಪ್ರಕ್ರಿಯೆ ) ಮತ್ತು ಆಸ್ಟೆಯೋಕ್ಲಾಸ್ಟ್ ( ಹಳೆಯದಾದ ಮೂಳೆಗಳ ಬದಲಾವಣೆ)ಗೆ ತೊಂದರೆ ಉಂಟಾಗಿ ಮೂಳೆಗಳು ದುರ್ಬಲಗೊಳ್ಳುತ್ತವೆ .

ಆಲ್ಕೋಹಾಲ್ ಮತ್ತು ಸೋಡಾದ ಸೇವನೆ ನಿಮ್ಮ ಮೂಳೆಗಳಿಗೆ ವೇದನೆ

ಆಲ್ಕೋಹಾಲ್ ಮತ್ತು ಸೋಡಾದ ಸೇವನೆ ನಿಮ್ಮ ಮೂಳೆಗಳಿಗೆ ವೇದನೆ

ಧೂಮಪಾನದಂತೆ ಮಧ್ಯಪಾನ ಕೂಡ ಆರೋಗ್ಯಕ್ಕೆ ಹಾನಿಕರ . ಅತಿ ಹೆಚ್ಚು ಮದ್ಯಪಾನ ಸೇವನೆಯಿಂದ ಕ್ಯಾಲ್ಸಿಯಂ ಹೀರಿಕೊಳ್ಳುವುದಕ್ಕೆ ಮತ್ತು ಮೂಳೆಗಳ ಬಲಿಯುವಿಕೆಗೂ ಕಾರಣವಾದ ಹಾರ್ಮೋನುಗಳು ಉತ್ಪತ್ತಿ ಆಗುವುದು ನಿಲ್ಲುತ್ತದೆ . ಇದರಿಂದ ಮೂಳೆಗಳು ದುರ್ಬಲ ಆಗುತ್ತವೆ . ಕಾರ್ಬೊನೇಟೆಡ್ ಕೋಲ್ಡ್ ಡ್ರಿಂಕ್ ಕುಡಿಯುವುದರಿಂದ ಕೂಡ ಈ ಸಮಸ್ಯೆ ತಪ್ಪಿದ್ದಲ್ಲ.

Most Read: ಮೂಳೆ ಸಮಸ್ಯೆಗಳ ಬಗ್ಗೆ ನಮ್ಮಲ್ಲಿರುವ ಅಪನಂಬಿಕೆಗಳು

ಅಸಮತೋಲಿತ ಆಹಾರ ಕೂಡ ಮೂಳೆಗಳಿಗೆ ಮಾರಕ

ಅಸಮತೋಲಿತ ಆಹಾರ ಕೂಡ ಮೂಳೆಗಳಿಗೆ ಮಾರಕ

ಕ್ಯಾಲ್ಸಿಯಂ ನಿಮಗೆಲ್ಲ ಗೊತ್ತಿರುವ ಹಾಗೆ ನಮ್ಮ ದೇಹಕ್ಕೆ ಬೇಕಾದ ಅತ್ಯಂತ ಅವಶ್ಯವಾದ ಅಂಶ . ಇದು ಮೂಳೆಗಳ ಬಲ ಮತ್ತು ಅವುಗಳ ಸ್ವಾಸ್ತ್ಯವನ್ನು ಕಾಪಾಡುತ್ತದೆ . ನಾವು ತಿನ್ನುವ ಆಹಾರದಲ್ಲಿ ಕ್ಯಾಲ್ಸಿಯಂ ಅಂಶ ಕೂಡ ಅಡಗಿರುತ್ತದೆ . ಅದು ಸರಿಯಾದ ರೀತಿಯಲ್ಲಿ ನಮ್ಮ ದೇಹಕ್ಕೆ ಸಮತೋಲನವಾಗಿ ಸೇರದಿದ್ದರೆ ಮೇಲೆ ಹೇಳಿದ ಎಲ್ಲ ರೀತಿಯ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು . ಆದ್ದರಿಂದ ನಮಗೆ ನಮ್ಮ ಮೂಳೆಗಳು ಬಲವಾಗಿರಬೇಕಿದ್ದರೆ ದಿನಕ್ಕೆ ಬೇಕಾದ ಇಂತಿಷ್ಟು ಪ್ರಮಾಣದ ಕ್ಯಾಲ್ಸಿಯಂ ಅನ್ನು ತೆಗೆದುಕೊಳ್ಳುವುದು ಕಡ್ಡಾಯ .

ತೂಕ ಇಳಿಸಿಕೊಳ್ಳುವ ಭರದಲ್ಲಿ ನಿಮ್ಮ ಮೂಳೆಗಳು ಜೋಪಾನ

ತೂಕ ಇಳಿಸಿಕೊಳ್ಳುವ ಭರದಲ್ಲಿ ನಿಮ್ಮ ಮೂಳೆಗಳು ಜೋಪಾನ

ಇತ್ತೀಚಿಗೆ ನಗರ ಪ್ರದೇಶಗಳಲ್ಲಿ ಜನರು ತಮ್ಮ ದೇಹದ ತೂಕ ಇಳಿಸಿಕೊಳ್ಳಲು ಅನೇಕ ರೀತಿಯ ಆರೋಗ್ಯಕರವಲ್ಲದ ವಿಧಾನಗಳನ್ನು ಅನುಸರಿಸುತ್ತಿದ್ದಾರೆ . ದೇಹದ ತೂಕ ಇಳಿಸಿಕೊಳ್ಳುವುದು ಒಳ್ಳೆಯ ವಿಚಾರವೇ . ಆದರೆ ಅದು ಅತಿಯಾದರೆ ಅದರ ನೇರ ಪರಿಣಾಮ ಮೂಳೆಗಳ ಮೇಲೆ ಆಗುತ್ತದೆ . ಅನೇಕ ವರದಿಗಳ ಪ್ರಕಾರ ಬಾಡಿ ಮಾಸ್ ಇಂಡೆಕ್ಸ್ 18.5 ಕ್ಕಿಂತ ಕಡಿಮೆ ಇದ್ದರೆ ಅದು ಓಸ್ಟೆಯೋಪೋರೊಸಿಸ್ ಗೆ ದಾರಿ ಮಾಡಿ ಕೊಡುತ್ತದೆ .

English summary

Everyday habits that are hurting your bones

When it comes to our health, we often pay less attention to our bones. We think that bone related problems are something we have to deal with in the later stages of life and this is where we make the greatest mistake. There are a number of small things that we do every day, which can make us prone to bone-related problems like osteoporosis. Although we might not feel its effect right now, but you have to deal with its consequences later. Osteoporosis is a condition that weakens bones and makes them fragile, making them prone to injury.
Story first published: Tuesday, May 21, 2019, 20:00 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more