For Quick Alerts
ALLOW NOTIFICATIONS  
For Daily Alerts

ಕ್ಯಾನ್ಸರ್ ವಿರುದ್ಧ ಹೋರಾಡುವ ಗುಣವಿರುವ ಇಂತಹ ಆಹಾರಗಳನ್ನು ಡಯಟ್‌ನಲ್ಲಿ ಅಳವಡಿಸಿಕೊಳ್ಳಿ

|

ವಿಶ್ವದಾದ್ಯಂತ ಸಂಭವಿಸುವ ಸಾವುಗಳಿಗೆ ಅತಿ ಸಾಮಾನ್ಯ ಕಾರಣದಲ್ಲಿ ಕ್ಯಾನ್ಸರ್ ಎರಡನೆಯದಾಗಿದೆ. 2018ರ ಅಂಕಿ ಅಂಶಗಳ ಪ್ರಕಾರ ಭಾರತವೊಂದರಲ್ಲಿಯೇ 7,84,821 ವ್ಯಕ್ತಿಗಳು ಕ್ಯಾನ್ಸರ್ ನಿಂದ ಸಾವಿಗೀಡಾಗಿದ್ದಾರೆ. ಇವರಲ್ಲಿ 4,13,519 ಪುರುಷರು ಮತ್ತು 3,71,302 ಮಹಿಳೆಯರಾಗಿದ್ದಾರೆ. ಭಾರತದಲ್ಲಿ ಪ್ರತಿ ಎಂಟು ನಿಮಿಷಕ್ಕೊಬ್ಬ ಮಹಿಳೆ ಗರ್ಭಕಂಠದ ಕ್ಯಾನ್ಸರ್ ನಿಂದ ಸಾವಿಗೀಡಾಗುತ್ತಾಳೆ ಎಂಬುದು ಈ ಅಂಕಿ ಅಂಶಗಳು ಸಾದರಪಡಿಸುವ ಸತ್ಯವಾಗಿದ್ದು ಗಾಬರಿ ಹುಟ್ಟಿಸುತ್ತದೆ. ಇದಕ್ಕೂ ಹೊರತಾಗಿ ಹೆಚ್ಚಿನ ಮಹಿಳೆಯರು ಸ್ತನ ಕ್ಯಾನ್ಸರ್ ನಿಂದ ಸಾವಿಗೀಡಾಗಿದ್ದಾರೆ. ಪುರುಷರಲ್ಲಿ ಅತಿ ಹೆಚ್ಚು ಸಾವುಗಳಿಗೆ ಕಾರಣವಾದ ಕ್ಯಾನ್ಸರ್ ಎಂದರೆ ಬಾಯಿಯ ಕ್ಯಾನ್ಸರ್ ಆಗಿದೆ.

ಕ್ಯಾನ್ಸರ್ ಎಷ್ಟು ಮಾರಣಾಂತಿಕವೆಂಬುದನ್ನು ಈ ಅಂಕಿ ಅಂಶಗಳೇ ಸಾದರಪಡಿಸುತ್ತಿದ್ದು ವಿಶ್ವದಲ್ಲಿಯೇ ಅತಿ ಭಯಾನಕವಾದ ಈ ಕಾಯಿಲೆಯನ್ನು ಬಾರದಂತೆ ತಡೆಗಟ್ಟುವುದು ಎಷ್ಟು ಅವಶ್ಯಕ ಎಂಬುದನ್ನು ನಾವೆಲ್ಲರೂ ಮನಗಾಣಬೇಕಾಗಿದೆ. ಇತ್ತೀಚಿನ ಸಂಶೋಧನೆಗಳು ನೀಡುವ ಸಲಹೆಯ ಪ್ರಕಾರ ನೀವು ನಿಮ್ಮ ಆಹಾರಕ್ರಮವನ್ನು ಆರೋಗ್ಯಕರವಾಗಿ ಕಾಪಾಡಿಕೊಂಡು ಬಂದರೆ ಕ್ಯಾನ್ಸರ್ ಆವರಿಸುವ ಸಾಧ್ಯತೆಯನ್ನು ತಗ್ಗಿಸಬಹುದು. ಬನ್ನಿ, ನಿಮ್ಮ ನಿತ್ಯದ ಆಹಾರಕ್ರಮಗಳಲ್ಲಿ ಏನನ್ನು ಅಳವಡಿಸಿಕೊಳ್ಳಬೇಕು ಎಂಬುದನ್ನು ನೋಡೋಣ...

Cancer Fighting Foods

ಕ್ಯಾನ್ಸರ್ ತಡೆಗಟ್ಟುವ ಆಹಾರಗಳು

ಇತ್ತೀಚಿನ ದಿನಗಳಲ್ಲಿ ಸಿದ್ಧ ಮತ್ತು ಪೊಟ್ಟಣಗಳ ಆಹಾರವನ್ನು ಸೇವಿಸುವುದು ಅನಿವಾರ್ಯ ಎಂಬಂತಾಗಿದ್ದು ಹೋಟೆಲು ಮತ್ತು ದುಬಾರಿ ರೆಸ್ಟೋರೆಂಟ್ ಗಳಲ್ಲಿ ಊಟ ಮಾಡುವುದು ಪ್ರತಿಷ್ಠೆಯ ಸಂಕೇತವಾಗಿದೆ. ಅದರಲ್ಲೂ ಮಾರುಕಟ್ಟೆಯಲ್ಲಿ ಭರಪೂರಿಯಾಗಿ ಮಾರಾಟವಾಗುತ್ತಿರುವ ಸಂಸ್ಕರಿತ ಆಹಾರಗಳು ನೋಡಲು ಅತಿ ಆಕರ್ಷಕವಾಗಿದ್ದು ಯಾವುದೇ ಪೋಷಕಾಂಶಗಳನ್ನು ಹೊಂದಿರದೇ ಆರೋಗ್ಯವನ್ನು ಕೆಡಿಸುತ್ತವೆ. ವಾಸ್ತವವಾಗಿ ಈ ಆಹಾರಗಳನ್ನು ಹೆಚ್ಚು ಕಾಲ ಕೆಡದಿರಲು ಬಳಸುವ ಪ್ರಬಲ ಸಂರಕ್ಷಕಗಳು ದೇಹದ ಮೇಲೆ ಅಪಾಯವನ್ನುಂಟುಮಾಡುವ ಪ್ರಬಲ ರಾಸಾಯನಿಕಗಳೇ ಆಗಿವೆ. ಇವೇ ಕ್ಯಾನ್ಸರ್ ಎದುರಾಗಲು ಒಂದು ಕಾರಣವಾಗಿವೆ. ಹಾಗಾಗಿ, ಕ್ಯಾನ್ಸರ್ ಎದುರಾಗುವ ಸಾಧ್ಯತೆಯನ್ನು ಇಲ್ಲವಾಗಿಸಲು ಮೊದಲಾಗಿ ನಾವು ನೈಸರ್ಗಿಕ ಆಹಾರಗಳತ್ತ ಒಲವು ತೋರಬೇಕಾಗಿದೆ. ತಾಜಾ ಹಣ್ಣು ಮತ್ತು ತರಕಾರಿಗಳಲ್ಲಿ ಉತ್ತಮ ಪ್ರಮಾಣದ ಖನಿಜಗಳು ಮತ್ತು ಆಂಟಿ ಆಕ್ಸಿಡೆಂಟುಗಳಿದ್ದು ದೇಹದ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸುತ್ತವೆ. ಇವುಗಳಲ್ಲಿ ಪ್ರಮುಖವಾದವು ಎಂದರೆ:

* ಹಸಿರು ಮತ್ತು ತಾಜಾ ಎಲೆಸೊಪ್ಪುಗಳು ಮತ್ತು ತರಕಾರಿಗಳು

* ಅರಿಶಿನ

* ಶುಂಠಿ

* ತುಳಸಿ

* ತಾಜಾ ಹಣ್ಣುಗಳು

* ಗೋಡಂಬಿ

* ಬಾದಾಮಿ.

* ಒಣಫಲಗಳು ಈ ಎಲ್ಲಾ ಅಹಾರಗಳಲ್ಲಿ ಆಂಟಿ ಆಕ್ಸಿಡೆಂಟುಗಳು ಪ್ರಬಲವಾಗಿದ್ದು ಕ್ಯಾನ್ಸರ್ ನಿಂದ ರಕ್ಷಣೆ ಒದಗಿಸುತ್ತವೆ.

ಕ್ಯಾನ್ಸರ್ ನಿಂದ ರಕ್ಷಣೆ ಒದಗಿಸುವ ತರಕಾರಿಗಳು

ತರಕಾರಿ ಯಾವುದೇ ಆಗಿರಲಿ, ಒಂದಲ್ಲಾ ಒಂದು ರೀತಿಯಲ್ಲಿ ಆರೋಗ್ಯವರ್ಧಕವೇ ಆಗಿದೆ. ಹಾಗಾಗಿ ನಮ್ಮ ಆಹಾರದಲ್ಲಿ ಸಾಕಷ್ಟು ವಿಧದ ತರಕಾರಿಗಳನ್ನು ಅಳವಡಿಸಿಕೊಳ್ಳುವ ಮೂಲಕ ವಿವಿಧ ಬಗೆಯ ಆಂಟಿ ಆಕ್ಸಿಡೆಂಟುಗಳನ್ನು ಪಡೆದಂತಾಗುತ್ತದೆ ಹಾಗೂ ಇವೆಲ್ಲವೂ ನಮ್ಮ ಆರೋಗ್ಯದ ರಕ್ಷಣೆಗೆ ಅಗತ್ಯವಾಗಿದೆ. ಹಾಗಾಗಿ ಆದಷ್ಟೂ ಹೆಚ್ಚು ವಿಧದ ಬಣ್ಣಗಳ ತರಕಾರಿಗಳನ್ನು ಸೇವಿಸಿ. ಆದರೆ ಕೆಲವು ತರಕಾರಿಗಳಲ್ಲಿ ಕ್ಯಾನ್ಸರ್ ನಿರೋಧಕ ಆಂಟಿ ಆಕ್ಸಿಡೆಂಟುಗಳು ಹೆಚ್ಚೇ ಇವೆ. ಇವುಗಳೆಂದರೆ:

*ಬ್ರೋಕೋಲಿ

*ಎಲೆಕೋಸು

*ಬೆಳ್ಳುಳ್ಳಿ

*ಟೊಮಾಟೋ

*ಕ್ಯಾರೆಟ್

*ಬೀನ್ಸ್

ನಿಮ್ಮ ಆಹಾರದಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಬೀನ್ಸ್ ಮತ್ತು ಬ್ರೋಕೋಲಿ ಇರುವಂತೆ ನೋಡಿಕೊಳ್ಳಿ, ಇವುಗಳಿಂದ ಹೆಚ್ಚಿನ ಬಗೆಯ ಕಾಯಿಲೆಗಳಿಂದ ರಕ್ಷಣೆ ದೊರಕುತ್ತದೆ.

ಕ್ಯಾನ್ಸರ್ ತಡೆಗಟ್ಟುವ ಮೂಲಿಕೆಗಳು

ಭಾರತೀಯ ಅಡುಗೆಯಲ್ಲಿ ಮೂಲಿಕೆಗಳು ಅಥವಾ ಸಾಂಬಾರಪದಾರ್ಥಗಳು ರುಚಿಕಾರಕವಾಗಿ ಮತ್ತು ಸುವಾಸನೆಗಾಗಿ ಬಳಸಲ್ಪಡುತ್ತವೆ. ಒಂದು ವೇಳೆ ನೀವು ಸಿದ್ಧರೂಪದ ಪುಡಿಗಳನ್ನು ಮಾರುಕಟ್ಟೆಯಿಂದ ತರುತ್ತೀರಾದರೆ ಈಗ ಈ ಅಭ್ಯಾಸವನ್ನು ಬದಲಿಸಿ ಈ ಪುಡಿಗಳನ್ನು ಮನೆಯಲ್ಲಿಯೇ ತಯಾರಿಸಿಕೊಳ್ಳುವತ್ತ ಗಮನ ಹರಿಸಿ. ಏಕೆಂದರೆ ಈ ಪುಡಿಗಳನ್ನು ಮಾಡಲು ಕಳಪೆ ಗುಣಮಟ್ಟದ ಸಾಮಾಗ್ರಿಗಳನ್ನು ಬಳಸಲಾಗುತ್ತದೆ. ಉತ್ತಮ ಗುಣಮಟ್ಟದ ಇಡಿಯ ಸಾಮಾಗ್ರಿಗಳನ್ನು ಖರೀದಿಸಿ ಪುಡಿಮಾಡಿಟ್ಟುಕೊಂಡು ಬಳಸತೊಡಗಿದರೆ ಇವು ದೇಹದಲ್ಲಿ ಎದುರಾಗಬಹುದಾದ ಹಲವಾರು ಕ್ಯಾನ್ಸರ್ ಗಳ ವಿರುದ್ದ ರಕ್ಷಣೆ ಒದಗಿಸುತ್ತವೆ. ಇವುಗಳಲ್ಲಿ ಪ್ರಮುಖವಾದವು ಎಂದರೆ:

*ಅರಿಶಿನ

*ದಾಲ್ಚಿನ್ನಿ

*ಜಾಯಿಕಾಯಿ (nutmeg)

*ಲವಂಗ

ಇವೆಲ್ಲವೂ ಅತ್ಯುತ್ತಮ ಕ್ಯಾನ್ಸರ್ ನಿವಾರಕ ಸಾಂಬಾರಗಳಾಗಿವೆ. ಆದರೆ ಇವುಗಳ ಪ್ರಯೋಜನ ಪಡೆಯಲು ಅಧಿಕ ಪ್ರಮಾಣದಲ್ಲಿ ಸೇವಿಸುವ ಅಗತ್ಯವಿಲ್ಲ. ಬದಲಿಗೆ ನಿತ್ಯವೂ ಕೊಂಚವೇ ಪ್ರಮಾಣದಲ್ಲಿ ಇವುಗಳನ್ನು ಸೇವಿಸುತ್ತಾ ಬಂದರೆ ಬೇಕಾದಷ್ಟಾಯಿತು.

Cancer Fighting Foods

ಕ್ಯಾನ್ಸರ್ ನಿಂದ ರಕ್ಷಣೆ ಒದಗಿಸುವ ಹಣ್ಣುಗಳು

ತರಕಾರಿಗಳಂತೆಯೇ ಬಹುತೇಕ ಎಲ್ಲಾ ಹಣ್ಣುಗಳಲ್ಲಿ ಒಂದಲ್ಲಾ ಒಂದು ಅರೋಗ್ಯಕರ ಪ್ರಯೋಜನವಿದ್ದೇ ಇರುತ್ತದೆ. ವಿವಿಧ ಹಣ್ಣುಗಳಿಂದ ವಿವಿಧ ಬಗೆಯ ಆಂಟಿ ಆಕ್ಸಿಡೆಂಟುಗಳು ಲಭ್ಯವಾಗುತ್ತವೆ. ಆದರೆ ಕ್ಯಾನ್ಸರ್ ರ ಸಾಧ್ಯತೆಯಿಂದ ರಕ್ಷಿಸುವ ಕೆಲವು ಹಣ್ಣುಗಳನ್ನು ಹೆಚ್ಚು ಹೆಚ್ಚಾಗಿ ಸೇವಿಸಬೇಕು. ಇವುಗಳೆಂದರೆ:

ಎಲ್ಲಾ ಬಗೆಯ ಬೆರ್‍ರಿ ಹಣ್ಣುಗಳು: ರಾಸ್ಪ್ಬೆರಿ, ಬ್ಲೂಬೆರಿ, ನೆಲ್ಲಿಕಾಯಿ, ಸ್ಟ್ರಾಬೆರಿ, ಬ್ಲಾಕ್ ಬೆರಿ ಇತ್ಯಾದಿ.

ಎಲ್ಲಾ ಬಗೆಯ ಸಿಟ್ರಸ್ ಅಥವಾ ಲಿಂಬೆಯಜಾತಿಯ ಹಣ್ಣುಗಳು: ಲಿಂಬೆ, ಕಿತ್ತಳೆ, ಚಕ್ಕೋತ ಇತ್ಯಾದಿ.

ಬೆಣ್ಣೆಹಣ್ಣು (ಅವೋಕಾಡೋ)

*ಕಿವಿ

*ಸೇಬು

*ಅನಾನಾಸು

*ಮರಸೇಬು (pears)

ಅದರಲ್ಲೂ ಬೆರ್‍ರಿ ಹಣ್ಣುಗಳನ್ನು ವಾರದಲ್ಲಿ ಮೂರು ದಿನವಾದರೂ ಸೇವಿಸುವ ಮೂಲಕ ಕ್ಯಾನ್ಸರ್ ನಿಂದ ಹೆಚ್ಚಿನ ರಕ್ಷಣೆ ಪಡೆಯಬಹುದು.

English summary

Cancer Fighting Foods: Foods To Add To Your Diet

Cancer is the second largest disease in the world, leading to several deaths across the globe. According to the figures of 2018, total 7,84,821 people died from cancer in India out of which 4,13,519 were men and 3,71,302 were women. You would be surprised to know that in India, every 8 minutes a woman dies from cervical cancer. Apart from this, most of the deaths in women are due to breast cancer, whereas the highest number of deaths in men is due to oral cancer.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more