ಹೊಟ್ಟೆಯ ಬೊಜ್ಜು ಕರಗಿಸುತ್ತೆ ಇಂತಹ ಪವರ್ ಫುಲ್ ಆಹಾರಗಳು

By Arshad
Subscribe to Boldsky

ಹೊಟ್ಟೆಯ ಕೊಬ್ಬ ಅಪಾಯಕರ! ಅನಾರೋಗ್ಯದ ಜೊತೆಗೇ ಸಹಜ ಸೌಂದರ್ಯವನ್ನು ಇದು ಕಳೆಗುಂದಿಸುವುದು ಮಾತ್ರವಲ್ಲ, ವಿಶೇಷವಾಗಿ ಮಹಿಳೆಯರಿಗೆ ತಮ್ಮ ನೆಚ್ಚಿನ ಹಲವಾರು ಉಡುಪುಗಳನ್ನು ತೊಡಲೂ ಸಾಧ್ಯವಾಗುವುದಿಲ್ಲ. ಸ್ಥೂಲಕಾಯ, ಅದರಲ್ಲೂ ಸೊಂಟದ ಕೊಬ್ಬು ಮಧುಮೇಹ, ಹೃದಯದ ಕಾಯಿಲೆ ಹಾಗೂ ಇನ್ಸುಲಿನ್ ವಿರೋಧಿ ಗುಣ ಮೊದಲಾದವುಗಳು ಆವರಿಸುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಈ ಕೊಬ್ಬು ಯಾರಿಗೂ, ಲಿಂಗ, ವಯಸ್ಸಿನ ಅಂತರವಿಲ್ಲದೇ ಯಾವುದೇ ವಯಸ್ಸಿನಲ್ಲಿ ಆವರಿಸಬಹುದು.

ಹಾಗಾಗಿ, ಒಂದು ವೇಳೆ ಈಗಾಗಲೇ ಸೊಂಟದ ಕೊಬ್ಬು ಆವರಿಸತೊಡಗಿದ್ದರೆ ತಕ್ಷಣವೇ ಈ ಕೊಬ್ಬಿನ ಸಂಗ್ರಹವನ್ನು ಹೆಚ್ಚಿಸುವ ಆಹಾರಗಳ ಸೇವನೆಯನ್ನು ನಿಲ್ಲಿಸಬೇಕು. ಇಂದಿನ ಲೇಖನದಲ್ಲಿ ಈ ಆಹಾರಗಳ ಬದಲಿಗೆ ಕೊಬ್ಬನ್ನು ಬಳಸಿಕೊಂಡು ಕರಗಿಸುವ ಕೆಲವು ಆಹಾರಗಳ ಬಗ್ಗೆ ವಿವರಿಸಲಾಗಿದ್ದು ಇವುಗಳನ್ನು ನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳುವ ಮೂಲಕ ಸೊಂಟದ ಕೊಬ್ಬನ್ನು ಕರಗಿಸಿಕೊಂಡು ಉತ್ತಮ ಆರೋಗ್ಯ ಪಡೆಯುವ ಜೊತೆಗೇ ಸಂತೋಷಕರ ಜೀವನವನ್ನೂ ನಡೆಸಬಹುದು.

ಬಾದಾಮಿಗಳು

ಬಾದಾಮಿಗಳು

ಕೆಲವು ಬಾದಾಮಿಗಳನ್ನು ತಿನ್ನುವ ಮೂಲಕ ಹೊಟ್ಟೆ ಹೆಚ್ಚು ಹೊತ್ತು ತುಂಬಿರುವ ಭಾವನೆ ಮೂಡುತ್ತದೆ ಹಾಗೂ ಇದರಲ್ಲಿರುವ ಕೊಬ್ಬುಗಳು ಆರೋಗ್ಯಕ್ಕೆ ಪೂರಕವೂ ಹೌದು ಹಾಗೂ ದೇಹಕ್ಕೆ ಹೆಚ್ಚುವರಿ ಕ್ಯಾಲೋರಿಗಳನ್ನೂ ನೀಡುವುದಿಲ್ಲ. ಇದರಲ್ಲಿ ಪೋಷಕಾಂಶಗಳು ಸಮೃದ್ದವಾಗಿದ್ದು ಸಸ್ಯಾಹಾರಿಗಳಿಗೂ ಕೊಬ್ಬು ಕರಗಿಸಲು ಸೂಕ್ತವಾದ ಆಹಾರವಾಗಿದೆ. ಅಲ್ಲದೇ ಇದರಲ್ಲಿರುವ ಒಮೆಗಾ ೩ ಕೊಬ್ಬಿನಾಮ್ಲಗಳು ಜೀವರಾಸಾಯನಿಕ ಕ್ರಿಯೆ ಉತ್ತಮಗೊಳಿಸುವ ಜೊತೆಗೇ ಶಕ್ತಿಯನ್ನೂ ಒದಗಿಸುತ್ತವೆ.

ನೆನೆಸಿಟ್ಟ ಬಾದಾಮಿ ಬೀಜದ ಚಮತ್ಕಾರಕ್ಕೆ ಬೆರಗಾಗಲೇಬೇಕು!

ಪಾಲಕ್ ಹಾಗೂ ಇತರ ಹಸಿರು ತರಕಾರಿಗಳು

ಪಾಲಕ್ ಹಾಗೂ ಇತರ ಹಸಿರು ತರಕಾರಿಗಳು

ಪಾಲಕ್, ಕೇಲ್ ಎಲೆಗಳು, ಹಸಿಯಾಗಿ ಸೇವಿಸಬಹುದಾದ ಎಲೆಗಳು, ಬಿಳಿ ಮೂಲಂಗಿ, ಕ್ಯಾರೆಟ್, ಬ್ರೋಕೋಲಿ ಹಾಗೂ ಕೆಂಪುಮೂಲಂಗಿ ಮೊದಲಾದವುಗಳನ್ನು ಹಸಿಯಾಗಿ ಸೇವಿಸುವ ಮೂಲಕ ಇವುಗಳಲ್ಲಿರುವ ವಿಟಮಿನ್ನುಗಳು, ಖನಿಜಗಳು, ನೀರಿನಂಶ ಹಾಗೂ ಕರಗದ ನಾರು ಲಭಿಸುತ್ತದೆ. ಈ ಆಹಾರಗಳನ್ನು ಸೇವಿಸುವ ಮೂಲಕ ಜೀವರಾಸಾಯನಿಕ ಕ್ರಿಯೆ ಉತ್ತಮಗೊಳ್ಳುತ್ತದೆ ಹಾಗೂ ಹೊಟ್ಟೆ ತುಂಬಿರುವ ಭಾವನೆಯಿಂದ ಇನ್ನಷ್ಟು ಆಹಾರ ಸೇವಿಸದಂತೆ ತಡೆಯುತ್ತದೆ ಹಾಗೂ ಈ ಮೂಲಕ ಜೀರ್ಣಕ್ರಿಯೆ ಉತ್ತಮಗೊಳಿಸುತ್ತದೆ ಹಾಗೂ ಕರುಳುಗಳನ್ನು ಸ್ವಚ್ಛಗೊಳಿಸಲೂ ನೆರವಾಗುತ್ತದೆ. ಈ ಆಹಾರಗಳಲ್ಲಿ ಕ್ಯಾಲೋರಿಗಳೂ ಕಡಿಮೆ ಇರುತ್ತವೆ ಹಾಗೂ ಅನಾರೋಗ್ಯಕರ ಕುರುಕುತಿಂಡಿಗಳನ್ನು ತಿನ್ನುವ ಬದಲು ಸೌತೆ, ಕ್ಯಾರೆಟ್ ಬೀಟ್ರೂಟ್ ಮೊದಲಾದವುಗಳನ್ನು ಸೇವಿಸುವ ಮೂಲಕ ಆನಾರೋಗ್ಯಕರ ಸಿದ್ದ ಆಹಾರಗಳನ್ನು ಸೇವಿಸುವ ಬಯಕೆಯಿಂದ ದೂರವಿರಬಹುದು.

ಬೆಣ್ಣೆಹಣ್ಣು

ಬೆಣ್ಣೆಹಣ್ಣು

ಬರೆಯ ಅರ್ಧ ಬೆಣ್ಣೆಹಣ್ಣಿನಲ್ಲಿ ಹತ್ತು ಗ್ರಾಂನಷ್ಟು ಆರೋಗ್ಯಕರ ಏಕಸಂತೃಪ್ತ ಕೊಬ್ಬುಗಳಿರುತ್ತವೆ. ಇವು ರಕ್ತದಲ್ಲಿ ಸಕ್ಕರೆಯ ಮಟ್ಟವನ್ನು ಥಟ್ಟನೇ ಏರದಂತೆ ತಡೆಯಲು ಸಕ್ಷಮವಾಗಿವೆ. ಹೀಗೆ ಥಟ್ಟನೇ ಏರುವ ಸಕ್ಕರೆಯ ಮಟ್ಟ ಸೊಂಟದ ಕೊಬ್ಬು ಏರಲು ಪ್ರಮುಖ ಕಾರಣವಾಗಿದೆ. ಬೆಣ್ಣೆಹಣ್ಣಿನಲ್ಲಿ ಕೊಬ್ಬಿಗಳಿವೆ, ಆದರೆ ಇವು ಆರೋಗ್ಯಕ್ಕೆ ಪೂರಕವಾಗಿದ್ದು ಹೊಟ್ಟೆಯುಬ್ಬರಿಕೆಯಿಂದ ತಡೆಯುತ್ತವೆ ಹಾಗೂ ಟೊಮಾಟೋ ಕ್ಯಾರೆಟ್, ಪಾಲಕ್ ಹಾಗೂ ಚಳಿಗಾಲದಲ್ಲಿ ಲಭಿಸುವ ಹಣ್ಣುಗಳ ಸೇವನೆಯಿಂದ ಲಭಿಸುವ ಕ್ಯಾರೋಟಿನಾಯ್ಡುಗಳನ್ನು ಹೆಚ್ಚು ಹೆಚ್ಚಾಗಿ ಹೀರಿಕೊಳ್ಳಲು ನೆರವಾಗುತ್ತವೆ ಹಾಗೂ ಈ ಕ್ಯಾರೋಟಿನಾಯ್ಡುಗಳಲ್ಲಿರುವ ಕ್ಯಾನ್ಸರ್ ವಿರುದ್ದ ಹೋರಾಡುವ ಗುಣವನ್ನು ದೇಹ ಪಡೆಯಲು ನೆರವಾಗುತ್ತದೆ. ವಾಸ್ತವದಲ್ಲಿ, ಸಾಲಾಡ್ ಗಳ ಜೊತೆಗೇ ಬೆಣ್ಣೆಹಣ್ಣನ್ನೂ ಸೇವಿಸುವ ಅಭ್ಯಾಸವಿರುವ ವ್ಯಕ್ತಿಗಳಲ್ಲಿ ಕ್ಯಾರೋಟಿನಾಯ್ಡುಗಳನ್ನು ಹೀರಿಕೊಳ್ಳುವ ಸಾಮರ್ಥ್ಯ ಇತರ ವ್ಯಕ್ತಿಗಳಿಗಿಂತ ಹದಿನೈದು ಪಟ್ಟು ಹೆಚ್ಚಾಗಿರುತ್ತದೆ ಎಂದು ಕೊಲಂಬಸ್ ನಗರದಲ್ಲಿರುವ ಓಹಿಯೋ ವಿಶ್ವವಿದ್ಯಾಲಯದಲ್ಲಿ ನಡೆಸಿದ ಅಧ್ಯಯನವೊಂದು ತಿಳಿಸಿದೆ.

ಬೆಣ್ಣೆ ಹಣ್ಣು ತಿನ್ನಿ, ವೈದ್ಯರಿಂದ ದೂರವಿರಿ!

ಬಾಳೆಹಣ್ಣು

ಬಾಳೆಹಣ್ಣು

ಬಾಳೆಹಣ್ಣಿನ ಒಂದು ಪ್ರಮಾಣದಲ್ಲಿ 422 ಮಿಲಿಗ್ರಾಂ ಪೊಟ್ಯಾಶಿಯಂ ಇದೆ. ಈ ಖನಿಜ ಸೋಡಿಯಂ ಲವಣದ ಮಟ್ಟವನ್ನು ನಿಯಂತ್ರಿಸುವ ಮೂಲಕ ಸೊಂಟದ ಕೊಬ್ಬಿನ ಸಂಗ್ರಹವನ್ನೂ ನಿಯಂತ್ರಿಸುತ್ತದೆ.

ದಿನಕ್ಕೆ ಎರಡು ಬಾಳೆಹಣ್ಣು ತಿನ್ನಿ, ಆರೋಗ್ಯಕ್ಕೆ ಸಾಕಷ್ಟು ಲಾಭಗಳಿವೆ !

ಮೊಸರು

ಮೊಸರು

ಊಟದ ಜೊತೆಗೆ ಒಂದು ಕಪ್ ಮೊಸರಿನ ಸೇವನೆಯಿಂದ ಹೊಟ್ಟೆಯಲ್ಲಿ ಜೀರ್ಣಸ್ನೇಹಿ ಬ್ಯಾಕ್ಟೀರಿಯಾಗಳು ಉತ್ತಮವಾದ ಬೆಳವಣಿಗೆ ಪಡೆಯುತ್ತವೆ ಹಾಗೂ ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುವ ಇತರ ಕ್ರಿಮಿಗಳನ್ನು ನಿವಾರಿಸುತ್ತದೆ. ಮೊಸರಿನ ಒಂದು ವಿಧವಾದ ಕ್ರೀಮಿ ಗ್ರೀಕ್ ಯೋಗರ್ಟ್ ಎಂಬ ಉತ್ಪನ್ನ ರುಚಿಕರವಾಗಿರುವ ಜೊತೆಗೇ ಪ್ರೋಟೀನ್ ಮತ್ತು ಕಾರ್ಬೋಹೈಡ್ರೇಟುಗಳ ಮಿಶ್ರಣವೂ ಆಗಿದ್ದು ದೇಹದಲ್ಲಿರುವ ಇನ್ಸುಲಿನ್ ಎಂಬ ರಸದೂತವನ್ನು ಸ್ಥಿರೀಕರಿಸಲು ನೆರವಾಗುತ್ತದೆ, ತನ್ಮೂಲಕ ಇದರ ಮಟ್ಟ ಏರಿದರೆ ದೇಹ ಕ್ಯಾಲೋರಿಗಳನ್ನು ಕೊಬ್ಬಿನ ರೂಪದಲ್ಲಿ ಸಂಗ್ರಹಿಸಲು ಸೂಚನೆ ನೀಡುವುದನ್ನು ತಡೆಯುವ ಮೂಲಕ ಕೊಬ್ಬಿನ ಸಂಗ್ರಹದಿಂದ ರಕ್ಷಿಸುತ್ತದೆ.

ಬೆರ್ರಿ ಹಣ್ಣುಗಳು

ಬೆರ್ರಿ ಹಣ್ಣುಗಳು

ನಮ್ಮ ಅಹಾರದಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ರಕ್ತಪರಿಚಲನೆಯನ್ನು ಉತ್ತಮಗೊಳಿಸಿ ಸ್ನಾಯುಗಳಿಗೆ ಹೆಚ್ಚಿನ ಆಮ್ಲಜನಕ ಒದಗಿಸುತ್ತದೆ. ಈ ಮೂಲಕ ವ್ಯಾಯಾಮದ ಪ್ರಯತ್ನಗಳು ಹೆಚ್ಚಿನ ಫಲ ನೀಡುತ್ತವೆ. ವ್ಯಾಯಾಮಕ್ಕೂ ಮುನ್ನ ಮೊಸರಿನೊಂದಿಗೆ ಕೊಂಚ ಬೆರ್ರಿ ಹಣ್ಣುಗಳನ್ನು ಸೇವಿಸುವುದರಿಂದ ವ್ಯಾಯಾಮಕ್ಕೆ ಹೆಚ್ಚಿನ ಶಕ್ತಿ ದೊರಕುವಂತಾಗುತ್ತದೆ.

ಹಸಿರು ಟೀ

ಹಸಿರು ಟೀ

ದಿನಕ್ಕೆ ಮೂರು ಕಪ್ ನಷ್ಟು ಹಸಿರು ಟೀ ಕುಡಿಯುವ ಮೂಲಕ ದೇಹದ ಜೀವರಾಸಾಯನಿಕ ಕ್ರಿಯೆ ಚುರುಕುಗೊಳ್ಳುತ್ತದೆ ಹಾಗೂ ಸುಮಾರು ಮೂವತ್ತು ಕ್ಯಾಲೋರಿಗಳನ್ನು ದಹಿಸಲು ಸಾಧ್ಯವಾಗುತ್ತದೆ. Medicine & Science in Sports & Exercise shows ಎಂಬ ಸಂಸ್ಥೆಯಲ್ಲಿ ನಡೆಸಿದ ಅಧ್ಯಯನದಲ್ಲಿ ಈ ವಿಷಯವನ್ನು ಪ್ರಕಟಿಸಲಾಗಿದೆ. ಹಸಿರು ಟೀಯಲ್ಲಿರುವ ECGC ಎಂಬ ಸಂಯುಕ್ತ ಕೊಬ್ಬನ್ನು ಹೆಚ್ಚು ಹೆಚ್ಚಾಗಿ ಕರಗಿಸಲು ನೆರವಾಗುತ್ತದೆ.

ಲಿಂಬೆ

ಲಿಂಬೆ

ಲಿಂಬೆ, ಕೆಂಪು ದೊಣ್ಣೆಮೆಣಸು ಮೊದಲಾದ ಲಿಂಬೆಜಾತಿಯ ಹಣ್ಣುಗಳಲ್ಲಿ ವಿಟಮಿನ್ ಸಿ ಸಮೃದ್ದವಾಗಿದ್ದು ವ್ಯಾಯಾಮದ ಸಮಯದಲ್ಲಿ ಇತರ ಸಮಯಕ್ಕಿಂತಲೂ ಮೂವತ್ತು ಶೇಖಡಾ ಹೆಚ್ಚು ಕೊಬ್ಬನ್ನು ಕರಗಿಸಲು ನೆರವಾಗುತ್ತದೆ. ಮೇಸಾದಲ್ಲಿರುವ ಅರಿಜೋನಾ ರಾಜ್ಯ ವಿಶ್ವವಿದ್ಯಾಲಯದಲ್ಲಿ ನಡೆಸಿದ ಅಧ್ಯಯನದಲ್ಲಿ ಈ ವಿಷಯ ತಿಳಿದುಬಂದಿದೆ.

ಇಡಿಯ ಧಾನ್ಯಗಳು

ಇಡಿಯ ಧಾನ್ಯಗಳು

ಕಾರ್ಬೋಹೈಡ್ರೇಟುಗಳಿಂದ ಸಮೃದ್ಧವಾಗಿರುವ ಆಹಾರಗಳನ್ನು ಸೇವಿಸುತ್ತಿದ್ದರೆ ನಿಮಗೆ ಅಭಿನಂದನೆಗಳು, ಓಟ್ಸ್, ಕಂದು ಅಕ್ಕಿ ಹಾಗೂ ಗೋಧಿಯ ಖಾದ್ಯಗಳನ್ನು ಸೇವಿಸುವ ಮೂಲಕ ದೇಹದಲ್ಲಿ ಇನ್ಸುಲಿನ್ ಮಟ್ಟ ಕಡಿಮೆ ಇರಲು ನೆರವಾಗುತ್ತದೆ. ಕೆಲವು ಸಂಶೋಧಕರ ಪ್ರಕಾರ ಇವು ಕೊಬ್ಬಿನ ಜೀವಕೋಶಗಳನ್ನು ಸಂಕುಚಿತಗೊಳಿಸಲು ನೆರವಾಗುತ್ತವೆ. ಈ ಅಹಾರಗಳಲ್ಲಿರುವ ಪೋಷಕಾಂಶಗಳನ್ನು ದೇಹ ನಿಧಾನವಾಗಿ ಹೀರಿಕೊಂಡು ಬಳಸಿಕೊಳ್ಳುವ ಮೂಲಕ ಹೆಚ್ಚು ಹೊತ್ತು ಸತತವಾಗಿ ಶಕ್ತಿಯನ್ನು ಪೂರೈಸಲು ನೆರವಾಗುತ್ತದೆ. ಮೈದಾ ಮತ್ತು ಪಾಲಿಶ್ ಮಾಡಿದ ಅಕ್ಕಿಯ ಬದಲಿಗೆ ಇಡಿಯ ಧಾನ್ಯಗಳನ್ನು ಸೇವಿಸುವ ಮೂಲಕ ಆರೋಗ್ಯವೂ ಉತ್ತಮಗೊಳ್ಳುತ್ತದೆ.

For Quick Alerts
ALLOW NOTIFICATIONS
For Daily Alerts

    English summary

    Delicious Foods That Help Fight Belly Fat

    Belly fat is dangerous . It not only prevents you from being fashion forward (talk about sporting those amazing crop tops), but is also closely linked to diabetes, heart disease, and insulin resistance And it can affect anyone, irrespective of age, genetics, etc. So, you must address the issue immediately by consuming foods that help mobilize this stubborn fat. In this article, we have listed belly fat burning foods to include in your diet and live a healthy and happy life.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more