For Quick Alerts
ALLOW NOTIFICATIONS  
For Daily Alerts

ಬಾಯಿ ದುರ್ವಾಸನೆಗೆ ಅಡುಗೆ ಮನೆಯಲ್ಲಿಯೇ ಇದೆ ಪರಿಹಾರ

By Deepu
|

ಕೆಲವರು ಎದುರು ನಿಂತು ಮಾತನಾಡಿದರೆ ಸಾಕು ಅವರ ಬಾಯಿಯಿಂದ ಬರುವಂತಹ ದುರ್ವಾಸನೆಯಿಂದ ಅಲ್ಲಿ ನಿಲ್ಲಲು ಸಾಧ್ಯವಾಗುವುದಿಲ್ಲ. ಬಾಯಿಯ ದುರ್ವಾಸನೆ ತುಂಬಾ ಕೆಟ್ಟದಾಗಿರುತ್ತದೆ ಮತ್ತು ಅದು ನಮಗೆ ಮಾತ್ರವಲ್ಲದೆ ಇತರರಿಗೂ ತುಂಬಾ ಮುಜುಗರವನ್ನು ಉಂಟು ಮಾಡುತ್ತದೆ. ಬಾಯಿ ವಾಸನೆ ಇರುವ ವ್ಯಕ್ತಿ ಆತ್ಮವಿಶ್ವಾಸವನ್ನೇ ಕಳೆದುಕೊಂಡು ಎಲ್ಲರ ಮುಂದೆ ಬಂದು ನಿಲ್ಲಲು ಹೆದರುವಂತಹ ಪರಿಸ್ಥಿತಿ ನಿರ್ಮಾಣವಾಗುತ್ತದೆ. ಬಾಯಿ ದುರ್ವಾಸನೆ ತಡೆಗೆ, ಮುನ್ನೆಚ್ಚರಿಕೆ ಕ್ರಮಗಳೇನು?

ಬಾಯಿ ವಾಸನೆಗೆ ಮುಖ್ಯ ಕಾರಣ ಹಲ್ಲಿನಲ್ಲಿ ಇರುವಂತಹ ಬ್ಯಾಕ್ಟೀರಿಯಾಗಳು. ಇದು ಬಾಯಿಯಲ್ಲಿ ದುರ್ವಾಸನೆಯನ್ನು ಉಂಟುಮಾಡುತ್ತದೆ. ಹಲ್ಲುಗಳೆಡೆಗೆ ಆಮ್ಲಜನಕದ ಪೂರೈಕೆಯು ಕಡಿಮೆಯಾದಾಗ ಬಾಯಿಯಲ್ಲಿ ಜೊಲ್ಲುರಸ ಉತ್ಪತ್ತಿಯು ಕಡಿಮೆಯಾಗಿ ಬಾಯಿ ಒಣಗಿ ಬ್ಯಾಕ್ಟೀರಿಯಾಗಳು ಕೆಲವೊಂದು ಹಾನಿಕಾರಕ ಅಂಶಗಳನ್ನು ಬಿಡುಗಡೆ ಮಾಡುವುದರಿಂದ ಬಾಯಿ ವಾಸನೆ ಬರುವುದು. ಬಾಯಿ ದುರ್ವಾಸನೆಗೆ ಕೆಲ ಅಚ್ಚರಿಯ ಕಾರಣಗಳು!

ಮೌಥ್ ವಾಶ್ ಮತ್ತು ಚೂಯಿಂಗ್ ಗಮ್‌ನಿಂದ ತಾತ್ಕಾಲಿಕವಾಗಿ ಬಾಯಿ ವಾಸನೆ ಕಡಿಮೆ ಮಾಡಬಹುದು. ಆದರೆ ಶಾಶ್ವತ ಪರಿಹಾರ ಬೇಕಿದ್ದರೆ ಕೆಲವೊಂದು ಮನೆಮದ್ದನ್ನು ಬಳಸುವುದು ತುಂಬಾ ಸೂಕ್ತ. ಇದು ಯಾವುದೆಂದು ಬೋಲ್ಡ್ ಸ್ಕೈ ನಿಮಗೆ ಹೇಳಿಕೊಡಲಿದೆ...

ದಾಲ್ಚಿನ್ನಿ

ದಾಲ್ಚಿನ್ನಿ

ಬಾಯಿಯಲ್ಲಿ ವಾಸನೆಯನ್ನು ಉಂಟುಮಾಡುವಂತಹ ಬ್ಯಾಕ್ಟೀರಿಯಾಗಳ ನಿವಾರಣೆ ಮಾಡಲು ದಾಲ್ಚಿನ್ನಿಯಲ್ಲಿರುವಂತಹ ಎಣ್ಣೆಯು ಸಹಕಾರಿ. ದಾಲ್ಚಿನ್ನಿ ಹುಡಿಯನ್ನು ನೀರಿನಲ್ಲಿ ಕುದಿಸಿ ಅದನ್ನು ಸೋಸಿಕೊಂಡು ತಣ್ಣಗೆ ಮಾಡಿ. ಈ ನೀರಿನಿಂದ ಬಾಯಿ ಮುಕ್ಕಳಿಸಿಕೊಂಡರೆ ವಾಸನೆ ದೂರವಾಗುವುದು.

ಮೆಂತೆ ಕಾಳು

ಮೆಂತೆ ಕಾಳು

ಒಂದೆರಡು ಚಮಚ ಮೆಂತೆ ಕಾಳನ್ನು ಚೆನ್ನಾಗಿ ಬೇಯಿಸಿ ಅದರ ನೀರನ್ನು ಸೋಸಿಕೊಳ್ಳಿ. ಈ ನೀರನ್ನು ದಿನದಲ್ಲಿ ಒಂದು ಸಲ ಚಹಾದಂತೆ ಕುಡಿಯಿರಿ. ಬಾಯಿ ವಾಸನೆ ಇರುವ ತನಕ ಇದನ್ನು ಮುಂದುವರಿಸಿ.

ಪುದೀನಾ ಎಲೆಗಳು

ಪುದೀನಾ ಎಲೆಗಳು

ಪುದೀನಾ ಎಲೆಗಳು ನೈಸರ್ಗಿಕವಾಗಿ ಬಾಯಿಯನ್ನು ತಾಜಾಗೊಳಿಸುವುದು. 2-3 ಪುದೀನಾ ಎಲೆಗಳನ್ನು ಬಾಯಿಗೆ ಹಾಕಿಕೊಂಡು ಜಗಿಯಿರಿ. ಇದು ಬಾಯಿ ವಾಸನೆಯನ್ನು ಬೇಗನೆ ನಿವಾರಿಸುವುದು.

ಲವಂಗ

ಲವಂಗ

ಲವಂಗದಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಅಗಾಧವಾಗಿದೆ. 1-2 ಲವಂಗ ತೆಗೆದುಕೊಂಡು ಅದನ್ನು ಸರಿಯಾಗಿ ಜಗಿಯಿರಿ. ಇದು ಬಾಯಿ ವಾಸನೆಯನ್ನು ಬೇಗನೆ ನಿವಾರಿಸುವುದು.

ನಿಂಬೆ ಹಣ್ಣು ಮತ್ತು ಸೋಡಾ

ನಿಂಬೆ ಹಣ್ಣು ಮತ್ತು ಸೋಡಾ

ನಿಂಬೆ ಹಣ್ಣಿನ ತುಂಡಿಗೆ ಸೋಡಾ ಹಾಕಿ ಅದರಿಂದ ನಾಲಗೆ ತಿಕ್ಕಿದರೆ ಬಾಯಿ ಶುಚಿಯಾಗುವುದು.

ಸೋಂಪು ಕಾಳುಗಳು

ಸೋಂಪು ಕಾಳುಗಳು

ಸೂಕ್ಷ್ಮಾಣುಜೀವಿ ವಿರೋಧಿ ಗುಣಗಳನ್ನು ಹೊಂದಿರುವ ಸೋಂಪು ಕಾಳುಗಳು ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುತ್ತದೆ. ಸ್ವಲ್ಪ ಸೋಂಪು ಕಾಳುಗಳನ್ನು ಬಾಯಿಯಲ್ಲಿ ಹಾಕಿಕೊಂಡು ಜಗಿಯಿರಿ. ಇದು ಜೊಲ್ಲುರಸವನ್ನು ಉತ್ಪತ್ತಿ ಮಾಡಿ ಬಾಯಿ ವಾಸನೆ ಕಡಿಮೆ ಮಾಡುವುದು.

ಅರಿಶಿಣ

ಅರಿಶಿಣ

ಬಾಯಿ ದುರ್ವಾಸನೆ ಬೀರುವ ಸಮಸ್ಯೆ ಇರುವವರು ಒಂದು ಲೋಟ ನೀರಿಗೆ ಸ್ವಲ್ಪ ಅರಿಶಿಣ ಹಾಕಿ ಕುಡಿದರೆ ಬಾಯಿ ದುರ್ವಾಸನೆ ಬೀರುವುದಿಲ್ಲ.

English summary

Quick Home Remedies To Get Rid Of Bad Breath

Bad breath is not just a sign of poor oral hygiene, but also causes embarrassment and one tends to lose self-confidence because of it. So if you are one among them, then do not worry, as there are certain easily available home remedies that will help you to get rid of bad breath instantly.
X
Desktop Bottom Promotion