Just In
- 8 hrs ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 9 hrs ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 9 hrs ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 10 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Finance ಎಂಡಿಎಚ್ ಮತ್ತು ಎವರೆಸ್ಟ್ ಸೇರಿದಂತೆ ಎಲ್ಲಾ ಬ್ರಾಂಡ್ ಮಸಾಲೆಗಳ ಮಾದರಿಗಳ ಪರೀಕ್ಷೆಗೆ ಮುಂದಾದ FSSAI
- News ಮತದಾನದ ದಿನ ಬೆಳಗ್ಗೆ ಸಿಗಲ್ಲ ಬಾಡಿಗೆ ವಾಹನಗಳು!
- Sports CSK vs LSG IPL 2024: ಐಪಿಎಲ್ನಲ್ಲಿ ಈ ದಾಖಲೆ ಮಾಡಿದ ಮೊದಲ ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಋತುಚಕ್ರವಲ್ಲದ ಸಂದರ್ಭದಲ್ಲಿ ರಕ್ತಸ್ರಾವ! ಏನಿದಕ್ಕೆ ಕಾರಣ?
ಮಹಿಳೆಯರು ಅನುಭವಿಸುವಂತಹ ನೋವು, ಸಂಕಟವನ್ನು ಪುರುಷರು ಯಾವ ಸಂದರ್ಭದಲ್ಲಿಯೂ ಅನುಭವಿಸಲು ಸಾಧ್ಯವಿಲ್ಲ. ಯಾಕೆಂದರೆ ಋತುಚಕ್ರವಾಗಿರಲಿ, ಗರ್ಭಧಾರಣೆ ಅಥವಾ ಹೆರಿಗೆ ಸಂದರ್ಭವಾಗಿರಲಿ ಮಹಿಳೆಯರು ಪಡುವ ಪಾಡು ಅಷ್ಟಿಷ್ಟಲ್ಲ. ಋತುಚಕ್ರದ ವೇಳೆ ಮಹಿಳೆಯರಿಗೆ ರಕ್ತಸ್ರಾವವಾಗುತ್ತದೆ ಎಂದು ಪ್ರತಿಯೊಬ್ಬ ಮಹಿಳೆಗೂ ತಿಳಿದಿರುವ ವಿಚಾರವಾಗಿದೆ. ಇದು 3-4 ದಿನಗಳ ಕಾಲ ಇರುತ್ತದೆ. ಅನಿಯಮಿತ ಮುಟ್ಟಿನ ಸಮಸ್ಯೆಗಳನ್ನು ನಿವಾರಿಸುವುದು ಹೇಗೆ?
ಕೆಲವರಿಗೆ ಈ ಸಂದರ್ಭ ಹೊಟ್ಟೆ ನೋವು, ತಲೆನೋವು ಮುಂತಾದ ಸಮಸ್ಯೆಗಳು ಇರುತ್ತದೆ. ಆದರೆ ಋತುಚಕ್ರದ ಸಮಯವಲ್ಲದೆ ಬೇರೆ ಸಂದರ್ಭಗಳಲ್ಲಿ ರಕ್ತಸ್ರಾವವಾದರೆ ಆಗ ಎಷ್ಟು ಕಷ್ಟ ಅನುಭವಿಸಬೇಕಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಋತುಚಕ್ರಕ್ಕೆ ಅದರದ್ದೇ ಆದ ದಿನವಿರುತ್ತದೆ. ಇದಕ್ಕೆ ಮಹಿಳೆಯರು ತಯಾರಾಗಿಯೂ ಇರುತ್ತಾರೆ. ಆ ದಿನಗಳ ಅತಿಯಾದ ರಕ್ತಸ್ರಾವಕ್ಕೆ ನೈಸರ್ಗಿಕ ಪರಿಹಾರಗಳು..
ಆದರೆ ಅನಿರೀಕ್ಷಿತವಾಗಿ ಆಗುವಂತಹ ರಕ್ತಸ್ರಾವವು ಆತಂಕವನ್ನು ಉಂಟು ಮಾಡುತ್ತದೆ. ಇದನ್ನು ಎದುರಿಸಲು ಮಹಿಳೆಯರು ತಯಾರಾಗಿಯೂ ಇರುವುದಿಲ್ಲ. ಋತುಚಕ್ರದ ಸಂದರ್ಭವಲ್ಲದೆ ಬೇರೆ ಸಮಯದಲ್ಲಿ ನಿಮಗೆ ರಕ್ತಸ್ರಾವವಾಗುತ್ತಿದ್ದರೆ ಅದನ್ನು ಕಡೆಗಣಿಸದೆ ವೈದ್ಯರಿಂದ ಚಿಕಿತ್ಸೆ ಪಡೆಯಿರಿ. ಇಂತಹ ಸಮಸ್ಯೆಗೆ ಕಾರಣಗಳು ಏನು ಎನ್ನುವುದನ್ನು ಈ ಲೇಖನದಲ್ಲಿ ತಿಳಿದುಕೊಳ್ಳಿ.....
ಗರ್ಭಧಾರಣೆ
ರಕ್ತಸ್ರಾವಕ್ಕೆ ಗರ್ಭಧಾರಣೆಯು ಕಾರಣವಾಗಿರಬಹುದು. ಕೆಲವೊಂದು ಮಹಿಳೆಯರಲ್ಲಿ ಗರ್ಭಧಾರಣೆಯ ಆರಂಭದ ವಾರಗಳಲ್ಲಿ ರಕ್ತಸ್ರಾವದ ಅನುಭವವಾಗಬಹುದು.
ಔಷಧಿಗಳು
ಗರ್ಭ ನಿರೋಧಕ ಮಾತ್ರೆಗಳು ಅಥವಾ ರಕ್ತ ತೆಳುವಾಗಲು ತೆಗೆದುಕೊಳ್ಳುವಂತಹ ಕೆಲವೊಂದು ಮಾತ್ರೆಗಳು ಹಾರ್ಮೋನು ಸಮತೋಲನವನ್ನು ಕದಡಿ ರಕ್ತಸ್ರಾವವನ್ನು ಉಂಟು ಮಾಡಬಹುದು.
ಲೈಂಗಿಕ ರೋಗಗಳು
ಗೊನೊರಿಯಾ, ಕ್ಲಮೈಡಿಯಾ, ಎಚ್ ಪಿವಿ ಇತ್ಯಾದಿಯಂತಹ ಕೆಲವೊಂದು ಲೈಂಗಿಕ ರೋಗಗಳಿಂದ ಬಳಲುತ್ತಿದ್ದರೆ ಆಗ ರಕ್ತಸ್ರಾವ ಕಂಡುಬರುವುದು ಸಹಜ.
ಗರ್ಭನಾಳದ ಸಮಸ್ಯೆ
ಗರ್ಭನಿರೋಧಕವಾಗಿ ಗರ್ಭಕೋಶದೊಳಗೆ ಇಯುಡಿಯಂತಹ ಯಾವುದೇ ಸಲಕರಣೆಯನ್ನು ಅಳವಡಿಸಿಕೊಂಡಿದ್ದರೆ ರಕ್ತಸ್ರಾವ ಕಾಣಿಸಿಕೊಳ್ಳುವುದು. ಇಂತಹ ಸಮಯದಲ್ಲಿ ನೀವು ವೈದ್ಯರನ್ನು ಭೇಟಿಯಾಗಲೇಬೇಕು.
ಥೈರಾಯ್ಡ್
ಥೈರಾಯ್ಡ್ ಗ್ರಂಥಿಗಳು ಹಾರ್ಮೋನು ಬದಲಾವಣೆಯನ್ನು ಉಂಟು ಮಾಡಿ ರಕ್ತಸ್ರಾವಕ್ಕೆ ಕಾರಣವಾಗಬಹುದು.
ಯುಟಿಐ
ಮೂತ್ರನಾಳದಲ್ಲಿ ಸೋಂಕಿನಿಂದಾಗಿ ರಕ್ತಸ್ರಾವವು ಕಾಣಿಸಿಕೊಳ್ಳಬಹುದು. ಸೋಂಕಿನಿಂದಾಗಿ ಮೂತ್ರಕೋಶಕ್ಕೆ ತುಂಬಾ ಹಾನಿಯಾಗಿದ್ದರೆ ಮೂತ್ರವಿಸರ್ಜನೆಯ ವೇಳೆಯೂ ರಕ್ತಸ್ರಾವ ಕಾಣಿಸಬಹುದು.
ಪಾಲಿಸಿಸ್ಟಿಕ್ ಓವೆರಿಯನ್ ಸಿಂಡ್ರೋಮ್
ಕೆಲವು ಸಂದರ್ಭಗಳಲ್ಲಿ ಮಹಿಳೆಯರು ಪಾಲಿಸಿಸ್ಟಿಕ್ ಓವೆರಿಯನ್ ಸಿಂಡ್ರೋಮ್ ನಿಂದ ಬಳಲುತ್ತಿರುತ್ತಾರೆ. ಈ ಕಾರಣದಿಂದಾಗಿ ಋತುಸ್ರಾವದ ಸಮಯವಲ್ಲದಿದ್ದರೂ ಹಾರ್ಮೋನು ಬದಲಾವಣೆಯಿಂದಾಗಿ ರಕ್ತಸ್ರಾವ ಕಾಣಿಸಿಕೊಳ್ಳಬಹುದು.