Just In
Don't Miss
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಕರ್ಷಕ ಮೈಕಟ್ಟು: ಆಹಾರ ಪದ್ಧತಿ ಶಿಸ್ತು ಬದ್ಧವಾಗಿರಲಿ
ಹೆಣ್ಣಿಗೆ ಸೌಂದರ್ಯವೇ ಆಕರ್ಷಣೆಯಾದರೆ ಗಂಡಿಗೆ ಆಕರ್ಷಕ ಮೈಕಟ್ಟು ಭೂಷಣ. ಬಲಿಷ್ಠವಾದ ಸ್ನಾಯುಗಳನ್ನು ಹೊಂದಲು ಪ್ರತಿಯೊಬ್ಬ ಪುರುಷರ ಕನಸು. ಆದರೆ ಈ ಮೈಕಟ್ಟನ್ನು ಹೊಂದುವುದು ಅಷ್ಟು ಸುಲಭವಲ್ಲ.
ಸತತ ವ್ಯಾಯಾಮದ ಜೊತೆಗೆ ಉತ್ತಮವಾದ ಆಹಾರವೂ ಅಷ್ಟೇ ಅಗತ್ಯವಾಗಿದೆ. ಆದರೆ ಆಹಾರದ ವಿಷಯ ಬಂದಾಗ ದೇಹದ ಸ್ನಾಯುಗಳ ಬೆಳವಣಿಗೆಗಿಂತ ಕೊಬ್ಬಿನ ಶೇಖರಣೆಗೆ ಮಹತ್ವ ನೀಡುವ ಆಹಾರಗಳು ಸುಂದರ ಮೈಕಟ್ಟಿನ ಕನಸಿಗೆ ನೀರೆರೆಚುತ್ತವೆ.
ಹಾಗಾಗಿ,
ಉತ್ತಮ
ಆರೋಗ್ಯದಿಂದಿರುವ
ಮತ್ತು
ಸರಿಯಾದ
ಗಾತ್ರದ
ಸ್ನಾಯುಗಳನ್ನು
ಹೊಂದಲು
ಒಂದೇ
ತೆರನಾದ
ಆಹಾರ
ಸಾಕಾಗದು.
ವಿವಿಧ
ಅಂಶಗಳುಳ್ಳ
ಆಹಾರಗಳ
ಸರಿಯಾದ
ಸಂಯೋಜನೆ
ಹಾಗೂ
ಸರಿಯಾದ
ಕ್ರಮದ
ವ್ಯಾಯಾಮ
ಸುಂದರ
ಮೈಕಟ್ಟು
ಹಾಗೂ
ಸುದೃಢ
ಸ್ನಾಯುಗಳಿಗೆ
ಅಗತ್ಯವಾಗಿದೆ.
ಬನ್ನಿ
ಅಂತಹ
ಆಹಾರಗಳು
ಯಾವುದು
ಎಂಬುದನ್ನು
ನೋಡೋಣ..
ಸದೃಢ
ಪುರುಷರ
ಆರೋಗ್ಯದ
ಗುಟ್ಟು,
ವ್ಯಾಯಮದಿಂದ
ರಟ್ಟು!
ಮೊಟ್ಟೆಗಳು
ಕೋಳಿಮೊಟ್ಟೆಯಲ್ಲಿ ಪ್ರೋಟೀನ್ ಹೇರಳವಾಗಿದೆ. ಅಲ್ಲದೇ ವಿಟಮಿನ್ ಬಿ2, ಬಿ12, ಎ, ಫೋಲೇಟ್, ಬೈಯೋಟಿನ್, ಎಂಬ ಪೋಷಕಾಂಶಗಳೂ ಫಾಸ್ಪರಸ್, ಐಯೋಡಿನ್ ಮತ್ತು ಸೆಲೆನಿಯಂ ನಂತಹ ಖನಿಜಗಳು ಹೇರಳವಾಗಿರುವುದರಿಂದ ಸ್ನಾಯುಗಳು ಶೀಘ್ರದಲ್ಲಿಯೇ ಪುಟಿಯಲು ತೊಡಗುತ್ತವೆ. ಮೊಟ್ಟೆಯ ಹಳದಿ ಭಾಗದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಲ್ಪ ಪ್ರಮಾಣದಲ್ಲಿದ್ದರೂ ವ್ಯಾಯಾಮದ ಮೂಲಕ ವರ್ಧನೆ ಪಡೆಯುವ ರಕ್ತ ಈ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ನರಗಳ ಒಳಭಾಗದಲ್ಲಿ ಶೇಖರವಾಗಲು ಬಿಡದೆ ಆರೋಗ್ಯ ಕಾಪಾಡಿದಂತಾಗುತ್ತದೆ. ಮೊಟ್ಟೆಯಲ್ಲಿ ಒಳ್ಳೆಯ ಕೊಲೆಸ್ಟ್ರಾಲ್ ಸಹಾ ಇದ್ದು ಜೀರ್ಣಕ್ರಿಯೆ ಹಾಗೂ ಸ್ನಾಯುಗಳ ಬಲಪಡಿಸುವಿಕೆಯಲ್ಲಿ ನೆರವಾಗುತ್ತದೆ.
ಮೊಸರು
ನಿಜ ಹೇಳಬೇಕೆಂದರೆ ಮೊಸರು ಮೊದಲೇ ಅರ್ಧ ಜೀರ್ಣವಾಗಿರುವ ಸಿದ್ಧ ಆಹಾರ. ಆದುದರಿಂದ ಉಳಿದರ್ಧವನ್ನು ಜೀರ್ಣಿಸಿಕೊಳ್ಳಲು ಜಠರಕ್ಕೆ ಹೆಚ್ಚಿನ ಶ್ರಮ ಬೇಕಾಗಿಲ್ಲ. ಆದರೆ ಮೊಸರಿನಲ್ಲಿ ಕೊಬ್ಬು ಹೆಚ್ಚಿರುವುದರಿಂದ ಕೊಬ್ಬು ಕಡಿಮೆ ಇರುವ ಮೊಸರನ್ನು ಸೇವಿಸುವುದು ಉಚಿತ. ಕಡಿಮೆ ಶ್ರಮದಲ್ಲಿ ದೇಹಕ್ಕೆ ಲಭ್ಯವಾದ ಪೋಷಕಾಂಶಗಳಿಂದ ಸ್ನಾಯುಗಳು ಶೀಘ್ರವೇ ಉತ್ತಮ ಬೆಳವಣಿಗೆ ಪಡೆಯುತ್ತವೆ.
ಅಗಸೆ ಬೀಜ
ಅಗಸೆ ಬೀಜಗಳು ಸ್ನಾಯುಗಳಿಗೆ ಅಗತ್ಯವಾದ ಪ್ರೋಟೀನುಗಳ ಆಗರವಾಗಿವೆ. ಹೆಚ್ಚಿನ ಪ್ರಮಾಣದಲ್ಲಿ ನಾರು ಮತ್ತು ಒಮೆಗಾ-3 ಕೊಬ್ಬಿನ ತೈಲವೂ ಇರುವ ಕಾರಣ ಸ್ನಾಯುಗಳ ಬೆಳವಣಿಗೆಗೆ ಹೇಳಿ ಮಾಡಿಸಿದಂತಹ ಆಹಾರವಾಗಿದೆ.
ಪಾಲಕ್ ಸೊಪ್ಪು
ಬಸಲೆ ಸೊಪ್ಪು ಮತ್ತು ಪಾಲಕ್ ಸೊಪ್ಪಿನಲ್ಲಿ ಕ್ಯಾಲ್ಸಿಯಂ (3%), ಕಬ್ಬಿಣ (5%), ಮೆಗ್ನೀಶಿಯಂ (6%) ರಷ್ಟು ಹೇರಳವಾಗಿದೆ. ಅಲ್ಲದೇ ಹೆಚ್ಚಿನ ಪ್ರಮಾಣದಲ್ಲಿ (13%) ಮ್ಯಾಂಗನೀಸ್ ಸಹಾ ಇದೆ. ಈ ಧಾತುಗಳು ಸ್ನಾಯುಗಳಿಗೆ ಮತ್ತು ಮೂಳೆಗಳಿಗೆ ಹೆಚ್ಚಿನ ಶಕ್ತಿಯನ್ನು ನೀಡುತ್ತವೆ. ವ್ಯಾಯಾಮದಲ್ಲಿ ಕೊಬ್ಬು ಕರಗಲು ಹಾಗೂ ಸ್ನಾಯುಗಳ ಬೆಳವಣಿಗೆಗೆ ಸಹಾಯ ಮಾಡುತ್ತವೆ.
ಓಟ್ಸ್
ಗೋಧಿ ಬೂಸಾದಂತಿರುವ ಓಟ್ಸ್ನಲ್ಲಿ ಕರಗುವ ನಾರು ಹೇರಳವಾಗಿದೆ. ಹೆಚ್ಚಿನ ಪ್ರಮಾಣದಲ್ಲಿ ಮ್ಯಾಂಗನೀಸ್, ಮಾಲಿಬ್ಡಿನಂ ಮತ್ತು ಫಾಸ್ಪರಸ್ ಇದೆ. ಉತ್ತಮ ಪ್ರಮಾಣದ ಪ್ರೋಟೀನ್ ಹಾಗೂ ಕಾರ್ಬೋಹೈಡ್ರೇಟುಗಳು ಸ್ನಾಯುಗಳಿಗೆ ಅಗತ್ಯವಾದ ಪೋಷಕಾಂಶಗಳನ್ನು ನೀಡುತ್ತವೆ. ಪ್ರತಿದಿನ ಒಂದು ದೊಡ್ಡ ಕಪ್ ನಷ್ಟು ಓಟ್ಸ್ ಬೂಸಾವನ್ನು ಹಾಲಿನೊಂದಿಗೆ ಸೇವಿಸುವ ಮೂಲಕ ಉತ್ತಮ ಆರೋಗ್ಯ ಹಾಗೂ ಸ್ನಾಯುಗಳನ್ನು ಪಡೆಯಬಹುದು.
ಸಾಲ್ಮನ್ ಮೀನು
ಸಾಲ್ಮನ್ ಮೀನಿನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಪ್ರೋಟೀನುಗಳು ಹಾಗೂ ಒಮೆಗಾ-3 ಕೊಬ್ಬಿನ ತೈಲವಿದೆ. ಕಬ್ಬಿಣ (6%), ಮೆಗ್ನೀಶಿಯಂ(8%), ಫಾಸ್ಪರಸ್ (29%), ಪೊಟ್ಯಾಶಿಯಂ(10%) ನಷ್ಟು ಅಧಿಕ ಪ್ರಮಾಣದಲ್ಲಿರುವುದರಿಂದ ಸ್ನಾಯುಗಳು ಉತ್ತಮವಾದ ಬೆಳವಣಿಗೆ ಪಡೆಯುತ್ತವೆ.
ಧಾನ್ಯ ಮತ್ತು ಕಾಳುಗಳು
ಪಾಲಿಷ್ ಮಾಡಿದ ಕಾಳುಗಳಲ್ಲಿ ಹಲವು ಪೋಷಕಾಂಶಗಳು ನಷ್ಟವಾಗುವುದರಿಂದ ಇಡಿಯ ಕಾಳುಗಳನ್ನು ಸೇವಿಸುವುದು ಲೇಸು. ಅದರಲ್ಲೂ ಮೊಳಕೆ ಬರಿಸಿದ ಕಾಳುಗಳು ಸ್ನಾಯುಗಳ ಬೆಳವಣಿಗೆಗೆ ಅತ್ಯುತ್ತಮವಾಗಿದೆ. ಹೆಸರು ಕಾಳು, ಕಡಲೆ ಕಾಳು, ಅಲಸಂಡೆ ಕಾಳು, ಅವರೆ, ಬೀನ್ಸ್, ರಾಜ್ಮಾ, ಗೋಧಿ, ಮೆಕ್ಕೆ ಜೋಳ, ರಾಗಿ, ನವಣೆ ಮೊದಲಾದವು ಉತ್ತಮ ಆಹಾರಗಳಾಗಿವೆ.
ಯಾವುದಕ್ಕೂ ನಿಧಾನವಾಗಿ ತಿನ್ನಿ
ಆಹಾರವನ್ನು ನಿಧಾನವಾಗಿ ತಿನ್ನಿ ಮತ್ತು ಚೆನ್ನಾಗಿ ಅಗಿಯಿರಿ. ಏಕೆಂದರೆ ಅಧ್ಯಯನಗಳ ಪ್ರಕಾರ ನಮ್ಮ ಮೆದುಳು ಹೊಟ್ಟೆ ತುಂಬಿರುವುದನ್ನು ಗ್ರಹಿಸಲು 15 ನಿಮಿಷಗಳ ಕಾಲವನ್ನು ತೆಗೆದುಕೊಳ್ಳುತ್ತದೆಯಂತೆ. ಆದ್ದರಿಂದ ನೀವು ಬೇಗ ತಿನ್ನಲು ಆರಂಭಿಸಿದರೆ ಹೆಚ್ಚು ತಿನ್ನುವ ಸಂಭವವಿರುತ್ತದೆಯಂತೆ.