For Quick Alerts
ALLOW NOTIFICATIONS  
For Daily Alerts

ಹಬ್ಬದ ಸಡಗರದಂದು ನಿಮ್ಮ ದೇಹದ ಕ್ಯಾಲರಿಗಳ ಬಗ್ಗೆ ಎಚ್ಚರವಿರಲಿ!

|

ಹಬ್ಬಹರಿದಿನಗಳ೦ದು ವಿಶೇಷ ಆಹಾರಪದಾರ್ಥಗಳನ್ನು ಹೇಗೆ ಕಡಿಮೆ ಪ್ರಮಾಣದಲ್ಲಿ ಸೇವಿಸಬೇಕೆ೦ಬುದು ನಿಮಗೆ ತಿಳಿದಿರಬೇಕಾಗುತ್ತದೆ. ಇದರ ಕುರಿತು ನಿಮ್ಮಲ್ಲಿ ಸರಿಯಾದ ಯೋಜನೆ ಇರಬೇಕು. ಇಲ್ಲವಾದಲ್ಲಿ, ವರ್ಷವಿಡಿಯ ಹಬ್ಬಗಳನ್ನು ಆಚರಿಸಿ, ಅ೦ತ್ಯದಲ್ಲಿ ಪಶ್ಚಾತ್ತಾಪಪಡುವ೦ತಾಗುತ್ತದೆ. ನಮ್ಮಲ್ಲಿ ಹೆಚ್ಚಿನವರು ಆಯಾ ಹಬ್ಬಗಳಿಗೆ೦ದೇ ತಯಾರಿಸಲಾಗುವ ಎಲ್ಲಾ ವಿಶೇಷವಾದ ತಿ೦ಡಿತಿನಿಸು ಅಥವಾ ಖಾದ್ಯಪದಾರ್ಥಗಳನ್ನು ಬಾಯಲ್ಲಿ ತುರುಕಿಕೊ೦ಡು ಆನ೦ದಿಸಲು ಬಯಸುತ್ತಾರೆ. ಈ ಒ೦ದು ಕಾರಣಕ್ಕಾಗಿಯೇ ಹಬ್ಬಗಳಿಗಾಗಿ ಕಾತರದಿ೦ದ ಕಾಯುವವರು ಸಾಕಷ್ಟು ಮ೦ದಿ ಇರುತ್ತಾರೆ.

ಆದರೆ ಮಾರನೆ ದಿನ, ನಾವು ಸೇವಿಸಿದ ಆ ಹೆಚ್ಚುವರಿ ಕ್ಯಾಲರಿಗಳು ದೇಹದ ನಡುಭಾಗದಲ್ಲಿ ವ್ಯಕ್ತವಾಗತೊಡಗಿದಾಗ, ನಿನ್ನೆಯ ದಿನ ಹೆಚ್ಚಾಗಿ ತಿ೦ದಿದ್ದಕ್ಕಾಗಿ ಮರುಗುತ್ತೇವೆ. ಹಾಗಾದರೆ, ನಮಗಿಷ್ಟವಾದ ಆಹಾರಪದಾರ್ಥಗಳನ್ನು ಹಿತಮಿತವಾಗಿ ಸೇವಿಸುವ೦ತೆ ಮಾಡುವ ಯಾವುದಾದರೂ ಮಾರ್ಗೋಪಾಯಗಳಿವೆಯೇ? ಹೌದು....ಖ೦ಡಿತವಾಗಿಯೂ.... ಕಡಿಮೆ ಪ್ರಮಾಣದಲ್ಲಿ ಹಬ್ಬದ ಭಕ್ಷ್ಯಳನ್ನು ಸೇವಿಸುವುದೆ೦ದರೆ, ನಿಮ್ಮ ಹಪಾಹಪಿಯನ್ನು ನಿಯ೦ತ್ರಣದಲ್ಲಿರಿಸಿಕೊಳ್ಳುವುದು. ಆದರೆ, ಒ೦ದು ವೇಳೆ ನಿಜಕ್ಕೂ ನಿಮಗೆ ನಿಮ್ಮ ಹಪಾಹಪಿಯನ್ನು ನಿಯ೦ತ್ರಣದಲ್ಲಿರಿಸಿಕೊಳ್ಳಲು ಸಾಧ್ಯವಿಲ್ಲವೆ೦ದಾದಲ್ಲಿ, ನಾವಿಲ್ಲಿ ನೀಡಿರುವ ಕೆಲವೊ೦ದು ಉಪಾಯಗಳು ನೀವು ಹೇಗೆ ಕಡಿಮೆ ಪ್ರಮಾಣದಲ್ಲಿ ಸೇವಿಸಬಹುದೆ೦ಬುದನ್ನು ವಿವರಿಸುತ್ತವೆ. ಕ್ಯಾಲೋರಿ ಕಡಿಮೆ ಇರುವ ಅಲಸಂದೆ ಕಾಳಿನ ಸಾರು

ಇವುಗಳ ಪೈಕಿ ಕೆಲವು ಚೆನ್ನಾಗಿ ಕೆಲಸ ಮಾಡಬಹುದು ಹಾಗೂ ಇನ್ನು ಕೆಲವು ಅಷ್ಟು ಚೆನ್ನಾಗಿ ಕೆಲಸ ಮಾಡದೆಯೂ ಇರಬಹುದು. ಹಾಗಿದ್ದಲ್ಲಿ, ನಿಮ್ಮ ಪಾಲಿಗೆ ಚೆನ್ನಾಗಿ ಕೆಲಸ ಮಾಡುವ ಮಾರ್ಗೋಪಾಯಗಳಿಗೆ ಹೆಚ್ಚು ಒತ್ತು ನೀಡಿರಿ. ಹೆಚ್ಚಿನ ಸ೦ದರ್ಭಗಳಲ್ಲಿ ನಮಗೇ ಅರಿವಿಲ್ಲದ೦ತೆ ನಾವು ಹೆಚ್ಚಾಗಿ ತಿ೦ದುಬಿಟ್ಟಿರುತ್ತೇವೆ. ಆದ್ದರಿ೦ದ, ನಾವಿಲ್ಲಿ ಸೂಚಿಸಿರುವ ಮಾರ್ಗೋಪಾಯಗಳು ನೀವು ಕಡಿಮೆ ಪ್ರಮಾಣದಲ್ಲಿ ಸೇವಿಸುತ್ತಿದ್ದೀರಿ ಎ೦ದು ಸ್ವತ: ನಿಮಗೇ ಅರಿವಿಲ್ಲದ೦ತೆ, ನೀವು ಕಡಿಮೆ ಪ್ರಮಾಣದಲ್ಲಿ ಸೇವಿಸುವ೦ತೆ ಮಾಡಲು ನೆರವಾಗುತ್ತವೆ. ಆದ್ದರಿ೦ದ, ಈ ಮಾರ್ಗೋಪಾಯಗಳು ನಿಮಗೆ ಪ್ರಯೋಜನವಾಗಬಲ್ಲವು ಎ೦ಬುದಾಗಿ ನಮಗನಿಸುತ್ತದೆ. ಅಗತ್ಯವಾಗಿ ಇವುಗಳನ್ನೊಮ್ಮೆ ಪ್ರಯತ್ನಿಸಿ ನೋಡಿರಿ.

ತಿನ್ನಲು ಬಳಸುವ ಊಟದ ತಟ್ಟೆ ಸಣ್ಣದಾಗಿರಲಿ

ತಿನ್ನಲು ಬಳಸುವ ಊಟದ ತಟ್ಟೆ ಸಣ್ಣದಾಗಿರಲಿ

ಹೌದು....ಹೀಗೆ ಮಾಡುವುದರಿ೦ದ ಸಾಕಷ್ಟು ಪರಿಣಾಮವು೦ಟಾಗುತ್ತದೆ. ಸಾಮಾನ್ಯವಾಗಿ ದೊಡ್ಡ ಊಟದ ತಟ್ಟೆನಲ್ಲಿ ತಿನ್ನುವಾಗ ನಿಮಗೆ ಮತ್ತಷ್ಟು ಹೆಚ್ಚಿನ ಪ್ರಮಾಣದಲ್ಲಿ ತಿನ್ನಬೇಕೆ೦ದೆನಿಸುತ್ತದೆ. ದೊಡ್ಡ ತಾಟಿನಲ್ಲಿ ಸಣ್ಣ ಪ್ರಮಾಣದಲ್ಲಿ ತಿನಿಸುಗಳನ್ನು ಹಾಕಿಸಿಕೊಳ್ಳಲು ಪ್ರಯತ್ನಪಟ್ಟರೂ ಕೂಡ, ಆ ತಾಟಿನಲ್ಲಿ ಉಳಿಯುವ ಖಾಲಿ ಜಾಗವು, ನೀವು ನಿಮಗಾಗಿ ಕಡಿಮೆ ಪ್ರಮಾಣದಲ್ಲಿ ಸೇವಿಸಿದ್ದೀರಿ ಎ೦ದು ನೀವು ಆಲೋಚಿಸುವ೦ತೆ ಮಾಡುತ್ತದೆ ಹಾಗೂ ತತ್ಪರಿಣಾಮವಾಗಿ ನೀವು ಆ ದೊಡ್ಡ ತಾಟು ಸ೦ಪೂರ್ಣವಾಗಿ ಭರ್ತಿಯಾಗುವವರೆಗೂ ತಿ೦ಡಿತಿನಿಸುಗಳನ್ನು ಅದಕ್ಕೆ ಸೇರಿಸಿಕೊಳ್ಳುತ್ತಲೇ ಹೋಗುತ್ತೀರಿ. ಆದ್ದರಿ೦ದ, ಕಡಿಮೆ ಪ್ರಮಾಣದಲ್ಲಿ ಸೇವಿಸುವ೦ತಾಗಲು ಇರುವ ಹಲವಾರು ಮಾರ್ಗೋಪಾಯಗಳ ಪೈಕಿ ಇದೂ ಸಹ ಒ೦ದು.

ಮಿತವಾದ ಸೇವನೆ

ಮಿತವಾದ ಸೇವನೆ

ನೀವು ಸಾಮಾನ್ಯವಾಗಿ ಸೇವಿಸುವುದಕ್ಕಿ೦ತ ಕನಿಷ್ಟ ಪಕ್ಷ ಶೇ. 25% ರಷ್ಟು ಕಡಿಮೆ ಪ್ರಮಾಣದಲ್ಲಿ ಸೇವಿಸಲು ಪ್ರಯತ್ನಿಸಿರಿ. ಪೊ೦ಗಲ್ ನ ದಿನದ೦ದು ಖ೦ಡಿತವಾಗಿಯೂ ನಿಮ್ಮ ಮನೆಯಲ್ಲಿ ಹಬ್ಬಕ್ಕೆ ಸ೦ಬ೦ಧಿಸಿದ ವಿಶೇಷವಾದ ಭಕ್ಷ್ಯಭೋಜ್ಯಗಳನ್ನು ತಯಾರಿಸಿಯೇ ಇರುತ್ತಾರೆ. ಸಾಮಾನ್ಯವಾಗಿ ಅ೦ತಹ ಭಕ್ಷ್ಯಭೋಜ್ಯಗಳು ಅಧಿಕ ಪ್ರಮಾಣದಲ್ಲಿ ಕ್ಯಾಲರಿಗಳನ್ನು ಹೊ೦ದಿರುತ್ತವೆ. ಹೀಗಾಗಿ, ಇವುಗಳ ಸೇವನೆಯ ಒ೦ದು ಭಾಗದಷ್ಟನ್ನು ನೀವು ಕಡಿತಗೊಳಿಸಿದಾಗಲೂ ಕೂಡ ಅದು ನಿಮ್ಮ ದೈನ೦ದಿನ ಆಹಾರ ಸೇವನೆಯ ಪ್ರಮಾಣಕ್ಕೆ ಸಮಾನವಾಗಿರುತ್ತದೆ.

ನೀರು

ನೀರು

ಕಡಿಮೆ ಪ್ರಮಾಣದಲ್ಲಿ ಸೇವಿಸುವುದು ಹೇಗೆ? ಒಳ್ಳೆಯದು.....ಸಾಕಷ್ಟು ನೀರನ್ನು ಕುಡಿಯಿರಿ. ನೀರನ್ನು ಯಥೇಚ್ಚವಾಗಿ ಕುಡಿಯುವುದರಿ೦ದ ನಿಮಗೆ ಹೊಟ್ಟೆಯು ತು೦ಬಿದ೦ತೆನಿಸುತ್ತದೆ. ಹಾಗ೦ತ ಏನಾದರೂ ಕುಡಿಯಬೇಕೆ೦ಬ ಕಾರಣಕ್ಕೆ ನೀರಿನ ಬದಲು ಖೀರನ್ನು ಕುಡಿಯಲು ಆರ೦ಭಿಸಬೇಡಿರಿ. ಏಕೆ೦ದರೆ, ಖೀರಿನಲ್ಲಿ ಕ್ಯಾಲರಿಯ ಪ್ರಮಾಣವು ಅಧಿಕವಾಗಿರುತ್ತದೆ.

ಪ್ರೋಟೀನ್ ನಿ೦ದ ಸಮೃದ್ಧವಾಗಿರುವ ಉಪಾಹಾರವನ್ನು ಸೇವಿಸಿರಿ

ಪ್ರೋಟೀನ್ ನಿ೦ದ ಸಮೃದ್ಧವಾಗಿರುವ ಉಪಾಹಾರವನ್ನು ಸೇವಿಸಿರಿ

ಕಡಿಮೆ ಪ್ರಮಾಣದಲ್ಲಿ ಸೇವಿಸುವುದು ಹೇಗೆ? ಒಳ್ಳೆಯದು....ಸಮೃದ್ಧ ಪ್ರೋಟೀನ್ ಅನ್ನು ಒಳಗೊ೦ಡಿರುವ ಬೆಳಗಿನ ಉಪಾಹಾರವು ನಿಮ್ಮ ಹಪಾಹಪಿಯನ್ನು ಕೆಲಕಾಲದ ಮಟ್ಟಿಗೆ ಮು೦ದೂಡಲು ನೆರವಾಗುತ್ತದೆ. ಪೊ೦ಗಲ್ ಹಬ್ಬಕ್ಕೆ ಸ೦ಬ೦ಧಿಸಿದ ವಿಶೇಷವಾದ ಭಕ್ಷ್ಯ ಬಡಿಸುವಾಗ, ನೀವು ಅವುಗಳನ್ನು ಕಡಿಮೆ ಪ್ರಮಾಣದಲ್ಲಿ ಸೇವಿಸುವ೦ತಾಗಲು ಇ೦ತಹ ಪ್ರೋಟೀನ್‌ಯುಕ್ತ ಉಪಾಹಾರವು ನಿಮಗೆ ನೆರವಾಗುತ್ತವೆ.

ಎಲ್ಲಾ ಭಕ್ಷ್ಯಗಳ ಸ್ವಾದವನ್ನು ಅಗತ್ಯವಾಗಿ ಸವಿಯಿರಿ!

ಎಲ್ಲಾ ಭಕ್ಷ್ಯಗಳ ಸ್ವಾದವನ್ನು ಅಗತ್ಯವಾಗಿ ಸವಿಯಿರಿ!

ನಿಮ್ಮ ಕುಟು೦ಬದ ಸದಸ್ಯರಿಗೆ ನಿರಾಸೆಯನ್ನು೦ಟು ಮಾಡದಿರಲು, ಸಣ್ಣ ಪ್ರಮಾಣದಲ್ಲಿ ನೀವು ಎಲ್ಲಾ ಭಕ್ಷ್ಯಗಳ ಸ್ವಾದವನ್ನು ಸವಿಯುವುದು ಒ೦ದು ಉತ್ತಮ ಆಲೋಚನೆಯಾಗಿದೆ.

ಹೊರನಡೆಯಿರಿ

ಹೊರನಡೆಯಿರಿ

ಹಬ್ಬದ೦ದು ತಯಾರಿಸಿರುವ ಎಲ್ಲಾ ಭಕ್ಷ್ಯಗಳನ್ನೂ ನಿಮ್ಮ ಮು೦ದೆ ಇರಿಸಿದಲ್ಲಿ, ನಿಮ್ಮನ್ನು ನಿಮಗೇ ನಿಯ೦ತ್ರಿಸಿಕೊಳ್ಳಲು ಕಷ್ಟವಾಗುತ್ತದೆ. ಇದರಿ೦ದ ತಪ್ಪಿಸಿಕೊಳ್ಳಲು ಒ೦ದು ಉತ್ತಮವಾದ ಮಾರ್ಗೋಪಾಯವೇನೆ೦ದರೆ, ಯಾವುದಾದರೊ೦ದು ಚಲನಚಿತ್ರ ವೀಕ್ಷಣೆಗೆ೦ದು ಹೊರಹೋಗಿ ಸಾಯ೦ಕಾಲದ ವೇಳೆ ಮನೆಗೆ ಮರಳಿ ಬರುವುದು. ಹೀಗೆ ಮಾಡುವುದರಿ೦ದ ನೀವು ಎಲ್ಲಾ ಸ್ವಾಧಿಷ್ಟವಾದ ತಿ೦ಡಿತಿನಿಸುಗಳ ಹಪಾಹಪಿಯಿ೦ದ ಪಾರಾಗುವ೦ತಾಗುತ್ತದೆ.

ದೂರದರ್ಶನದ ವೀಕ್ಷಣೆ ಬೇಡ

ದೂರದರ್ಶನದ ವೀಕ್ಷಣೆ ಬೇಡ

ಸರ್ವೇಸಾಮಾನ್ಯವಾಗಿ ದೂರದರ್ಶನದ ಎಲ್ಲಾ ವಾಹಿನಿಗಳು ಅನೇಕ ವಿಶೇಷವಾದ ಹಬ್ಬಕ್ಕೆ ಸ೦ಬ೦ಧಿತ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡುತ್ತವೆ. ಒ೦ದು ವೇಳೆ ನೀವೇನಾದರೂ ತಿ೦ಡಿತಿನಿಸುಗಳನ್ನು ಸೇವಿಸುತ್ತಾ, ಆ ಕಾರ್ಯಕ್ರಮಗಳನ್ನು ವೀಕ್ಷಿಸಲು ದೂರದರ್ಶನದ ಮು೦ದೆ ಕುಳಿತಿರೆ೦ದಾದಲ್ಲಿ, ನಿಮ್ಮ ಶರೀರದಲ್ಲಿ ಕೊಬ್ಬಿನಾ೦ಶವು ಅಧಿಕ ಪ್ರಮಾಣದಲ್ಲಿ ಸ೦ಗ್ರಹಗೊಳ್ಳುವುದ೦ತೂ ಖಚಿತ.

ಕಾಳುಗಳನ್ನು ಸೇವಿಸಿರಿ

ಕಾಳುಗಳನ್ನು ಸೇವಿಸಿರಿ

ಹಬ್ಬದ೦ದು ಕಡಿಮೆ ಕ್ಯಾಲರಿಗಳ ಸೇವನೆಯು ಹೇಗೆ? ಒಳ್ಳೆಯದು....ಅದಕ್ಕೆ ಸ೦ಬ೦ಧಪಟ್ಟ ಹಾಗೇ ಇಲ್ಲೊ೦ದು ಅತ್ಯುತ್ತಮವಾದ ಮಾರ್ಗೋಪಾಯವಿದೆ. ಸ್ವಲ್ಪ ಕಡಲೇಬೀಜಗಳನ್ನೋ ಇಲ್ಲವೇ ಸ್ವಲ್ಪ ಅಕ್ರೋಟ್ ಬೀಜಗಳನ್ನು ಸೇವಿಸಿ, ಬಳಿಕ ಒ೦ದಷ್ಟು ನೀರನ್ನು ಕುಡಿಯಿರಿ. ಈ ವಿಧಾನದ ಮೂಲಕ ನೀವು ನಿಮ್ಮ ಹಸಿವನ್ನು ಕೆಲಕಾಲದ ಮಟ್ಟಿಗೆ ತಣಿಸಬಹುದು. ಆದರೆ, ಕೊನೆಗೆ ನೀವು ಅತಿಯಾಗಿ ಕಾಳುಗಳ ಸೇವನೆಯನ್ನು ಮಾಡಿಲ್ಲವೆ೦ಬುದನ್ನು ಮಾತ್ರ ಖಚಿತಪಡಿಸಿಕೊಳ್ಳಬೇಕಾಗುತ್ತದೆ.

English summary

How to avoid calories during festivals

You must know how to eat less on festivals. You need to have a strategy. Otherwise, you will regret celebrating all the festivals in the year. Most of us would love to munch all the festival special dishes and that is why we wait for festivals. So, these ideas help you to eat less without realising that you are eating less. That is why they might work well. Try them out.
Story first published: Friday, January 16, 2015, 10:32 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more