Just In
Don't Miss
- News ಷೇರು ಮಾರುಕಟ್ಟೆಯಲ್ಲಿ ಮಹಾ ಕುಸಿತ & ಏರಿಕೆ!
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಸಮಸ್ಯೆಗಳು ಅಸ್ತಮಾಕ್ಕೆ ತಿರುಗಬಹುದು ಜಾಗ್ರತೆ!
ಅಸ್ತಮಾ ಕಾಯಿಲೆ ಒಮ್ಮೆ ಬಂದರೆ ಮತ್ತೆ ಅದರಿಂದ ಸಂಪೂರ್ಣವಾಗಿ ಮುಕ್ತಿ ಪಡೆಯಲು ಸಾಧ್ಯವಿಲ್ಲ. ಮುನ್ನೆಚ್ಚರಿಕೆವಹಿಸಿ ನಿಯಂತ್ರಣದಲ್ಲಿಡಬಹುದೇ ಹೊರತು, ಸ್ವಲ್ಪ ಎಚ್ಚರವಹಿಸದಿದ್ದರೂ ಅಸ್ತಮಾ ಉಲ್ಬಣವಾಗುತ್ತದೆ.
ಅಸ್ತಮಾ ಕಾಯಿಲೆ ತರುವ ನಿರ್ದಿಷ್ಟ ಕಾರಣಗಳ ಬಗ್ಗೆ ಹೇಳಲು ಸಾಧ್ಯವಿಲ್ಲ. ಕೆಲವರಿಗೆ ವಂಶಪಾರಂಪರ್ಯವಾಗಿ ಬರಬಹುದು, ಮತ್ತೆ ಕೆಲವರಿಗೆ ತಂಪಾದ ವಾತಾವರಣದಿಂದ, ದೂಳಿನಿಂದ, ಆಹಾರದಿಂದ ಹೀಗೆ ನಾನಾ ಕಾರಣಗಳಿಂದ ಬರಬಹುದು. ಇಲ್ಲಿ ನಾವು ಅಸ್ತಮಾ ಕಾಯಿಲೆಗೆ ಪರಿವರ್ತನೆಯಾಗುವ ಕೆಲ ಸಾಮಾನ್ಯ ಕಾಯಿಲೆಗಳ ಬಗ್ಗೆ ಹೇಳಿದ್ದೇವೆ ನೋಡಿ:
ದೂಳಿನ ಅಲರ್ಜಿ
ಕೆಲವರಿಗೆ ದೂಳಿಗೆ ಹೋದರೆ ಅಲರ್ಜಿ ಉಂಟಾಗುತ್ತದೆ. ಇದಕ್ಕೆ ಪರಿಹಾರವೆಂದರೆ ದೂಳಿಗೆ ಹೋಗದಿರುವುದು ಮತ್ತು ಒಂದು ವೇಳೆ ದೂಳಿಗೆ ಹೋಗುವುದಾದರೆ ಮುಖಕ್ಕೆ ಮಾಸ್ಕ್ ಹಾಕಿ ದೂಳಿನಿಂದ ರಕ್ಷಣೆ ಪಡೆಯುವುದು. ದೂಳು ಅಲರ್ಜಿಯನ್ನು ನಿರ್ಲಕ್ಷ್ಯ ಮಾಡಿದರೆ ಕೊನೆಗೆ ಅದು ಅಸ್ತಮಾ ಕಾಯಿಲೆಯಾಗಿ ಪರಿವರ್ತನೆಯಾಗುವುದು.
ವಾಯು ಮಾಲಿನ್ಯ
ಮಾಲಿನ್ಯ ಕೂಡ ಅಸ್ತಮಾ ಕಾಯಿಲೆಯನ್ನು ಉಂಟು ಮಾಡುತ್ತದೆ. ಆದ್ದರಿಂದಲೇ ಕಾರ್ಖಾನೆಗಳಲ್ಲಿ ಕೆಲಸ ಮಾಡುವವರು, ವಾಯು ಮಾಲಿನ್ಯ ಹೆಚ್ಚಿರುವ ಕಡೆ ವಾಸಿಸುವವರು ಉಸಿರಾಟದ ತೊಂದರೆಯಿಂದ ಬಳಲುತ್ತಾರೆ.
ಧೂಮಪಾನದಿಂದ ಕೆಮ್ಮು ಬಂದರೆ
ಕೆಲವರಿಗೆ ಧೂಮಪಾನ ಮಾಡಿದರೆ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುತ್ತದೆ. ವಿಪರೀತ ಕೆಮ್ಮು ಬರುತ್ತದೆ. ಈ ರೀತಿಯ ಲಕ್ಷಣ ಕಂಡು ಬಂದಾಗ ಧೂಮಪಾನವನ್ನು ಸಂಪೂರ್ಣವಾಗಿ ಬಿಡದಿದ್ದರೆ ಅಸ್ತಮಾ ಕಾಯಿಲೆಗೆ ತುತ್ತಾಗುವಿರಿ.
ಅಲರ್ಜಿ
ಒಬ್ಬೊಬ್ಬರಿಗೆ ಒಂದೊಂದು ಕಾರಣದಿಂದ ಅಲರ್ಜಿ ಉಂಟಾಗುತ್ತದೆ. ಕೆಲವರಿಗೆ ದೂಳು ಅಲರ್ಜಿಯಾದರೆ, ಮತ್ತೆ ಕೆಲವರಿಗೆ ಕೆಲವೊಂದು ಹೂಗಳು ಅಲರ್ಜಿಯನ್ನು ತರುತ್ತದೆ. ಅಲರ್ಜಿ ಉಂಟು ಮಾಡುವ ವಸ್ತುಗಳಿಂದ ದೂರವಿರಿ, ಇಲ್ಲದಿದ್ದರೆ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವುದು.
ಮಾನಸಿಕ ಒತ್ತಡ
ಮಾನಸಿಕ ಒತ್ತಡ ಅನ್ನುವುದು ಇದೆಯೆಲ್ಲಾ ಅನೇಕ ಕಾಯಿಲೆಗಳಿಗೆ ಕಾರಣವಾಗುತ್ತದೆ. ಅತೀಯಾದ ಮಾನಸಿಕ ಒತ್ತಡ ಉಸಿರಾಟದ ತೊಂದರೆಯನ್ನು ತರುವುದು.
ಗ್ಯಾಸ್ಟ್ರಿಕ್
ಗ್ಯಾಸ್ಟ್ರಿಕ್ ಸಮಸ್ಯೆ ಶ್ವಾಸಕೋಶದಲ್ಲಿ ಗಾಳಿಯ ಸಂಚಾರಕ್ಕೆ ಅಡಚಣೆ ಉಂಟು ಮಾಡಿ, ಅಸ್ತಮಾ ಕಾಯಿಲೆ ತರಬಹುದು.
ಸೈನಸ್
ಸೈನಸ್ ತಲೆನೋವು ಅಸ್ತಮಾ ಕಾಯಿಲೆ ತರಬಹುದು. ಏಕೆಂದರೆ ಸೈನಸ್ ಕಾಯಿಲೆ ಬಂದರೆ ಮೂಗಿನ ನರಗಳು ಊದಿಕೊಂಡು ಉಸಿರಾಟದ ತೊಂದರೆ ತರಬಹುದು, ಸೂಕ್ತ ಚಿಕಿತ್ಸೆ ತೆಗೆದುಕೊಳ್ಳದಿದ್ದರೆ ಉಸಿರಾಟದ ತೊಂದರೆ ಅಸ್ತಮಾವಾಗಿ ಪರಿವರ್ತನೆಯಾಗುವುದು.
ಒಬೆಸಿಟಿ
ಒಬೆಸಿಟಿ ಹೆಚ್ಚಿರುವವರಲ್ಲಿ ಉಸಿರಾಟದ ತೊಂದರೆ ಬೇಗನೆ ಕಾಣಿಸಿಕೊಳ್ಳುತ್ತದೆ. ಉಸಿರಾಟದ ತೊಂದರೆ ತಡೆಯಲು ದೇಹದ ತೂಕವನ್ನು ಕಮ್ಮಿ ಮಾಡಿಕೊಳ್ಳುವುದು ಒಳ್ಳೆಯದು.
ಆಹಾರಗಳು
ಕೆಲವರಿಗೆ ಕೆಲವೊಂದು ಆಹಾರಗಳು ಅಲರ್ಜಿಯನ್ನು ಉಂಟು ಮಾಡಿ ಉಸಿರಾಟದ ತೊಂದರೆಯನ್ನು ತರುತ್ತದೆ. ಅಲರ್ಜಿ ತರುವ ಆಹಾರವನ್ನು ತಿನ್ನಬೇಡಿ. ಈ ರಿತಿ ಮಾಡುವುದರಿಂದ ಅಸ್ತಮಾ ಬರುವುದನ್ನು ತಡಯಬಹುದು.